樂園素食

營業中

休息中

今日係銅鑼灣試咗哩間’樂園素食‘，同朋友下午15:30到達，環境唔錯，食客大慨有10人，食店提供透明膠手套一對，要嚟出去攞食物時用.講到食物，天氣凍，所以食熱嘢先，可惜應該熱嘅食物，只有炒飯係熱，薑醋雞蛋係暖，其餘全部係凍嘅，見員工攞走蓋住壽司同炸物嘅蓋，之後就冇再蓋住，而且好多食物已冇晒咁滯，或者可以話得返幾條菜咁，但係到我走嘅時候都冇再添加（我係16:15埋單走人）埋單同收銀（戴眼鏡姨姨）反映下，佢話唔會係咁，我叫佢自己入去睇吓同試吓，點知佢好吹脹咁問我：咁你食唔食到呀？係食到嘅，但係要比錢食凍冰冰嘅嘢，有啲甚至已經冇晒，俾你搵笨只有一次，冇下次

約咗朋友去食 lunch buffet，友人話想食素。記得之前喺  社交平台 見有人推介銅鑼灣呢間新開嘅「樂園素食」，話食物款式夠多元化，而且地點方便就腳，提議試下。店舖位於謝斐道 535 號 Tower 535 地庫，店內裝潢走簡約路線，一室亮白，牆身上嘅手繪壁畫清雅脫俗，給人一種寧靜舒服嘅感覺。餐廳喺妨疫方面都做得好足，除咗探熱同提供搓手液之外，亦會提醒客人出去攞食物嘅時候要帶口罩，另外每張檯亦會有即棄手套供應。先出去自助區行一轉，食物款式果然好豐富，雖然無逐一數過，但目測都有數十款，包括沙律、冷盤、壽司、炸物、湯飲、熱盤、甜品等。沙律區嘅陣容雖然唔算好鼎盛，不過最基本嘅車厘茄、紫椰菜、粟米、三色藜麥、鷹嘴豆、紅腰豆、沙律菜等都有齊，另外仲有 6 款醬汁同蘋果供應，自己 DIY 拼咗份沙律做頭盤，既鮮爽又開胃。冷盤同前菜有冷豆腐、冷烏冬、陳醋雲耳、中華沙律、胡麻手拍青瓜、日本枝豆、一口蕃薯、醃青瓜、酸薑皮蛋。陳醋雲耳好爽脆，醋香十足，超醒胃！壽司區有多款素壽司同卷物，當中包括有三文魚、吞拿魚、燒粟米、蟹棒、魷魚、芝麻加州卷、紫菜卷，整體賣相都幾吸引，尤其是燒粟米壽司，食落香甜可口。

唔使一百蚊位就有自助餐食去邊度搵？就係呢間樂園素食啦，平日下午茶＄68就可以食90分鐘（要加一），真係抵到爛，是日就同左朋友黎試下。下午兩點半入座，平日唔多人，就算walk in都有位唔使等，有店員帶位，但基本上任坐自由揀位嘅。店家派上每人一對手套，出去取食物要帶口罩同手套。食物款式甚多，作為下午茶十分豐富了。先推介一下呢個素xo醬，雖然係素，但一樣香口惹味。飲品方面有豆漿，洛神花茶，羅漢果茶，普洱同鐵觀音茶包，仲有咖啡機。上圖係羅漢果同鐵觀音，羅漢果茶好濃好甜，鐵觀音幽香，個人偏好後者多一點。先來盤沙律菜，新鮮爽脆，加上麻醬就好好味。素壽司，個樣幾可亂真，飯綿綿的幾好味，粟米壽司一定要食，食落真係好似粟米好得意。煎炸物類，芝士蒜蓉包好好味。熱盤系列，薑汁芥蘭薑味濃，紅燒茄子同四季豆惹味，炆蓮藕好粉，仲有酸齋都好好味。炒麵同炒飯就般啦，烘得太耐有啲乾，烤麩入味好食，仲有個油炆筍都好正。麻醬豆漿又係encore系列，真係好鍾意食麻醬，哈哈。是日中湯，紅蘿蔔粟米夠清甜。最後係甜品，brownie有碎朱古力㗎，好濃朱味正呀。桃膠糖水好甜好潤，冬天食一流。仲有好多野無試哂，呢個價錢實在太抵食啦

🟩2021年1月1日新的一年.祝願全世界人幸福、和平、健康、快樂。2020年對於所有人都是一個不祥的一年，送走20，迎接21。舊的送走，將所有不如意送走了，迎接新的一年，今年的第一天，吃素日，為家人及全世界人積善，送上無限祝福⋯⋯😇🟩———————-環境：🌹🌹🌹🌹🌹 5/5一個舒適環境，地方寬闊，寧靜優美的一個地方，懷着一顆善意及善❤️去吃素，令人有著吃得開心又滿足的一個地方一間高級又舒適又衞生的吃素地方——————-💚衞生：🌹🌹🌹🌹🌹 5/5入門口自動檢測及搓手液，隨咗每次取食物要帶口罩😷外，還有一對即棄手套讓你每次取食物時，不會讓雙手沾上任何食物，那種乾淨衞生程度令人吃得安心又放心。——————-💜食物：🌹🌹🌹🌹🌹 5/5新派素食，新穎素菜，新鮮特色，款式吸引，款類夠多，廚師👨‍🍳出色，做得特式食得珍惜，——————💝價錢：🌹🌹🌹🌹🌹 5/5用幾十元就可以食到咁出色嘅食物，有時去買斤菜都成舊水，飲杯咖啡☕️都要幾十元，呢到幾十元有咁多嘢食（而家一月份仲有八折）真係素菜中的皇者👍👍——————🧡服務：🌹🌹🌹🌹🌹 5/5超nice、超級無敵very good👍👍👍👍——————真係又係一間

呢間係銅鑼灣新開嘅素食餐廳好有特色！有素食版三文魚壽司，造型饅頭！好有特色😍。除咗有各款飯麵，前菜，沙律，炸物，湯品，仲有中式西式甜品！所以自助餐款式都幾多，味道都吾錯😳！亦估唔到素食都幾好味🤭-🍴🥗沙律：有四款醬汁，基本嘅沙律菜齊備，仲有健康嘅藜麥👍🍚🍜：飯麵類款款都唔錯😍！飲品🥤：有豆漿，咖啡等等湯品🍲：好足料！但係太飽冇飲到😳甜品🍰：最愛雪耳桃膠糖水！朱古力brownie都好味-服務員有禮貌，而且refill 嘅速度好快,有個店員長期望住食物數量，吾夠會即刻叫廚房整！-🙋‍♀️：食物質素吾錯，素食呢講真係整得幾好🤣，午市自助餐嘅款式種類都可以（好多款都啱食🤭），有興趣帶屋企人再食多次😛，可以bookmark📍樂園素食 (銅鑼灣)銅鑼灣謝斐道535號Tower 535地庫B04號舖

平日午市（75分鐘 $78）間唔中食素都幾健康！行過見到銅鑼灣有間新開嘅素食餐廳，即刻同朋友試吓😋餐廳環境好寬敞，仲好光猛！一坐低店員隨即送上手套，餐廳要求所有食客攞野食嘅時候都要戴上手套同口罩，都幾注重衛生👍估唔到食物種類有咁多🤤 都應該有大約三至四十款，分別係唔同嘅小食、冷盤、熱盤、炸物、甜品同埋老火湯等，真係超級豐富呀！🤩 呢個價錢可以試到咁多素菜真係勁抵🥰 餐廳都照顧到各類素食者嘅需要，所有含蛋、奶嘅菜式都會清楚標示👍小食推介✨香草焗法包、素煎餃子炸物推介✨芋蓉地瓜丸、地瓜條、香蔥春卷飯麵推介✨黑椒肉絲炒麵、瑞士汁炒河熱盤推介✨茄子炆肉碎、雙菇炆蘿蔔、葡汁西蘭花平時覺得素食一定係口淡淡，去完呢間餐廳真係顛覆咗小編嘅諗法！原來素食都可以咁好味😋記得最後一定要飲返碗粉葛赤小豆牛蒡湯，下火得黎又補身👍樂園素食 (銅鑼灣)📍銅鑼灣謝斐道535號Tower 535地庫B04號舖抵食指數： 😚😚😚😚😚😚😚😚😚/10舔舔脷指數：😚😚😚😚😚😚😚😚/

今日同媽媽去銅鑼灣行街，平時飲茶食點心多，諗住搵啲特別嘢食下，上OpenRice介紹咗一間素食自助餐，即管去試吓！行到入去環境好舒服，坐低之後，服務員好細心俾我哋一人一對透明膠手套，出去攞嘢食要戴膠手套，去到食物區，見到部咖啡機，好高級🆙牛蒡紅蘿蔔粟米湯，雖然係素湯，非常濃郁好味😋，睇到食物好多品種！主菜區比較多熟食🍱最特別係壽司區：三文魚壽司🍣，吞拿魚壽司，芝麻加州卷，鮮墨魚壽司，蟹柳壽司，炸雜菜天婦羅⋯味道口感一流！仲要係素喎！真係好高技巧👍🏻食物品種真係超過五十種咁多，真係數都數唔切，咁多品種，質素頂好，環境舒服，絕對值得再食！

我去完sogo 買完野睇下附近有乜野食，其實我間唔中都會食素，食素令個人健康的。見到有素食午市自助餐就進店。午市$78 而言真係好抵食，特色食物有公仔包得意又係甜食，有齊沙律，熱食，湯,糖水，飲品真係好抵。留意出去取食物時要戴口罩，戴手套，衛生做足，見到店員不停refill，源源不絕。素壽司款式都多，雜錦太卷，手握壽司很像真。熱盤都唔錯，素肉絲炒麵很乾身，少少素肉，少少辣辣地。老公中意炸物，春卷香脆，炸蕃薯條甜甜地，芝麻球圓滾滾，有紅豆蓉，唔算太甜。湯品唔錯，今日係粉葛湯，味道唔錯，我見有好多料，只係我中意飲湯多過食湯料。甜品一直我至愛，黑糖紅棗桃膠很養生，桃膠份量都多。另外綠豆沙有臭草，海帶，很足料。飲品都多選擇，豆漿，茶包，羅漢果甘草水，洛神花檸檬水，仲有咖啡機即沖，覺得唔差。

身邊越來越多朋友食素，我都覺得食素好健康，所以好多時候都提議身邊朋友一齊去食素！朋友最近發現了銅鑼灣開了一間素食自助餐，我們這天中午就去試試！在銅鑼灣地段，位置方便，價錢很親民！餐廳環境都幾大，光潔明亮，好乾淨！坐低之後店員拿來手套，拿食物要戴好口罩，保持食物區域衛生！目測至少有4-50款食物，有壽司、熱盤、冷盤，還有湯品、甜品等！壽司整得似模似樣！原來師傅以前曾到日本學習手握壽司，素刺身是用蒟蒻做的，芝士燒粟米好好吃！天氣有點冷，先飲了1碗咸菜涼瓜胡椒湯，好暖胃，再飲了粉葛赤小豆湯，去下濕！黑松露炒飯粒粒分明，好香！這個黑胡椒炒麵我encore了，不油膩，麵條又有咬口！這個炸芋圓外脆內軟，大人細路都喜歡！炆豆腐好入味，甜甜地！烤麩煙韌！也有素食必有的酸齋！沙律吧有藜麥！還有好多款沙律醬！飲品有豆漿，羅漢果茶，洛神花茶等等。整體來講環境、食物和服務都好好，這個素食體驗不錯！下次會再去！

聖誕假期每天都大魚大肉，也是時候要找「素」為腸胃減負，週末就來到新開業不久的樂園素食首嚐午市自助餐。店內環境光猛開揚，極高樓底充滿空間感，店員態度親切有善，勤快收碟執拾。自助區衛生整潔，客人取食物時必須配戴口罩，同時餐廳亦會提供手套。午市時段提供限時75分鐘放題，星期一至五成人每位 $78，六日及公眾假期為$98，價錢大眾化。最特別的是造型幾可亂真的魚生壽司，原來是以蒟蒻製成，色澤和紋路像真度極高，素魚生的味道和口感比較近似三文魚，壽司飯粒握得緊密，夾起來才不易散開。午市素食菜式超過六十款，包括沙律丶壽司丶小食丶熱盤、冷盤、甜品丶飲品等等，熱盤有黑椒肉絲炒麵、雜菌烏冬、鹵水豆腐、南乳豆卜蓮藕、葡汁四寶時蔬和椰汁芋頭南瓜。還有手抓餅、香草焗法包、素餃子、素生煎包、茄子炆肉碎、欖菜四季豆茶樹菇、蒸腸粉、酸齋和鹿茸菌炆紹菜等等，菜式口味偏向清淡，調味不會過於濃重。黑松露炒飯炒得夠乾身，粒粒分明，不會黏作一團，混合黑松露提味，菌香滿溢。雙菇炆蘿蔔煮得夠入味，氣孔密集的上海烤麩徹底吸收了鹹中帶甜的醬汁。天婦羅有四季豆和番薯兩款，都是剛炸好，仍是熱得盪口的。地瓜條咬下去特別外脆內軟，質地粉糯密度高

🎄聖誕節唔想食得太heavy，揀左呢間素食自助餐，一直都以為素菜清淡口味好dry，估唔到今次都幾有驚喜🤩.款式從前菜到甜品，應有盡有🥳🐷豬仔造型公仔包好可愛😍紅豆餡唔會太甜🍠紫薯球，芝麻煎堆仔外脆內軟! 🥟仲有蘿蔔絲春捲、煎餃、素肉生煎包👍🏻紅豆水玄餅非常推薦，超好食!.🥗沙律更可自由搭配，仲有多款醬汁同配菜，非常健康!.🍣特別一讚係素食壽司好似真既魚生，無論口感、賣相都模仿得好真!而且選擇好多，用心製作，非常值得一試~.🥓熟食方面蘿蔔炆素牛腩，食落非常似真既肉食一樣!🥚薑醋蛋，非常入味，啱曬男同女冬天滋補!😝.🍲湯類有2款，真材實料，非常濃味足料，粉葛夠曬入味，咸菜素豬肚湯都好出色，清熱氣👍🏻!🥛飲品有豆漿、羅漢果茶、洛神花檸水、即磨咖啡☕️等.值得一提嘅係餐廳位置非常闊落，侍應服務態度都好好😇👍🏻為每一位客人提供一套膠手套，規定客人在取餐點時都要戴上口罩同手套，方能夾取食物，大家可以安心衛生享用!

有一日媽咪突然之間同我講話好鬼想食素食菜，咁你知道喺銅鑼灣素食嘅腫瘤其實唔係話真係咁多。聽我朋友介紹有一間新嘅自助素食餐廳叫做樂園素食，而且係用自助嘅形式價錢都相當平民，今日就同媽咪試一試究竟佢係龍與鳳。.首先佢哋因為肺炎嘅因素，採取了最高嘅防護認識每一個客人都需要用手套同埋口罩，先可以去食物區攞嘢食如果唔係都唔得，小編真心覺得佢呢一樣嘢非常之體貼，可以令每一個客人都可以安心進食。佢哋素食嘅種類相當之多例如有日式嘅壽司或者中式嘅菜餸，當中小編最驚艷嘅係佢哋嘅三文魚壽司，味道簡直同真正嘅壽司差唔多一模一樣，而且聽老闆講佢哋係特登請一個人去烹飪呢一度菜式，而且佢呢個飯超級鬆軟完全唔似平時嗰啲壽司飯咁樣？.另外佢哋仲有好多非常之有特色嘅中式菜餸例如豬腳薑都有買埋，同埋完全唔會覺得係素食。小編真係覺得呢個價錢可以食到呢個質素嘅素食真係不得之大了，強烈建議大家去試食！.

聖誕個個都想食自助餐，但又有冇諗過其實素食BUFFET都可以好豐富😉今次同朋友搞下新意思，食素過下節日。平日午餐時段每位$78，可以食75分鐘。呢到環境都幾寬敞，而且裝修簡約得黎幾清新唔錯，先繞場一周睇下有咩食先😃主要類別有沙律、前菜、炸物、壽司、飯麵類、齋菜、熟食、冷盤、湯類、糖水甜品、飲品等等，非常豐富🤩沙律吧🥗，沙律菜有三款，連埋多款配料同醬汁可以選擇開胃前菜：陳醋雲耳、中華沙律、胡麻手拍青瓜🥒日本枝豆、一口蕃薯、醃菜香草焗法包🍕、素餃子🥟壽司區🍣，有幾款壽司之外仲有卷物炸物區有什菜天婦羅🍤豆沙芝麻球、芋茸地瓜丸🧆南瓜餅🎃、一口蘿蔔🥕可愛豬仔造型嘅蒸饅頭🐷素肉絲炆茄子🍆、欖菜四季豆茶樹菇蔬菜類🥦鹵水豆腐、南乳豆卜蓮藕椰汁南瓜芋頭🎃、葡汁西蘭花🥦甜酸齋、雙菇炆蘿蔔🥕薑醋蛋🥚蒸蕃薯🍠、粟米🌽冷豆腐、冷烏冬勁多野食可以拎🤩飲品區除左有豆漿、茶包🍵之外，今日仲有洛神花檸檬水、羅漢果甘草水，夠健康養生🥰呢到連咖啡機☕都有，冇諗過飲品都會有咁多選擇👍🏻視察完咁豐富，一於開餐😜燒粟米壽司食落又幾特別😃香草焗法包幾滋味下😋一口蘿蔔細細粒方便食，佢加左少少調味粉更加香口啱晒我食🤤番薯條甜甜地唔油膩

在銅鑼灣這美食集中地，什麼東西都有，但素食自助餐卻未見，看到這家新開的素食自助，午市還做＄７８，實在是便宜得很！對於各種素食者也有照顧到，所以含蛋，奶，或者蔥蒜五辛的食品都會有標示呢自助場很大，不用擔心防疫問題，而且侍應會要求食客戴口罩跟手套外出拿食物，非常衛生！沙律是推介物之一，加素XＯ醬吃很特別，山葵沙拉汁也有夠惹味，也很健康偽肉碎都用大豆製作，加上獻汁，無論配炒麵，炒河，茄子口感都不錯，不過像黑松露炒飯都不太夠咸，比較適合喜歡清淡的朋友店內唯一含高肉類蛋白質的薑醋，偏酸不甜，吃多也不會感覺膩呢湯品中咸菜胡椒湯比較香，有咸菜帶出湯的香味，其他糖水如綠豆沙卻略略不夠甜店內最特色的就是壽司，口感彈牙的蒟蒻製造的壽司夠彈牙，配上ＷＡＳＡＢＩ醬油也是滿像壽司的手卷也是另一款含蛋質比較高的款式炸物之中芋蓉地瓜丸最推介，不過偏油，想吃些像素的中菜就選素餃子／素生煎包吧！另一邊的葡汁時蔬跟椰汁芋頭南瓜比較濃味，值得一試甜品最值得試的是布朗尼蛋糕，雖然含奶蛋，但含少量巧克力碎，滿好吃的！