影片
更多
2021-01-02
190 瀏覽
約咗朋友去食 lunch buffet，友人話想食素。記得之前喺 社交平台 見有人推介銅鑼灣呢間新開嘅「樂園素食」，話食物款式夠多元化，而且地點方便就腳，提議試下。店舖位於謝斐道 535 號 Tower 535 地庫，店內裝潢走簡約路線，一室亮白，牆身上嘅手繪壁畫清雅脫俗，給人一種寧靜舒服嘅感覺。餐廳喺妨疫方面都做得好足，除咗探熱同提供搓手液之外，亦會提醒客人出去攞食物嘅時候要帶口罩，另外每張檯亦會有即棄手套供應。先出去自助區行一轉，食物款式果然好豐富，雖然無逐一數過，但目測都有數十款，包括沙律、冷盤、壽司、炸物、湯飲、熱盤、甜品等。沙律區嘅陣容雖然唔算好鼎盛，不過最基本嘅車厘茄、紫椰菜、粟米、三色藜麥、鷹嘴豆、紅腰豆、沙律菜等都有齊，另外仲有 6 款醬汁同蘋果供應，自己 DIY 拼咗份沙律做頭盤，既鮮爽又開胃。冷盤同前菜有冷豆腐、冷烏冬、陳醋雲耳、中華沙律、胡麻手拍青瓜、日本枝豆、一口蕃薯、醃青瓜、酸薑皮蛋。陳醋雲耳好爽脆，醋香十足，超醒胃！壽司區有多款素壽司同卷物，當中包括有三文魚、吞拿魚、燒粟米、蟹棒、魷魚、芝麻加州卷、紫菜卷，整體賣相都幾吸引，尤其是燒粟米壽司，食落香甜可口。
店舖位於謝斐道 535 號 Tower 535 地庫，店內裝潢走簡約路線，一室亮白，牆身上嘅手繪壁畫清雅脫俗，給人一種寧靜舒服嘅感覺。
餐廳喺妨疫方面都做得好足，除咗探熱同提供搓手液之外，亦會提醒客人出去攞食物嘅時候要帶口罩，另外每張檯亦會有即棄手套供應。
先出去自助區行一轉，食物款式果然好豐富，雖然無逐一數過，但目測都有數十款，包括沙律、冷盤、壽司、炸物、湯飲、熱盤、甜品等。
沙律區嘅陣容雖然唔算好鼎盛，不過最基本嘅車厘茄、紫椰菜、粟米、三色藜麥、鷹嘴豆、紅腰豆、沙律菜等都有齊，另外仲有 6 款醬汁同蘋果供應，自己 DIY 拼咗份沙律做頭盤，既鮮爽又開胃。
冷盤同前菜有冷豆腐、冷烏冬、陳醋雲耳、中華沙律、胡麻手拍青瓜、日本枝豆、一口蕃薯、醃青瓜、酸薑皮蛋。陳醋雲耳好爽脆，醋香十足，超醒胃！
壽司區有多款素壽司同卷物，當中包括有三文魚、吞拿魚、燒粟米、蟹棒、魷魚、芝麻加州卷、紫菜卷，整體賣相都幾吸引，尤其是燒粟米壽司，食落香甜可口。另外用蒟蒻來做的素魚片，吃起來竟然跟真的刺身沒太大分別，配埋 wasabi 食，口感一流！
炸物區同包點區有：豆沙芝麻球、芋蓉地瓜丸、南瓜餅、一口蘿蔔、地瓜條、粟米餅、雜錦天婦羅、手抓餅、香草焗法包、公仔包、素生煎包等等，選擇非常豐富。
芝麻球入口充滿芝麻香，入面的豆沙甜而不膩；而地瓜丸亦金黃酥脆，帶芋蓉甜香。另外個豬仔包造型亦超可愛，以軟滑豆沙為內餡，十分適合小朋友享用，賣相 100 分。
是日湯品有兩款，包括有：下火潤肺嘅粉葛赤小豆牛蒡湯 同 清熱解毒嘅咸菜涼瓜胡椒湯，涼瓜翠綠爽口又無苦澀味，健脾暖胃。
至於熱盆區方面，食物就包括有：黑松露炒飯、蒸腸粉、黑椒肉絲炒麵、瑞士汁炒河、茄子炆肉碎、欖菜四季豆茶樹菇、蒸粟米蕃薯、薑醋蛋、鹵水豆腐、南乳豆卜蓮藕、椰汁芋頭南瓜、葡汁四寶時蔬、酸齋、肉絲炒筍絲、薑汁芥蘭、油鹽水菜心、上海烤麩等。要特別推介呢款酸甜醒胃嘅薑醋蛋，入口醋香四溢，而雞蛋亦夠曬入味。
另外飲品區就有豆漿、凍水、羅漢果甘草水、洛神花檸檬水、茶包等供應。豆漿嘅豆味好濃，真材實料。羅漢果甘草水甘甜解渴，食完飯飲番杯，開胃消滯。
最後是甜品時間，這天嘅甜品有桂圓薑母桃膠、綠豆沙、和菓子、朱古力布朗尼同百香果啫喱。綠豆沙甜度啱啱好，入口帶臭草嘅幽香。和菓子外皮煙韌，再加上豆沙餡，味道很不錯。
張貼
