樂天經典 (奧海城二期)

營業中

休息中

今日同朋友仔去大角咀食飯🥢，我比較喜歡食中餐，就去左樂天經典。兩個人叫了三個小菜。有金牌脆皮燒雞、荔枝咕嚕肉和黃金鹹蛋蝦球🌟！金牌脆皮燒雞果然真係好脆皮，咪道好香，啖啖肉，加埋皮下既脂肪，非常香口，雞肉滑溜多汁！荔枝咕嚕肉肉質外脆內軟，味道酸甜，好開胃！仲有荔枝波蘿楊葱青椒🫑伴菜。黃金鹹蛋蝦球好好味好香既蛋黄味，蝦🦐新鮮又彈牙，真係好邪惡！整體上都非常滿意，更值得讚係小菜有小、中、大之分，不會浪費食物！❤️

奧海城的樂天經典系充滿南洋風味嘅中菜。餐廳主打南洋中式菜餚，餐廳上菜速度快又坐得舒適，適合家庭聚餐，晤怪得咁多人黎捧場。菜式選擇繁多，亦極俱特色，價錢適中，每一樣都想食。尤其喜歡青芥末蝦球，青芥末好惹味，蝦球肉質實正，大大粒，口感爽甜，質素好高！臘味炒飯夠乾身，粒粒分明，臘腸粒不肥，飯底都唔算油，賣相討好，足夠兩個人食用。酸甜生魚片，生魚片唔會腥，荔枝都帶出清新的果香，酸酸甜甜十分開胃，份量滿足。

Trio layered osmanthus pandan cake 三色桂花斑蘭糕 🌼🍰 $48三色桂花糕將斑蘭、桂花同埋椰子🥥嘅清甜融合係一齊，漸變色影相出嚟好靚✨，係一款清涼又精緻嘅甜品Stewed silver needle noodles with fish in clay pot 古早魚香老鼠粉煲 🍲 $192 充滿南洋風味嘅老鼠粉煲，入面材料主要有鹹魚🐟、酸柑🍊、大粒嘅蝦仁🦐、椰菜花🥦，上菜嘅時候連埋蛋黃撈埋老鼠粉一齊食🍳，好creamy 同夾，個煲仲有三款大小可以揀，今次叫咗medium size，分量夠三四個人share 一齊食👍🏻Crisp-fried homemade seafood tofu 手工海鮮白玉磚 $68呢款有少少辣嘅炸海鮮豆腐粒外皮好脆啊😍，入面有啲魚蓉、魷魚碎，口感有啲似魚腐，都幾鮮甜！Stewed pork belly served with lotus bun招牌扣肉包 🍖🥯 $32扣肉包喺餐廳嘅招牌小食，雖然食落去有少少煙韌，但勝在夠用好大舊，係個飽肚又性價比高嘅點心

服務態度搵員工落單，等咗幾分鐘先有人黎。我去嗰陣唔忙，見到鋪面人手都足夠，唔明點解會咁耐先有service。嘢食食完，唔會點樣特別收，張枱又細，最後我係自己最唔食嘅碗碟放出去。食物嗌咗一個二人套餐，味道方面真係好一般，最好食竟然係個炸饅頭。老鼠粉同個拼盤真係唔得，超級漏。原先仲諗緊，應該上頭盤先，依家終於明點解頭盤最後先上，因為食完個頭盤，就漏到食唔到其他嘢。個蟹都還可以，但醬料真係好多，可能要冚過啲腥味。食完唔夠半個鐘就肚痛，好彩間嘢喺屋企附近，可以嗱嗱臨返屋企去廁所。總結呢間嘢唔會有下次😊

平時真係好少食中菜呢間環境幾舒服味道唔錯仲要抵食夾大件好值得寫篇食評推介一下俾大家☺️☺️啲嘢真係勁大份就算細分，都係兩個人完全食唔晒🙈🙈個蝦棗真係超好食佢炸得好酥脆入邊啲餡又唔會好實調味啱啱好😋😋沙拉骨完全係我杯茶厚身嘅豬扒配埋少少酸甜嘅醬汁真係好好味🤤🤤砂窩蝦球豆腐煲勁多爽脆蝦球豆腐都勁滑送飯就一流👍🏻👍🏻個海鮮麵都好好食湯底清甜又勁多海鮮正🤩🤩以後同長輩食飯有多一個好選擇啦🥳🥳

中午時 雞翼已賣晒😐咁夜晚點呢？冰鮮雞翼吧？建議預留多一點存貨轉食五花肉，有點肥同埋份量好少呢碟唔係咁抵食南乳好香，雞翼就正見到隔離枱有雞翼細問之下，原來係早我哋幾分鐘落單雞翼真係好受歡迎但係應該要預留多啲食材豆腐幾好食，有蛋鋪底加咗碗飯$16 豆腐醬汁好味，有啲榨菜，送飯一流不過性價比唔高，午市已經有折扣，接近半價，如果原價我就覺得唔值得食飯同飲品要另加錢有普洱/香片茶飲☕️我哋叫咗香片，都幾好飲

新加坡是多元文化、多元民族的移民國家，由於地處熱帶，南洋的植物香料異常豐富，主打正宗新加坡南洋中菜的樂天經典，以熟悉的中式食材，糅合娘惹咖哩、參巴醬、香茅、班蘭葉等典型東南亞香料，演變成獨樹一幟的異鄉風味。內裡面積寬敞，坐得舒適，裝潢散發東方韻味而不落俗套。茶錢每位 $10，前菜收費為$15一碟。餐牌選擇繁多，大部分菜式都有大中小的份量可選，就算只有兩個人也可點細碟頭，不怕會造成浪費。將傳統中菜結合南洋天然香料、食材和烹調手法，以嶄新手法將懷舊味道重新演繹，為港人平時吃慣的中菜注入新鮮感，酸甜生魚片 $112將酸甜醬汁與炸酥的魚塊相搭配，色澤艷麗，叫人食指大動 ，在熱辣辣的夏日時光裡誘發食慾。酸甜開胃的醬汁調較成濃稠得宜，即時令人胃口一醒。外層粉漿不會過厚，無骨魚片啖啖肉，魚塊雪白嫩滑，炸得外脆內嫩。古早魚香老鼠粉煲 $128老鼠粉煲的名字雖然獵奇，卻是店內的人氣招牌菜式，其實是因選用的銀針粉形狀細長且兩端收窄，恰似老鼠尾巴而得名。趁著熱鍋中的窩蛋還沒熟透時，倒下特製鹹魚酸柑醬再拌勻，鹹魚獨有的濃鬱鹹香氣息瞬間四溢瀰漫。蝦肉夠大隻厚肉，肉質新鮮爽彈，老鼠粉質感煙韌爽口，彈性十足，融合稠

今晚喺奧海城睇完戲, 去咗 ❥⧽樂天經典 ❥⧽ 食晚飯。餐廳主打新加坡式中菜, 有空間感, 座位坐得好舒服, 大部分菜式都可以揀大, 中, 細份量, 人少少都唔怕食唔曬。𓊈酸甜生魚片 $𝟙𝟙𝟚𓊉生魚片外層嘅炸粉好薄, 裡面啖啖肉, 仲要夠鮮嫩, 醬汁酸酸甜甜好開胃, 連同菠蘿, 紫洋蔥等等配料食到一件不漏。𓊈手剁鹹蛋馬蹄蒸肉餅 $𝟠𝟘𓊉極力推介呢個蒸肉餅, 好好食! 肉餅好粉嫩, 蒸得好嫩滑, 連埋馬蹄一齊食, 口感好好, 而鹹蛋絕對係畫龍點睛, 令到個肉餅更添鹹香味。𓊈海鮮皇炒飯 $𝟡𝟠𓊉炒飯有蝦仁, 帶子, 炒蛋同蟹籽, 份量都幾多, 每一啖都有配料餸飯, 好正, 而且炒得好有鑊氣, 粒粒分明, 蝦仁同帶子都好爽滑彈牙, 而蟹籽令個炒飯更有層次同口感。𓊈招牌扣肉包 $𝟛𝟚𓊉扣肉同包係分開上枱㗎, 自己夾就唔會令到個包淋曬。扣肉肥瘦適中, 中間塊生菜可以中和咗油膩感。✧✧ 整體嘢食好好食, 環境幾舒服, 去奧海城係絕對可以試吓呢間餐廳的。

中秋假期食中菜，今次來試試奧海城的樂天經典招牌扣肉包扣肉滷的入味，軟嫩而不爛，香味滿滿三杯牛肉煲 以前都係食三杯雞🐔，三杯牛肉是第一次試，都很合適，帶著甜味的薑片配上牛肉，相得益彰花菇雲耳蒸魚片枸杞花菇的氣味包覆著魚片的鮮與甜，滑順又可口水中花最後以水中花甜品做結，樂天經典的水中花故名思義就是在水中綻放的豆腐花，整的好靚，甜度適中總體而言，料理道道水準之上，座位寬敞，坐得舒適，是食團圓飯或家族聚餐的好選擇

中秋節食飯就揀間食中餐嘅，奧運站樂天經典，嚟之前我哋同好多人一樣，都以為係食小籠包嘅🤣。不過呢叫餸食飯仲有做節嘅感覺嘅☺️，荔枝咕嚕肉，見到餐牌覺得幾吸引，值得一讚嘅係佢份量有得分：大中小。我哋係嗌咗最細份，諗住試多個餸。呢度嘅荔枝咕嚕肉，好推介有菠蘿同荔枝，酸甜開胃，咕嚕肉肥瘦適中外脆內軟。呢個餸開胃醬汁，好好送飯，所以我哋叫咗兩碗白飯。金銀蛋莧菜，出街食飯我最怕啲菜油淋淋，所以決定唔叫炒菜。符合我嘅要求就係金銀蛋莧菜😚，唔會肥膩會油膩！金銀蛋份量多，抵食健康！由於啲餸太好食😋，好快我哋已經食晒兩碗飯，再加三碗飯啦！我哋仲有另外一個小菜揀咗三杯牛肉煲，牛肉唔係肥牛，但係好嫩口！好溫暖嘅餸菜，每一塊牛肉都好滑好夠鑊氣😍

樂天經典開頭以為樂天經典同樂天皇朝都係食上海菜，但上網睇發覺原來係原全唔同架，樂天經典係主打新加坡菜既。🥰🥰今日同朋友黎到奧海城既樂天經典，試下佢滋味既新加坡菜。😎😎星馬黃金油條油條包裹住墨魚滑，脆漿好薄身，入口非常香脆。墨魚滑部分爽口彈牙，配埋少少甜辣醬，非常惹味，作為頭盤非常出色。😍😍喇沙海鮮摻摻喇沙湯底好濃郁，辣味刺激但椰香十足，入口順滑，唔會太辣太嗆喉。海鮮有蝦，魚，蟹柳，加埋索湯既豆卜，非常豐富。 😋😋金牌脆皮燒雞燒雞好香，雞皮燒得好薄，入口好似食薯片咁脆口，加埋皮下既脂肪，非常香口。而肉質方面都好滑溜，依然保存到肉汁，好味之作。😜😜清心丸綠豆爽最後緊係要食返個甜品。清心丸綠豆爽係我好鐘意既甜品。清甜既糖水加上有咬勁既清心丸，為呢餐完美作結。😙😙

樂天經典 (奧海城) (大角咀)大角咀海庭道18號奧海城二期UG樓UG09號舖今日學校搞中秋節活動，真係攰，放工又搵好嘢食，環境舒適寬敞，可以放鬆心情攤唞下嘅樂天經典，辛苦搵嚟志在食呀嘛。蒜香紅海哲頭＄88紅海蜇頭好食到不得了，蒜香味好夠，爽脆入味。確確聲，甜酸度好開胃，再配埋青瓜角，清爽好食😋。酥炸豬肉蝦棗$75一啖食落去，口感好到未試過。豬肉和鮮蝦嘅混合香、甜、鮮。外面穌脆，肉嫩彈牙咬鍾意食香口野嘅人，必食之選。👍荔枝咕嚕肉$98咕嚕肉超醒胃，咕嚕肉炸得酥脆肉嫩，荔枝香甜，甜酸菠蘿，紫洋葱伴碟，同埋甜酸醬調味，味道簡直一絕。😋甘香啦啦$138啦啦蜆，味道特別，香蔥，鹹蝦醬爆炒。真係甘香，蜆肉鮮甜，入味鮮嫩蜆汁多。😄

今日行完奥海城順便食埋飯啦，見到呢間樂天經典好多人，所以就諗住試一試！我哋叫咗幾款食品，包括冰鎮苦瓜、海皇炒飯、椒鹽淮山同埋京蔥炒牛肉天氣咁熱食呢個冰鎮苦瓜就最適合不過，因為苦瓜清熱，加上冰鎮之後涼浸浸，點少少蜜糖食真係好消暑椒鹽淮山整得好惹味呀，炸醬唔會好厚，好鬆脆京蔥炒牛肉個份量都幾多，牛肉嫩滑唔會韌，而且京蔥味道好甜，整體都唔錯最後叫咗個海皇炒飯，炒飯炒得夠乾身，而且餡料非常豐富，食到停唔到口呀

呢嚿<<聚寶海鮮豆腐鍋>>($135)真係幾正!炸過嘅外皮浸喺上湯入面都保持住微微嘅拉扯感~入面超滑💯配合埋肉鬆嘅咸香味，好夾👏🏻不過⚠️⚠️⚠️「海鮮」？喺邊？我哋以為釀咗喺入面…諗多咗🤷🏻‍♂️冇嘅🤷🏻‍♀️同張相會唔會爭太遠‼️⁉️‼️⁉️

之前食過樂天皇朝覺得佢啲小籠包幾好食，原來同一集團嘅呢一間樂天經典係食星洲菜～ 今次就入咗去試下～ 🍭椒鹽香酥鮮淮山($60)幾特別未食過椒鹽淮山，平時屋企煲湯就食得多😆 見到條條都炸得均勻，炸皮薄身，落咗好多椒鹽，惹味好食～🍭黃金鹹蛋蝦球($168)我見到有黃金蝦球通常都會忍唔住要點🙈 見到佢炸到金黃色好靚，蝦球幾大隻，啖啖都食到鹹蛋味，好鬼正～🍭滑肉乾撈米線($68)除咗小菜，佢仲有幾款米線系列～ 我地就點咗呢款～ 滑肉其實係細細粒由豬肉搓成嘅球，米線落咗啲辣辣地嘅醬汁調味～🍭🍭三色桂花斑斕糕($48)平時桂花紅棗糕就食得多，桂花+斑斕就少見～ 個味都幾夾唔會搶，清香唔膩，做食後甜品一流～