樂天皇朝 (雅蘭中心)

營業中

休息中

D11 李白醉雞好香的花雕酒味，適合夏天食C1清燉雞湯清而不淡，鮮而不俗，雞肉也滑，好飲松子桂魚魚皮炸得酥脆，而且它的酸甜調配得剛剛好，完美解除炸魚的油膩感，讓人不知不覺吃多幾口A1黃朝小籠包每個口味都很突出，有新意，但本人偏好原味G5揚州炒飯一般

今日同朋友去旺角行街🛍，經過《樂天皇朝》見到啲師傅即場製作小籠包好吸引，新鮮又即製，所以就入去幫襯一下。黑松露小龍包= 見到有八式小籠包，味道有太多選擇，心大心細，最後都係試吓新嘢，一籠有六隻，松露味濃而不俗氣，加上湯汁滿瀉，皮薄又有口感，好好味👍🏻。上海炒年糕= 平日食年糕通常食甜嘅比較多，而今次用炒嘅形式，年糕原來可以咁軟熟 ，上海既炒法會加入埋肉和一堆蔬菜當配菜，飽肚又好食😋！蝦仁酸辣湯= 材料有豬肉絲、木耳、豆腐、蝦仁等等，都幾足料，酸酸辣辣食慾大增，雖然冇得點少辣，但辣度都可以接受！紅油抄手=餡料味道和原味小籠包嘅味道一樣，同樣鮮甜，沾上特製辣醬汁，好惹味👍🏻！

一講起樂天皇朝，好多人都會諗起佢個八色小籠包，講起都慚愧，我一次都未食過。其實我一直都好想試，但係都無機會去試。所以難得今次朋友話想食小籠包，我即刻諗起一定要去試下。 蒸出嚟無我想像中咁鮮色，但係佢個皮真係好薄，又夠多湯，食落絕對有燙口感覺。呢8隻色分別由天然食材提煉而成，不含人工色素，包括有原味、蒜香、絲瓜、鵝肝、川味、芝士、蟹粉同黑松露。鵝肝同黑松露味尤其突出😋。 皇朝擔擔拉麵🍜麵條細滑，湯汁惹味濃郁，陣陣花生香味，做到掛湯嘅效果。 李白醉雞🐔肉質鮮嫩，夠晒冰涼，又充滿濃郁酒香味。 最後甜品加咗個香煎豆沙鍋餅，因為係即叫即整，所以都等咗一陣，上檯時熱辣辣，個表皮香煎，豆沙餡料都足夠，而且唔會太過甜。

来到旺角今晚又揀了食上海菜，就是雅蘭中心的樂天皇朝。餐廳裝修別緻，收工時間八點去到，今日滿晒座，餐廳好受歡迎喎∼ 坐低冇耐侍應就俾咗栗子花生作前菜，好好味，茶壺古色古香茶味仲好濃添，途中可無限添加水上海生煎包不過不失，如果餡料多啲會更加好味！但個皮都煎得好香脆老田家菜肉雲吞湯，淡淡湯都係幸福嘅味道，在湯中浸10分鐘都不會破爛，粒粒雲吞飽滿啖啖肉，好正啊！原味小籠包我哋叫咗六粒，我同老公揀咗原味，好驚喜呀一咬啲湯汁就流出黎，仲有張紙寫明教你點樣食，好細心，厚薄適中，同時又承托包內湯汁！賣相好靚，餡料大小份量適中﹔肉餡用新鮮豬肉製，有肉的鮮味，質感鬆化有咬口，調味適中。有充盈湯汁卻不油膩，有肉嘅鮮甜味！蒜香排骨拉麵一上枱太香啦！蒜香排骨表皮香脆，肉嫩多汁，好開胃，太香啦！拉麵係幼麵，鹹香配清湯拉麵超正香煎豆沙鍋餅，香香甜甜，外脆內軟，色澤金黃，甜而不膩，紅豆清香，口感棉密，用咁好味嘅甜品作結真係太Perfect啦我同老公都好滿意今天晚上嘅晚餐，下次嚟旺角會再幫襯！

間唔時就要食一次，超鍾意食佢既前菜同同小籠包❤️栗子花生｜我每次都會食哂😂花生同栗子都炆得超腍！ 招牌原味小籠包｜就係皮薄餡靚🤣一咬開好多湯，豬肉都好多肉汁🤤最愛小籠包❤️撈拌海中寶｜每次黎都必叫⭐️酸酸辣辣超開胃！加埋海哲同海蝦呢啲爽口配料，成個感覺都好清爽，勁岩夏天食☀️椒鹽小黃魚｜好鍾意佢個形態😂😂小黃魚既魚肉係超滑😋魚皮炸得好香脆，椒鹽味亦唔會太重蓋過左魚味👍🏻菜肉雲吞豬骨湯拉麵｜拉麵彈牙帶點煙韌，放耐左都唔會發脹腍哂！菜肉雲吞有五大粒，每粒都好多餡😍水準十年如一日咁高質👍🏻👍🏻👍🏻

樂天王朝來自星加坡的飲食集團，以小籠包馳名，不過之前吃過，今晚要試又另一些食品。蘿蔔絲酥餅$45，外表香脆，內裏蘿蔔絲味道鮮甜，整個小食非常給力。話梅元蹄$108，元蹄的皮鬆軟可口，帶點咬口有沒有過硬。話梅的酸甜味道，正好化解了整個元蹄的肥膩感，廚師設計得天衣無縫。雪菜鹹肉炒年糕$93，年糕煙煙韌韌，雪菜鹹香味到十足，如果鹹肉的份量多一點更好。上海風味醬鴨$63，口感有點像廣東的臘鴨，肉質結實，用來喝啤酒最佳。

好鐘意食小籠包既我都食過幾次樂天皇朝，覺得佢地水準都keep得幾好，分享一下先🐷首先醉雞🐤真係好好食，入味得黎又好滑，有好多店得個滑但無味，賣成百蚊就覺得好唔抵，呢間就真係要食啦！糖醋魚塊就正正常常，試過一次就夠，因為都係個啲汁，舊魚又無咩特別，同埋份量都幾少。紅油抄手都好好食，皮好薄，好香比起七色小籠包，我prefer點番原味就夠，因為七色雖然都有自己既特色，但唔算特別好食或者有所昇華。而原味價錢抵啲，又食多皮薄多汁既小籠包，可以叫兩籠🤪生煎包都脆卜卜又多汁，不過真係好飽，下次都係等有男士先點😂

晚飯選擇了上海菜，試試雅蘭中心的樂天皇朝，帶位入座服務滿意，一行4人入坐，朋友已經選好一定要點招牌菜小籠包，見餐牌上不同特色的小籠包，如蟹粉、芝士、川味、鵝肝等，今次我們點了原味，另外點了松子鮮果桂魚，李白醉雞，宮廷驢打滾，香煎豆沙鍋餅，心太軟，擂沙湯圓及炒菜，上菜時間不算長，小籠包水準之作，皮薄及包住湯汁，必食之選，松子魚屬應有水準，魚肉已去魚骨，配開胃糖醋汁，香煎豆沙鍋餅，皮脆，煎完即上碟，好食，李白醉雞，雞肉都嫩滑的，屬應有水準，心太軟，是紅棗包年糕，熱食，味道不錯，賣相也好，宮廷驢打滾，凍食，糯米皮肉有紅豆蓉，皮煙韌，非常好食，必食之選，餐牌有很多食物都想試，唯有下次再相約朋友，食物質素高，值得再來

今日來到樂天皇朝試吓六折的下午茶 。如果喜歡轉轉口味，這是不錯的選擇。這個油炆筍質感很好只是甜了些。蘿蔔絲酥餅外皮夠脆，餡料熱氣騰騰夠熱。清炒蝦仁味道不錯可惜肉質欠爽口。辣子雞 ，辣度恰到好處。

五顏六色小籠包幾得意嘅今晚同朋友聚會叫咗個set餐有辣嘅水煮嘢有包片皮鴨皮同啲菜有三個燉湯整體感覺都唔錯一個幾好同朋友傾計食飯嘅地方記得呢間舖頭門口有得睇住啲師傅點包小籠包唯一美中不足就係因為幾個人分小籠包淨試到某啲口味下次有機會可以試下自己嗌食曬佢地方都幾舒服啲茶夠熱難怪平時都好多人排隊

想食小籠包，就黎咗出名食籠包嘅樂天皇朝雖然佢最出名嘅係八色小籠包，但個人都係鍾意傳統嘅小籠包，所以叫咗半打原味小籠包熱辣辣上枱，小籠包皮簿煙韌，唔會一夾就爛。咬開一小口啲肉汁就瀑流出黎，肉餡鮮甜多汁，超級滿足蝦仁酸辣湯拉麵🍜：蝦仁份量就唔算多，但勝在個酸辣湯底好出色，濃稠度剛剛好，配料足料，有豆腐粒，酸荀條，木耳條，夠酸亦都夠辣，個湯底掛晒喺個拉麵度，好正生煎包：底層煎到焦脆，包同肉餡嘅比例都合理，咬開入面都有肉汁蒜香骨：似係平時嘅上海排骨，比較普通

【Background】來自新加坡的過江猛龍「樂天皇朝」，係香港紮根多年，主打上海菜，佢地獨創的招牌皇朝八色小龍包一直都深受大家歡迎，除此以外，其他點心，拉麵等都好高質架😎────────────────────.【餐牌】【薺菜黃魚羹 $63】健康又好味的一道湯羹，特別適合一家大小飲🙊 湯羹入口順滑，濃稠度高，粒粒薺菜粒加上白滑黃魚肉，質嫩味鮮又帶清爽口感.【重慶紅油鮮蝦抄手 $78】粒粒抄手皮薄餡多，每粒都包含住嫩滑瘦肉同嫩彈蝦仁，再拌上醋，豉油，紅油等組成嘅醬汁，開胃惹味🥳.【蘿蔔絲酥餅 $45】酥餅件件紮實但同時吾會有過厚嘅感覺，咬落酥香脆口，內裡係充滿濕潤的蘿蔔絲， 外脆內軟，食完都吾會覺得口乾👍.【蔥油餅 $40】不同於一般嘅蔥油餅，外層係千層酥皮，內餡係綠油油嘅新鮮蔥粒，蔥油香好足🥳.【花素蒸餃 $63】蒸餃餃皮煙韌柔軟，內裡係滿滿嘅白菜碎餡，仲有紅蘿蔔絲，粉絲等，值得一試🥰.【Remark】✔️ 加一服務費✔️ 餐前小食 $15✔️ 茶 $8/位

來到旺角，今晚晚餐揀了一間名字聽落經已對古代有所遐想的上海菜式樂天皇朝。入到餐廳，見到裝修帶著典雅氣息，雅緻舒適。Menu圖文並茂很多選擇，點的時候可以用一張純文字的菜單點菜，頗方便的。蝦仁酸辣湯拉麵，裏面有蝦仁、豆腐、木耳、筍絲……，酸酸辣辣真的味道非常濃郁，木耳及筍絲好爽口，而嫩滑的豆腐則令整個湯拉麵更有嫩滑的口感，則是爽口又惹味！鮮蝦豬肉雲吞豬骨湯，顏色奶白，味道是平時比較少食到的濃郁的豬骨湯味道，鮮蝦配著豬肉，令雲吞很鮮味，真是皮薄餡靚，和著濃濃的豬骨湯，正……三鮮鮮肉水餃，粒粒差不多大，蒸的比平時有湯的多了煙靭的口感。小籠包要了原味，皮薄裡面非常多湯汁，一口一個滿滿的湯汁及鮮味……真是皇朝膳食，怎可不試……

行開旺角，朋友突然話想食小籠包，即刻就記得呢間好方便既樂天皇朝啦😚😚招牌原味小籠包 ($68)招牌果然名不虛傳，熱辣辣蒸籠上既小籠包，每粒都好飽滿多汁，皮薄餡料又多，食完朋友都話好滿足😋😋紅油鮮蝦豬肉抄手（$78)我地都好鐘意食餃類點心，就叫左o個抄手，鮮蝦同豬肉既比例各佔一半，配搭合宜，呢間鋪既紅油唔辣，反而係少少酸多醋底既口感，都幾開胃😆😆皇朝擔擔拉面 ($65)擔擔拉面湯底少少辣，好香濃既花生味，面底有兩個，沾上擔擔汁幾好食😛😛開陽蔥油拌麵 ($53) 大量既蔥油拌係面既上面，兩大個面底上面都有好香既蔥油味，跟呢個麵仲會有一小碗奶白色上湯，我用黎再沾麵食好濃郁好味🤩🤩📍 樂天皇朝 (雅蘭中心) (旺角)旺角彌敦道639號雅蘭中心2樓203及205號舖#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkfoodie #hkfoodies #foodblogger #berryfoodie #berry旺角 #樂天皇朝 #八色小籠包 #中菜 #小籠包 #聚會

樂天皇朝的八色小籠包相信大家都不陌生，我特別鍾意當中紅色的川味小籠包，所以今次就特登點了六粒川味($88)來滿足一下。粒粒飽滿，薄薄的外皮，麻而不辣的四川味，包著肉汁滿滿的豬肉餡，沾上薑絲醋汁便可減少油膩感。開揚蔥油拌麵($53)，雖然沒有任何配菜，但彈牙的麵條拌了蔥油和炸細蔥絲，再灑上蝦乾磨製的粉末，另附上一碗熱蔥油，撈幾匙在麵上，蔥油的香味更強。香蔥油餅($40)，酥脆的外皮包著大量的香葱，不會太油膩。酸辣湯($63)，味道酸酸辣辣十分開胃，湯料都頗為豐富。肉碎欖菜乾煸四季豆($88)，四季豆炒得脆口甜身，用欖菜肉碎來炒增添咸香。