樂天皇朝 (將軍澳中心)

營業中

休息中

父親節又帶爸爸出街食飯啦！可能係新開所以冇得book位，唯有早啲去walk in啦，⭐️記住要有半數人先可以入去啊！⭐️等左大約半個鐘先可以入，冇計啦又父親節，又星期日一定多人！不得不提，雖然有好多人，但啲侍應都反應好快，一叫即到，而且keep住加水，又有禮貌🥰小籠包係必叫嘅，8色小籠包係幾特別嘅，可以滿足客人嘅視覺，仲可以打卡添！仲會有提示叫你依次序去食，唔會影響你嘅味覺感受。不過我都系鐘意原味，原汁原味呀嘛💕💕豆腐好滑好甜👍👍👍呢個梅子骨我係第一次叫嘅，超好味，酸酸甜甜好開胃，個醬汁調校得非常之好，而且仲好入味，仲好細心細細件方便客人進食！其餘嘅餸都唔錯，以咁嘅服務環境同味道，呢個價錢真係非常抵！8個人食到飽飽都系1600蚊，性價比好高。。。

將軍澳中心翻新後開左好多間食肆，呢間係其中一間我所期待既!但唔知係咪期望過高，食完覺得好失望。今次叫左八色小籠包、擔擔麵同夫妻肺片。八色小籠包顧名思義係有八隻色既小籠包，但個人覺得好睇多過好食，8款入面只有黑松露味較突出，綠色既人參味更加係味道奇怪，而溫度方面我想像中小籠包係應該熱騰騰要好小心食唔好辣到口既，但呢度既小籠包係可以一啖擺入口而唔會覺得熱既，呢個最期望既反而係最失望。擔擔麵好大碗但麻醬欠奉，只有辣味同花生碎，麵亦都浸林哂一d都唔彈牙，完全同我心目中既擔擔麵爭好遠!四川夫妻肺片呢個係呢餐惟一覺得ok既，牛展同牛肚有咬口，而且調味真係好辣。其實我真係好少俾差評，但呢間真係令我好失望，希望係因為新店開所以失準，之後或者再黎試下睇下會唔會可以俾笑面。

被廣告騙了來樂天王朝小龍包，講講他們的招牌菜七彩小籠包：鵝肝小籠包就一陣餿味，人森小籠包就一陣韭菜味，蒜頭小籠包就唔知點形容，蟹粉小籠包就算，得個原味正常，食剩芝士同黑從露已經想嘔埋單才話公司改了22/6 及23/6 才有半價，咁大間食肆仲要新開張咁樣呃人都得？簡直聞所未聞，隔離枱也有其它客人與經理理論，但仍堅持收正價，回家上網看看樂天王朝Facebook 才發現劣評如潮，一間冇信譽的公司加上食品質量差，放長雙眼看看你的下場