樂園 (已搬遷) 新店位置

今日同朋友呢餐約左成個月先約到, 因為大家都好忙~門口好靚，好吸引~樓上 cafe 果然有好多games提供半開放式廚房增加食客信心今日好幸運猫猫就坐我旁邊, 陪我食野，佢全程好乖，一直訓覺 menu 有個廚師發板推介，好吸引，就叫呢個啦~哇!!!!同相一樣無呃人拼得好靚，有多款不同的食物我地叫左2人份有蝦-  砌到成個心型!!!青瓜- 仲有花點綴和牛粒- 好腍 配上蒜片非常香口牛油檸檬汁煎帶子，檸檬汁非常醒胃，胃口大開，帶子肉爽！ 新鮮的沙律菜-好均衡的配搭，煙三文魚煙三文魚的份量很多，還砌成一朵花，賣相滿分。黑魚子鵝肝多士，好邪惡呀，啖啖香味，份量剛剛好又不會太膩。仲可以request 寫字上去，如果慶祝生日必選~還有不同的汁料呢~真係好滿足好開心呀~我地order 的特飲好colourful 又清新，甜度自行調配，仲有不同的雜果呢跟住睇見都流口水的怪獸雪糕係必試~由於得2個人，我地只叫了個細的, 但份量充足呢~內有多款雪糕球，綿花糖，香蕉，士多啤梨，威化餅，仲有超可愛得意的波板糖，威化餅，絕對滿足愛甜品的你的慾望呢~賣相吸引又滿份，個個開心~如果有朋友生日會再考慮黎呢度呀~

今日飲完鹿頭黑糖珍珠鮮奶，排隊排到餓餓地，揀左間較近的樓上cafe。餐廳將周圍佈置成彩虹同氣球背影，小朋友見到一定開心，感覺幾適合為小朋友慶祝生日。而且有好多唔同類型的b game玩，還有兩隻超級可愛的貓貓坐鎮，足夠逗留大半日。我同朋友揀左最近貓仔睡覺既餐桌，全程我有我地食飯，佢有佢地訓覺，望住佢地肥貓樣都幾開心下。煙腩蛋忌廉汁扁意粉 158意粉有非常多的芝士粉，食落口啖啖芝士忌廉的濃郁，推介俾喜歡香濃芝士的愛好者。南瓜湯 跟餐38碗湯好大碗，湯肉的牛油夠鹹香，忌廉湯野好幼滑，裏面亦有少少海鮮、蝦、蜆肉、蟹棒，夠曬滋味。雜菌雞粒炒飯 138菇味濃郁加上雞粒食落幾有口感。曲奇大王飲品 30Orea朱古力沙冰，沙冰雪山堆到好高所以飲極都有，貌相都吾錯，飲得又睇得。窩夫甜品 跟餐價48佢係綠茶雪糕配窩夫，窩天烘很脆身但有點乾，加埋雪糕中和左，一人一啖超級飽。

喺Facebook成日都會見到樂園嘅廣告，所以今次生日就揀咗嚟呢度慶祝。呢度最出名嘅應該就係廚師發板每位$188，所以叫咗兩份，仲可以係上面寫字。一坐低即刻落單先，等左30分鐘左右上菜時，店員即刻好細心咁為我同朋友影相先，然後再一一介紹唔同嘅菜式、醬汁、食法同埋食嘅次序。好多貓貓~店員推介野食好夠味唔需要點醬料，分別係好新鮮嘅燒虎蝦、炒牛柳粒、口感幾清新同軟熟嘅帶子同埋鵝肝多士。鵝肝多士同牛柳粒可能會有啲油膩，所以佢哋就會配左兩舊布冧係側邊俾我哋食，清一清口裡面嗰種油膩感覺。跟住就食咗蟹柳同埋螺肉，食完果四樣熟食之後，再食呢兩樣冷盤，就好似食緊西式菜突然間變咗食日本菜咁，但又唔會太突兀😛日式西式菜crossover，感覺幾有趣。仲有燒三文魚，對到好似花之戀咁，但原來係熟嘅，出乎意料地點Wasabi同豉油唔係最夾，而係點帶子淨落嚟個殼嗰啲酸酸地嘅醬汁。聽講呢度嘅甜品好出名，原本想試吓怪獸雪糕2.0，所以最後叫咗個朱古力蛋糕。見到個蛋糕係用美少女戰士做主題，都忍唔住係咁影相。朱古力蛋糕就類似班列時間但冇流心，唔會太甜。側邊亦有一啲士多啤梨、藍莓同桃做點綴。感覺唔會好似brownies咁滯同

今日約朋友食生日飯揀咗尖沙咀嘅樂園Happyland 去慶祝，店名的意思是快樂之處嘛! 這地點好方便旺中帶靜，在Isquare斜對面Bossini旁邊的上樓餐廳，好適合三五知己來食吓野、吹吓水，今晚雖然是閒日都好滿座，可見相當受歡迎。門口出面佈置好有色彩，有彩虹、有貓貓，入面兩隻貓貓任摸唔嬲，鐘意同喵喵玩既朋友就啱哂啦。我們兩個女仔貪靚，選左玫瑰蜜棗茶，聽講玫瑰茶活血散瘀，飲咗皮膚都靚啲，裏面仲有粒蜜棗甜甜哋，傾計傾耐左都可以潤番個喉嚨，花茶是用透明玻璃茶壺泡的，下面用蠟燭點著保持茶的溫度，淨係外觀睇上嚟已經賞心悅目，飲落有玫瑰嘅淡淡清香。跟住上枱既有芝士大蘑菇，磨菇有手掌咁大，旁邊有紫色、綠色的沙律菜，再配上散落在磨菇和碟面的香草，外圍加兩條紅色、橙色嘅醬汁，望落已充滿美感好吸引。 芝士烤到外脆內軟, 裡面亦好多汁，混合左芝士同蘑菇的香味。這個時候吞拿魚pizza出場，佢唔會好似一般pizza咁一大塊上，而係已經切好一片片排好在碟面，不用自己切，方便食用，同大蘑菇一樣，芝士焗得好香，裏面嘅吞拿魚都好入味，又有黑松露喺上面，感覺顯得更加矜貴。然後，中國人當然要食飯先飽，我們揀左牛柳粒飯

好耐無試過去樓上cafe了...因為印象中既樓上cafe, 食物味道都係一般般。不過，依餐可以話係意料之外咁好味，小食、意粉、甜品都好好味又唔重味精，仲有店員見我地壺花茶飲完會不斷refill返熱水，岩晒鍾意吹水既朋友們。最後，兩隻貓咪都好可愛呀，有機會再黎探你地啦👋🏻👋🏻

店員態度極好，會為你介紹菜式。「廚師發板」很美的display，包含了9款食物:牛油檸檬汁煎帶子刺身,香煎加拿大特大虎蝦,黑魚子鵝肝多士,烈酒煮布冧,鹽水煮榮螺,蒜片配安格斯牛柳粒,蟹棒,沙律,戀之花煙三文魚。因為真係整得好靚，好有心機呀！牛油檸檬汁煎帶子刺身，檸檬汁的微酸實在有點令人胃口大開，建議是第一道要吃的，帶子肉感不錯！戀之花煙三文魚煙三文魚的份量很多，還有超漂亮的擺碟，味道跟口感都不錯。另外，黑魚子鵝肝多士，這個絕對是個人來說最愛的，因為味道夠邪惡，啖啖脂肪的香味，這個星期又要努力運動了。香煎牛柳粒飯配黑椒汁嘅椒汁勁香勁濃郁，我覺得牛肉配黑椒汁係perfect match架！牛柳唔會好韌，好入味，啖啖都流左d黑椒汁出黎，好juicy阿！飯係用珍珠米，好香好有咬口！隔離又係有沙律，好多料啊！MENU

今日同個fd撐檯腳，經過尖沙咀就想再黎食，因為環境同食物都唔錯，一入去就覺得環境好colorful好舒服👍🏻仲有貓係到，同埋一大堆boardgame因為上一餐太滯，今餐就食得輕可d荔枝紅茶，甜度岩岩好朋友中意食大啡菇，所以叫左份試，芝士非常多，菇亦好juicy，非常之正！再叫廚師發辦，仲可以要求寫字上去唔好以為佢求其比d平野就算，入面d小食相當岩食，而且食材一d都唔cheap有鵝肝多士，鵝肝煎得好香，食呢個都值回票價煙三文魚牛柳粒牛油帶子都好大粒🤤雖然冇叫飯，不過都夠飽同好滿足啦，下次再同多d朋友黎玩boardgame先！

Cafe 眾多，呢間cafe以樂園為主題，佈置都係有一啲繽紛嘅氣球，牆壁有好多彩虹🌈同小朋友畫像，豐滿着樂園的喜悅，專為一家人大人小朋友慶祝生日。特別佢有兩隻貓坐鎮🐱，小朋友見到就仲開心😆。怪獸雪糕😈🍨份量超巨型，可以預先跟餐廳預訂，佈置成生日驚喜。一上枱總共有7球雪糕🍨，仲有波板糖🍡，綿花糖，香蕉🍌，士多啤梨🍓，朱古力威化餅，加上一層cream滿足晒你所有生日願望🤩🤩賣相吸引又繽紛👍🏻🤣適合一大班朋友分享戀之花煙三文魚意粉🌹🍝三文魚卷成玫瑰花形狀🌹，食落有好濃郁芝士忌廉味，加上香草三文魚，好岩女士們食，清清地又唔會太油膩☺️☺️ 黑松露香煎鵝肝意大利飯🍛份量算幾多，滿黑松露佈滿鵝肝🤤，鵝肝煎到外表好甘香，鵝肝有入口即溶嘅感覺，意大利飯飯質地帶少少粒粒嘅口感再加黑松露，意大利飯好creamy，松露味好香好重，食落豐富層次感☺️☺️芝士豬肉釀雞翼🍗滿滿豬肉塞滿去骨雞翼，令人一食落啖啖是肉， 加上上面沈滿芝士粉，份外芝味🧀🧀我愛金沙🍫其實係朱古力沙冰，出嚟嘅朱古力雪山好高，山頂仲有粒金莎，味道都係好濃郁嘅朱古力同榛子🌰味，賣相特別🍫唔係間間有得飲，店舖必飲之選🙋🏻‍♀️

今日約左b小姐去呢度食野近地鐵站真係好方便呀, 過馬路就到喇一出lift見到好多彩虹同公仔就到喇b小姐加班, 我等左佢一陣, 有位男侍應好細心咁介紹唔同既食物見到有d board game同貓貓可以玩陣, b小姐到左, 我們叫左豬仔骨 同 煎蝦茄醬意大利麵豬仔骨好大份, 4個人分都夠食呀, 配有薯角煎蝦意大利麵好香好味, 蝦蝦好大隻呀店內播住音樂好開心呀。。全場氣氛唔錯 幾好同朋友傾計好開心呀, 又可以同貓貓影相因為地點太方便了, 又易搵, 下次可以再黎呀

相約朋友食下午茶, 朋友住新界揀個中間點尖沙咀就最方便喇時間過得好快, 朋友生左bb之後bb眨下眼就4歲喇, 帶佢上樂園玩就最岩喇, 因為佢一見到貓貓就勁開心我地一行3人, 叫左帶子黑松露意大利飯, 點菜10分鐘內就到左, 帶子煎到好香口大大隻好正, 意大利飯食落都有好多再加錢叫左我愛金莎, 因為小朋友好鍾意食朱古力, 佢不停嘈住要食多d同食多d, 真係幾大杯好抵飲現場有2隻貓, 2隻貓都好嗲人好乖, 真係鋪頭既生招牌呀, 呢間餐廳帶小朋友去食就一流呀, 小朋友會坐定定食野又可以同貓貓玩我就叫左杯芒果茶, 都唔錯架

活在香港這個忙碌的石屎森林，好好享受一頓晚餐好似一件奢侈的事。 很多餐廳會設立用膳時限，真的好像連吃個飯都要趕頭趕命般，幸好有樓上cafe 解決了希望慢活的都市煩惱。今日同好耐沒見的肺友約在尖沙咀晚餐，雖然是樓上cafe, 餐廳的位置就好易搵到。餐廳就在Isquare 地面出口的對面馬路，係一棟商廈入面，一出電梯就看見餐廳的醒神招牌。入到餐廳，店員即安排入座。餐廳不大，但卻很舒適。店員安排了角落的一張4人枱給我們二人。餐廳佈置好有心思，有一幅牆壁是畫了彩虹及公仔的畫，很有歡樂的感覺，如果不是已有客人坐下，我地一定會先打卡再不停影相先XDD！餐廳的其他位置有Line 的氣球佈置，亦有不少貓咪相，可見餐廳很有心配合番餐廳名樂園的主題。一坐下，店員就奉上糖果和餐牌，有選擇困難症的我地就拍板要了廚師發板（每位$188）， Yeah! 因為不用諗又唔洗揀，就有齊9款小食， 但留意番餐廳要2位起才可order 架。 而眼闊肚窄的我們，因為驚死吃小食會唔夠飽，另外亦叫了一客黑松露香煎鵝肝意大利飯（$188)。我和友人都決定不order 甜品，所以就決定order 2杯推介飲品，就係「我係曲奇大王」同

又到星期一放假既大日子，當然就係要去食好東西啦🤤今日黎到位於尖沙咀既HappyLand呢間小小既cafe，麻雀雖小卻五臟俱全。不單止有好野食，仲有好多game玩。但今次係晚飯時間去，就無玩了，下次一定玩🤣望翻餐牌我哋一於小理，先黎一個廚師精選，再黎一個帶子刺身意大利飯同一壺菊花茶🤤。先上廚師精選，見到真係哇左出黎🤣 靚到呢，搞到影相影到凍曬先食🤣 帶子同虎蝦都超新鮮，完全係鮮甜。鵝肝更有驚喜，入口即溶，正🤩仲有酸酸甜甜既布冧黎解膩🤤 呢個廚師精選我比100分💯花茶就不過不失，好在waiter超有禮貌，fill水都fill爽啲最後食埋個帶子刺身意大利飯🤤 都係果句，帶子真係好正😍😍 衰在我唔太食洋蔥，而個飯係好多洋蔥既🤷🏻‍♂️ 下次一定記得走蔥， 不過整體都勁正正食飽飽，歎下茶，仲可以心靈雞湯🤣又係開心既一日👼🏻👼🏻😚

星期五約左朋友去尖沙咀食飯鬆一鬆， 因為呢排peak season比較忙，由朋友簡食邊間。 佢話上次同朋友去食，又有野玩，又有野食，好relax，不如就去呢間。 餐廳呢就係正isqare對面既商業大廈，非常近地鐵站。 一出isqare過對面馬路就到，十分方便。 一入到去個裝修唔係個種黑蚊蚊既西餐廳，而係warm，relax既cafe feel， 令人十分自在。到處擺滿左精美既裝飾，十分適合一家大細黎食飯。 除左裝修舒服外，佢仲有唔同既broad game比客人自己拎黎玩，真正有得食有得玩。 （我岩岩收工太攰了，完全冇力玩） 佢地有一個特色menu，有個廚司發板， 大部分既食品都會有得比你試到，岩晒心大心細既我地。 一上一上台佢係用膠板裝住唔同嘅食物， 分別有椒鹽牛柳粒，牛油焗帶子，鵝肝多士，燒蝦，布lum同埋蟹捧同螺肉仔。 店員好細心咁介紹完食物我地就開始食。 我地第一樣試既係牛柳粒，佢有好多配料點，牛肉好淋， 但唔知係唔係失準，牛肉較咸。 之後第二樣試既係鵝肝多士，上邊有少少魚子， 非常名貴，令我地有貴族既感覺， 鵝肝唔夠焦香不過味道依舊唔錯。 全個廚師發板最好食係個帶子

見雜誌有介紹呢間餐廳望落好吸引就上黎一試，呢度係行家庭式路線， 環境溫馨，而餐牌就係高級西餐既格調。 黎到梗係要叫廚師發板啦，有成九個菜咁多。 個板一上檯就有員工為我地詳細介紹進食次序、醬汁用法等，感覺好貼心。 廚師發板 最令我驚喜既有黑魚子鵝肝多士，味道好香醇，口感細膩，入口就有融化既感覺。 牛油檸檬汁煎帶子刺身，牛油煎帶子完全帶出帶子既香氣，配合埋檸檬汁令到味道多個層次。 戀之花煙三文魚，好肥厚，新鮮，唔會有雪味。 蟹棒，好鮮甜，食完熱盤然後食蟹棒就可以平衡返剛才既油膩感。 鹽水煮榮螺，鹽水浸得咸味剛好，而且完美地僻走腥味。 另外，仲叫了炸魚手指，炸得金黃色剛剛好，而魚質嫩滑，鮮甜可口， 配埋沙律醬食，味道酸酸甜甜，不錯。 樂園 地址 尖沙咀北京道65-69號環球商業大廈2樓205-06室​

朋友聚餐，有得食之餘坐得舒舒服服，所以選擇咗呢間為放尖沙咀isquare 旁邊嘅cafe happy land。入到cafe, 牆身畫滿畫，仲有個架放咗好多board game，仲有兩隻可愛貓貓，唔怪得呢度叫happy land啦！醬爆雞翼- 一碟8隻，味道剛好厚燒美國安格斯肉眼扒- 叫咗7成熟牛扒，雖然唔説得上係厚，但肉質香濃，而且真係做到7成效果。仲有好有心思嘅伴碟，值得加分泰式燒春雞- 呢隻有支架撐起咗嘅雞好有睇頭，香味十足，唯獨肉質唔夠滑醬燒豬仔骨- 又有貓貓伴碟喇！豬仔骨好好味，骨同肉比較易分開，正！煙肉蛋黃忌廉汁扁意粉- 其實係carbonara, 本身自己對呢個意粉情有獨鍾，呢間cafe都做得唔錯哦！怪獸雪糕- 嘩。。。好大杯雪糕呀！好多個球。。仲有香蕉，又有威化餅。。。好滿足呀！