樂天皇朝 (利舞臺廣場) (已搬遷) 新店位置

數年前曾去樂天皇朝食過八色小籠包，感覺新鮮。今次適逢友人來港，當然要再去試試呢間上海菜！從利舞臺廣場升降機一出只見人頭湧湧，真係好多人等位。餐廳門口佈置裝潢華禮，餐廳內以古代帝王宮殿為主題，並用上龍袍作裝飾品。特色皇朝小籠包去到一定要試八色小籠包，由原味至特色滋味續一品嚐😋八款味道包括有原味、人蔘、鵝肝、黑松露、蒜蓉、芝士、麻辣及蟹粉，小籠包色彩繽紛，而且皮薄多汁，果然做得出色！刀切小饅頭(炸)簡單的饅頭炸成金黃色澤賣相一流，入口酥脆，內裡柔軟綿密，沾上煉奶更可口。俘虜了的心皇朝話梅骨梅味夠晒濃郁，甜酸度啱啱好，排骨切到一粒粒，肥瘦均衡。炸得香脆，必試！肉碎欖菜乾煸四季豆菜式味道較重，最啱送飯食，夠晒惹味。檸檬蘆薈桂花蜜清香嘅桂花配蘆薈粒、杞子等，係唔錯嘅飯後甜點。十分清潤豆沙鍋餅豆沙鍋餅熱辣辣，外皮炸得金黃鬆脆，內面填滿軟綿綿嘅紅豆蓉，食落有雙重口感。食物美味非常。細心、友善的服務亦都值得一讚。

HAPPY FRIDAY ~ 又去左食樂天皇朝~ 呢間真係會令我ENCORE再ENCORE去食~ 因為今日星期五人真係好多~今次叫左最出名的-八色小籠包~ 食都有次序分架~原味, 人蔘, 鵝肝, 黑松露, 芝士, 蟹粉, 蒜香同麻辣~ 每種都有不同獨特味道~ 真係要試下~ -龍華素鵝~每層都好薄~ 仲有個汁真係好食~ -蘿蔔絲酥餅 ~ 一碟有3粒~ 真係超鬆軟~ 蘿蔔絲份量好多~ 一條條好分明~-木樨肉炒拉麵份量真係好大碟~ 而且肉都好多~ 個醬甜甜的~ 很不錯~  -糖醋魚片上次都有叫~ 要再食 ~好濃甜酸味~但食落剛剛好~ 好好食~ 最後仲叫左甜品~桂花酒釀小丸子~好滿足的晚餐 ~ 一定會再食~ 

最近做野多數都係銅鑼灣，放工約左朋友黎到利舞臺食野，內部環境好中國古典味，餐廳中間有水，仿如一條小河流水超出名既8色小籠包必叫吧鹅肝、黑松露、芝士、蟹粉、蒜香、麻辣、人参、原味要好小心夾起，以免一夾就散，裡面精華湯汁說全沒了😣😣京醬肉絲，好特別好似 皮鴨咁食，有一籠薄餅比你夾住肉絲食，肉絲既份量都幾多，味道好正宗偏北方味濃蟹粉炒飯清楚見到粒粒蟹粉係炒飯面，撈埋炒飯食十分野味糖醋魚塊最喜歡吃糖醋魚塊，酸酸甜甜好開胃紅油炒手麵唔會太辣，有豬肉同蝦選擇，我地簡左蝦，麵一上抬熱辣辣既時候要先拌好，令調味可以均沾麵條醉雞皮爽肉嫩，做到雞裡裡外外都咁入味

見到廣告介紹樂天皇朝的七彩繽紛小籠包，所以決定搵日相約朋友來食。第一次來到樂天皇朝，店舖修飾原來很靚，坐位大部分都是卡位，座位的兩旁有一顆顆的水燈位置，坐在水燈附近的位置會感受到一絲絲的涼意，寬闊的坐位都幾舒服，還可以望入小窗口見到一班廚師們在製作小籠包。李白醉雞 ($78)，醉雞的擺法呈球狀，肉質非常鮮嫰滑，是雞腿的位置食落去啖啖肉，而且以酒來調味調得非常入味。上海風味醬鴨 ($48)，鴨肉較為深色醃得夠哂入味。上海生煎包 ($42)，生煎包的賣相脹卜卜，底煎得很脆，生煎包的豬肉涵料新鮮。上海炒飯 ($82)，炒飯裡面用左醬油、臘肉和很多蝦仁，每粒飯都炒得很明亮，而且較為濃味。京醬肉絲配薄餅（$85），食法似食北京片皮鴨，醬汁加上洋蔥炒到均勻每條肉絲，把肉絲包在皮上，京醬的濃味，配上薄餅不算是太鹹，剛剛好。薑汁酒炒芥蘭（$65），芥蘭每條都長而粗身，以薑汁酒來炒較清香，食左較濃味的京醬肉絲後可以食下芥蘭清清口腔的味道。皇朝小籠包（$108），充滿著期待來試，中間是原味，外面的有蒜香、人參、鵝肝、麻辣、芝士、蟹粉和黑松露口味，這裡的小籠包特色除了皮簿、充滿湯肉汁外，還有師傅們的巧手十八

同大半年冇見嘅朋友飯食生日飯。佢地知道我鐘意小籠包，所以就book 左依間有咁特別小籠包嘅地方比我食，我好感動呀！😭好彩有book 到！真係多人到爆。環境都好大，而且氣氛都唔錯，不過因為好多人，所以講嘢都要比較大聲呀！一開始有一小碟開胃菜也很好吃的！一開波就唔理叫左兩籠皇朝小籠包！！好靚！第一次食咁特別嘅小籠包！唔同嘅色係代表唔同嘅味道。多汁皮簿涵靚！！堅正！綠色嗰個仲可以食得出有淡淡的人蔘味！！真係可以食返個隻味，係真材實料，蟹粉蒜香芝士黑松露都係我好like 嘅！好靚呀，雖然話麻辣，但唔算太勁！不過汁多肉嫩！好正！皇朝擔擔麵！麻香足夠，唔會過份太濃，而且麵質爽滑，不知不覺就食左好多同飲左好多湯！實肥死！但好食😭四個人都叫左好多涼拌嘢食！醉雞不錯，肉嫩同厚肉，不過酒味個人嫌唔夠濃，若濃度多啲更好！撈拌海中寶同埋葱花皮蛋豆腐係我個人最愛，超級開胃，係落住雨咁悶焗嘅日子好正。海蜇個汁真係超開胃囉！like like!!好好食嘅賽螃蟹，係我好like嘅一道上海菜！煮得好好食，好嫩，但唔多油同唔會膩！好正！同場朋友都讚爆！佢地話依條廚師推薦嘅松子桂花魚係送比我嘅生日蛋糕！多謝曬！不過又真係堅

今晚同屋企人食飯，佢哋話想食小籠包，所以我哋就去咗食樂天皇朝，要食佢最出名嗰個八色小籠包。原味小籠包：非常出色，皮薄餡靚，入邊有勁多汁，果然係招牌小籠包。八色小籠包：唔係個個味都鍾意，我鍾意嘅係原味小籠包，芝士味小籠包，黑松露比小籠包，同埋蒜味小籠包，但就麻麻哋人參小籠包同埋辣味小籠包。個人都係覺得好味係原味嘅，下次可以叫晒全部都係原味。蔥花皮蛋豆腐：幾好味，個豆腐好滑，同啲皮蛋幾夾。重慶水煮魚片：個水煮魚幾辣，魚片就好呀，仲有勁多薯粉芽菜，幾出色。蘿蔔絲酥餅：呢個超級好味，推薦大家，佢個皮好鬆脆，個餡嘅蘿蔔絲就好滑，好淋，超好食。上海生煎包：幾好味，個餡好多汁，都出色。炸饅頭：饅頭一啲都唔硬，配埋煉奶食，好甜，幾好味。紅油炒手：都幾多餡，個調味幾好。豬骨湯鮮肉卷拉麵：尚算普通，個湯唔重豬骨味，啲肉都唔普通。蟹粉炒飯：正正常常，唔算出色。酸辣湯：我地覺得太酸同太辣，但配埋豬骨湯啲拉麵又幾好味。

同朋友踏入樂天皇朝就被佢華麗裝修吸引住，店面唔係話充斥好誇張的土豪金或者妖豔紅，而係糅合了現代化與中國古代宮廷式的設計。上海炒飯 - 採用日本珍珠米黎炒，d飯粒粒分明，唔會太油膩，蝦仁香脆爽口，加埋杏鮑菇等，口感豐富。瑤柱芙蓉賽螃蟹 - 入口滑溜，蛋白充滿瑤柱味，好香滑，加少少黑醋就食到蛋白同瑤柱所變化出來好似蟹肉般的鮮味。京醬肉絲 - 肉絲色澤紅潤，醬香味濃郁，醬汁包裹均勻，口味咸甜適中。 鬆花皮蛋豆腐 - 豆腐嫩滑，皮蛋口感鮮滑爽口，係一道好開胃的小菜。鮮肉鍋貼 - 鍋貼皮呈玉白色，底面呈金黃色，皮薄餡足，既鮮甜又juicy。上海外婆紅燒肉 - 肥瘦相間的五花肉，入口肥而不膩、酥而不爛，香甜鬆軟，入口即化。酥炸排骨金黃香酥 - 外皮炸到金黃香脆，咬落肉質鮮甜，有咬勁。

好食嘅嘢一定會再度幫襯，正好似“樂天皇朝” Paradise Dynasty 😇😇 ，每次經過都被佢哋嘅#皇朝小籠包 深深吸引😍😍。不單色彩繽紛🏳️‍🌈，仲有不同味道，各種小籠包的獨特口味，一次過大飽口福👅。 皇朝小籠包有8款，味道由淺入深: 1)原味、2)人參、3)鵝肝、4)黑松露、5)芝士、6)蟹粉、7)蒜香、8)麻辣其實一個人根本吃不完整籠小籠包😂😂，好嘢必定要與好友分享，瓊姐又出場囉～👏🏻👏🏻👏🏻 .瓊姐係我嘅美食好伙伴，我知道佢識飲識食識享受，唔搵佢唔係搵邊個呀～🤣🤣🤣 今日大家都好掛住皇朝小籠包，去去去，來吃過痛快😋😋。我喜歡黑松露，味道是中等程度，我第一時間就食佢。很香濃的黑松露味， 湯甜肉香，美味可口💕💕。瓊姐愛由淺入深，先揀人參，味道甘甜，而且健康養身，啱晒佢。😁😁最令我掛住的#麻醬油麥菜 🌱🌱 ，必食之選😏😏。超新鮮清爽，點上麻醬惹味又香口，未食單睇青綠色已經好開心😍😍。瓊姐竟然話似「體驗羊群🐏🐑在吃草的生活」。 重慶紅油鮮蝦炒手🦐， 雲吞皮很薄，用肉眼都可以隱約見到裡面嘅餡料，果真晶瑩剔透🙄🙄。三色老媽滷蛋🥚，是冷盤來的，用了雞蛋、鹹蛋及皮蛋，層次分明， 味道中庸，

想試8式小籠包好耐！終於有機會！地方好大，環境好好，即使好多人都唔算好嘈，可以傾到計👍🏻由於早到，我地兩個人都可以坐到卡位，太好了！諗都唔洗諗即點小籠包果然冇失望！個皮唔易串，每隻都飲到湯👍🏻雖然唔算好分得出d味😂冷盤 好大碟！食上海野一定要食麵，炸排骨又唔會好油小菜都正路！兩個人食超級飽😋整體利講 野食唔會太油 唔錯！由於同朋友太多野講，講到差唔多十點都冇人趕我地走🙈開心既一餐😊👍🏻

這間來自新加坡的上海菜館，自推出這個八色皇朝小籠包，令傳統的上海小籠包成為色彩繽紛，口味多元的點心。多款口味，有濃有淡，有傳統亦有創新，必有一款合你心意，而每次來到這裏，這道點心必成為我的首選。醉雞（$78）👍👍👍👍👍醉雞亦是上海菜中的經典，花雕的香味跟冰糖的清甜，令微澀的酒味升華，雞肉滲透著陣陣的酒香，皮香肉嫩，酒香四溢。京醬肉絲配薄餅（$85）👍👍👍👍濃香的京醤肉絲配合薄餅，中和了京醬的濃味，把薄餅捲著肉絲，濃淡適中又飽肚。肉碎乾煸四季豆（$78）👍👍👍👍香辣的肉碎四季豆，惹味鹹香，乾煸的四季豆有甜甜的豆味，跟飯或淨吃同樣合宜。蘿蔔絲酥餅（$42）👍👍👍👍酥香的蘿蔔絲酥餅，層層疊疊的酥皮包裹著熱辣辣的蘿蔔絲，香甜又可口。皇朝小籠包($108)👍👍👍👍👍八色的皇朝小籠包，有八種口味，分別為：招牌原味小籠包、蒜香小籠包、人參小籠包、鵝肝小籠包、麻辣小籠包、芝士小籠包、蟹粉小籠包、黑松露小籠包。色彩繽紛的小籠包，不同口味，最適合多心及喜歡嘗試多種口味的人仕，獨享或分享同樣可以。豬骨湯年糕（$76）👍👍👍👍豬骨湯底跟上海年糕，湯底乳白色，味道香濃，配合娃娃菜、上海白菜、肉絲和冬菇絲等，熱騰

有冇人好似我咁身邊仲有一個朋友好鍾意食中餐我就有一個 佢帶左我黎樂天皇朝食佢話勁好食 又抵食咁我就信佢黎試下啦裝修走古典中國風 都幾特別樓底高又闊落 坐得好舒服一坐低就有餐前小食 係栗子同花生好淋好入味 野食選擇好多樣樣都想食 最後揀左遠近馳名皇朝小籠包撈拌海中寶生炒油麥菜糖醋魚片蒜香排骨拉麵撈拌海中寶有海哲 大蝦同青瓜絲岩晒我呢d乜嘢都想試下ge人 全部都好爽口 醬汁帶有少少微辣 好開胃皇朝小籠包顏色超繽紛 仲好細心有食用小步驟 提大家由淡味食到濃味 小籠包勁多湯汁 又鮮甜 一口size岩岩好 趁熱食勁正生炒油麥菜炒得一d都唔油 又爽脆又唔老糖醋魚片魚片炸過再加上糖醋醬 魚片仲係好嫩滑加上酸酸甜甜ge糖醋好好食 蒜香排骨拉麵排骨同面分開上 咁樣排骨就唔會浸到淋晒排骨多肉 肉質結實又唔油 拉麵好有咬口 湯底清甜 估唔到拉麵都咁高質食左咁多高質野唔洗250蚊一個人 其實好扺

Blue Monday 又係出動去搵食既時候今晚book左想食好耐既樂天皇朝入到去發現裝修都幾靚古色古香得黎都幾時尚中間有個水池 有少少流水聲坐落幾舒服Menu選擇都唔少夫妻肺片少少麻辣 但辣得黎好香口牛𦟌同牛肚都好爽口 食完好開胃話梅元蹄要左半隻 都唔算好肥食落唔會好甜好膩可能係配左話梅 食落都算清新主角～皇朝小籠包有黑松露 鵝肝 蟹粉等等既口味當中綠色個隻人蔘味道幾特別皮薄涵靚裡面既肉份量都幾大松子桂魚上枱已經覺得好驚艷Size都幾大份顏色睇落好吸引開胃魚肉鮮嫩 炸得香脆菠蘿同蘆薈粒都幾refresh配埋大量松子 好食！最後要左個皇朝擔擔麵有好多花生 食落好香口唔食得辣既人 都可以食到超級滿足既一餐推薦比大家！！

之前食過旺角和青衣的樂天皇朝， 只係對其美食有較深刻印象， 尤其是皇朝小籠包和松子鮮果桂魚，食過後味道滋味滿足。 估唔到今日去銅鑼灣利舞臺這間樂天皇朝, 除了食物水準保持較佳外， 其裝修格局更令食客耳目一新, 跟其他分店畀更輝煌、更有氣派， 真正食物和環境都攞好高分。這店6樓全層面積極大, 一出lift已被這裡的環境深深吸引住， 中國傳統古代設計,在餐廳正中間還有一條長方形的 水池， 池中放了數十盞蓮花形的燈， 在昏暗的燈光下， 極具氣氛。我們好彩被安排坐在水池旁邊的卡位， 座位寬敞闊落之餘， 就好像在湖邊悠閒舒適地進行晚餐, 此情此境，正！看了一陣餐牌，除了必點的兩款外(皇朝小籠包和松子鮮果桂魚)， 更點了一盎清燉雞湯、 乾燒蝦球、 皇朝擔擔麵和鮑魚炒飯，非常期待。先嚟我至愛的皇朝小籠包， 八種不同味道順序是原味、人蔘、鵝肝 、黑松露、芝士、蟹粉、 蒜香和麻辣， 味道由淺至深，每種味道都口味獨特， 最欣賞這裏的小籠包皮超薄餡靚， 即整即蒸，非常新鮮。其次是松子鮮果桂魚， 味道酸甜各半,非常醒神開胃。 加上原條桂花鱸魚，新鮮甜美、肉質嫩滑，好美味！清燉雞湯，飲落清甜滋潤 ，而當中的雞肉

一大班朋友聚會，有人提議食小籠包，於是就決定去銅鑼灣食樂天皇朝。裝修同燈光都令人覺得好舒服，今次真係水滾茶靚！啲茶斟出嚟夠曬熱，真係合曬大家心意。 美中不足嘅係，我哋五個人，佢畀咗一個，本來應該只係坐四個人嘅位畀我哋，有少少逼夾😂。我地五個人叫咗十一碟菜，多到我都以為會食唔完。李白醉雞：肉質較差，好「鞋」蘿蔔絲酥餅：有啲圖文不符，不過味道唔錯京醬肉絲：好意外！呢一味餸好好食，雖然分量唔係好多，但肉絲同餅皮嘅分配量係啱啱好。餅皮中和左京醬好濃嘅味道，好味！小籠包：叫咗十隻原味小籠包同埋特色皇朝小籠包。小籠包皮夠薄，入邊仲有滿滿嘅湯汁，好味道。雖然話皇朝小籠包彩色好得意，又可以試下其他唔同嘅味道，不過始終都係原味最好食。炸饅頭：優勝嘅地方就係佢即刻炸起即刻拎畀我哋。我地仲感受到啲油同埋熱，外皮又夠曬脆卜卜。上海炒年糕：落單嘅侍應生好好心咁提我哋要少鹹，少鹹之後嘅味道啱啱好😊辣子雞：唔係話好辣，雞粒炸得好脆，可惜雞粒得好少，但真係好吸引好好食。桂花酒釀丸子：濃濃嘅桂花香味，加埋淡淡嘅酒釀，糖水比較傑身，糖水比其他地方好味。只可惜丸子唔係好好食，組織好散，可能因為佢 唔係搓成一粒粒。