榮記茶餐室

營業中

休息中

第一次黎到慈雲山就係為左食呢個最近排晒隊嘅沙嗲煲仔麵平日中午黎到都坐滿晒，不過好彩等一陣就有位啲姐姐好有禮貌態度超好，本身想叫兩個牛肉麵，又建議我地試下豬扒/雞扒，又有提醒我地如果食得慢啲麵可能會淋晒，所以食得慢嘅話叫米粉會好啲落左單之後好快就有得食，兩個麵上枱嘅時候都超級熱辣辣，仲bopbopbop緊🤣 個沙嗲真係好濃好正，勁香花生味，又唔會太鹹，味道十分適中個牛肉同豬扒都好好味，好淋好香口👍🏻👍🏻

一間出晒名既食店，其實都唔想寫食評，但呢間咁隔涉既長期龍店確實係有啲料到，唔✍🏻唔得。🤣慈雲山毓華里其實有好多隱世美食，但呢間茶記因為一個沙嗲煲仔🍜做到街知巷聞，好多人唔嫌遠專程入黎排下隊，我都唔例外🤗。佢地每晚🕘截單，我同老婆諗住食尾輪唔駛排咁耐。我地2045到，點知出面都仲有N人排緊，成個如意🧮跌落地下😓⋯2115店員出黎落單，然後截單。我地點左一個金蠔🦐乾煲仔飯同煲仔沙嗲🐮肉麵，好期待🥰。排到2145先入到去，足足排左一個鐘，入到去再等半個鐘先黎個煲仔🍜，再過15分鐘，阿🍚先到，確實係等得下，心急者鎮入。不過，個煲仔🍜堅有驚喜，香濃沙嗲醬➕煲仔牛肉麵，令佢由常餐主食王，升呢秒變獨當一面既民間美食。至於個煲仔🍚，都唔錯既，但CP值較低，下次我會考慮食返普通煲仔飯🤔。最後一提，一般人龍食店都係服務有限公司，但呢間龍店既服務真係nice到冇朋友，🖐🏻個店員態度又好又細❤️，絕對係暖心服務，最後仲同老闆吹左15分鐘水，如何由一間小小茶記變成今日龍店，確實係成功有道！👍🏻榮哥，下次見🤗

真。沙嗲煲仔麵🍜($68)呢間茶餐廳最signature既食物就係呢個沙嗲煲仔麵喇🤩 相信大部分既人都係俾呢個都吸引左黎食,包括我自己在內😂 餸可以揀牛肉/雞扒/豬扒, 我地揀左同沙嗲最夾既牛🐮 麵底可以揀粉絲/ 公仔麵/ 米粉, 反正都邪惡開就梗係揀公仔麵啦😚 熱辣辣既沙煲裝住超濃郁既沙嗲牛肉麵, 未食都已經流曬口水🤤 沙嗲汁既濃度係極高, 花生味都幾香濃🥜 新鮮既牛肉超嫩口彈牙絕非用肥牛片😚 公仔麵就煮得冇咁腍, 等食客食到最尾既時候啲麵唔會脹曬👍🏽膶腸排骨🐷($80)秋冬食臘味是常識吧! 食煲仔飯又點可以少左呢樣野呀😏 呢個配搭真係冇得輸, 膶腸原條上再配埋大量既豉汁排骨真係超級惹味, 食完呢個飯膽固醇應該超曬標😂邪惡芝士煲仔飯🧀($83)呢個飯真係邪惡到癲, 係三個入面我最鐘意既一個😍 冇諗過呢個配搭可以咁夾, 一打開個蓋芝士味已經湧曬出黎🌊 老闆仲推薦加隻蛋落去會更香🥚 (+$5) 啲芝士啲絲多到好似蜘蛛絲咁, 真係好好味😋 再配埋少少脆脆地既飯焦簡直係一流流浮山金蠔拼蝦乾煲仔飯🦪($143)聽個名都覺得呢個飯好有霸氣🔥 三隻金蠔配大量蝦乾, 真係真材實料同埋大大份👍🏽 不過

今日路經慈雲山，諗起附近有間出名食煲仔沙嗲牛肉麵既餐廳，所以就走去試下。一到埗，已經有好幾個人等緊位，等左大約10分鐘就入得！店舖個size偏細，所以坐既位置唔算闊落，唔算太舒服但侍應態度幾好，好有禮貌咁問我想嗌嘜野食，咁我當然嗌個煲仔麵啦！等左5mins度，煲仔麵就送到我面前啦！侍應仲好心提點我，想食硬身一點既麵條就等1分鐘，想食霖身一點既就等2分鐘好細心一試既湯底，味道都幾濃郁，沙嗲味好重，但飲落會令人有種想飲水既口渴感覺，有d似落左好多味精既感覺再試下食個牛肉，肉質尚算嫩滑呢點值得一讚，好多餐廳既牛肉都整到好‘鞋’再食埋個麵，食到一陣陣既花生味帶出香滑既感覺，但我認為沙嗲味太重，失左少少平衡雖然睇落同食落只係一碗好普通既沙嗲牛肉麵，但值得欣賞係睇得出老闆從細節上落左功夫起碼我欣賞佢既嫩滑牛肉同濃厚既花生味！係普通既餐廳食到與別不同既沙嗲牛肉味

一直一直好想試榮記金蠔煲仔飯，但路途太遠，所以得個諗字。今日放工飛的去食目的係牛頸脊旦飯加三隻"陳蠔"女店員話冇晒金蠔, 一早賣晒我話咁牛頸脊旦飯佢介紹我食玫瑰肥牛飯我問邊隻好食佢話兩隻都好食我諗吓先都未確認自己想食咩就見到手寫143嘅單飛落枱面果刻我仲未確定自己食咩好快一個用牛圍到玫瑰花咁嘅煲仔飯到女店員倒咗啲透明液體係我煲飯度然後點火成件事明晒玫瑰露肥牛飯同我想食嘅牛頸脊完全係兩碼子嘅事啲飯有洒味我食唔慣啲肥牛唔肥嘅因為143同我撘咗貴過煲飯嘅車所以我夾硬食食食吓我聽到有人叫三個金蠔飯我心諗唔係吓化又問另一個男店員佢話"陳蠔“冇，但金蠔有但我明明一早同女店員講我特登係好遠地方撘車嚟食金蠔點解兩個講廣東話都溝通唔到環境一般我預咗但疫情下都坐滿枱同枱中間亦無圍板坐我對面對男女一路食一路講嘢我係連鎖快餐店細細張二人枱中間都提供隔板我想信我要放棄金蠔煲仔飯明明今日懷著人生充滿希望嘅心去慈雲山但就帶著極度失望嘅心返屋企

秋風起，除了吃大閘蟹 之外，我更加想吃的是煲仔飯。平日難得放假，決定到收藏好一段時間的慈雲山榮記，一嘗它的得意作！得知店主在早前休業期間，積極研製了新品，所以今次吃傳統煲仔飯之外，也要一嘗新品。煲仔飯而言，個人認為臘味最搭最滋味，故選了腸滑雞煲仔飯；新品方面，在「真．沙嗲煲仔麵」與「火焰🔥玫瑰肥牛煲仔飯」之間，我們就選了平時到茶記都會吃的沙嗲牛肉麵。兩款食物都是散點，不連飲品的。我們的煲仔飯加錢配餐，點了一枝可樂。下單一會後，店員就端上一碗例湯，我想應該是西洋菜豬骨湯吧。真．沙嗲牛肉煲仔麵　$68/煲先來的是真．沙嗲煲仔麵，這個麵可以按個人喜好選配牛肉/豬扒/雞扒， 我們選了牛肉。而後來我們發現，麵底不一定是出前一丁，還可選粉絲或米粉。等了約15分鐘，煲仔麵終於來到，上桌時熱辣辣香噴噴，相信是即叫即做。因為用瓦煲的關係，放到我們面前還是會「卜卜」作響，比平時吃的沙嗲牛麵吸引得多，果然夠誠意。看賣相，沙嗲汁底非常濃稠，而且甜香帶辣，花生香味尤其突出，味道亦比坊間的有層次。據說這是店家早前停業期間自己研製的沙嗲膽，所以味道具特色。以煲仔盛載著，不但增加風味，令離火後的沙嗲香味依然保存著，而

由於老婆想試，老公必定帶佢去食到既使命，就去左榮記食聲稱自行再調配既沙嗲牛肉面，睇佢宣傳片，嘩，煮法係好正確，麵同沙嗲分開煮，攪掂再放埋一齊就上得，好，就會一會呢個好似好勁而且前個排社交平台幾個人講好食到飛天既沙嗲牛肉麵，(利申：本人多年前由一入茶餐廳早餐就一定叫沙嗲牛肉麵到改成近幾年多數只叫火腿通)，人人口味唔同，沙嗲我就一般，不過佢係濃同傑身，味道夾牛肉都幾好，牛肉就淋，呢兩方面就無乜問題，問題出係出前一丁度，價錢68蚊唔包野飲，個麵食落漿口，嗱，我就好鐘意食出前一丁，出前一丁就煮好個麵先，再另外放落一碗新既滾水度，料包就加先加後無所謂，我就鐘意食彈牙，煮一個出前一丁，一係起骨，一係彈牙，一係淋，佢個做法係起骨做法，煮唔熟，再用滾既沙嗲焗熟佢，大家都試過煮完個麵既水係帶白色，其實就係將佢表面既野清左佢，但佢既做法變左將表面既野一齊食埋，就攪到個麵漿口，浪費左個麵，其實佢可能用普通叫貨既咩大×麵啊，可能仲好，街方生意其實可以平返d, 而家經濟唔太好， 呢個價錢進取過龍，不過我就唔會再試，可能食粉絲好食d, 呢煲野我比50分個沙嗲同牛肉，不過沙嗲在我而言都係落多少少沙嗲加多少少花生就做

最近網上都很火的沙嗲牛肉煲仔麵，作為港女當然要馬上去試吓，我哋叫咗一個沙嗲牛肉煲仔麵，同埋排骨潤腸煲仔飯，老實講去之前已經估到沙嗲牛肉麵可以有幾出神入化，都係一個比較濃味嘅沙嗲牛肉麵放咗喺煲仔入邊咁囉，但係我比較驚喜嘅係個煲仔飯反而做得唔錯，料足、味道剛剛好、潤腸好味

咁今日就試左呢間榮記既粟米肉粒飯！🧐都有聽講過佢呢間煲仔飯非常出名！原本都好想試，特別係佢個芝士煲仔飯！但係因為有其他緊要野要做，所以只好買個外賣自取。講番個粟米肉粒飯，我自己就覺得一般般既！🧐有粟米味但吾足夠，個肉粒肉質偏老左少少，有肉味但吾夠出。個汁都一般般，但係會食到蛋花個蛋味既。可能因為個汁無落忌廉，所以無咁香。或者鹽落得吾夠多，令我覺得個汁吾夠咸。但係如果你係想食少鹽少味精，我諗呢個飯都岩你既。另外個熱奶茶係幾好飲既，沖得幾滑幾香！👍但$49一個粟米肉粒飯，其實偏少貴，所以都係建議大家食番佢個煲仔飯啦！我自己食左咁多年粟米肉粒飯啦，覺得最好食既係大快活！因為粟米汁有落忌廉，而且佢地個肉粒係偏粉紅色既，口感會再嫩D。仲會加多少少火腿黎提升個咸味。絕對係一流！😋而榮記既話，之後有機會，就會想試番佢個芝士煲仔飯！

叫了该店名物，金蠔煲仔饭，咬落無汁，又唔夠香，究竟金豪的特色是什麼，食完都找不到答案。 蝦干就正常，鋪滿半煲饭面，總共3，4拾仔，蝦干軟硬適中，食極都有，最後食剩一半蝦干。饭做得比較好，夠干身，有饭焦香。兩種餸都無乜油份，達不到油香滲入飯內把饭餸结合起來的效果。有点貌合神離的感覺！總结這煲饭是不合格，用錯食材拼搭效果失敗，$130幾蚊性价比極低。另外叫了杯檸水少甜，饮了幾口覺得太甜。叫老闆娘（我估她是）加点水，結果不了了之没加。到此為止，另找美食。

看完視頻，見到老闆誠心去流浮山跟民買金作材料，就冒名去慈雲山找這款主打煲仔饭。晚上六時幾就到達，看看門面很舊式的茶記，可能是40年前的裝修。拉門入去不用等就有位，很快就下單金煲仔饭和一杯凍飲。等等等食時看到贴在牆壁的照片，四隻很大的金在饭面上，期待。煲仔饭上枱，打開蓋有三隻但比相片細隻，油香香煆香味一概闻不到。再蓋上蓋三兩分鐘再算，再開蓋都是不覺有香味，心裡不是味兒。開始吃，不硬，咬肚不覺有汁，似食屎的感覺，失望。再食蝦干，不硬但太干身。感覺两种食材都不是做煲仔饭的好配搭。期望煲仔饭基本的油香，餸香都無。再說價錢，$130幾實在物非所值。說實话$60蚊都不值, 對不起這樣說，但是實在失望，不會再去。

一年前睇節目介紹佢地既煲仔飯，今日終於走左上慈雲山食。佢5點開始賣煲仔飯，我5點就入左去食。佢地都有d小炒，不過要6點後先有，所以如果想食煲仔飯又想食小炒，咁就6點先到。我叫左個金蠔拼蝦干煲仔飯同一d小食。煲仔飯真係真，個飯焦脆卜卜，飯既軟硬到適中。好多餸，唔會勁多飯又唔夠餸。西多士就普通茶記西多士🤣🤣🤣我每個煲仔飯都想試🤣🤣🤣🤣 下次再去過！2個女仔食，叫一個煲仔飯+2個小食都幾夠。

我們二人點了一個金蠔蝦干煲仔飯，一個沙嗲牛肉出前一丁，一杯凍檸水和一罐汽水，盛惠二百幾。煲仔飯 : 蠔和蝦干性質都是乾身關係，所以這煲飯的口感並無一般煲仔飯般有油香味，$133 (還是$138) 一煲，有點失望。沙嗲出前一丁 : 估計厨師加入了花生醬，很香很好食，但出前一丁要加$7，七十幾元一個沙嗲一丁，食水很深。環境 : 舊式茶記，坐位很細，要搭枱。衛生環境唔合格，水杯好舊，有點嚇人。總評 : 性價比低，無論連鎖集團或其他小店，二百幾元還有很多選擇。

成班朋友唔出得街食，不如係屋企燒下野食啦！嘀朋友個個都為食，真係識好多好窿路買好野食，燒牛肉粒呀！海鮮都好多時會有！今次竟然有燒金蠔！老實講，我唔算好鍾意食蠔，但我見嘀蠔又肥嘟嘟，脹卜卜，燒到好香！真係忍唔住食咗一隻！嘩！燒到條邊脆㗎！咬開嗰時，仲比彈出嚟啲肉汁彈到隻手！原來燒金蠔係咁好食㗎！咁當然係啲蠔靚啦～問我朋友邊度買，佢話上網30士多買，係慈雲山榮記茶餐廳嘅蠔，其實我想去食佢嘀煲仔飯好耐，竟然無心插柳，咁都食到佢嘀金蠔！不過我估咁燒重正過焗啦！香口嘀，下次真係要去試下佢嘀煲仔飯，應該幾正

今日天氣比較凍，得14度左右，所以專登去食煲仔飯，早期在網上見到這𥚃的煲仔飯十分出名，所以專程來試一試！我大約晚上六點四十五分去到，不用等位即入，叫了他們所謂最出名的「黃金蠔蝦干煲仔飯」同「火艷玫瑰肥牛煲仔飯」！首先講下個黃金蠔，食落唔算juicy ，蝦干就正常，但始終蠔同蝦干油份唔重，飯吸收唔到餸嘅油香，所以始終同煲仔飯唔係太夾！再試埋個肥牛煲仔飯，因為落咗玫瑰露，所以好香，肥牛正常，而且用肥牛，油份較重，所以飯有餸的油香！不過價錢要$138就略為進取了，我認為最多值$80！整體來講，兩款價錢最高的煲仔飯都不值$138，一個唔好食，一個就略貴