樂天皇朝 (雅蘭中心)

營業中

休息中

菜式係好精緻嘅，賣相不俗，但稍嫌太鹹，份量好少。而且服務員態度好差，我book五個人，比張四人枱我。工作人員故意扮睇你唔到，但有限時用膳，落order好慢，上菜又好慢。我諗我以後都唔會再光顧。

見到個個食評都話好，就去試下啦，晚上8:15，攞位，等左大約半個小時，入到去，好辛苦先叫到個waiter幫我地落單。等左15分鐘，來了碗擔擔麵。味道不錯，麵身有彈力，呢碗好食之後再等多15分鐘先有小籠包，一籠6個或10個點了原味6個，皮薄軟，但不易漏，內裡肉汁多，沾上醋不太酸，係好味的！不過等得有點耐，前後要半小時。之後還有碟上海炒年糕等到我地食晒野都未來。。等左成個鐘先有得食，想叫佢取消，碟野先出現味道一般，有些年糕疊住一起，還有燶味，又等了成粒鐘之後加個甜品，擂沙湯丸，我最想食既野，呢個好快就來到了！擂沙湯丸，望落唔夠脹卜卜餡不錯的，滿滿的黑芝麻流心，但個皮大黏了，不煙韌！已經逐一小啖食，但喺口內黏連流心餡係好易哽到。。最後埋單，比了卡後等左10分鐘都未比返我簽名，原來佢等多啲單一次過拎過來。。咁樣真係好唔惦，食客又要等，等啲野食上台已經等到天荒地老，比錢都要等，後來走出去櫃臺問算，因為都已經夜了！整體來說，唔想再試。。

先先黎到叫左個好普通既炒小白菜先 點知個蒜香做得勁好 食落有少少油但係令到菜既甜味更出 幾好味之後叫左個蘿蔔絲酥餅 真係好好食 酥餅做得好脆好好食 但入面既蘿蔔絲絲分明 雖然好燙口但食得出好甜 一點苦味都無 好想encore ar!呢個雪菜麵就普通左少少 可以不叫蟹粉既季節又到啦 蟹粉小籠包好好食 好濃連個豬肉湯都有蟹膏味 非常之咁做到皮薄多汁 應該係皮薄爆汁 不過如果係偏好淡味既就可能原味啦揀返!最後呢個蟹粉豆腐真係好好食 豆腐香滑 蟹粉芡唔會太過潔身 可以岩岩好掛係白飯上面 送到好多好多碗飯 非常值得推介比各位整體而言呢餐真係好滿意 不過係門口果個講大陸口音既姨姨可以多少少待客之道就更好

最近樂天這家餐廳有再多開咗一間銅鑼灣的分店，雖然只得三間分店但朋友圈討論的次數卻越來越多，特別是那個五顏六色的小籠包，抱着朝聖的心態所以今日決定來到這間樂天餐廳一試，但由於今日小弟在旺角工作所以轉戰過來旺角這間已開幕很久的分店，晚飯時間人流的確相當多需要等候半個小時的時間才能安排入座先來個頭盤先——醋醬海蜇頭，酸酸甜甜都幾開胃食上海野又點能少咗——香辣蒜泥白肉京醬肉絲配薄餅，味道有點過咸，味道一般最後當然要來個最朝聖小菜～～皇朝小籠包，不同小籠包有不同的味道，正！大家必定來朝聖一番！

樂天皇朝開到黎旺角，地點非常方便，就喺雅蘭中心，約人食飯啱晒。未入去已經被八色小籠包吸引住喇。八色皇朝小籠包（$98）好colourful嘅賣相，建議由中間果粒原味開始食，之後就係人參、鵝肝、黑松露、芝士、蟹粉、蒜香、麻辣味。味道由淡到濃，層層遞增。個人覺得原味、蟹粉同蒜香最出色。李白醉雞（$78）（雞比加$10）醉雞味道還好啦。醋醬海蜇頭（$62）海蜇頭酸酸地，好爽脆！四川酸辣湯（$48）酸酸辣辣好開胃！揚州炒飯（$78）蟹粉扒津白（$138）秋風起，正是食蟹嘅季節。怕拆蟹肉嘅我，當然prefer食蟹粉多啲啦。淡味嘅津白，鋪上濃濃香香嘅蟹粉，啖啖蟹粉好邪惡呀。

早幾日同朋友去旺角食飯，諗左好耐食咩好呢~ 諗諗下正起DADDY MAMMY 上個星期食過話好味~ 一於同埋D朋友去試下啦~ 去到都幾多人WOR~ 入面FULL 哂~要拎飛，等左太約30 MIN 到就有位喇~ 等候期間可以去隔離D舖頭行下~地理位置非常之好!未入去之前已經睇定左要食咩喇！ 第一樣要叫既係成都口水雞！ 雞好嫩，辣咪適中，唔會太辣，又唔會無味，好惹味，一件夾一件！第2樣緊係叫小籠包啦，雖然佢出名7色小籠包，但我都係想試原味多d~~ 果然無失望啊，咬落d汁流哂出黎，真係好正啊第3樣就係生煎包，一碟3隻，大大隻，皮好軟，估唔到生煎包都咁多汁wor! 又係一咬落去d汁就必出黎！第4樣係四川抄手拌麵，抄手漲卜卜，啖啖肉，伴麵d料好正宗，同麵底，抄手又好夾，一個人ko一碗都唔係問題啊！最後就係甜品喇，都係離唔開小籠包，叫左個榴槤小籠包，嘩！ 超驚喜啊，入面超多榴槤餡，好濃郁既榴槤味，要翻兜下次都一定要再食

終於試到唔同顏色既小籠包，唔…我還是喜歡原味不過同朋友一齊食，大家口味不同，一籠有曬唔同味，咁就啱曬大家啦…又可以試唔同味。其實呢間小菜都好好食，有個竹筒魚，好惹味，值得試吖。

星期一嘅時候相約三五知己去到旺角樂天皇朝食好西其實早前係銅鑼灣利舞臺已經有留意到依一間以七色小籠包作招徠嘅餐廳，但一直都苦無時間同機會品嚐。今次見大家相約旺角，就二話不說咁敲定左依一間。七點左右 已經見到餐廳入面幾乎坐滿但好彩我地等左十五分鐘就可以入座雖然當時嘅我係被七色小籠包所吸引但因為朋友大力推介下最後選擇左原汁原味嘅小籠包一咬下去 熱騰騰嘅湯汁同餡料已經大大滿足我嘅口腹之慾 。 皮夠薄，而且湯汁鮮甜。難怪我朋友會一試再試❤係朋友分享工作上嘅趣事之際乾燒蝦球就岀現係我地眼前顏色已經好吸引眼球 冇諗過望落似泰式辣醬嘅佢 食落去 辣度一啲都唔馬虎對於愛辣嘅我泥講 真係一大驚喜😍朋友們都唔太好辣 然後我成功包攬左好多蝦蝦蝦蝦XDD食完辣野 要搵啲野中和下依個瑤柱芙蓉賽螃蟹 我覺得不過不失可能食完重口味嘅野 一時之間落差有點大口感相對淡好多 但蟹肉啖啖都有水煮牛肉我地一直撈啊撈 都仲有好多配料同牛肉好抵食啊！但依個反而冇蝦球咁辣 最後甜品以榴連小籠包作結有少少似食緊熱嘅榴連雪糕綿綿的小籠包 口感幾令人難忘以朋友聚會環境，食物質素來說我覺得係一個唔錯嘅選擇但每碟食物份量略嫌不足滿足

好耐未食過中菜，屋企人就提議左去樂天皇朝食小籠包。地點喺旺角雅蘭中心上面，非常方便。坐低見到枱旁邊有個黑色嘅籃，比食客放隨身物品，覺得呢個服務幾貼心。每次來到樂天皇朝，都必然會點麻醬油麥菜，因為呢款菜式非常特別，而且好好食。油麥菜一層卷一層，外層包上一片片薄切青瓜，再沾上麻醬，口感豐富，而且味道清新。油麥菜卷得非常紮實，唔會一咬就散。呢度菜係一道冷盤，外層有點油膩，味道一般。肉絲沾上甜甜的醬，再包上薄餅，食落味道同口感有啲似片皮鴨薄餅微暖，而且唔會一拉就裂開，包住肉絲呢種食法幾特別小籠包係呢度嘅主打菜式，＄98就可以試晒八種味道嘅小籠包，包括原味、人參、鵝肝、黑松露、芝士、蟹粉、蒜香以及麻辣味。個人認為原味、鵝肝以及黑松露味嘅小籠包最為滋味，而且味道較為突出。小籠包皮薄餡靚，唔會一夾就穿。餐廳有教小籠包正確嘅食法，要先吸吮湯汁，再輕輕點上醋之後再食。糖醋魚片煮得唔錯，青椒洋蔥等配菜爽口，而且魚塊甜酸味道適中。魚塊好大塊，真材實料。買單計埋小食以及茶介每位大概＄222 ,菜式有心思，而且水準平均，個人覺得幾抵食。

昨天本著已想去試一試的心態去嘗試, 一入去非常吸引的佈置, 叫了幾個出色的點心.  其實味道真不錯.  但是那些侍應的服務態度就真是不敢恭維.  在進食時, 已聽到隔離枱的那位客人投訴, 將未吃完的食物未問客人便已收走.  我在旁邊聽了都覺得有點不妥.  不過, 隔了一會, 又有同樣事情發生, 有個男侍應想收走我吃了一半的食物收走, 如果我們只是掛住看電話, 收了也不知.  另外, 當我們要埋單時, 叫了一個著白恤衫黑色背心的女侍應 (我覺得她應該是較商級的員工), 她拿了我們的信用咭去櫃面結帳.  但是, 過了15分鐘都沒有拿回來. 但是那時只有 4 - 5 枱客, 根本所有侍應都好似表現到 "等收工" 咁....然後我便舉手找人幫忙查一查, 但係啲侍應好似七月十四 "時運高睇你唔倒咁", 我舉咗成分鐘都沒有人埋o黎.  最後, 有位男侍應走埋o黎問我乜事, 我同佢講完後, 佢又覆返俾個白恤衫黑色背心的女侍應.  個女侍應即刻走去查電腦, 但係行到埋去, 竟然問返個男侍應究竟邊張枱埋單.....oh, my god....之後, 我同佢講咗後, 佢就叫咪同個收銀講, 話個客催張單,

今日係雅蘭中心試左樂天皇朝，呢間餐廳最出名既係八色小籠包，所以就吸引到我去幫襯。店內環境都幾好，不會有太逼既情況出現。今次點了蟹粉炒飯，賽螃蟹，李白醉雞，蒜泥白肉同皇牌八色小籠包。來自新加坡的八色小籠包，小籠包整得好靚之剩重有不同口味添，味道由淡吃到濃十分出色。蟹粉炒飯賣相不錯，而且材料同份量都好足，食落去時重會食到啖啖既蟹膏甘香。李白醉雞肉質嫩滑，而且整得幾入味，同埋餐廳方面切到細細件，方便顧客進食。蒜泥白肉同賽螃蟹就正正常常，無什麼大驚喜。

秋意濃濃，無須多講，喺食蟹的時候，咁就非上海菜莫屬！約蟹迷一齊去樂天皇朝蟹一蟹！門口等位的時候就可以欣賞師傅的手藝，都在包小籠包。其實對大閘蟹又愛又恨，要食好耐先食完一隻蟹，所以懶人最啱就係食呢個系列。茶位$7，小食每碟$15，小食有花生和栗子，食材好稔，好入味，甜甜地，入口即化。心太軟(糯米紅棗)($52)，紅棗包住糯米食，甜甜的，既有特色，也很有嚼勁，瞬間成為我最愛的上海菜式之一。蘿蔔絲酥餅($38 三件)，滿滿的蘿蔔絲，新鮮焗的，不會太油腻，蘿蔔味道清甜，外皮烤很鬆化。京醬肉絲配薄餅($82)，肉絲帶京葱一齊炒，見到已經好吸引，用薄皮包住多汁的肉絲食，很滋味。飽點咁出色，忍唔住都要再order試下。葱油餅($35兩件)，造型特別，已經為你切好了，方便食用。葱味強烈，也很鬆化，味道不錯。重點上場，蟹粉蝦仁($188)，蝦肉爽脆，加上大量蟹粉冚面，賣相極之吸引。再者，蝦蟹味道調和，能與蟹粉一齊大啖大啖食，真喺好幸福。一個蝦蟹又點會夠呢，再上蟹粉炒飯($128)，炒飯用蛋花和葱炒，面淋上的蟹粉，蟹味道非常濃郁，有見得到的蟹肉和蟹膏，令人很滿足，而且性價比相當高。

雖然不是蟹控蟹痴，每到秋天總想吃吃大閘蟹應節。今年因為大陸太湖蟹跟陽澄湖大閘蟹皆失收，加上二噁英檢驗超標問題，市場沒有江蘇產蟹供應，酒樓餐館亦不見推出大閘蟹宴奉客。約了朋友吃飯，朋友忽然想吃大閘蟹，我靈機一觸提議： 無蟹食，不如食蟹粉啦。朋友一聲叫好。註： 蟹粉泛指從大閘蟹中拆出的蟹黃蟹肉混合物。最後選了一年四季都有蟹粉菜式供應的樂天皇朝用膳。曾到銅鑼灣店，旺角店屬首度幫襯，環境同樣寬敞舒適，桌櫈之間空間感十足。為了滿足朋友吃蟹欲望，點了一籠10隻的大號小籠包。包子內蟹粉跟豬肉的比例各佔一半，當然亦有着一小口湯汁，蟹味十足，湯汁滿盈，皮薄透光兼有18小摺，外型及味道堪稱完美！朋友從未吃過樂天的小籠包，一吃大讚，encore 了一籠八味全包子，她一口氣自行幹掉八個，吃後大呼過癮！特意來吃蟹粉菜式，怎能不吃蟹粉豆腐，在白身嫩滑的豆腐上淋上滿滿蟹粉，保守估計兩隻三兩小蟹才能拆出那麼份量的蟹粉，小弟及友人一羹羹大口大口的吃，口腔滿是甘香鮮甜滋味，大大滿足，很可惜不慎删除了這道菜的照片，不能在食評內跟大家共享。醉雞是樂天的另一名菜，怎能不點，一如所料，雞肉嫩滑，帶有平衡的甘美酒香。蒜泥白肉乃非常

秋風起，即係蟹季又到喇，一下子就諗到要食蟹粉小龍包，今晚早放工六點零鐘就到咗雅蘭中心，目標樂天皇朝。好在早去有位坐，過多15分鐘經已一堆人喺外面等位。一家三口點了以下1、蘿蔔絲酥餅即叫即炸，外邊酥皮鬆化內裏蘿蔔絲熱辣辣。2、撈拌海中寶即係海蜇同蝦球，兩者都爽口，而且剛食完熱辣辣酥餅再食呢個冷盤，有冰火感覺，即時胃口大開。3、原味小籠包本身勁中意食小龍包嘅我一連叫咗兩款，先試原味，未食都透透地見到皮薄多湯，試第二粒灘凍少少成粒放入口，勁正。4、蟹粉小籠包再嚟有蟹粉嘅，飲啖茶清清個口之後，第一粒咬開少少皮先o雪一啖湯, 有蒸完蟹meet開蟹蓋嘅蟹香，再咬啖試真啲，肉餡混入蟹嘅精華，肉香湯濃，屋企人都話正。5、蟹粉白玉盅豆腐羹上見到幾粒蟹膏，內裏仲有蟹肉絲，蟹味香濃。6、四川辣子雞雞肉都炸得比較干身，咸香脆，只有越食越滋味，相當醒神。7、京醬肉絲濃汁肉嫩，味道帶少少甜，包裹入粉皮中，感覺滿足，而且每次都可以包多啲肉餡，亦唔怕粉皮會穿。8、皇朝擔擔拉麵花生醬濃湯達至預料之內，面條拉得又長又爽韌，熱辣辣濃湯加埋花生粒粒，係一碗唔錯嘅擔擔面。即叫即做嘅每一道菜都令人讚嘆，雖然場內唔細而且好熱鬧，但

今天想吃京滬菜，便選了這間位於旺角雅蘭中心的樂天皇朝，地點非常方便，裝潢典雅舒適。侍應招待也不錯，今天是星期一，雖然這裏地方很大，但不到七時己經座無虛席。金色的茶壼很精緻，小食端上枱時還是暖的。花生和栗子很軟腍很好味，我很喜歡這碟很有心思的小食。醋醬海蜇頭 海蜇頭很爽脆，味道帶點酸，連墊碟的青瓜也很新鮮和好味，是一道很開胃的前菜。皇朝八色小籠包 不單賣相吸引，而且吃得味蕾也非常滿足。因為有八種不同味道，侍應還教客人順序由原味、人參、鵝肝、黑松露、芝士、蟹粉、蒜香、麻辣等不同味道慢慢的吃，非常貼心。每一隻小籠包的皮都很薄而且很多湯汁，我最喜愛人參、鵝肝和黑松露，非常有特色和精彩。皇朝話梅骨 很開胃的話梅骨，酸中帶甜，每粒排骨都有汁包著，令排骨一點也不乾，而且排骨肥瘦適中，肉質爽口。雖然份量也頗多，但因為太美味也被我們吃光。蟹粉豆腐 現在是大閘蟹當造的季節，一定要試試蟹粉菜式。這道菜的豆腐非常滑溜，加上鮮拆蟹肉和蟹粉，美味得來又健康。蟹粉炒飯 蟹粉鋪滿整個炒飯，炒飯粒粒分明，加上蟹粉一起吃，口感很是滿足。宮廷驢打滾 糯米粉糰軟身得來又煙靱，紅豆蓉餡甜度適中，加上上面的果仁碎和黃豆粉，真的很