榮記茶餐室

營業中

休息中

呢間嘢平日好爆要同老闆娘預早book定留位如果唔係冇得食。 啲煲仔飯係即叫即做所以都要等成十幾廿分鐘。 啲位係比較狹窄 嘅 大肥佬要去食就會坐得辛苦啲。 佢有啲80幾90蚊一個嘅超級無敵煲仔飯我哋就試咗啲普通七十幾蚊好多芝士嘅煲仔飯。 芝士煲仔飯 我唔抗拒 其實味道亦都唔錯， 不過佢啲份量真係少啲， 我啲仔係中學生 一個人要食兩煲先至 感覺到飽。 佢嗰啲普通嘅潤腸臘腸 臘肉煲仔飯味道都ok。 簡單啲講啲嘢食係好味嘅不過呢份量 講 屬於偏貴。 非繁忙時間喺呢度泊車門口有好多咪錶位 但係繁忙時間唔使旨意有為可能要拍去慈雲山中心商場。

特登去試芝士煲仔飯, 揀左雞肉。一上台已經見到勁多CHEESE, 好似CHEESE多過飯咁, 加多隻蛋撈勻就食得, 真係芝士汁多過飯LAW< 每一口都係芝士, 自問覺得漏.... 雞肉少, 細粒, 似係楊州炒飯果D 雞粒, 無味, 反而面頭有D 火腿乾惹味好多, 同芝士亦好夾。 BTW, 芝士飯GE份量比其他煲仔飯少, 飯唔多, 但因為太漏, 2個人都KO 唔哂....反而要讚下佢個例湯, 好似係紅羅白粟米煲豬骨,偏淡,但真係 完全無加味精, 而家每碗麵有豬骨同羅白俾你食, 有誠意。

今朝未夠九點就醒咗，點都瞓唔返嘅 #小秘書 唯有起身刷牙洗面，出去散吓步，抒發下啲精力，順便食個靚早餐🍽 行吓行吓我行到上慈雲山，感覺非常熱鬧🥴 政府將大量公屋、居屋+私人興建嘅舊樓都放埋一堆，帶旺哂呢帶嘅食市同店舖。之前成日聽人講慈雲山有好多好嘢食，我咪又走去八下囉👀 行到「榮記茶餐室」門口，見啲食客坐到出門口，心諗應該好嘢掛🤔 餐牌上最吸引我嘅唔係早餐系列，反而係個 #金蠔煲仔飯，可惜時間實在太早，我只可以選擇... 早餐👉🏻👈🏻 揀咗個 #鮮牛肉煎蛋一丁，廚師無用到即食麵包裝裡面嘅調味料、麻油，反而用咗自家製嘅湯底，味道都可以嘅😌不過我始終鍾意麻油嘅香味。而且麵底煮得過淋，口感一般😌鮮牛肉都OK，不過份量少左啲🥴 好在早餐裡面包咗件 #火腿治，加埋杯 #茶走 夠晒飽🥳🥳

早排返完教會傾野，就去左附近一間好出名食煲仔飯的榮記茶餐室到試試。除了一般的煲仔飯外，仲有個好邪惡的芝士煲仔飯！由於煲仔飯係即叫即煲，所以人多的時後就要等耐D啦⋯⋯窩蛋牛肉煲仔飯的牛肉量多，而且牛肉的生熟度岩岩好！個煲底有脆口但唔會全燶的飯焦，火喉控制得幾好。膶腸臘腸煲仔飯，D腸一律都夠香。D油香仲滲落D等飯到，難怪咁簡單的菜式都咁受大家歡迎。我勁期期待的芝士煲仔飯入面有雞肉、牛肉及餐肉。打左蛋後再焗多陣，香噴噴的芝士煲仔飯就令我口水滴了⋯⋯配料主要係雞多，加上拉絲的芝士，有如中式的芝士焗飯。下次再去時，我必定會Encore！==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

今晚放工不煮飯，海馬爸話去食好味煲仔飯，秋風起食煲仔飯～正！餐室位於慈雲山一條馬路旁邊，外表與一般茶記冇分別。餐室整體環境乾淨，提供嘅野食都好正常茶記，重點在餐牌右下角！除平時在其他地方食到的煲仔飯，仲有好多「邪惡煲仔飯」，未見過呢！邪惡芝士煲仔飯、四川麻辣煲仔飯、流浮山金蠔拼蝦乾煲仔飯、火焰玫瑰肥牛煲仔飯、流浮山銀魚乾拼蝦乾煲仔飯今次我地試左出名的「流浮山金蠔拼蝦乾煲仔飯」及「咸魚肉餅煲仔飯」等了大約15分鐘，煲仔飯來了！好香呀！流浮山的蠔- 第一次食，原來好肥美，好香好濃，好好味！ 蝦乾大條又鮮，飯好乾身，仲有不少飯焦！咸魚肉餅都好正，好厚肉，加上甜豉油非常美味！海馬仔平時唔多食飯都食到lamlam脷😋榮記茶餐室慈雲山毓華里12號地下A B舖下次再去時要試芝士煲仔飯、火焰玫瑰肥牛煲仔飯！

宇宙最強煲仔飯🤤～～～～～～～～～～～～～～～～～～秋意來了！又到左食煲仔飯嘅季節，煲仔飯最緊要飯夠乾身同料靚，依間歷史悠久嘅茶餐室就做足，傳統又得，新穎亦得。邪惡芝士煲仔飯配雞肉加窩蛋（$73）色香味俱全，飯面係水牛及車打芝士拉絲拉到傻左，雖然係芝士，但唔會膩，原因係加左洋蔥同粟米，加左窩蛋令成個飯更滑身。流浮山金蠔拼蝦乾煲仔飯（$133）茶餐室嘅招牌菜，正中出產於流浮山嘅金蠔，蝦乾帶蝦嘅鮮味北菇滑雞加臘腸（$73）北菇可以香D，滑雞唔算好滑，臘腸半肥瘦。炸雞中翼（3隻）（$26）有童年回憶，雞中翼有懷鹽味，一定要趁熱食，脆得黎唔會滴油。話梅檸廉老闆推介就試下，話梅大大粒肉，加埋檸檬，本來係好酸，但加左好甜嘅忌廉，剛剛好。～～～～～～～～～～～～～～～～～～

慈雲山食肆林立，特別係夜晚，好似個小夜巿咁。今年平安夜無出去逼無出去倒數，反而來一間茶餐室，試試佢遠近馳名的煲仔飯。太多選擇，揀左好耐揀左火焰玫瑰肥牛煲仔飯同邪惡芝士煲仔飯，因為即叫即整，都等左好耐，差唔多45分鐘，好在我地都過哂繁忙時間先黎~先上邪惡芝士煲仔飯，我地揀左配雞肉，一黎到果陣，D芝士多到鋪滿哂個飯，仲要好平滑，好似水蛋咁~出手攪均先食，D芝士多到聞都聞到好濃郁，食落粒粒飯都有，不過雞肉就無乜太大作用，因為已經俾芝士搶哂風頭。之後就上招牌飯火焰玫瑰肥牛煲仔飯，顧名思義，D肥牛排到好似玫瑰花咁，一上枱就有伙計即刻淋上玫瑰露酒點火，好勁抽，之後又係要攪均先食，D牛肉唔會老，好好味，但D酒味就略重左D~最後都係提下大家，要食煲仔飯就要預時間，依間唔同普通茶餐廳，要等位等食嫁~

小編呢d麻甩系女子 每逢冬天都必定會周圍朝聖唔同店家既煲仔飯! 之前見到電視介紹呢間有金蠔煲仔飯食既舖頭 好似好正咁 即刻忍唔住要黎朝聖!流浮山金蠔拼蝦乾煲仔飯（$128）（9.5/10）煲仔飯材料真係超多 三隻金蠔大大隻好飽滿 而且好鮮味多汁 果然係流浮山既名物~蝦乾份量亦都好多 且質素好好 鹹香味滲透整個煲仔飯! 除左材料正 佢個飯底都整得不錯 飯夠乾身 飯焦可以整個鏟起 脆卜卜架! 唔知點解 覺得佢個豉油都好正 唔會太濃味 但係好香 而且唔洗落得多已經帶得出個煲仔飯既香邪惡芝士雞肉煲仔飯（$68）（8/10）呢個芝士煲仔飯真係同個名一樣咁邪惡呀 入面有車打同水牛芝士 份量超多 拉絲冇難度呀! 芝士既鹹香同飯焦好夾 再加埋雞肉 粟米 同洋蔥粒 仲有畫龍點睛既煙肉碎 加隻蛋就更加香 感覺其實有d似焗飯~ 不過因為真係好多芝士 一個人食會比較滯 兩個人share會好d

同美女們的聚會竟然食佬野😂不過食煲仔飯的確好配合個日凍到傻嘅天氣當日美女已經早到 但都好多人排隊等左十五二十分鐘後終於入得叫左三個煲仔飯 然後起碼等多三十分鐘先有第一個黎嘅係#邪惡芝士煲仔飯 ($68)店員叫我地加隻蛋蛋 我地當然話好😛有雞肉餐肉同牛肉 撈埋芝士味道同平時食韓國嘅芝士飯差唔多咁嘅價錢其實都可以一試的🤗之後愛吃潤腸的美女點了#潤腸排骨飯 ($65)唔係個個都接受到潤腸咁粉 但我ok的🤫最後就是美美的#火焰玫瑰肥牛煲仔飯 ($128)這個飯是真的會著火🔥 因爲有玫瑰酒強烈的酒味令我食左一啖仔就好似醉左🤣________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

話說之前一直對煲仔飯無特別大喜好.. 但係試完呢間既煲仔飯之後 我成日都話要食!___!原本無諗住打食評.... 所以無影到餐室環境相...其實就係位於慈雲山一間馬路旁邊 格局同一般茶記無分別既茶餐室黎!  一樣有供應茶記要有既食物... 但多左既係好多唔同款既煲仔飯!*我地大約晚上6:45到達餐室, 大約7:15入座**落左單之後大約要等45分鐘先有得食即叫即製 製作需時... 趕時間既朋友千其唔好黎食 芝士控要失控的邪惡芝士煲仔飯$68 (可選配雞肉餐肉或牛肉)我地揀左配雞肉, 再另+$5加窩蛋芝士陣香味一放落黎已經聞到啦~上枱之後由食客自行將芝士同飯撈埋一齊~ 但由於我地幾個都想影相XD 就搵左員工幫手啦,, 唔好睇佢地粗聲粗氣咁 其實都好樂意幫忙架! : )  本身以為會好漏 但竟然唔會呀, 而且d芝士真係痴滿晒落飯粒度非常香同好味呀😋😋至於窩蛋...下次可以唔加XD 食唔出有而雞肉就略嫌份量少左d.... 下次想試下配餐肉呢 應該會幾夾下 火焰玫瑰肥牛煲仔飯$128呢個係全店最貴既煲仔飯款之一 (另一款係金蠔蝦干煲仔飯~)堆到好似玫瑰花既係牛頸脊, 一上枱就即刻淋上

唸住情人節食煲仔飯，山長水遠坐的士上黎，一入去見到咁岩坐卡位既兩個人走，唸住坐過去，點知，侍應同我講兩個人唔可以坐，因為卡位係四個人，咁我就坐去四人枱到，過左無幾耐，我見到侍應比兩個人坐個卡位（相），其實張枱只可以坐兩個人，所以我唸唔明點解要唔比我坐，坐低落order,等左1個鐘左右先上金蠔煲仔飯，可惜味道麻麻，同原本期望好唔同，下次唔會再專登上黎食，同埋要迫住咁坐（連行路既通道都無，凳與凳之間係同人貼住）而且衛生環境有d差，通風系統

流浮山金蠔拼蝦乾煲仔飯🍲🥢第一次見呢個咁新穎嘅配搭一打開蓋，估唔到咁大隻😍(本身仲以為圖片只供參考🤣)其實我第一次食流浮山金蠔蠔身好飽滿，蠔味好濃好鮮好香真係好正呀🤤😋 (正到唔捨得食)蝦乾大條得黎又好鮮味🤤就咁食啲料已經好滿足😍(不過總覺得煲仔飯係應該要有臘腸同潤腸先至係perfect)講下個飯先，個飯真心好食，好乾身，仲有好多飯焦，脆得黎又唔黏牙，完全係岩岩好😍個煲仔飯豉油比平時個啲杰身少少，同埋甜少少，岩哂我(煲仔飯豉油係要甜啲先好味🤤)。。。。。。。。。。。。。。。。潤腸滑雞煲仔飯 (+臘腸)一打開蓋，勁香呀😍😍😍臘腸唔肥唔瘦岩岩好，仲好香添，好味呀😋 不過都唔及潤腸正，呢到嘅潤腸勁香，勁潤呀，就好似將啲潤塞滿整個口咁🤤，因為好潤嘅關係，我地將條潤腸命名為”The King of 潤腸”😂😂😂 而雞亦都好滑，呢三樣加埋一齊令到個飯好香好香，真心推薦👍🏻👍🏻👍🏻雖然慈雲山唔係好方便，不過為左呢間嘅煲仔飯，一定會再去😋😋😋

天氣咁凍，識食一定揀d暖粒粒熱辣辣既野食🤗 今日突然諗起一間以前去過但試唔到既褒仔飯飯飯🍚 就係位於慈雲山既榮記👏🏻 上去去到門口都無得食勁失望，因為佢星期六日係無褒仔飯供應咖！大家要記住！ 佢有咩咁出名？就係極邪惡既芝士褒仔飯🧀 芝士褒仔飯可以自己揀肉配，有牛肉，午餐肉等等揀，我地揀左牛肉，原來佢既牛肉係牛肉碎，並唔係一片片既牛肉，肉碎份量比較少，但味道係夾既。嗌芝士褒仔飯既時候，姐姐會介紹大家加蛋🍳，話會香d，都係既，芝士加上蛋味道真係唔錯🤤 但大家要注意，芝士褒仔飯會比較濕，飯會較林，有少少似食緊risotto，唔中意一pad pad口感既你未必會中意。佢既芝士係可以做到拉絲效果，食起上黎會比較滯，建意可以share食，唔好咁傻豬個個都嗌芝士😂我地仲嗌多左個流浮山銀魚拼蝦乾褒仔食，聽個名太勁😂😂 呢款褒仔飯相對地會較芝士個個清淡，可以中和翻🤨 銀魚同蝦乾都好香🤤 不過略嚴有少少dry，始終無肉，下次再去會揀蝦乾拼金蠔或者拼肉。值得一讚既係，佢既褒仔飯係有飯焦嫁!!!!!!!!仲要真係脆卜卜的😍😍😍😍 而家外面太多褒仔飯無飯焦了😕 總結係絕對推介大家閒日夜晚 (午市不供應) 可

原來中午係無煲仔飯/芝士飯供應, 聽講早上/夜晚是2間唔同GE食肆? ANYWAY, 惟有點其他野食LA。滑蛋叉燒飯:  完全唔係滑蛋, 係蛋漿獻汁.... 仲係無乜味... 叉燒俾D 獻汁煮到林哂, 無哂果種燒蠟味.... 好彩叉燒都多, 同埋唔肥.. 不過個滑蛋真是唔係果回事。奶醬多: 夠脆多醬, OK。

點了芝士雞肉煲仔飯同埋窩蛋牛肉飯❤️芝士雞肉煲仔飯：芝士味濃而不太膩，讚👍🏻窩蛋牛肉飯：牛肉好味，配合半熟蛋好正👍🏻唯一係等得太耐，由等位至煲仔飯送到足足一個鐘先有得食，只能夠話好食既野係要時間等😆😆