樂園

營業中

休息中

睇過大家嘅食評 都有介紹樂園嘅沙嗲牛肉西多士 就想去試下 去到d職員好似唔多想理你 算啦 街市熟食中心唔好有咁高要求 雖然我覺得基本禮貌都應該要有 西多睇落比一般西多硬 好挺身 我都喜歡脆嘅外殼 但哩個食落真係有d硬 內層麵包口感亦太不軟身 沙嗲牛肉都係好受港人歡迎嘅食物 但原來放喺西多士入面唔係好襯 又咸又甜 牛肉味道唔差 不過我略嫌冇乜沙嗲汁 個沙嗲牛肉作為餡有啲乾 所以食落去有啲失色 如果有返啲杰d嘅沙嗲汁 可能感覺會好啲 因為外層又硬 裡面又乾 仲叫左個炸豬扒茄汁飯同雪菜肉絲湯米粉 食落都好普通 可以不試

港式午餐！呢間茶餐廳是朋友介紹的，他以前讀中學放午飯時經常來這邊光顧，覺得好味道，所以推介我們來吃沙嗲牛肉麵和奶油脆豬。如果沒有他的介紹，我都不會特意上來吃，通常會隨便在九龍城街邊的餐廳找食物就算了。樂園的食物雖然普通，卻充滿港式茶餐廳的風味，不錯。沙嗲牛肉麵$29- 沙嗲醬弄得非常入味，有濃郁的花生香味，牛肉片的份量也不少，口感軟滑，吃着跟公仔麵很配搭，吃完很滿足。奶油脆豬$20- 奶油脆豬真的很好味，吃得出是新鮮烘起的，非常鬆脆，而且牛油味很香。可以吃多幾個！推介！

好耐之前聽過九龍城食呢間出名沙嗲牛肉嘅茶餐廳，今日放假又早左起身特登過嚟食( 佢2:00就截龍㗎啦)我地兩個人叫咗兩碗沙嗲牛麵，仲有個咖央多士，凍紅豆奶茶。先講下沙嗲牛肉麵，佢個沙嗲味真係比出面特別香濃，有種印尼沙嗲加港式嘅感覺，茶餐廳嘅沙嗲真係好多間都整得唔好食，呢一間算過得去，不過牛肉就唔掂、又梅又無牛肉味至於咖央多士，就真係更唔掂，可能真係要去轉食新加坡野嘅地方先好食，佢咖央唔夠，做得又唔夠香脆，不合格。而紅豆奶茶我覺得幾好味，又唔太甜，6分～又要排隊又要受氣

中午行咗去九龍城市政大樓好出名嘅茶記樂園度食中午紅豆冰奶茶 $25☕️睇咗OP呢度係出名係呢一個紅豆冰奶茶首先紅豆真係好大粒而且奶茶好有茶味不過兩者加埋個配搭又有d怪好似奶茶還奶茶紅豆還紅豆咁🤨沙嗲牛肉西多士$35🐮呢樣又係呢度嘅名物切開炸得香脆嘅西多士入面原來包左沙嗲牛肉牛肉嘅沙嗲味真係超香好值得一食🥰樂園炒米粉$65成個餐牌呢碟炒米粉就最貴要成六十幾蚊所以難得嚟到咁就試吓佢啦佢係將好多嘅下欄嘢例如蛋、火腿、午餐肉、雪菜炒埋一碟不過一食入口就已經有好大浸嘅鑊燶味一定係冇洗鑊就炒啦嗱嗱臨食完就埋單算啦真係投訴都慳返🤮如果下次有緣再嚟嘅話我會叫返沙嗲牛肉嘅食品其他就好一般🤫而且又收得好貴性價比低啲阿姐都唔係特別禮貌🙉

今日對於好多香港人來講都係一個Happy Monday, 不過對於我來講呢....仍然仲係一片迷惘, 仲要收到消息男朋友下個禮拜開始要返正常工啦 ，即係代表我冇機會weekday嚟食野雖然都有啲失望，但係我又唔可以咁自私，其實都已經放縱左成兩個月㗎啦 ！嚟到呢度我已經肆無忌憚咁食炸嘢啦、肥野啦、甜野啦同熱氣野，全部都冇考慮過就叫。今日就叫咗個邪惡西多士喇！連我男朋友都覺得好奇怪我竟然會食啲咁邪惡嘅嘢 。老實講以前嘅我係掂都唔會掂囉，同埋如果你叫我試一啲新口味例如沙嗲牛肉西多士、阿華田西多或者紅豆西多士咁，我會寧願選擇食返啲傳統正宗口味 ，唔係話接受唔到新事物，只係唔想嘥咗一個quota-人越大quota會越來越少㗎嘛 ，始終食嘢有人同你share係會開心啲大膽啲。嚟到當然唔少得要叫返塊炸豬扒食啦！

一直有人告訴我九龍城街市上面這間樂園非常有特色，一直很想去可惜每次都碰到公眾假期休息。皇天不負有心人，雖然今天心情麻麻，但總算可以一睹廬山真面目。今天點了炸豬扒公仔麵加菜沙嗲牛肉西多士至愛紅豆冰沙嗲牛肉西多士真的幾特別口感和味道mixed 起來好得意但又說不想非常好吃創意特色菜值得試一試

近排社會運動好似又激烈左，但係生活都係要繼續落去。我仍然係度默默等待我幾時有工返，另一邊廂我嘅生活一日三餐都唔可以減少，特別係早餐要食得豐富啲。九龍城依然係我食早餐晚餐嘅不二之選，試過去一啲正常有ABC餐嘅餐廳食早餐，唔係通就米粉set好晒原來真係唔係我杯茶，所以樂園就成為我嘅首選啦！佢全部野都唔會有餐，呢個可以話係一個優點但係對於某啲人來講就可能係一個好大嘅缺陷，因為好多人都唔想煩，唔想諗太多野，純粹ABC餐是但揀一樣就OK，不過呢度你就可以日日唔同款試晒佢成個Menu嘅嘢都仲得。已經去到每一次都揀啲唔同嘅嘢食，今次就揀咗餐肉蛋出前一丁再加一個炸豬扒軟包好似從來都冇喺呢度試過啲普通茶餐廳野，今日試一試佢嘅餐蛋麵 。兩塊餐肉煎得好香脆金黃色，而餐肉配煎蛋就係最common嘅早餐配搭啦 ！我哋發現呢度所有麵類嘅湯底佢都唔會比得太多，啱啱好蓋過個麺，唔知係唔係專登㗎呢？另外一個新嘗試係炸豬扒軟包即係豬扒包啦😅豬扒佢刻意去晒啲骨啖啖肉咁樣夾住係個包入面，軟包佢烘脆左再加啲牛油芥末醬，兩塊新鮮蕃茄，唔可以話超級好味不過所有嘢夾埋一齊都係ok嘅!

可以一至五 朝早10點幾嚟呢度食早餐當然開心啦，但係另一邊又擔心仲未有正常工返！😭因為上次嚟煎腸粉賣晒同埋提過下次要黎試食雞扒，結果今日兩樣都試晒。大滿足炸雞扒出前一丁（+$5）加沙嗲汁炸雞扒第一次食，其實佢個粉漿同炸豬扒嗰個係一樣嘅，加咗啲蔥花加咗啲蔥油味，就因為咁配雞反而仲好食過配豬。諗諗吓有啲蠢，應該唔使專登加$5食出前一丁，因為個沙嗲汁基本上已經掩蓋晒出前一丁個湯嘅精緒，嘥咗$5，其實係因為啲牛肉太硬所以先至唔要沙嗲牛肉乍。（出奇地加沙嗲汁唔使加錢）煎腸粉係即時煎，需要啲時間，我相信佢應該係來貨腸粉，雖然都煎得條條均勻金黃色，係嫌佢啲豉油唔多夠，麻醬就已經撈埋落去，反而甜醬佢就分開旁邊放。以為係特別嘢，原來佢係普通貨色。奶茶呢⋯⋯都係個茶膽始終差啲，唔係好夠滑，所以同我自己係屋企沖茶包落淡奶冇乜分別🤦🏻‍♀️

而家仲未正式有工返，可以幾點食早餐就幾點食早餐，去邊度食就去邊度食，所以最好就係去啲鋪頭開門時間比較囂張嘅地方。呢度食開有條癮，又返嚟食，今次原先想試佢個蝦米腸粉點知一早就賣晒，另外就叫咗個蔥花蛋治烘底同埋一碗沙嗲牛肉豬扒米粉，再另外帶一個炒米粉俾媽媽食。今日嚇然發現佢個餐牌轉左金碧輝煌嘅Menu即刻諗到啲嘢食又順理成章加咗價呢！？蔥花蛋治係第一次試嘅，其實響其他地方都有食過，好肯定蔥花同蛋嘅結合係好味嘅，而且佢嘅蛋炒得滑嘟嘟👍🏻最衰佢冇蝦米腸粉試吓啦，下次一定要試😅至於個沙嗲牛肉米粉就一般般啦，都係硬如柴嘅牛肉囉，沙嗲汁都係配麵好食啲！炸豬扒就成日食喇，下次可以試吓炸雞扒！

懶理你話服務態度差、價錢又貴 、開舖時間囂張，依然咁多人嚟食 ，連蔡瀾先生都要提字，就知呢家鋪頭唔野少。其實真係唔係話超好食，只不過可能有啲嘢比出邊特別少少 ，例如普通嘅西多士會加紅豆、加阿華田、加沙嗲牛肉，奶茶加紅豆等等。另外佢係絕對唔會有套餐叫既，全部都係單點，逐樣加錢。所以如果人多黎叫嘢食條數真係有排加。平時上晝嚟食早餐，我接受唔到晨早流流食炒米粉同西多，終於等到今日機會lunch 先黎，可以叫男朋友好想叫嘅嘢喇。佢嘅獨門雪菜肉絲炒米粉$65，仲提醒你要等15至30分鐘，配料有出面無加既餐肉，又唔會好油，獨門嘅雪菜肉絲好味。西多士呢⋯以前既我係絶對唔會食呢啲咁邪惡嘅野，而家人大左反而間唔中都想食下，當然要有人share啦。我就唔會試佢果啲特別版本，所有嘢都係原味最好嘅。係唔知有冇辦法將西多條邊都整到好似中間咁軟淋淋。口痕痕仲要加多塊炸豬扒小食，$25 係呢度嘅特色豬扒，佢係用脆漿炸嗰款豬扒，其實都幾熱氣😅我就最鍾意食熱氣野🤪最尾埋單係$65加$23 （西多士）+2杯凍野$21x2再加豬扒$25我哋仲發現原來佢逢親假日係要自己走出去落單㗎，啲夥計係唔會走埋嚟同你落單！

沙爹牛肉西多士🤩$31九龍城最有名氣嘅西多士☺️以前住響附近，成日食😝搬咗之後少嚟呢頭🙈平時佢哋又早收😫六丶日又人多😂好彩今日行過，佢哋仲未收😉即叫即整😍新鮮食，真係好正😝沙爹牛肉嘅鹹😚配上煉奶同溶化中嘅牛油😘實在好邪惡😈樂園 (九龍城)九龍城九龍城市政大廈3樓6號舖

相隔十年特登走黎食沙爹牛肉西多 + 奶茶紅豆冰味道不差，但香港依家好食嘅野已經大把唔係個個都會好似樂園咁，出咗名態度真係超級差！收銀個女人黑面神咁隔離吧台個男人當然唔會理你 只做自己野都正常九龍城出名鋪頭大把隔離街方榮記同樣出色做沙爹牛肉人哋老一輩坐陣 有禮貌 態度好完全唔同年青一代當家真應該好好學習人哋嘅待客之道

聽聞紅豆奶茶係呢間店嘅原創，名物仲有周一腹最鐘意嘅豬扒同沙嗲牛肉，決定黎一試。都唔知有幾耐無去過熟食中心，環境同衛生比預期好，嗰度有好幾間食肆，不過營業緊嘅就只有呢間，其他店鋪好似做午市同晚市。經過精密嘅計算，梗係叫沙嗲牛肉西多士同豬扒麵再加杯紅豆奶茶。奶茶好快就送上，我覺得紅豆同奶茶比例同甜度剛剛好，好融合，唔會互搶味道，不過周一腹就覺得好普通；然後到豬扒麵，豬扒好香蔥油，好淋，不過就薄左少少咁啦；我最期待嘅西多士到啦（我真係期待西多士咋，牛肉唔係我目標），切好西多士，四隻角梗係歸我，因為沾到牛肉最少，切個陣唔好諗住係流心，會有一埋沙嗲汁湧出黎，只係微量醬汁剛好掛係牛肉度，周一腹話我計算失誤，因為咁樣試唔到沙嗲味，而且佢覺得出面甜入面咸，好奇怪。

本人第一次試食佢哋嘅炸豬扒，點了一個炸豬扒上海麵及熱奶茶一杯，小弟才疏學淺，因為我唔熟悉佢哋嘅餐牌，未有細心閱讀，來了日本沒有配料的上海麵，於是查詢職員可否+1點雪菜肉絲另外加錢，收銀的哥哥馬上搶答我的問題，你要早啲講而家唔加得，我說了一句對唔住，因為他的態度令我有點害怕，雖然未至於態度惡劣，但全程吃得一點都不舒服，我沒有下次了，祝生意興隆🙏🏻

好耐無食一心黎食午餐$150比$200找2張$20，1張$10自然無睇清楚銀紙有無爛買外賣盒時因無散紙自然拎$10出黎當時服務員稱爛左不收下？錢你地找比我.宜家就話唔收？跟住一個年輕後生就走出黎話我都有責任睇清楚銀紙有無爛午市你地人多排長龍.我自己拖住個小朋友睇到岩數就自然走好正常都估唔到你地會咁樣找錢比個客叫你地睇下閉路電視睇下係咪你地找一句話睇唔到咁細張銀紙到野食方面叫兩杯少冰野飲，結果大半杯冰叫少甜.篤哂檸檬都仲甜到不得了