樂天皇朝 (雅蘭中心)

營業中

休息中

今日去旺角雅蘭中心買運動用品，經過《樂天皇朝》見到啲小籠包好吸引，仲要係師傅即場製作，新鮮熱辣辣，所以就入去試試☺️☺️！炸饅頭＄30即點即炸，外脆內軟，一絲絲嘅口感，沾上大量煉奶🥛，超口味食唔停口😋。原味小籠包(6 pcs) ＄68味道有好多選擇，但偏愛原味😌至愛它湯汁滿瀉，清甜不油膩，皮薄而且口感Q彈，不錯👍🏻👍🏻。四川酸辣湯 ＄63真材實料，豬肉絲、豆腐、竹荀和木耳絲等等．．．🌶酸酸辣辣好惹味，食慾大增，😁感覺非常過癮的一碗湯！宫廷艫打滾＄48糯米皮煙煙韌韌超軟熟，內裏包著甜甜的🫘豆沙餡料，估唔到咁好食😋😋！

旺角特色小籠包最近迷上食小籠包，見到呢間有8色小籠包好特別，即刻黎試吓餐廳充滿中國特色，深木色環境裝修很踏實，座位舒適寬敞而且有很多位。食物即叫即整，熱辣辣，上菜非常快。茶介每位$8，花生小食$15，另收+1服務費～ #小籠包 #灌湯小籠包 #皇朝小籠包 #上海小籠包 $138小籠包皮薄餡靚，有少量灌湯，不錯。建議自己咬個口先吸灌湯再吃。太多款味道🙈自己也不知道在吃什麼味。其中一款有鵝肝油味～ #蟹粉小籠包 也不錯👍🏻還是原味最好吃😋#豬骨湯拉麵 #🍜 #菜肉雲吞拉麵 $78清清豬骨湯幾好飲，拉麵是上海麵，多肉菜餃連湯一起吃更滋味#竹炭流沙包 $45黃金咸蛋奶黃流沙包餡料，夠曬邪惡😆#李白醉雞 $88份量不大，皮厚肉嫩，雞味濃而且花雕酒入味，好吃服務質素：7/10環境舒適度：8/10ᶘ ᵒᴥᵒᶅ個人口味評分：7/10

成日見到人出post食彩色小籠包，都會好好奇到底係咩味😂😂今腐有朋友要求想試下，一於一齊去感受彩虹的味道🌈店舖位於旺角雅蘭，地點絕對係方便，喺雅蘭入面亦都有幾間餐廳，下次可以去試下😆由於一早book咗位，可以直入！但入到去發現都唔係太多人，唔洗book位都得！ -兩個人叫咗:.肉碎欖菜四季豆$85正正常常，屋企炒嘅味道🥹.李白醉雞$85味道都夠入味的，但喺啲雞就比較鞋….蟹粉炒飯$128哩個性價比超低🤣啲飯又少，個蟹炒亦都一般般，但價錢好貴.特色皇朝小籠包(8粒) $118最好食應該喺哩個，皮夠薄，餡夠多汁，可惜啲味太特別，個人唔太喜歡，估計原味的小籠包會好食好多😂😂.哩間我估計唔會要翻食，因為質素一般，但價錢貴！性價比不高！-📍旺角彌敦道639號雅蘭中心2樓203及205號舖

好開心終於等到樂天皇朝開晚市好掛住佢哋既八色小籠包放工落旺角同老公去雅蘭中心那間晚膳喜歡前菜是甘栗花生，很粉糯，嘆杯茶，等正餐時暖下胃都幾好。皇朝八色小籠包是招牌菜，熱騰騰送到面前，見到小籠包很精緻，八色代表麻辣，鵝肝，芝士，黑松露，蟹粉，蒜味，糟溜絲瓜。都真係幾熱，小心燙口。其中我喜愛鵝肝，濃郁的鵝肝香味夾到鮮肉，麻辣的味覺衝擊帶點麻感。整體小籠包皮薄，內餡滿滿湯汁，我們食得津津有味。蘿蔔絲酥餅入口即化，外層炸成花形，褶痕很有層次。內餡是香甜多汁的蘿蔔絲，炸至金黃色，很酥脆。蝦仁酸辣湯拉麵很香辣，湯羹滿滿是木耳絲，豆腐絲，蛋花，肉絲，筍絲，拉麵剪成一半方便食用，拉麵很有韌度，掛上湯汁很惹味。辣度對我而言有點辣，老公覺得岩岩好，酸辣的味道真係好醒胃。雪菜鹹肉炒年糕是必食，喜歡他雪菜不太咸，咸肉帶點油香，炒年糕很香軟，煙韌，吃起來不會太黏。雪菜爽口，配搭一起食用，很有層次感。

😚下午茶時間，正當想食中式口味餐廳，路經人流微旺既樂天皇朝，就決定進上海店一嚐，其實以前經過旺角，已周不時眼見招牌介紹8款顏色不同口味小籠包既大字廣告牌，難得一試機會近於眼前，當然好好把握呢次既緣份啦，哈哈🤣🤣👏🏻👏🏻門口帶位至到落單服務順暢，上茶水、小食既速度安排快手，茶水系普洱茶，正中我呢個姥姥既「茶味」，顯眼獨特既金色不鏽鋼鐵茶壺，系洗淨餐具時，職員主動提供茶兜，服務非常殷勤👏🏻👏🏻小食：軟身焗花生🥜，焗到軟身既花生，少左炒製既熱氣感，等上菜前，真系最好不過既送口小食🤤🤤👅8色小籠包❤️❤️原味、川味、蒜香、黑松露、芝士、蟹粉、鵝肝、糟溜絲瓜來得樂天皇朝點可唔試佢地招牌8款自家制小籠包口味，一上籠打開就已陣陣屬於小籠包香味四溢，各口味出奇地與肉味融洽，比較特別的口味非「川味」莫屬，有點水煮牛汁既刺激味道，非常帶創意既料理，每隻小龍包都系爆汁系列💦💦，外皮厚度適中完美包住，細心在籠底用籠布墊底，避免蒸籠紙痴住每小籠包易穿既問題😝😝👅蒜泥白肉❤️❤️蒜泥白肉值得一讚在，豬肉唔會有過膩肥脂感，較瘦為主既腩片包住青瓜絲，面頭系滿滿香又微辣既蒜蓉碎，再加上青蔥碎，食落青瓜小消新感配搭濃味既蒜泥肉片

好耐無出去食過飯，難得約朋友再幫襯呢間，水準依舊，小籠包個皮做得好好，上來係好熱夠溫度，入面餡料加湯汁個效果八款都明顯feel到係晤一樣，個人覺得蟹粉小籠包同原味做得最出色，仲加單左多籠六隻原味ge.口水雞個醬同坊間食開ge有d分別，麻同辣偏輕，無紅油，個醬應該加重左花生醬感覺，出來ge效果都晤錯.雞本身味道晤重紅油抄手個醬都係同坊間晤一樣，有好重醋味，餡料無蝦，但係皮同餡料都覺得好食，但係本身晤鐘意醋所以有d扣分

同媽咪撐枱腳，佢話好耐冇食過小籠包不如去飲茶，既然係咁，不如去出名食小籠包嘅鋪頭仲好啦。兩個人叫左四樣野食都好夠飽，分別係小籠包，黃瓜海蜇頭，上海炒年糕，豆沙窩餅。小籠包皮薄餡靚，唔小心夾會穿皮漏晒啲湯汁出嚟。海蜇頭勁爽脆，好食過普通海蜇好多，黃瓜又清爽，酸酸地好開胃。上海炒年糕好大碟，味道都幾濃，年糕又有咬口，咬下咬下好易飽。最後叫左個豆沙窩餅，呢個算係全餐最唔好食嘅，炸唔夠時間，食落唔脆，豆沙餡又唔夠多，失望

一萬七千宗確疹，但係飯都要照食，本來想食清淡啲，但星期六又想食好小小，雖然旺角晚巿有很外賣既餐廳愈泥愈少，但係都仲可以食到小黃魚同埋生煎包。🤤🤤家下夜晚外賣有六七折，所以就貪心甘叫左小黃魚，生煎包，醬鴨，菜，擔擔面同埋炒飯。上海嘢入邊除咗小籠包之外，必叫嘅一定係小黃魚，貴係貴左啲，因為其他上海餐廳係九十幾蚊兩條，呢間得一條，但係好想食就無計拉。小黃魚好食之處就係外面酥脆，內嫩，正🤤🤤生煎包好驚外賣拎到番屋企就凍晒唔好食，所以快速甘返屋企，好彩都仲係熱既。最後因為有折，所以嘗試新野，醬鴨。入味到連啲骨都咬得爛。最後加埋唔油既楊洲炒飯同埋擔擔面，完全既一餐。不過擔擔面就有小小凍左，所以都係熱返泥食先好食啲。

我真未試過咁服務，叫3種食物1種(走單)，追單問返我要唔要，咩服務。我記得落單時服務員講3種食物他回覆我酸辣拉麵; 梅子元蹄(半份);小籠包。第一次幫襯也是最後一次。無下次🤬🤬🤬🤬🤬

上次在青衣的分店吃過一次，覺得食物不錯，所以再去旺角的分店，怎料食物質責超不濟，大失所望。點了招牌的小籠包、元蹄和炒飯。全部都不好吃，小籠包算是最正常的，但不明白為什麼不是熱騰騰的，是和暖的。其餘的兩道菜都不好吃。炒飯很油，元蹄更差，它的肉硬得可以用來做武器。一定一定不會再到這間分店。

食物質素係可以，不過員工之服務態度麻麻原味小籠包$62（6個）…肉汁鎖係皮餡內，咬落之豬肉配上濃濃湯汁係好好味😋黃魚煨麵$98，黃魚大約有5-6件魚肉嫩滑不過略嫌太小，魚湯清淡可喝上海生煎包$42（3個）茶費$16/位，花生🥜小食$15不計食物，另付$47⋯⋯唔抵😡縱使所有食物質素都係唔錯，價錢稍貴員工服務都有些無禮，為免貼錢買難受😣小去為佳😓唔肚餓之晚餐，每人$130⋯⋯基本上食唔飽😨

the place is beautiful but the plaza it is located in is very confusing.also, not many options for people who done eat pork (almost all soup on pork bone soup). also, they made us pay for the tea and peanuts (that we did not order). Eventually, we did not pay for the peanuts because we did not eat them. the food was ok, noodles were fine, but not worth the price.

今次係第二次黎食，之前只有2人食，可叫嘅餸有限，今次有3人，就可試多d先評。其實呢間店主打上海嘢，真係應該主力點上海餸就啱蒜泥白肉，佢個蒜都有點口水雞汁嘅香味，加上包住青瓜絲有一種清新感覺紅油炒手，同樣係口水雞汁麻香少少辣，皮又滑，要食到傳統呢種少麻香辣口水雞汁味好幸福因為宜家出面好多都係死辣無香醉雞皮滑無肥肉軟，我平時都唔太食切雞皮，好怕過啲一粒粒口感，但呢個好軟滑又薄，以上呢3款小食(餸)都值得推介 至於個波菜我個人就幾喜歡，因為係較淋口感當然，唔少得小籠包啦，肉汁未算泌出嚟嘅多汁，松露、麻辣、芝士都不過不失，但就唔算好特別。我哋第一轉全是上海菜，每碟味道真不錯所以再叫第二轉。賽旁蟹都係上海菜，所以味道都係唔錯咕嚕肉上碟，我有點失望，肉咁少味道唔錯，可惜我食咗一粒似肥肉較多有一拋嘢口感。海浙頭青瓜，我就唔太欣賞，因為有點膠味，但朋友就好喜歡蒜香豬，買相唔錯，味道ok，啖啖肉，不過略為唔夠多蒜香。麻醬油麥菜好脆好新鮮感整體來講，粵式小菜無上海菜咁出色，但都好味，細細碟，人少可食多幾樣

廣告見到攞晒獎既小籠包，而且好似好多人都讚好食，特登去試下～除左小籠包必食之外，個炸刀切小饅頭應該都係下次再去要食既回頭菜！❤️八色小籠包 皮薄多汁，一啖咬落去，成口都係湯汁，好正！8款味道各有特色，一定要揀既原味+蟹粉+黑松露味 係最中意既Top3🧡炸刀切小饅頭 炸到金黃色，外面脆，入面仲係一絲絲好軟綿既饅頭，好味！💛京醬肉絲 肉絲好夠味，加埋少少蔥用麼麼皮包住食，唔錯唔錯💚上海炒年糕 好有鑊氣既炒年糕，好上海菜果種濃油赤醬既味道，而且年糕質地都好軟好煙韌P.S 特別中意前菜碟花生有好甜既栗子！

其實都幾常黎樂天皇朝到食小籠包，逢係有朋友話想食小籠包都會推介樂天，哈哈。是晚又同朋友黎左食，晚上七點多黎到雅蘭的樂天，居然唔使等位，一黎到就有枱，lucky～先來碗皇朝擔擔麵，賣相好似無以前咁精緻？試下個味先。湯底微辣帶花生醬香，都幾好味，不過略微稀左少少。麵條好彈牙，份量都幾多，吸飽湯汁好正。另外叫左一份李白碎雞，上枱已聞到酒香。雞件嫩滑唔肥膩，抵讚係全熟都咁滑，有時都幾怕啲雞骨係咁出血水㗎。個醬汁濃濃酒香好好味，朋友話想飲左佢，哈哈。最後就點少得樂天嘅名物小籠包呢，叫左原味小籠包十隻，正正正。皮薄餡料鮮味，隻隻都爆多湯汁㗎，而且個皮薄得黎又有韌度，唔易夾穿，漏左汁就失色好多㗎嘛。枱上放有醋同一盒薑絲，大量薑吖唔該～最鍾意小籠包酸薑絲食。好味好味，太愛佢地個小籠包了，不如下次一人一籠啦～