樂天皇朝 (將軍澳中心)

營業中

休息中

阿女呢2個星期話劇公演同考試一齊黎，真係人都癲 大人，小朋友都真係攰 今日阿女考完試，當然即刻去食番餐賀一賀佢啦~之前食過七彩小籠包，阿女成日講，今日就帶佢食多次啦 呢間係將中的樂天皇朝就最近我地~比起銅鑼灣個D，呢間裝修就無太多GIMMICK  不過勝在夠哂光猛，座位同條路又闊，坐得都幾舒服每個位都有一個呢D好懐舊既銅壺 ，光潔照人，又有風味，真係茶都飲多幾杯呀 小食既炆花生同栗子超級淋同好味，未上菜，先KO哂佢了 HAHA 除左茶外，仲有新出的養生飲品可以揀 而且價錢仲幾抵, 18~20蚊就有一杯啦~ 係大大杯添阿女揀左檸檬薏米水(熱) 薏米水唔太甜，又可去濕，幾啱小朋友飲就係呢個令女女念念不忘的七彩小籠包 其實應該叫八彩，因為佢有八種味~而外皮有唔同既顏色俾大家分辨 因應味道濃淡而分出進食既先後次序~由原味的最淡味食到川味最濃味 女最愛芝士味，一早就食左落肚了 我食左鵝肝，蟹粉同川味，每款味道都好突出同濃郁 食完那個蟹粉，鮮味留係口腔久久未散呢~因為每款味道都好濃郁，一早準備好的姜絲醋派不上用場，浪費了~ 樂天的辣味菜式幾出色架，不過今晚又老又嫩，所以我自己

將軍澳中心商場翻新之後, 多左好多間高質食肆進駐, 當中我地最開心係樂天皇朝都開左入黎, 想食佢地嘅小籠包終於唔需要專登搭車出銅鑼灣。😁將軍澳中心呢間樂天皇朝分店由開業至今都非常旺場, 我地今日專程早d去, 7點未夠已經到餐廳, 所以唔需要等位。餐廳新裝修, 樓底又高, 環境非常舒適。我地今日點左必點嘅皇朝小籠包, 老婆最愛嘅芝麻醬油麻菜, 蒜泥白肉, 另外再揀左餐廳推介嘅新菜式酸菜魚, 4個人share應該夠食。😚小食 $15樂天皇朝嘅餐前小食都相當高質, 栗子同花生都好軟腍入味。👍皇朝小籠包 $118皇朝小籠包共8件, 口味分別係原味, 川味, 蒜香, 芝士, 人蔘, 蟹粉, 鵝肝同黑松露。小籠包皮薄多汁, 當中我最愛係原味同蟹粉小籠包, 每款一件確實唔多夠喉。😋芝麻醬油麥菜 $65樂天皇朝呢款芝麻醬油麥菜口感非常爽脆, 配上酸酸甜甜的芝麻醬, 味道份外清新。😙香辣蒜泥白肉 $75有別於一般食店, 呢個蒜泥白肉中間卷上青瓜絲, 入口微辣, 之後嘗到豬肉肉味, 最後食到青瓜嘅爽甜, 味道層次豐富。👍皇朝酸菜魚 $198期間限定嘅新菜色皇朝酸菜魚魚肉非常香滑, 配上酸菜, 山椒, 青花

今日收工之後過嚟將軍澳搵朋友 先發現原來將軍澳都好多嘢食 揀嚟揀去最後都係揀咗呢間因為餐牌太吸引京蔥美國肥牛肉呢啲肥牛肉比起出面其他鋪頭嘅肥牛肉更嫩滑 真係食過咁多間肥牛肉之中佢係三甲 嫩滑得來好新鮮食得出唔係冰鮮牛肉松子桂魚酸酸甜甜嘅桂花魚真係好開胃 雖然佢炸過嚟 但係一啲都唔油 啲皮一啲都唔厚粉 職員仲好體貼咁俾埋刀羮叉我地切開條魚送飯真係一流 而且仲啖啖肉豆沙鍋餅最鍾意就係食豆沙 食完飯點可以唔食甜品 豆沙鍋餅仲要係即整 外脆內軟 豆沙甜得來唔lau

平時好少嚟將軍澳 原來呢邊都好多嘢食 因為好想食小籠包所以就入咗嚟皇朝小籠包好明顯我係為咗呢個小籠包而來 所以梗係必點啦 呢籠小籠包一上到枱嘅時候仲出緊煙 仲要八隻都唔同顏色 店員仲會送張紙俾你教你點樣順次序食 不過顏色都係唔同味㗎 個次序由淡味到濃味 有喺出面食唔到嘅酸味同川味 最令人驚喜嘅係芝士味 因為芝士係西方食物估唔到同中式crossover係咁好味 濃濃嘅芝士味好有層次感 入口即溶 小籠包真係王牌皇朝話梅骨呢個話梅骨份量比想像中多 平時食嘅排骨都係得出面浸皮有味 但係呢度啲排骨應該係有特別醃製過因為連啲骨都有味 食得出廚師好用心製作鮑魚炒飯呢個鮑魚炒飯炒得好入味 雖然撈左啲鮑魚汁但係啲飯都係粒粒分明 原本以為會好寡 但係其實除咗鮑魚之外 啲蛋溝埋啲汁令到口感昇華 三個人食啱啱好

用 online dining platform 預先叫定晚餐，唔知咩事錯時間變即送，於是即live chat救助，點知完全唔幫我，最後打去樂天皇朝，佢地好好先幫我停左張單，但 online dining platform 啲人都係會去收外賣，經理好好，幫我打去處理，啲電話打黎打去，最好佢地幫我搵到 online dining platform cancel張單再改時間，一早幫襯過尖沙咀分店都知佢地啲野好食，估唔到對客都可以咁盡心盡力。佢地嘅外賣包得好穩陣，食物質素好，賣相亦唔錯，最後，我地一家人可以喺療養院慶祝聖誕夜，真係好多謝佢地。佢地嘅醉雞、鮑魚炒飯、菜肉雲吞都好好味，最鐘意佢地嘅冷盤油麥菜，好好味。會再幫襯👍🏻

這間分店至今已開業數月，人潮開始消減，所以最近有機會分別試勻了午市、茶市及晚市. 大體而言，各個時段的食物質素都頗穏定，茶市仲有6析優惠，超抵. 因個人口味關係，我通常都係叫原味小籠包、鍋貼、生煎包、炒拉麵、湯拉麵等，價錢比另一集團翡記的同類食品略高，但品質卻略好，點心的包皮厚薄適中，肉質鮮嫩多汁，水準不曾時好時壞，小籠包也未曾出現一挾即破的情况，不至弄濕枱面兼浪費湯汁，而且各款食物物上枱後的溫度仍能保持，最欣賞的是蕾沙湯丸，外皮有彈性、不糊口、不黏牙，芝麻料份量足，甜味沒有蓋過麵粉團及外層黃豆粉的清香（可惜，最近一次是可可粉取代了黃豆粉，苦味太搶，好失敗的改變）.

雖然佢喺將軍澳中心開咗一段時間，成日都排長龍所以都冇試。今日終於試咗，小籠包好出色，炒飯個份量比較細，但味道確實唔錯。整體比較之下食物味道比起翡翠拉麵小籠包較出色，但價錢亦略貴些少。

又到Happy Friday ，今晚約左朋友去將軍澳搵食，貪佢就近地鐵站，食完近散水較方便😆今日選擇左樂天皇朝，因朋友上openrice search，比佢地嘅特色皇朝小籠飽吸引倒。 大約7:00到達，好彩唔洗等位，我地先叫兩個小食。芝麻醬油麥菜 ～ 呢個非常特別，今日先知油麥菜可以生食，佢地將青瓜卷住油麥菜，點下芝麻醬，又出奇地夾，又爽又清新👍🏻麻辣粉皮 ～ 粉皮冰冰涼涼，又厚又濶好有口感，伴埋青瓜絲一齊放入口，初初感覺唔太辣，但佢嘅辣係慢慢由脷尖散發出黎🌶越食越過引。主角出場 ～ 特別皇朝小籠飽，熱辣辣，成粒放入口，湯包係口腔爆開，肉汁鮮嫩，不過本人就覺得除左外觀顏色唔同，實質味道都差唔多😆最後 叫左個炒年糕，呢個有d失望，年糕都幾煙靱，但成碟野就係比d木耳絲同雲耳炒埋一碟，又咸*食呢餐其都有小插曲，其實兩人坐位張枱都幾細，碟炒年糕黎果時，個侍應好唔小心打瀉我杯茶，成杯茶林到我電話又濕、成褲都濕晒😤，好彩餐廳都幾識做，埋單自動比左個8折我。*

難得今晚不用排長龍，所以去試吓，但原來也是有限時用膳（90分鐘），一限時間，我就有一種無形嘅壓力🥺所以點菜也限自己要快啲，否則會減少食嘢嘅時間!蔥花皮蛋豆腐：我欣賞廚師👨‍🍳的刀法，切得很薄👍李白醉雞：外型好靚，但如果可以把雞件切細塊，可以大家分享多一點！麻醬油麥菜：相片和實物相差好遠，我👀menu 的時候不知道原來是吃沙律咁，油麥菜好新鮮，每一口都👂到索索聲！皇朝小籠包（8粒）我期待已久的，但可惜我坐喺冷氣最大的坐位，一陣子已經凍左，最美中不足的是不能熱騰騰咁吃！黃魚煨麵：也是遇到同一個問題，個位冷氣太大，麵很快凍，就開始有少少魚腥味，黃魚肉很滑，如果在調味方面改良下，可能會沒有腥味！木樨肉炒拉麵炒得好有鑊氣，好好味（外型扣了分）😅宮廷驢打滾特式糯米糍，口感不錯！

好好味道的小龍包.....值得一試。地方環境都坐得幾舒服⋯⋯餐廳的服務人員都很友善，很好禮貌的招呼及推介產品，本人就幾鐘意食服務員推介的小龍包，很好味道及夠汁.....

星期六 決定試新嘢6:00食唔使等位首先叫咗個蔬菜卷🥬🥬🥬感覺好健康☘️其實就係啲生菜包埋一卷俾你點下麻醬😂拌麵好正汁有啲似椒麻味雲吞夠晒大隻爽口蘿蔔絲酥✨熱辣辣🔥餡料比較清淡炸魚春卷🐠好好味😋魚肉唔會話散修修好嫩滑～有啲似食緊炸魚🤣比平時食嗰啲蒜蓉蝦春卷特別得多👍🏻😝海蜇頭配青瓜🥒爽脆嘅口感加上酸酸鹹鹹嘅醬汁非常之開胃蔥油餅🤩細細件幫你切好雖然賣相唔係好掂不過味道唔錯上海生煎包✨咬開嘅時候爆汁💦熱辣辣似啱啱出爐而且包唔會俾啲汁整淋左呢點做得唔錯蒜香沙拉排骨🐷首先要讚下佢嘅醬汁系芥末醬加沙律醬令味道更有層次排骨炸得啱啱好厚薄適中一啲都唔韌

同爸爸興起去左食下午茶。呢間樂天皇朝周末晚市都多人，較為難搵位。不過下午茶就輕鬆無難度，兩個人舒舒服服坐四人枱。食物既選擇多，不過無下午茶餐之類。所以我地叫左個小籠包同菜，share一杯野飲就夠了。菜幾唔錯。油唔多，感覺偏健康。反而豆漿我地嫌太甜，不過我習慣飲好健康既version。佢又無得走甜，下次唔會叫。小籠包每粒既size偏細，不過做下午茶一人三隻過口癮就ok。略嫌個皮有啲厚。肉同湯都ok，不過無話好驚喜。反而最特別係佢上既花生入面混左栗子。我既大愛！

亂入之下今次和老爺吃下午茶竟然有優惠, 說來話長本身是去鄰近(日本餐廳)、但原來2:30pm已作落場，所以舉起手機在搜尋網內尋找一吓附近餐廳、原來樂天皇朝亦已在將軍澳中心開了分店所以二話不說便帶同老人家進場。。。場內裝修當然沒有《本店》那麼氣派非凡, 面積亦相對細了很多只是一個標準型餐廳而言~《担担拉麵》紅紅的湯底渗注著每一口辣勁，加上麻醬之芳香、湯頭绝對不錯，麵條屬於幼身而彈性、在這濃稠的湯底下被找著在每條之內，好吃~由於老人家不愛嚐辣，一個《清燉雞湯拉麵》應該合他心意、偷嘗一口清燉湯之湯底富有濃郁的雞肉味道，但咸度就略為偏淡、可能我自己較愛吃重口味~一碗麵線來講對於自己簡直毫無難度可言, 所以在落單之際亦叫了一個《花素蒸餃》、一籠六件用來攝攝胃納中餘下的空間絕對是一個不錯的選擇,菜葉切得細餃子皮亦壓製得薄，用來沾上一點香醋蠻不錯~坐落之下才發現原來下午時段有優惠, 所以埋單之際感覺抵食、二人供膳連加一约價HK$150元，不知是否下午時段人潮不是太過於旺場、所以服務亦都感覺相對週到。

平時係銅鑼灣食，今次睇戲所以係將軍澳食，其中担担麵比起銅鑼灣少左d香但太辣，而酒釀丸子就勁濃酒味，比銅鑼灣食有酒香但酒味不大，可能係我既口味問題啦，不過我始終覺得銅鑼灣較好

試過利舞臺同雅蘭中心既樂天皇朝，水質相當不俗，所以知道將軍澳有分店係幾開心既，但唔知係咪新店關係，食物質素同服務態度真係有待改善，個人覺得呢間分店有d失色。經典菜色八色小籠包蒜泥白肉豬肉好凍，有雪藏味，同個辣汁加配料完全唔夾，係一道好奇怪既一道菜。京醬肉絲配埋餅皮一齊食，呢樣相對地無咁特別。上海外婆紅燒肉炆得好淋好嫩，食落肥瘦均勻，大家都讚口不絕，好睇又好食☺️呢個忘記左叫咩名，春卷裡面壤左素菜，中和返炸物既油膩感。食物質素中規中矩，不過係明顯比其他分店遜色既，而且服務員態度有待改善，忘記落單/多次上錯菜等。