樂天皇朝 (雅蘭中心)

營業中

休息中

嚟呢度除咗食招牌菜小籠包之外🫶🏻都好推介佢個京醬肉絲配薄餅🫓鮮嫩嘅豬肉絲炒得好香 好入味 食落甜甜地 仲好嫩滑唔鞋口🐷再用塊薄餅包住 夾埋啲爽脆香口嘅京蔥一齊食 真係有啲似食緊片皮鴨嘅感覺✨幾特別😎

心血來潮好想食小籠包，今日嚟到旺角見到呢間餐廳午市時段超多人，好醒目預早book定位。一坐低就揀咗必食嘅：「原味小籠包」熱辣辣，隻隻都皮薄，勁Juicy...包裹著滿滿嘅湯汁最緊要唔好熱親個咀。「鮮肉卷豬骨湯拉麵」雪白嘅豬骨湯底，無味精感，亦唔油膩，鮮肉卷大大片．份量都好多麵質唔會太淋，好味「菠蘿咕嚕肉」加上酸甜汁，外皮依然保持脆口，炸粉唔厚，真材實料。洋蔥．青椒新鮮脆口，酸酸甜甜非常開胃。「擂沙湯丸」呢度嘅擂沙湯丸超乎我預期，軟糯煙靭嘅口感，咬一口...流沙般嘅黑芝麻餡料，湧住出嚟。下午茶時段六折超抵食，下次可以嚟High Tea

相信大家都對「樂天皇朝」並唔陌生，佢嘅八色小籠包可算係街知巷聞。呢日放假就約咗朋友去雅蘭中心嘆下午茶，因為三點後可享六折優惠🈹。餐廳平日下晝都坐滿人，人氣頗高的👏。呢度環境唔錯，裝修帶啲中式風格。另一邊廂，店員們亦幾有禮貌。我哋嗌咗小籠包、紅油抄手同炒年糕，幾樣食物好快就送上，賣相吸引😍。望落好似唔係好多嘢食，但食完已經飽晒。特色皇朝小籠包($138)，無錯，我就係為咗呢個八色小籠包而特意前來的🥟！色彩繽紛嘅造型唔單止係噱頭，當中亦代表緊八款口味。喺介紹口味之前，先講吓小籠包本身，佢做得到皮薄多汁嘅效果，而且亦唔易夾穿。小籠包每粒大小相若，非常工整。🌈八色小籠包嘅建議食用次序為原味、糟溜絲瓜、鵝肝、黑松露、芝士、蟹粉、蒜香以及川味，由淡味食到濃味。顏色係由天然食材提煉而成，所以可以食得放心。每一款口味都同小籠包嘅肉餡好夾，絕非九唔搭八，而且唔睇介紹都會食得出係邊款。個人最鍾意蟹粉🦀，因為夠鮮香；另外蒜香🧄都幾正，佢唔係好重口味嗰種蒜，反而鹹香恰到好處，幾惹味。如果一班人食嘅話，就可以選擇單一口味，價錢亦稍為平啲啲。紅油鮮蝦豬肉抄手($78)，抄手同小籠包唔同，餃皮更薄更滑溜，加上佢係蝦

👑特色皇朝小籠包（八色）$138八色八味 分先後次序 由原味食到川味〰️➿次序➿原味➡️糟滑絲瓜➡️ 鵝肝➡️黑松露➡️芝士➡️蟹粉➡️蒜香➡️川味第一次食highly recommended試咗八色小籠包先🤫每隻味都試下 之後再單點自己中意既味🔅全部都皮薄多汁 我推薦黑松露同鵝肝😋〰️兩款味道好濃 好正😝男友推薦蟹粉同蒜香〰️蟹粉多咗種鮮香感 蒜香同小籠包意外地好夾✔️上海生煎包 $42/3pcs正常發揮既生煎包 個包我幾中意😳唔會煎得好脆 而係好軟熟💓唔會乾〰️涵唔算多 如果可以爆下汁就好了🔅蘿蔔絲脆餅 $42/3pcs之前朋友叫過類似嘅蘿蔔絲炸物 一時愛上💓所以今次都叫咗 外皮接近酥皮咁〰️最期待就係咬落去熱辣辣既味道 喜歡🧚🏻‍♀️〰️開陽葱油拌麵 $48聽到個名已經覺得好香🌬配了一碗湯 #一乾三濕 食法 葱油味夠 麵質偏淋身〰️〰️

川味涼皮 $58酸酸甜甜辣辣地好好食，好適合而家天氣咁熱去食，係一個好開胃嘅前菜👍龍華素鴨 $68阿媽指明一定要食嘅素鴨，食落去都幾爽，同埋一碟嘅份量都幾多，阿媽就讚口不絕，我就覺得正常啦😌酸菜魚 $238勁大碗！裏面有薯粉，萵筍，豆皮，魚都幾滑，但味道就冇出面嘅咁濃。阿媽就話有啲油，但係因為我食過出面既酸菜魚就覺得呢度唔算好油，但係味道的確係冇咁香濃或者冇咁重口味。同埋覺得啲萵筍可以再多啲，因為本人就比較鍾意食蘆筍。紅油抄手 $65好食！ 印像中比較濃味，食完涼皮同素鴨之後再食佢就會覺得好大嘅衝擊，印像很深刻嘅。皇朝小籠包 $138只能夠講係必食！！！同埋佢每隻味都超好食！同阿媽每人食四隻味，我就食咗原味，鵝肝 ，蒜香同蟹粉🤤佢每隻小籠包都可以食到佢嗰隻味道得嚟又唔會冇咗小籠包嘅味，我唔識點形容但係真係好好食❤️ 同埋係每粒都有驚喜！溫度方面我又覺得佢拿捏得好好，因為出面嘅小籠包喺會熱到辣口，每次食都好緊張。呢度係都熱既但係去到辣口，可以一啖咬落去而唔怕整親個口😆

最近同朋友去食上海野😋好想食小籠包，所以揀左e間出名食小籠包嘅店☺️餐廳好闊落。餐牌有唔少特式嘅上海菜。小食有花生🥜同栗子🌰我地點左以下：🌸川味涼皮涼皮晶瑩通透，口感唔錯，味道香香又唔會太辣👍🏻🌸原味小籠包小籠包熱辣辣，皮簿肉汁滿滿，一入口已經有香香嘅湯汁🌸鮮蝦抄手伴麵鮮蝦抄手有d似雲吞嘅感覺，用香油黎拌麵，口感煮得岩岩好☺️🌸雪菜咸肉炒年糕年糕好入味，味道帶雪菜同咸肉又唔會太油。

樂天皇朝最有印象就係特色皇朝小籠包，共8種味道，有原味，芝士，鵝肝，黑松露，川味，蒜香，絲瓜，蟹粉。咬落去好多湯汁，唔會乾，一個人食一籠綽綽有餘。李白醉雞，order 個時職員話賣哂，証明真係好好賣先會賣哂，諗住揀第二樣之際，職員話仲有最後一份，今次好好彩食到醉雞，雞件食落有酒香味，肉質滑身。紅油抄手，我地叫左豬肉餡，食落唔太辣，上面擺左炸蒜，好香口。最後係蝦仁酸辣湯麵，碗麵份量十足，好足料，有豆腐，木耳絲，筍絲，豬肉絲，蝦仁，但係略嫌有啲辣，食到出晒汗，可惜嘅係冇得揀少辣。埋單下午2點至5點部分食品仲有6折。

樂天皇朝出名既一定係佢地啲好colorful既小籠包。前2日行街見到個poster又想食，於是同呀媽去左旺角雅蘭中心分店食晚飯。茶 $8/位 | 小食 $15麻醬油麥菜 $68本身諗住求其嗌個菜食下，點知嗌左個咁好食既！油麥菜好新鮮！配埋青瓜，點日式芝麻醬食好夾 ！一咬落去勁爽脆！😋👍🏻成都口水雞 $88口水雞醬汁辣辣地好濃味，雞肉好腍又無乜骨。皇朝小籠包(8pcs) $138招牌原味 | 糟溜絲瓜 | 鵝肝 | 黑松露 | 芝士 | 蟹粉 | 蒜香 | 川味跟住個牌仔既次序咁食，味道由淡至濃。小籠包皮薄得黎又唔會一夾起個皮即穿。我呀媽鍾意咬穿個皮再啜啲湯汁。我就鍾意一啖擺入口，咁先夠滿足架嘛😌不過要小心熱呀，唔好辣親個咀仔。鮮蝦抄手拌麵 $73鮮蝦抄手個餡幾足料飽滿，蝦幾彈牙，拌麵個汁就酸酸地微微辣。

今晚約咗中學同學食晚飯，揀咗呢間，食飯時間只有90分鐘，但因為今晚唔多人，我哋坐咗三個鐘可能周圍食肆多，呢間晚飯唔係太多人座位寬敞煙燻鴨份量唔多，但幾好食叫咗兩碗上海雲吞麵，面質爽口，湯底鮮甜沙拉骨一定要食，肉質夠林，醬汁好味，熱辣辣，超正皮蛋豆腐不過不失蟹肉炒飯呢碟有少少酒煮，但忘記名字，不過魚好滑，味道不錯肉碎炒豆角生煎包必食小籠包呢度食物水準不錯，座位都好坐，傾偈一流

樂天系列餐廳，一直都係我最喜愛的餐廳之一。而位於旺角雅蘭中心的樂天皇朝，更系我成日都幫襯的餐廳，原因除咗佢十分就腳之外，就係呢間野食味道真系唔錯。門口玻璃見到廚師整緊小籠包，熱氣騰騰，畫面好治癒。環境優雅，適合一家大細，菜式選擇豐富，無論系粵菜還是上海菜，都好多選擇。龍華素鴨，正宗上海涼菜，一直都食開，口感細膩如鴨肉，實際系豆腐皮，索晒醬汁精華，十分入味。糖醋魚塊，不油不膩，酸酸甜甜好開胃，魚塊肉質實正，好味。擔擔麵，可以少辣，麵身Q彈，湯汁充滿花生麻醬香。上海炒飯，用珍珠米炒，大蝦仁份量滿足，最欣賞佢恰到好處，不算太油但又好夠鑊氣。

口痕痕想食小籠包，就諗起樂天皇朝，旺角雅蘭中心都有分店！坐得舒服，店員態度都幾好。小籠包有多款口味選擇， 份量仲有半打同12隻。2個人食6打就最岩la招牌原味小籠包豐盈飽滿，而且皮夠薄，啖湯汁輕輕掛住在皮與肉之間！夠熱好食，餘韻留長！揚州炒飯，飯粒粒粒分明！有種不經意既煙韌感！ 叉燒，菜粒，蛋等材料，層次幾分明，炒得唔油膩，幾好食。皇朝擔擔拉麵，帶點微辣幾惹味！有花生粒更帶香味咬口，拉麵掛湯感幾好，質感夠綿滑。

去左樂天皇朝食點心，企理衛生，餐桌闊落，服務較好，坐低侍應先放下一個小食是栗子花生🥜原味6隻小籠包$68好多肉汁，果然係招牌菜，一定要趁熱食!!紅油鮮蝦豬肉炒手$78好有驚喜，皮薄肉多，蝦肉彈牙，醬汁有醬油，醋，辣椒，味道豐富十分開胃～炸慢頭$30脆卜卜點埋煉奶甜甜地好正👍🏻鍋貼$38 , 生煎包$45煎得唔錯唔會太油膩，肉汁都唔算少雷沙湯丸$45出面有黃豆粉的芝麻湯圓，軟糯香甜總結來講，今晚晚餐都滿意，老公又食得開心😊

餐廳有卡位，環境舒適，餐具乾淨，服務態度良好。龍華素鴨 | $68軟身腐皮而成的素鴨浸在汁內，醬汁少少甜帶微酸，素鴨吸收了醬汁的味道。招牌原味小籠包 | $68 6粒原味小籠包皮十分薄，每一粒的外型均勻統一，是好多層摺的小籠包，見到薄皮內裝滿了湯汁。熱辣辣的湯汁好飲，湯汁不肥膩。這間的小籠包確實出色，想一食再食。蝦仁酸辣湯拉麵 | $75湯麵碗幾靚，酸辣湯比較辣，辣到出汗，好正！麵條幼身爽口。紅油鮮蝦豬肉抄手 | $78 6粒抄手大粒，每粒抄手都包住滿滿的蝦肉，夠彈牙，又不會太辣。

想食小籠包，去樂天皇朝就啱晒，選擇多又好味，由普通嘅原味到好特別嘅芝士味、黑松露味。。。全部都好特別😍最正係，可以一次過試晒8種口味。幾款小籠包都餡簿肉多湯汁多，可以由綠色嘅絲瓜開始食，比較清。之後食原味，湯汁比較鮮。之後我就建議食蒜味，係原味嘅基礎上加咗蒜嘅香味。其餘幾種嘅味都比較重，黑松露好香，芝士味又係我嘅最愛之一，辣味同鵝肝味都好有驚喜，估唔到小籠包同鵝肝咁夾，最後當然唔少得蟹粉味，總之款款都好正🤣另外食咗好開胃嘅口水雞，雞肉好嫩滑，上面層辣椒醬好好味，用嚟撈飯都得，啖啖肉，食到停唔到口。而朋友想食清啲嘅芙蓉賽螃蟹，滿滿嘅蛋白加入瑤柱同蟹肉，健康又美味。餐廳環境好舒服，服務都好好，另外仲有好多大枱，啱晒多人聚會。

其實間中都想食吓樂天皇朝嘅小籠包，今日就約咗朋友嚟呢度，順便同佢慶祝生日。門外已經有非常清晰嘅餐牌，就算要等位都可以睇定食乜。以今時今日嘅餐廳嚟講，呢間嘅規模都算幾大間，環境寬敞坐得舒服，約朋友嚟就啱晒。前菜花生栗子雖然並非名貴菜式，但佢嘅花生同栗子炆得好好食。嚟得呢度，一定要叫佢嘅特色皇朝小籠包，因為可以試晒八款唔同嘅口味。點菜後店員就會遞上說明書，建議由原味(白色)開始，再順序品嚐人參(綠色)、鵝肝(啡色)、黑松露(黑色)、芝士(黃色)、蟹粉(橙色)、蒜香(灰色)，最後係麻辣(紅色)。其實每一款嘅味道都好突出，而我尤其喜歡佢嘅蒜香同麻辣味，當然傳統嘅味道亦相當出色。另外我哋揀咗李白醉雞，去咗骨嘅醉雞啖啖肉，亦都充滿酒香，肉質鮮嫩令人回味。油麥菜除咗配豆豉鯪魚，原來配麻醬都一樣咁好食。麻醬油麥菜用一片好薄好薄嘅青瓜捲住新鮮嘅油麥菜，方便蘸麻醬進食，清新之中帶點芝麻香。最後叫咗份主食，鮮蝦抄手拌麵總共有四大隻鮮蝦抄手，鮮蝦非常爽口，而佢嘅醬汁帶有酸、麻、辣嘅味道，真係非常醒胃。原來下午茶時段仲有六折優惠，下次攞半日假嚟可以嘆吓佢嘅下午茶。