樂園

營業中

休息中

唔知點解對於西多士係有種情意結 雖然好邪惡 但每隔一排就會想食(雞蛋仔都係咁)😆😆_沙爹牛肉西多士 $31 🍞今次黎到呢間位於九龍城熟食街市既樂園 試呢到最出名既沙爹牛肉西多士😻 炸到漲卜卜 顏色金黃 四邊微脆既西多士 裡面包住惹味既沙爹牛 面頭再淋上煉奶 同放埋一大舊牛油 食落鹹鹹甜甜 好夾 好滋味😻😻😻 (👧🏻小編對呢種鹹甜配搭真係毫無抵抗力🙊) 而且西多蛋味香濃 炸得唔油膩👍🏼 雖然邪惡但真係好正！_奶茶紅豆冰 $25 🥤奶茶紅豆冰都係呢度既招牌🙆🏻‍♀️ 杯底塞滿紅豆粒 紅豆熬得粉糯但仍然保持粒粒分明 每粒都飽滿有光澤 食落味道微甜 叫少甜甜度尚可😚 而奶茶茶味都算濃郁但唔特別香 而且稍嫌口感唔夠creamy 奶味較薄弱🙊 但連埋啲紅豆 成杯一齊飲 再加埋個靚西多 都係滿足既～🥰🥰

好多年無食樂園以前婆婆住九龍城個個月都會食一兩次相隔十年咁濟 去開九龍城帶鐘意食沙嗲牛麵既老公去試下 所有食物都無set 飲品要另嗌12點半坐底 都坐滿左幾枱我嗌左個咸牛肉蛋丁麵老公嗌沙嗲牛麵加杯凍檸茶略嫌個蛋太熟我叫爽麵 但個麵黎到幾乎係生麵要搞好多先淋返小小☹️老公話個沙嗲牛肉麵係好old scl既味道似我地細個廿年前食既感覺我倆一致覺得性價比較低食物收費同味道配不上 食完好口渴加上服務態度麻麻同坐得唔係幾舒服兩個麵一杯飲品 食左接近一百蚊😐

Happy Friday 落左九龍城食lunch 唔想食泰國野同事提議去市政大廈的一間冰室唔講唔知原來街市入面有間咁出名的冰室叫左五香肉丁通粉加炸雞扒再加熱杏霜差不多俾左半罐五香肉丁真係好抵雞扒炸得好出色炸粉又薄又炸雞肉又好嫰滑

每次來到樂園都會叫鹹牛肉蛋出前一丁，再配一杯凍奶茶其實他的招牌是新樂園炒米粉，但因為每次都是早餐時間來，會比較想簡簡單單吃麵。鹹牛肉蛋出前一丁要等大約20分鐘， 因為是即整製的。現在很小茶餐廳會選用真的出前一丁，這也是我經常光顧的原因之一。他不像普通茶餐廳的鹹牛肉炒蛋，而是把炒蛋煎成一個方形。味道方面，蛋味很重煎得香，不過有點偏鹹。另外，也點了一個阿華田多士。這個是必吃的，與傳統西多士不同，他的西多士完全沒有油膩感，感覺上也健康一點，而且很香脆，好味。👍🏻

九龍城樂園既沙嗲牛肉麵係食咗會令人上癮既食物，食過呢到既沙嗲湯底，你根本唔會對其他地方既沙嗲湯有興趣🤷🏻‍♀️另一推介既必食：炸豬排麵+沙嗲湯 / 西多士如果唔食牛既朋友，可以叫炸豬排/雞排麵+沙嗲湯，呢到既炸物同樣非常出色！當然仲有呢到非常咁出名嘅西多士！係香港正宗地道茶餐廳既味道，有花生醬既西多士！唯一要注意既係呢到既營業時間，特別係星期六日想黎既朋友，一到中午時間好多食物都會沽清！

今天畀我食到最好吃的沙嗲牛肉出前一丁再加菜圃蛋🍳（平時我是吃太陽蛋的）簡直是一流既配搭😋再飲杯凍奶茶少甜🤤完美的早餐就是今天最好既開始💪🏾其實仲想試樂園既炒米粉😏還是留返下次吧😊

近來多了來九龍城吃早餐，每次都去聯發又有點厭倦，所以有時都會改變口味，上街市大廈的樂園。如果還沒聽說過樂園的話，這是九龍城市政大廈內的幾家有名食肆之一，它是家港式茶檔，特色是不賣 ABCD 及常餐，只有單點，名物是奶茶紅豆冰及沙爹牛肉西多士（把沙爹牛肉夾在西多士中！）。這些名物對我來說未免過於離經叛道，我只吃傳統的麵食及三文治等東西。不過他們家的沙爹牛肉麵是真心好吃，沙爹汁不是可憐地只下幾滴，而是一整碗麵的湯頭都是沙爹，味道香濃。而麵煮則得剛好，軟硬適中。牛肉沒有下鬆肉粉，雖然粗糙，但有牛味，不是那些吃完也不知是牛還是豬的無味鬆肉。奶油脆脆豬亦不比翠華的差，豬仔包烤得鬆脆，牛油及練奶塗得均勻卻不過多，讓人忍不住幾口就吃完。

西多士真係好邪惡😍·🥪沙嗲牛肉西多士（$31）見多人推薦～點完等左大概10分鐘就有熱辣辣，炸到金黃既主角送到👅西多士係好食既，但夾埋沙嗲牛肉就麻麻地😂又咸又甜，唔太岩我口味🤭牛肉碎上，唔係我想像中一片片既沙嗲牛肉🤣·🥢樂園炒米粉（$64）無錯，你無睇錯！真係64蚊🤭係熟食中心黎講，成張餐牌最貴既食物🤔米粉炒得乾身～加埋蛋絲/餐肉/雪菜/椰菜⋯其實好難唔好食😂😂😂但我地一致認為唔抵食🤷🏻‍♀️·🍜雪菜肉絲沙爹牛肉麵（$37）果然每人心中都有自己喜好既沙爹牛肉麵～但我果碗絕對唔係樂園搵到😣食第一啖，咸到腎虧😖係咪2溝太貪心既後果🙁-🍜炸豬扒麵 加沙爹牛肉汁（$29）普通～值得一讚係豬扒炸粉唔厚，謹此而已🤖

味道:4.0/5環境:3.5/5服務:3.5/5衛生:3.5/5性價:3.0/5今日去舊同事屋企housewarming...咁啱朋友介紹話要去九龍城買火鍋野食就順路去左九龍城街市呢間樂園食埋lunch。 去過咁多個街市熟食…呢間都算係乾淨企理…黎呢間記得要留意關門時間...3點左右就關門西多士外脆內軟必試最出名ge 牛肉雪菜出前一丁...不負所望...堅新鮮牛肉加沙爹醬...除左價錢貴左d 外... 無可挑剔 咖央多+咸牛治...烤得剛剛好...脆得黎又唔燶...

中午時分唔知食乜好，求其入左去一間街市。點知原來有間茶餐廳，超多人排隊，就抱住一試既心態。餐牌唔係好多選擇，有西多，公仔面，同幾款飯。我同表哥簡左鮮茄雞柳飯，重有招牌炸豬排飯。雞柳新鮮無雪味，好有驚喜。炸豬排真係好味，唔會太乾！係好出色既茶餐廳，推介！

九龍城街市買餸平靚正就好多人都知，但原來3樓有個熟食市場，仲要有間茶餐廳。上網search一下就發現呢度最出名係沙嗲牛肉麵🍜直頭係my favourite！立即叫咗碗嚟試下！碗麵一嚟到，我就知點解佢會出名。因為碗麵嘅沙嗲醬比出面濃好多同香好多。唔似平時啲湯麵只係上面加少少醬，樂園係成碗麵都係沙嗲醬，不過略嫌牛肉唔夠滑，呢度令個麵打咗折扣。得一個麵當然唔夠飽肚，食完之後另外叫咗份炒蛋試下炒蛋配埋蔥令到個味豐富咗，不過就炒得過熟，總體不過不失。

蜜桃小丸子又再來九龍城覓食，今天來到位於街市三樓的熟食檔，沒有奢華的裝修，就是簡簡單單的桌子和櫈，但可以見到有不少食客，相信一定有其吸引之處。餐牌就是茶餐廳的食物，但可以留意到並沒有套餐，食物應該是很優秀才會這樣吧！沙爹豬扒飯加蛋：沙爹汁不是很濃的那種，但卻滲透每一顆飯粒；飯的份量適中，不會太多導致浪費。豬扒炸得外脆內軟，外面的炸粉也不會太厚，並且吃得出有醃過，不會有雪味，大少也相宜。蛋煎得很美！蛋黃可以弄得完整無缺的，撈勻飯一起吃，既有陣陣runny蛋香，又有豬扒的肉感，再有沙爹味，好好食！食食下飲一啖凍奶茶，透心涼，奶茶香濃不會太甜，好爽！簡簡單單的食物可以做到好吃也不容易，這個飯完全滿足到蜜桃小丸子，會是我的comfort food!

現今香港地，食肆有一味主打菜，不靠 gimmick 而煮得精叻，已經好難！仲要家庭式經營不怕辛苦、不被加租迫遷、仍然繼續保持食物質素，簡直難上加難！繼奶茶紅豆冰後、是沙嗲牛麵、再來是炸雞扒、還有西多、樂園炒麵，樣樣好吃！所以九龍城街市的樂園永遠在心中佔一席位。奶茶紅豆冰，必點！在台式珍珠奶茶、什麼什麼奶蓋茶再度瘋魔全城之前，本土出品的奶茶紅豆冰才更深得我心。不明白何以沒有了炸雞扒，唯有來碟炸豬扒飯。雖然豬扒沒有雞扒滑，不過麵衣仍然香酥可口！沙嗲牛汁偏甜，所以一向選豉油汁。一口炸豬配上一口豉汁飯，非常快樂。樂園的飯一向偏淋且碎，將就一下。

中女獨食難肥日誌 傳說中，九龍城街市頂樓有一間茶餐廳，有著最強嗲牛麵今天一試便知龍與鳳！我經常說，九龍城太多美食，不好吃的餐廳好快會被自然淘汰，能夠長存的食肆一定不會令人失望呢！沙嗲牛肉麵 $28沒有套餐，只有散叫，$28真的不算便宜，不過一吃進口，立即有超幸福感覺沙嗲醬十分香濃，但不會過咸，加兩滴辣油好過癮!牛肉有牛味，而且是比較厚身，麵不過軟，不過略嫌細碗，男生的話可能要再加其他食物才夠飽肚呢港式凍奶茶 $20散叫沒有套餐，貴啊！但沒有辦法吧叫了少甜，不過甜，有奶味，合格港式奶茶，不過原來這間餐廳出名咖啡紅豆冰，下次試！

又去九龍城買教科書，兼到滙豐兌歐羅，與友相約到街市出名的樂園午飯。沙爹牛肉夾在西多內，實在是奇怪的想法，食過，結果：沙爹牛肉，和西多，分别都好；但沙爹牛肉+西多……奇怪的想法……反倒是我叫的茄牛，和朋友的炸朱，都不錯，我鍾意佢有幾粒青豆，畫龍點晴。