樂天皇朝 (青衣城1)

營業中

休息中

樂天皇朝食館嘅小籠包同麵食真係好出名。午市茶位只係$10一位、前菜$15。是日前菜係花生🥜同栗子🌰開胃小食。最正嘅係佢哋嘅原味小籠包，一份6隻只要$72，包裹住鮮肉嘅湯汁，咬落去味道好鮮美！另外叫了無錫鮮肉鍋貼🥟，一份3件$45，鍋貼煎得香脆，內裡嘅肉汁好多汁。我揀咗蒜香排骨拉麵$88🍜，有兩件排骨，排骨肉質香脆嫩滑，湯底香濃。叫咗酸辣湯拉麵$78🌶️，湯汁酸辣開胃，配上彈牙嘅麵條，夠香辣。樂天皇朝係一間價錢相宜但質素唔馬虎嘅餐廳。

係青衣見完客，咁啱朋友係附近返工，行行下見到呢間餐廳幾吸引，同埋好耐冇食過中菜，所以就入左去。呢間主打上海菜既餐廳唔同地方都有分店，雖然今日係平日既夜晚，不過都差唔多滿座。以前食親上海菜都會叫小籠包同擔擔麵，不過見到餐牌除左呢兩樣之外仲有好多其他選擇，所以今次就想試下唔同既野。首先叫左籠流沙奶皇包，呢度既奶黃包外形同出面有啲唔同，賣相好似一個cup cake咁，而中間既奶皇真係做到流心效果，趁熱食好好味。之後就係外婆紅燒東坡肉，賣相好吸引而且啲肉炆得好冧，好入味。紅油炒手既調味好好，辣椒油好香既同時又唔會太辣，適合唔同既人食。不過最有驚喜係蒜泥白肉，同平時食開既唔同，呢度既蒜泥香味好出色之外，白肉中間仲會包住兩條青瓜，濃厚嘅酸味之中又有啲清新嘅感覺，好出色。滿足的一餐！

無錫鮮肉鍋貼無錫鮮肉鍋貼既餃子皮🥟 皮薄而有彈性煮熟之後仍然能夠保持鮮嫩口感🩷 再蘸上少許醋同辣椒油 更加增添一份獨特既風味🌶️不容錯過竹炭流沙包第一次食樂天既竹炭流沙包實令我太驚喜🤩因為我覺得呢到既流沙包都有d貴 但真心係好好食🤤 一咬落去係會流出金黄色既鹹蛋奶黄裝🤩麵包內軟而竹炭嘅香味突出 流沙餡料帶甜 每一啖都食到流沙黄漿既精髓 令人難忘呢🩷鮮蝦手拌麵麵條彈牙有咬勁 搭配新鮮既鮮蝦 口感更加豐富🤗因為係拌麵關係 稍微辣d 但好惹味🩷樂天皇朝 @paradisegrouphk地址：青衣青敬路33號青衣城3樓310B號舖#樂天皇朝 #八色小籠包"

🫖中式 🚹1-4人 🏠適合家庭聚會 📸打卡 🐻‍❄️#箍牙🈴 🐻‍❄️#新奇控🈴 ——————🐻‍❄️心癮起想食小籠包，就拉住🐻去附近嘅樂天皇朝，估唔到🐻‍❄️呢個#新奇控 居然俾一間中式餐廳吸引左😛一開始吸引我嘅係好啱📸打卡嘅👍🏽皇朝小籠包（八色）原味(中)、糟溜絲瓜(綠)、鵝肝(啡)、黑松露(黑)、芝士(黃)、蟹粉(橙)、蒜香(灰)、川味(紅)除左黑松露、蒜香屬於濃味，其餘味道嘅小籠包都偏淡味；醋味亦淡，點左唔會搶小籠包餡嘅味，唔點亦無妨小籠包皮薄，夾起唔易爛，兼有湯汁，確實出色👍🏽👍🏽👍🏽咁多款🐻‍❄️最欣賞黑松露，一咬已經勁濃黑松露味👍🏽後勁極強，要食返香口膠辟口氣🤣；🐻就覺得原味、芝士都唔錯，芝士味會喺咀嚼時淡淡咁滲出來；另外川味唔太辣，唔食辣嘅朋友都唔使驚💯松子鮮果桂魚酸，但食得多都唔會覺得酸到胃痛👍🏽；同埋真係好好食🤤2個人食晒成條魚～芝麻醬油麥菜用青瓜包住油麥菜，幾開胃👍🏽雖然小籠包好快就接住嚟，呢樣菜變左🐻🐻‍❄️甜品前嘅「尾」點單輝🤣🤣蟹粉鍋貼（3塊）鍋貼底煎得夠硬，蟹粉偏淡味，同上面隻蟹粉小籠包餡類似，整體平平；🐻略嫌唔夠蟹粉；而🐻‍❄️就嫌肉汁唔夠多，鍋貼大咁多、但肉汁量同小

《$55 薺菜黃魚春卷》⭐️⭐️⭐️⭐️未食過有魚肉既春卷，相當特別，春卷炸得好脆，唔油，食到入面滑嫩既魚肉，薺菜好似打左芡咁，好杰身，令到成條春卷唔會好乾，但又唔影響脆感，值得一推！《$75 龍華素鴨》⭐️⭐️⭐️素鵝係冷盤形式上，配上醬油，食到腐皮層層相疊嘅口感。《$72 原味小籠包6pcs》⭐️⭐️⭐️⭐️⭐️樂天最出名嘅係8色小籠包，但係個人覺得都係原味最好食。小籠包個皮好薄，咬落去滿滿嘅湯汁爆出來，肉餡嘅份量亦都剛剛好，唔會超大舊肉有飽滯感。《$88 蒜香排骨拉麵》⭐️湯底係出面食嘅普通豚骨湯底，食得出幾味精，配菜有兩舊炸過既一字骨，收$88得兩嚿骨有啲少，油炸感又重，肉又唔多，成個餐得拉麵稍稍見得人，係比較淋身嘅幼麵，整體都不合格。人均消費：$150環境：8/10食物：7/10服務：7/10性價比：7/10整體：7/10 皮薄餡靚小籠包

難得放假便同家人出黎青衣城行下，本想搵間茶樓飲茶，但見到有樂天皇朝，咁不如去食樂天個八色小籠包，影下相打卡嘛。店內環境不錯，高樓底空間感十足。店員好快送上熱茶同小食，佢地個炆花生栗子真係咁多年嘅味道都一樣，炆得又淋又入味😋🥢木樨肉炒拉麵先來一份炒麵，有豬肉絲、木耳絲、椰菜絲同炒，醬汁甜美炒得香口，麵條有口感。🥢皇朝小籠包主角小籠包很快就到了，八隻色好好睇，個人覺得原味、蟹粉、川味較突出，其他味道也不錯，淨係影下相打卡都抵😘🥢蟹粉餡兒餅仲叫左蟹粉餅，賣相雖然平凡，但咬落肉汁很多，仲好鮮味，熱辣辣好好味。原來下午茶有五折優惠，如果時間啱抵喎👍

平日晚飯時間唔駛等位， 侍應帶你埋位之後順便放低碟前菜 ，係鹵水栗子花生。 栗子花生夠入味，可以dap住dap住咁點菜。我哋兩個人點咗半份話梅走油元蹄， 一碗酸辣湯拉麵，同埋一份蟹肉餡餅兒。蟹肉餡餅新鮮出爐，咬落熱到辣嘴。 皮薄多餡唔油膩， 蟹肉幾多下 ，可惜略帶腥味。酸辣湯拉麵幾出色下， 湯頭稠啱啱好，入口辛辣略帶酸， 配上木耳絲同豆腐絲，辣得過癮。 麵條彈牙掛汁，好好食。 若果要雞蛋裏挑骨頭嘅話就係成碗麵得兩隻蝦仁。今日嘅主菜係話梅走油元蹄。 話梅嘅酸味啱啱好中和咗元蹄嘅油膩感， 外皮嫩滑，油脂感厚重，內裡嘅瘦肉仲保留住肉汁，食落一絲一絲咁， 唔會話好柴。 半隻嘅份量比想像中多，兩個人食到好飽。

青衣城屹立多年既上海餐廳 開業至今人氣爆棚😍==============================𝐅𝐨𝐨𝐝 𝐋𝐢𝐬𝐭📌🥟原味小籠包 食上海嘢又點少得食小籠包🥰要試一間餐廳嘅功架 食佢最基本signature嘅菜式就試出真功夫 有6件同10件嘅選擇 兩個人叫咗六件🤤每隻小籠包大細全部Standard😯究竟點樣可以包得咁靚之餘又可以皮薄餡靚⁉️🤔🦆上海風味醬鴨 即叫即整🔥份量一啲都唔細 皮香肉嫩 越食越上癮 🤩🍰驢打滾 凍冰冰 軟糯配埋豆沙紅豆餡好食到不得了👍🏻作為飯後甜品一定好滿足👍🏻🍛楊州炒飯 配了一啲都唔吝嗇😍蝦仁同肉碎非常之多👍🏻非常惹味✨好讚👏🏻

一直都好想試依間嘅小籠包，但除左小籠包之外其他野食都幾好食！環境又闊落坐得舒服依到好出名八色小籠包，不過朋友鐘意食原味所以都係叫左原味小籠包6件（$72），好好食！即叫即蒸，皮薄餡靚，肉餡新鮮又多汁仲叫左李白醉雞($88)，冰冰涼涼又充滿濃郁酒香，雞肉都嫩滑另外嗌左蔥油餅($40)，好特別，入口好酥脆，葱花味道好香炸饅頭（$30)，炸到外皮好脆，又保持到饅頭嘅柔軟，加埋香甜地嘅煉奶好好食最後仲叫埋甜品宮廷爐打滾($48)，有黃豆粉加豆沙加白糯米，甜甜地又煙韌依間野食選擇仲有好多，食多幾次都唔會悶

樂天皇朝主打傳統上海菜，青衣城的分店佈置明亮雅緻， 環境舒適寬敞， 加上開放式的廚房， 透過落地大玻璃，可以欣賞到廚師精湛的手藝， 令人食指大動。李白醉雞例牌 (雞腿令+$10)$98色澤亮麗的醉雞，冷泡在香濃紹興酒裡， 雞肉冰涼嫰滑之餘， 充滿啖啖酒香，酒香不會太濃烈，不會蓋過雞肉香味 ， 恰到好處 。招牌原味小籠包6隻 $72冒著煙的的小籠包，是餐廳必點推介, 皮薄餡靚 ，大口咬下去， 鮮甜湯汁在口中洶湧而出， 滋味十足， 枱中還有陳醋、薑絲提鮮， 絕對是最佳拍檔。蘿蔔絲酥餅三件 $48即叫即炸的蘿蔔絲酥餅 ，被金黃酥脆 粉漿包裹著， 外脆內軟， 食到一絲絲的蘿蔔， 鮮甜柔軟。 鮮蝦豬肉雲吞豬骨湯拉麵$85飽滿的鮮蝦豬肉雲吞， 包裹著爽彈的蝦肉及豬肉，鮮香美味， 每條煙煙韌韌的拉麵， 掛上滋味奶白的湯底， 令人食指大動。

私心推介樂天皇朝必定必定要食呢三樣👉沙拉排骨 $118厚切豬扒肉質鬆化有肉汁，外層炸得非常酥脆，沙拉醬帶點香甜，最緊要醬夠多，其實份量都不少，但太好食次次都要同朋友搶食😂大大力推介！👍👍👍👉驢打滾 $48糯米皮與紅豆沙餡卷成一條，外面沾滿黃豆粉。口感超級軟糯，冰凍凍，仲有紅豆沙既甜同黃豆粉既香，成件事說就係好味兩個字~食左最多肥兩磅，唔食會後悔幾日😌👉小籠包 $72招牌野唔洗多講，皮薄多汁餡靚，原味最好食🤤仲有個餐前小食栗子花生都好正，甜甜糯糯，但最近去食變左青瓜~推介完畢💓#樂天皇朝 #八色小籠包 #小籠包 #驢打滾 #沙拉排骨 #香港必吃 #香港旅行 #香港探店 #青衣美食 #hongkongfood #yummy #香港 #香港美食 #food #好吃 #美食 #香港餐廳 #美食推介

去到連鎖嘅上海菜鋪頭，都試下經典嘅兩款菜式李白醉雞，醉雞本身係一道獨特風味的冷盤，以鮮嫩的雞肉為主要成分。呢間鋪頭雞肉經過特殊的調理同處理後，融合了花雕酒同其他調味料嘅滋味。呢種獨特的調味方法賦予左雞肉濃郁的香氣同酒香，同時保持了肉質的嫩滑。 小籠包(原味)，小籠包是上海菜最具代表性嘅菜式。呢到嘅小籠包薄皮同有豐富的湯汁內餡。餡料係鮮嫩的豬肉，經過精心包裹後蒸煮而成。每一個小籠包都精緻可口，外形小巧，充滿了湯汁和鮮美的肉汁。

我同男朋友仔想食上海菜第一時間就會諗起樂天皇朝，因為青衣城就有，食完仲可以快快返屋企～-🎈原味小籠包 (6件) $72每次上海菜必叫的小籠包🫶🏻其實呢間既八色小籠包都真係幾創新，有芝士、鵝肝、黑松露味等～不過男朋友仔都係想食返最經典最原汁原味既小籠包！皮未至於超薄，但確實做到好有彈性，完美咁包裹住內餡既肉汁，超飽滿！-🎈炸饅頭 $30實在唔洗多介紹炸饅頭有幾好食～沾著煉奶咁食完全就係一種幸福！-🎈風味沙拉排骨 $118新鮮熱辣剛炸好既排骨，再係面頭灑上滿滿既沙律醬，好邪惡！肉質軟嫩，份量都幾多，記住一定要襯熱食🥳唔係既話啲沙律醬凍左真係會好膩～-🎈上海炒飯 $95望到隔離枱個炒飯好靚，即刻叫店員都黎一客！有鑊氣得黎成個飯都好夠水份！味道幾濃郁，忍唔住係咁添🍚-🔸樂天皇朝📍青衣青敬路31-33號青衣城1 3樓310B號舖

今日同老公去咗青衣城，去咗樂天皇朝食lunch ,因為我好想食小籠包，同埋佢哋嘅餐牌都有好多選擇，也有無肉餐單啱食素嘅老公。我哋叫咗呢啲：💛招牌原味小籠包💛皇朝擔擔拉麵🍜💛上海媽媽烤麩💛竹炭流沙包甜點：💜宮廷驢打滾💜香煎豆沙窩餅佢哋嘅小籠包真係必叫，每個都皮薄多汁，夾起上嚟又唔會穿，好食到我可以一個人食曬成籠都得😂老公就特別鍾意個擔擔面，麻醬花生醬味濃郁又帶點少辣，越食越滋味。仲有個甜品驢打滾都係我地好鍾意，好似糯米糍質地嘅皮有好多豆沙餡卷成，跟住外面就有啲好似黃豆粉包住。其他食物都唔錯，其實仲有好多嘢食都想試但係兩個人肚皮有限，唯有等下次有機會再試吓其他。

之前開始食返豬肉之後，就愛上了食上海food！尤其係生煎包，更加係一諗起就流口水！不過生煎包唔係成日有得食，通常去指定某啲上海店先有。今日青衣城經過見到有，即刻坐低試吓！除咗生煎包都試咗幾款菜式。上海生煎包👉🏻剛剛煎好的生煎包真的特別好吃，鬆軟的頂部，略帶薄脆的包底，有咬開中間還有肉汁滿滿的肉泥餡料，大滿足😌上海風味醬鴨👉🏻味道同平時食嘅燒味有啲唔同，這款偏向酸酸甜甜，味道都OK嘅。同埋呢隻應該係小鴨，肉嘅比重偏低。上海外婆紅燒肉👉🏻啖啖肉同軟綿綿口感，而且食落唔會覺得好肥膩，雖然肥肉同瘦肉有分層，但係瘦肉有比肥肉滋潤到，整體軟滑可口！上海炒飯👉🏻一睇就知係醬油系。粒粒分明炒飯，口感煙煙韌韌，配以雜菜粒和蝦仁。