榮記茶餐室

營業中

休息中

天氣又凍返, 所以突然煲仔飯癮起~~記得朋友介紹過呢排大熱既茶餐室有得食煲仔飯；咁岩去開九龍塘睇戲, 就上去試一試啦!!!外貌係一間懷舊既茶餐室, 估唔到見到有幾款新派既煲仔飯；而且都坐滿客人, 睇黎大家都係為左個邪惡芝士煲仔飯而來 (都幾多人叫喎)一黎到我就比呢個【流浮山金蠔蝦乾煲仔飯】吸引左~~傳統瓦煲煲仔飯, 熱辣辣上台!!!飯上面放有3隻金黃又脹卜卜既金蠔；仲有一堆勁香既蝦乾鋪滿飯面, 隻隻蝦乾都又大隻架!!老板仲教先將金蠔放開, 將蝦乾跟飯及豉油拌勻先食味道會更好"*果然, 蝦乾及金蠔既鹹香味已經滲哂入飯底~~每啖都有蝦乾既味道, 最重要既係佢有脆脆既飯焦；好容易就刮到出黎, 食完真係會愛上!!朋友就叫左個豉汁白鱔煲仔飯~~成個飯面都鋪滿白鱔片, 數落都有成6-7舊, 都幾多下喎!!加入煲仔飯豉油再焗佢一陣就食得"*肥美既白鱔片配埋豉汁既味道已經滲入飯裡；就連Ｄ豆豉都好好味, 用黎送飯一流~~同樣有埋脆卜卜既飯焦, 鐘意食白鱔既一定要點!!而且呢度既煲仔飯餐會跟埋每日例湯：係老火湯黎架, 日日唔同, 夠哂火喉"*

邪惡芝士煲仔飯 ($68)-前排好Hit嘅芝士煲仔飯，一向係潮流尾端既司令終於去試咗喇😂。煲仔飯嘅配料可以揀牛肉🐮、雞肉🐔或者餐肉🐷，司令就揀咗最穩陣嘅餐肉，因為同芝士個感覺最夾。煲仔飯用咗mozzarella cheese 🧀同 cheddar cheese🧀，個飯上到枱撈兩撈，就好容易做到拉絲嘅效果，拉到上二樓都無問題😂。配料仲有洋蔥、粟米同少少煙肉絲，撈埋之後其實個感覺都幾似啲韓式炒飯。芝士味好濃，係幾好食嘅，不過食到最尾會有少少漏，建議同人share一齊食會好啲。整體又未算話格格不入嘅🤔，但係食嘅時候唔會有一種食緊煲仔飯嘅感覺，司令都係鐘情傳統嘅。-因為係即叫即煲，所以落單之後要等好耐，司令當日等左超過30分先有得食😂，去食嘅朋友記住要俾啲耐性。

我屋企附近（都要行十多分鐘）、位於慈雲山的榮記茶餐室本來無甚特別，有人話此店做得唔錯既芝士撈丁，我便覺普通。不過沒幫襯一段時間後，最近經過，發現此店近期晚市因煲仔飯而變得十分旺場，店主（據報是太子爺）更設計了一些加入芝士、或麻辣等新派口味，令人喜出望外。不過，我這種愛傳統口味的人，還是喜歡這款銀魚乾蝦乾煲仔飯，雖然海味可能浸得唔夠時間，焗完後乾身了點，但製成品仍充滿海洋的氣息，最欣賞個飯焦更是剛剛好，唔會有太燶底的情況，整體來說分數頗高！

見電視雜誌吹得咁行, 身為香港人梗係要追風啦 本身都好鍾意芝士乜乜乜既我地, 特登山長水遠去試下個芝士煲仔飯有幾邪惡.夜晚八點半左右到, 好多人排, 老闆娘講明要等既, 大家食得煲仔飯都知唔係炒個飯咁簡單, 都預左要等既.所以見有人聽到要等半個鐘就走左.我呢D咁有誠意既梗係食唔到毋寧死就因為有人走左, 所以好快到我地.Order左三個招牌煲仔飯1. 芝士煲仔飯 $682. 流浮山金蠔蝦乾煲仔飯 $1283. 火焰玫瑰肥牛煲仔飯 $128個芝士d味好濃, 但又唔漏, 一落場半分鐘比我地三隻餓狗清哂就知幾好食 !之後到金蠔蝦乾, 可能我地仲年青人口味, 感受唔到雜誌講到D蠔有幾貴haha 不過個飯焦係特別好食最後到玫瑰肥牛, 見老闆灑聖水咁落D牛肉到, 再點聖火果刻真係嘩左出黎, 好有睇頭喎哈哈個肥牛睇落去得D肥牛加飯, 以為好DRY,  平時同韌既食物講拜拜既友人, 今次佢算係相當驚喜. 因為D牛唔乾唔韌, 仲好香牛肉味, 真係阿婆都食得對於全新界區既我地係遠左少少, 不過下次食煲仔飯就會諗起呢到 !  U WIN!

本來為了邪惡芝士煲仔飯而來，結果最後還是敵不過傳統煲仔飯的味道。好足料，飯焦香脆!! 讚! 仲有服務態度超好!! 佢地仲會幫客人睇車。眼見隔離個個食芝士煲仔飯，真係好邪惡，一大堆芝士響飯上面。

家住鑽石山，見雜誌介绍就去試下，唔食由自可，一食愛上左，食到我個女仲傻鬼左 😂叫左個芝士煲仔饭和金蠔煲仔饭，果然好味，我女可以整煲食晒！ 价钱適中，金蠔嗰款就貴左少少，有金蠔虾干嘛！下次再試火焰玫瑰牛肉煲！😎 傳説中太子爺親自下厨，有相為証！👍🏻

煲仔飯係冬天必食既暖胃食品！係新假期上見到有上！所以一試！點知！真心失望！等候時間超過50分鐘！餐廳上十枱客人九枱都係無食物！都有客人等到一半走左去！煲仔飯來到後緊加失望！飯未收水！豉油更加無特别！個蠔油生菜d 蠔油！好難食！我地仲要係因爲個煲仔飯！渣車去的！好失望！建議如果想食好食又有質既煲仔飯！會早小小或夜小小去食比較好！本人不會再光臨！

今日係facebook見到有朋友介紹食煲仔飯的地方，見到依間榮記的煲仔飯好推介，决定去試試，一坐低就點左個潤腸滑雞煲仔飯，等左大概二十分鐘左右，就有得食喇，一打開蓋，香味已經跑出來，唔錯，食入口滑雞真係滑，唔同出面食很多都係紙皮雞禁干禁鞋，個潤腸都係很甘香好吃，最重要個飯，整得夠香夠干，仲加埋個煲仔飯豉油應該自己加工過的，香甜不會太咸，食到低緊係睇下個飯蕉咩情况啦，一入口，脆卜卜，估唔到係道食到個禁好食的煲仔飯，加埋杯凍檸茶清甜，真係可以再返來一食⼃

偶然間看到其他食家的食評於是決定慕名而來一嘗「芝士撈丁」一點左右到達「榮記」咁岩一大班學生埋單走人所以入面有好多位坐低之後 就叫野$30一個「芝士撈丁」 可以揀一樣餸可以拼「雞扒、豬扒、花枝丸、有一樣唔記得左」我揀左「豬扒」 友人揀左「雞扒」加熱飲要$5 凍飲要$7 貴左少少野食大約10分鐘後就黎左賣相麻麻地初初睇仲以為唔夠汁點知食落都夠份量少 因為肯定只系得一個麵材料粗鄙 有少少火腿同蟹柳做配料蟹柳凍得恐怕 系雪櫃岩岩拎出黎果種凍豬扒就新鮮炸起 不過得3舊友人既雞扒細舊之餘 仲要系微暖個汁幾濃味 不過好似好味精咁總括黎講$30個撈丁 系唔抵食鋪頭入面其他餐都系廿幾蚊 有埋凍飲就算個汁系唔錯 但配搭少之餘 份量太少 價錢響慈雲山黎講算貴唔通我好似「加飯」咁叫佢「加丁」咩當下午茶咁食都還可以正餐真系唔得好抱歉 比唔到笑臉

之前見到openrice ge 食評,以為好好食...所以就去試食~_~我叫左個芝士豬扒撈出前一丁我d fd就叫左快餐!快餐好抵!19蚊!仲要有埋野飲送囉!(凍&熱飲都係唔洗加$添!)讚!但係我個個芝士豬扒撈出前一丁就好耐都未黎...漏左單-_-"不過都好快黎番比我...係我等緊個陣-_-隔離枱發現佢地有碟野有隻蟻之後我碟野黎左...味道都唔錯不過食得出芝士味好香,但係就好似有d忌廉味-v-(芝士溝左忌廉?)有火腿同埋少量ge蟹柳...都幾好味但係相比起快餐,價錢就太貴啦!!!30蚊 仲要冇野飲-_-想飲野? 熱飲要+5蚊 凍飲要+7蚊-0-"不過服務都唔錯!

好好食o既芝士no丁本身無得揀蟹柳架 不過我同個姐姐熟 特登加料俾我d汁夠多 同埋好香芝士味! d面又唔會整得太林 仲好大兜 睇黎唔只一包面~花枝丸炸得好正! 燒丸就成日食 但係無諗過d丸炸完會咁好食 haha唔講咁多 睇相!

0係慈雲山惠康間隔, 有見哩間茶餐室咁多人, 我都要一試, 有很大驚喜!!豬排麵係最得, 炸雞翼不錯! 星洲炒米亦很推介!!!!!(其實個炒公仔麵都不錯!!) 真係很不錯, 價錢合理!! 我同兩個friend三個人埋單都只係$3x each, 好味又低食!!!p.s: 奶荼也OK, 最值得一讚是服務很好!!!絕對值得一試!!!!!

10-3-20090係附近食完「街邊0野」, 路經呢間好似幾舊式的茶記, 又入0黎飲杯0野止止口渴.只叫了杯奶茶 ($11), 我真混吉... 色水不錯, 飲落唔會好「奶」, 不過茶味好澀, 跟住個口好酸, 唔好飲.撇除唔係好得的奶茶, 對呢度感覺係不錯的 -- 老闆娘 (?) 好 nice, 環境好好「蛇」(仲見到隔0黎檯有西裝友「公然」開住部 laptop 打 Sina 麻雀, 哈哈 XD), 幾舒服的一個地方.$11, 一 hea 無妨.

榮記呢度服務態度幾好架!佢呢度冇咩特別既菜色:但所有既野都唔差!冇咩係超難食囉~~