樂天經典 (奧海城二期)

營業中

休息中

194730082022，我黎到奧海城既樂天經典試下馬來菜式，可能是平日關係，一入去就有位，而整間店大約得一半枱有客，都幾靜同舒適。我哋兩個人好快咁點左幾個菜，先黎臘味炒飯（中），其實叫細都ok，炒飯算係炒得好同乾身，臘味比較多。馬來風光，呢個菜都幾惹味，少少辣辣地，配通菜一流。海南雞半隻，味道就比較失色，顏色看上來不吸引，雞胸好鞋口雞也沒有味道基本上都係靠個汁，可惜。手剁鹹魚馬蹄蒸肉餅，鹹魚係梅香，馬蹄粒比較爽，手剁口感不足，不似平時手剁既質感肉味也不濃唯一有鹹香補救可以講係舊鹹魚救左個豬肉，但味道也不錯。

朋友說食樂天，我來之前以為係上海菜小龍包，原來這間位於奧海城商場的樂天經典是同集團的另一間，主打南洋星馬小菜，以中式菜式為基礎，再混合東南亞的香料及烹調方法，令小菜更加惹味，同時亦適合香港人口味。餐廳比較闊落，我們坐卡位，有相當的空間坐得舒適。餐牌上食物選擇眾多，好多一家大細都來開餐。餐前小吃 $15花生及栗子，由於剛剛收工趕過來非常肚餓，我們火速清空了整碟，煮得夠淋又入味！黃金魚皮 $78先來個頭盤小吃，這個黃金炸魚皮做得相當出色，魚皮炸至金黃酥脆，混合了咸蛋黃更加惹味，停唔到口，食下一塊食下又一塊，好快就清空。酸甜生魚片 $112生魚片大大塊，喜歡這間餐廳是用生魚片，而不是慣常食開的龍脷柳，生魚片真的可以食功啖啖魚肉，不會是大量炸粉，口感更加結實。醬汁酸酸甜甜，在炎炎夏日吃最好不過。三杯牛肉煲 $138九層塔、炸薑片、炸蒜爆香，再加上嫩滑牛肉來炒，鑊氣十足，香到不得了。平時不吃薑的我也不斷食這個炸薑片，牛肉嫩滑完全不韌，這個菜式用來送飯一流。

樂天經典 | 新加坡菜裝修簡約 而且位置寬敞 檯同檯之間亦都有合適距離 😊一坐底已經有餐前花生小食 同埋店員會問我地飲咩茶 而我地飲左香片❤️有部份茶樓都會用茶包沖茶俾客人飲 而樂天經典就真係用茶葉沖 而且茶味濃郁同埋香純招牌扣肉包🥪招牌扣肉炆得好入味 煮到軟腍 而且肥瘦適中另外人配有一片生菜 中和口味 同埋多左爽脆既口感刈包本身都有少少微甜 口感軟熟星洲金磚豆腐❤️一上碟有好多塊豆腐 份量好足外表炸到金香 表面再灑左少少調味粉 豆腐軟 外面炸到香脆 外脆內軟 口感好好😊豆腐偏淡 而表面調味粉帶起個味 兩者好夾🔥秘制燒汁排骨王排骨王份量都十分足 一大碟有6-7塊排骨王微微走油 口感唔會油炸 但食到佢既香味❤️ 表面既燒油偏甜 有少少似食緊甜酸排骨果個汁 排骨王無骨 啖啖肉🔥雞肉喇沙滲滲🍜🍜喇沙湯底好濃郁 而且味道有層次滲滲溝左麵同埋米粉 兩者口感有少少唔同 但係配合埋又幾夾 個湯底帶起成個麵😊雞肉係偏向係碎肉粒 就唔係平時出邊食既雞件🍴整體評價：每一碟菜都好高質 廚房出品要求好高樂天經典係中菜飲茶之外 仲可以食到亞洲其他既菜式 都幾特別既口味🔥招牌扣肉包值得叫 星洲金磚豆腐都係必點推介指數:

樂天我淨係知係食上海嘢，原來奧運站呢間係食新加坡菜，餐廳幾闊落，坐得舒服，餐牌都幾多選擇，仲見到好多一家大細係到食飯餐前小食入面係花生同粟子椒鹽香酥鮮淮山 呢個係見到人地話好食先嗌嚟試吓，又真係幾好味喎，個層粉漿做得幾薄，帶有少少椒鹽嘅味道，香口得嚟又保持淮山嘅爽脆馬來風光（通菜）點都要叫返碟菜食嘅，簡咗通菜，辣辣地幾惹味泰式海鮮炒米粉米粉入面有蝦、魚、魷魚等，用泰式辣醬炒無得輸，再吱少少檸檬汁落去調味，幾好食秘製燒汁排骨皇 $98點了份S Size 豬扒，都有好多塊，味道酸酸甜甜，有d 似中式洋蔥豬扒嘅醬汁，啖啖肉呀，d 醬汁又唔會話太多，啱啱好掛係豬扒到

樂天經典係奧海城入面，近地鐵站非常之方便。店內寬敞，裝潢時尚，而且枱與枱之間間距足夠，座位舒適👍🏻。入座後會有茶水及小食花生🥜同栗子🌰都用滷汁滷過，軟腍入味，令人不自覺地一啖接一啖咁食。🍽福建雞丁燴飯🍚👦🏻話冇食過福建燴飯，所以叫比佢品嚐下🤣，福建燴飯上鋪滿左冬菇粒、紅蘿蔔粒🥕、雞肉粒。福建燴飯嘅特色就係將芡汁撈落飯到，芡汁味道適中，唔會太鹹。炒飯低粒粒分明，飯粒有咬口。👍🏻🍽古早魚香老鼠粉煲🍲未食過老鼠粉，比呢個名吸引住，上菜後發現原來就係銀針粉。上菜嘅時候會附上桔仔鹹魚肉汁，淺嚐一下個醬汁，有橘子嘅清香再加輕微嘅鹹香，撈入老鼠粉煲後，個人認為唔會太鹹，反而有淡淡嘅橘子味。老鼠粉煲較濃稠，有銀針粉、蝦肉🦐同椰菜花🥦。我地叫左小煲，但份量都好多，非常足料！🍽花菇雲耳蒸魚片🐟咁多款菜式相比下，呢款較為普通。但雲耳爽口，花菇吸收左金針、雲耳、魚片嘅精華，令花菇有股鮮甜嘅味道。值得一讚嘅係 魚片厚切，無骨啖啖肉！🍽椒鹽香酥鮮淮山第一次食酥炸淮山，外面有一層薄薄嘅炸粉，內裏估唔到保持住淮山嘅爽脆口感，帶點鮮甜。簡單地加上椒鹽調味，唔會感到熱氣，反而有點養生嘅感覺。

樂天經典在奧海城商場， 主打經典 星洲菜式， 佈置優雅， 環境相當寬敞舒適， 透過一排落地大玻璃， 彩光度十足。招牌扣肉包兩份 $64 招牌扣肉體現了濃油赤醬，肥瘦適中的五花腩肉切成方塊，油光亮麗，層次分明，油亮的豬皮， 十分 Q 彈 ，皮下帶著一層滑溜的肥膏，軟腍鬆化，肥而不膩， 夾入刈包及爽甜生菜來吃， 別有一番風味。三色桂花班蘭糕 $48 三色糕每件有三層， 每層有不同口味 ，分別桂花、 班蘭 、椰汁口味， 賣相精緻， 入口冰涼 Q 彈 。 桂花杞子糕， 清透可以看到淡黃色的桂花和鮮紅的杞子， 啖啖桂花幽香，班蘭糕入口清甜， 椰汁糕， 椰香誘人， 甜度適中， 一次過品嚐到三款口味， 讓人喜歡。南北杏羅漢果茶 $16羅漢果茶， 入口甘甘地、 甜甜地 地， 不會有苦茶的苦澀味， 好潤肺和潤喉。福建雞丁燴飯/小 $92 福建雞丁燴飯， 分量不少， 仲香氣十足， 粒粒分明的炒飯面，鋪滿軟嫩的雞丁、 滑溜的冬菇粒及爽甜 甘筍粒，每一口炒飯濕潤、充滿餡料，讓人飽肚和滿足。 黃金魚皮 $78 人氣黃金魚皮，香脆可口， 咬下去發出清脆的「吱嚓」 聲， 充滿鹹蛋黃的鹹香， 惹味過癮 ， 最啱送啤酒

樂天經典👻️食晏過到黎奧海城依間都幾多人食小菜最鍾意佢有得揀細份兩個人食都可以嗌多幾樣🤣.🔅黃金鹹蛋蝦球(小) HKD 168隻隻蝦球都大大粒新鮮又彈牙咁啲鹹蛋黃包起成隻蝦個蛋黃香真係好邪惡脆脆地咁100分😆🔅蒜香排骨(小) HKD 90啖啖肉既肉排食肉獸一定鍾意炸過既蒜散哂啲蒜香出黎迫走啲油幾有火喉🔅乾炒牛河(小) HKD 95好耐無食乾炒牛河佢個河粉唔會炒到碎哂淋哂仲有啲煙韌咬口牛肉同個調味啱啱好幾出色既乾炒牛河🥰.整體黎講:經典中菜 鑊氣小炒😚.🎈 樂天經典 (奧海城) (大角咀)大角咀海庭道18號奧海城二期UG樓UG09號舖

樂天皇朝就食得多啦，今次去食樂天集團旗下中式家常菜- 樂天經典，餐廳主打南洋中式菜餚，座位寬躺舒適，適合大夥兒聚餐。除咗中式家常菜，餐廳仲有多款新加坡南洋菜，我哋兩個人叫咗三款都好有水準：🐔新加坡海南雞(半）$188 + 海南雞油飯 $20海南雞皮薄爽滑，雞肉味道濃郁且已經去骨，方便享用，雞油飯每粒都香氣十足，另外三色醬用上黑醬油、薑蓉及辣椒醬，用來蘸點雞件同吃，更添美味。餐牌設計非常貼心，部份小菜提供S/M/L 3個份量可以選擇：🐷荔枝咕嚕肉 (S) $98，甜酸汁比例適中，食落香脆可口啖啖肉～🥬金銀蛋浸時蔬(S) $95，味道清清地，略帶鹹香，蔬菜軟腍，素而不寡～餐廳上菜速度快又坐得舒適，下次會想嚟試下其他星洲特色嘅小菜如老鼠粉、鐵板豆腐等😋

呢到嘅招牌新加坡扣肉包 好特別🇸🇬有啲似台式嘅刈包🤫都係用軟熟香甜嘅荷葉包做外皮 再包住沾滿甜甜地醬汁嘅五花腩肉😍五花腩個肉質超肥美甘香 入口即融 但唔會太油膩🐷連埋個包一齊食 口感好豐富 真係好幸福‼️

✨客家豆醬蒸黃花魚黃花魚 鮮味 肉質嫩滑 加左豆醬去提鮮 幾惹味 ✨沙煲黃酒雞點左細份 但雞件份量都唔少雞肉肉質幾嫩滑 味道溫和有好淡淡嘅酒香✨秘製燒汁排骨王細份都有六大件 每件都啖啖肉排骨肉質結實鬆化 秘製燒汁味道酸甜上汁上得好好 每件排骨都沾滿汁 但又唔會有多餘醬汁 送飯一流✨招牌扣肉包扣肉 肥瘦相間 味道帶微甜包好軟熟 夾住扣肉食 唔會好油膩食物可以 菜式選擇夠多仲可以選擇大中細份量 少人開餐都唔怕環境唔錯 地方夠大 擺枱闊落 坐得舒適服務正常 價錢可以

今日特別craving食炸子雞，作為大角咀之友，第一選擇當然系位於奧海城嘅“樂天經典”，主打新加坡南洋菜，個人認為菜色有許多粵菜延伸嘅影子，所以中意食粵菜，又想有多D變化同特色，適合一班朋友或是家人相聚，選擇哩度就肯定冇錯喇！金牌脆皮燒雞($188/半隻，348/一隻)兩個人食半隻分量剛剛好，外皮炸至香脆金黃，但係雞肉仍然香滑鮮嫩，特別系雞髀咬落仿似有肉汁爆開，伴碟還有脆口蝦片，無論從視覺同味覺，同炸雞都好match。配搭紅辣椒酸辣醬，沾上後一啖入口，同時體驗雞皮嘅脆同雞肉嘅嫩，口感多元。三杯牛肉煲($138/S, $207/M, $276/L)我中意哩度大部分菜色都可以選擇吾同分量，無論幾多人食，都可以預岩分量。哩個三杯牛肉煲融合咗台菜、粵菜同南洋嘅精粹，用煲仔製作，牛肉薄切由煲仔嘅熱量煮至焦香，再由羅勒葉帶出無窮香氣，用來送飯最合適！泰式海鮮炒米粉($95/S, $143/M, $190/L)哩味炒米粉香辣惹味，海鮮有蝦肉、魷魚、魚肉片，配上炒蛋，食嘅時候記得撒上青檸汁，可以吊出海鮮嘅鮮美，再融合泰式嘅微辣，系一碟坊間少有、味道特別嘅炒米粉！三色桂花斑蘭糕($48/份)一餐完美嘅晚

🌸奧運美食🌸樂天經典🍳想吃滋味新加坡菜？今天我便相約好友到了奧運的一間主打新加坡菜的餐廳-「 樂天經典」品嚐是日午餐❗餐廳鋪面寬敞，裝修簡約，座位舒適❗店員十分親切殷勤有禮，店員細心為客人下單及不時收拾碗碟。餐廳提供溫熱茶水及滋味餐前花生小食。我們一行2人點了以上菜式：1️⃣🌟酸辣滑雞乾撈米線 $68酸辣滑雞乾撈米線份量十足，有香嫩幼滑的雞肉配搭開胃都的酸辣醬及彈牙米線，十分惹味❗2️⃣🌟娘惹咖喱雞（小）$98娘惹咖喱雞份量十足，有滋味薯仔及嫩滑雞肉，咖喱香濃滋味，帶點微辣，送飯一流！3️⃣🌟海鮮皇炒飯（小） $98海鮮皇炒飯配搭鮮香味甜的彈牙蝦肉，還有粒粒蟹籽，配搭粒粒有鑊氣的蛋白炒飯，非常惹味❗️4️⃣🌟椒鹽香酥鮮淮山 $60很少見的椒鹽酥炸鮮淮山，新鮮淮山外皮炸得黃金香脆，內裏質感鬆化軟淋，鹹度適中，十分滋味。🌟為是次餐廳用膳的推薦菜色❗🔖整體評分美味指數：⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕️5⭕️為滿分總括而言，此餐廳的食物質素高，菜式即叫即製，價錢親民，餐廳地點鄰近奧運站，絕對是奧運一帶滋味小菜之選❗ 📍樂天經典 (奧海城) (大角咀)：大角咀海庭道18號奧海城二期UG樓UG09號舖

去咗奧海城食充滿南洋風味嘅中菜☺️呢度除咗供應中式小菜之外，仲有一些經典星洲菜～例如：黑胡椒蟹丶辣椒蟹等等。🔶招牌扣肉包 $32/個係店家嘅招牌新加坡式小食🤤果然唔錯！扣肉略有厚度，夾在口感軟綿嘅包子裡一起吃。塗滿醬汁的扣肉，肥瘦相間，入口即化～正！🔶椒鹽香酥鮮淮山 $60鮮淮山炸得十分金黃香脆，外在充滿椒鹽香！香酥惹味～🔶荔枝咕嚕肉 $98/S 呢度嘅小菜可以選擇小/中/大份（S/M/L ），人少少可以選小碟，咁就可以點多啲唔同嘅菜式。咕嚕肉炸得外脆內嫩，配以酸甜醬汁非常開胃，仲有原粒荔枝增添了清爽度。🔶 砂煲黃酒雞 $98/S好滋補嘅小菜！黃酒雞充滿鮮味～夠肉嫩，好入味，滲出淡淡酒嘅醇香。

之前和屋企人食過樂天皇朝，然後知道其集團旗下還有一間專食小菜的餐廳，就是位於奧海城的「樂天經典」，所以今日一於就帶家人過去嚐嚐，做個乖寶寶。一出地鐵站奧海城出口，右手邊向下落一層就見到樂天經典，非常方便。餐廳環境寬大舒適，適合家庭聚會，亦看到餐廳內有不少「老朋友」，食物選擇都老少咸宜。樂天集團是源於新加坡，所以樂天經典的菜式是帶點南洋風味，與中式菜系會有點不同。我會形容是利用中式的基礎，再混上東南亞的香料及烹製方法，這種fusion 混合菜是特別受香港人喜歡。⟲ 1. 椒鹽香酥鮮淮山先叫一份小食，六款小食當中，椒鹽香酥鮮淮山似乎性價比最高。份量足夠得可以供2-3人食用，而鮮淮山炸得非常金黃爽脆，外皮薄薄的一層，再用上陣陣椒鹽和椒粒，非常惹味。而且，樂天亦能將鮮淮山炸得外脆內軟，內裡綿綿的，口感細緻，亦不會熱氣。⟲ 2. 三杯牛肉煲與樂天皇朝不一樣，來得樂天經典，當然要點菜食飯。三杯牛肉煲賣相看似不錯，樂天用了九層塔、炸薑片、蒜粒來爆香，再加上嫩牛肉，使牛肉的鮮味與其配料的鑊氣香味融合。⟲ 3. 客家豆醬蒸黃花魚以家常便飯為主題，蒸魚絕對少不得。見到餐牌是推介了這份客家豆醬蒸黃花魚，那就

本身好鍾意東南亞美食，見咁多好評，所以就入座一試。第一次點了星馬經典和熱門的大路菜：喇沙，老鼠粉，鐵板豆腐，椒絲腐乳生菜。相我就唔再加，因為其他post都介紹過。最後我和老公的評價都是無特色，完。