榮記粉麵

營業中

休息中

自小留連銅鑼灣的我，有數間指定粉麵檔。榮記便是其中一間。記得大概十年前，榮記是在皇室堡附近的後巷擺檔，人多了，便登堂入室，搬進了糖街地鋪。到現在，渣甸街也有一間分店。一間車仔粉麵檔，有甚麼特點令他在云云粉麵檔中成功？我想應該是他的腩汁湯底。每碗麵也會淋上大量腩汁；腩汁很濃味，使整碗麵的湯底很有味。另外，其他的配料也用腩汁煮過，而且煮得入味。今天到來，點了牛肚蘿蔔米。這裡的米粉是不錯的，夠爽，而且因米粉幼，吃時附著多些湯，比其他麵種好味~ (也見到不少人吃油麵，因通常都是車仔檔才有。)牛肚和蘿蔔也很入味，牛肚不會過韌，蘿蔔沒有渣，值得讚的是這裡能保持水準，不會有未煮腍的情況。每碗也會有西洋菜，比起一般食店，他附送的菜是相對多。如平時會叫油菜的人，建議先叫了麵，待麵來了才考慮是否加菜。吃畢埋單，盛惠$22，雖不是十分貴，但想起學生時代是$16兩餸，很有那錢越來越不見洗之感！

昨天大約1點鐘o係渣甸坊下車後與友人去最近的渣甸街找餐廳用膳，第一間顯眼的餐廳就係榮記。記得o係openrice 睇過呢間榮記大獲好評，就入去試下。==服務==入去之後，首先感受到既係d伙記極之差的態度。事實上，由入座，看餐單，點菜，上菜，以至o係用膳途中到出去比錢都可以感受到佢地所有伙計都有ge超唔好既態度。佢地全程都呼喝d顧客(好似阿珍咁覺得d 顧客欠左佢地咁)=-=… 我同友人無同d伙計有咩交流都好d… 但係見到d伙計會:-(1) 吹d客人叫菜，用d好唔和善ge態度講「你地仲唔叫野? 」但係其實d客人已經落左單，(2) 有客人問「麻煩你地比杯熱水」，d伙計好串咁答「我地無茶水供應ga bo! 想飲未比錢lo!! 」 =o=(3) 上菜o個時個伙計用個承盆好大力咁撞埋我背隻 (我坐的位置背著走廊) , 之後叫我「借開！」 (4) 佢地會吹顧客食野同趕人走=n=(**5**)佢地ge上菜速度超超超級慢。我同友人1點正左右點菜，過左一點半之後先上菜… 30幾分鐘煮碗車仔面會唔會耐左d 呢…. 唔怪之間出面有人龍排la…. 上菜慢仲要趕人走，都唔知佢地想點… 不如d伙記全力吹/幫個廚師先

幫襯呢檔車仔麵都有好幾年lu~一直都知佢出名~總店係糖街..在南記對面..以前經過見到永遠人龍多過南記..因為本應去南記既人聞到係街頭都聞到香濃既腩汁冇一不會選擇榮記而我就因太多人而去返南記自佢開左分店...我先去幫襯...終於明白點解咁多人去食我覺得佢既腩汁真係一流~因為本身我好憎食牛腩,而因為榮記,我對腩汁改觀..有d人可能覺得d湯好濃,其實你落單可以講明要唔要腩汁的...因為佢唔會放湯..用腩汁做湯~最欣賞佢一定會比返一少撮菜過你~是免費的!!其實菜是必需的..但有時唔想叫咁多餸,一碟菜一個人又多..所以佢比少少你就真係岩岩好喇餸我食過唔錯的:蘿白--都係浸得稔之餘係爽的,都冇渣既..不過有少佢會比埋d頭尾你..個人覺得小西灣的更清甜..而且頭尾係唔會比客的..古法魚腐--我必點的..因為我覺得佢好好味..唔似出面既魚腐,唔通就係古法既分別?食落去好似d好稔索另汁既豆腐卜咁..但係出面果層皮唔係脆的..魚肉好似豆腐咁稔..我覺得唔錯~銀丶特別....魚米家的都唔好食..牛肚--一樣價錢!抵~其他豬頸肉,墨魚頭我都食過...但唔係話好好味通常銅鑼灣唔係太餓又都黎食榮記~因為呢個腩湯

I went to Wing Kee Noodle on my own around 1:30 p.m. so it was not difficult to find a seat at all. Even though you come with a group of 3 or 4, it is estimated that you have to spend around 10 mins for waiting for seats.I ordered beef stew, raddish and veggies with "oily" noodles.Out of my expectation, they didn't have that high efficiency in serving food so I never feel like I have to rush. I love their soup base very much and the raddish is fully soaked with the soup and it is sweet not bitte

昨天去了會展,去完之後順道直踩CWB行街搵野食由於時間已經是晚上9:XX,要幾經辛苦才找到這間榮記對上一次到這兒吃車仔麵,已經是08年奧運的事了!到了後立刻叫了一個雙料粗麵 - 蘿蔔牛腩,再來一支忌廉本來要河粉的,但沒有了,惟有吃粗麵可能這兒人太多的關係,令上餐時間非常久,效率麻麻到吃的時候,蘿蔔牛腩有蘿蔔牛腩味;蘿蔔很脆,牛腩不會過韌,腩汁很香但太多味精,好味也不要吃過量呀><粗麵還可以接受的,不過很後悔沒有叫油麵,笨了$21車仔麵,價錢依舊不變,但汽水貴了一些環境就又迫又窄,衛生一般,遇著這些食店不要計較吧!有緣再會!

12月12日, 成日經過榮記都比佢d強勁腩汁味吸引住! 不過由於呀菲不嬲麻麻地車仔麵所以我地都好少食~ 由於港產癮尚未平熄, 今次終於可以去食一次榮記!::: 豬頸肉蘿蔔米粉 ::: $20一黎到已經聞都好香嘅腩汁味! 所以一定要試佢嘅蘿蔔~ 煮得夠淋又入味, 咬落香甜多汁, 係有少少渣jek…豬頸肉都幾厚切, 但係都幾嫩, 味道唔錯~ 可以一試! 米粉麻麻地索到d湯汁, 個味淡d~ 不過無油麵咁肥膩, ok啦~::: 豬大腸魚皮餃美味齋油麵 ::: $24豬大腸不嬲都係呀比食車仔麵嘅至愛, 因為有喇渣麵嘅感覺. 可能d人會嫌唔乾淨, 不過又真係好好食~ 呢度嘅豬大腸係正常嘅, 肥肥地好有咬口, 索咗湯更加正~ 叫美味齋嘅原因都係因為佢會索到湯, 好入味~ 魚皮餃就差d, 好細粒又冇乜肉…榮記由小舖起家都而家開埋大間分店, 堪稱銅鑼灣車仔麵龍頭之一! 而家舖大咗人龍少咗~ 會再多d黎食!

屈指一算, 師傅又有成年幾冇黎過呢度食野, 撞啱早幾日師傅一支公千里迢迢要過海去老銅, 一個人仲要未食野, 鬼咁肚餓添, 加上個腦淨嗰刻係諗到呢間食店, 於是就決定黎呢度醫肚, 順便睇下d水準仲得唔得!下午四點幾, 人唔算多, 唔使等位, 入到去一坐底師傅就即刻睇下有咩好食, 最後師傅都係叫左豬紅, 豬皮同豬腸米粉, 但好似唔係好夠咁, 於是又再叫多碗牛肚, 牛肺同牛筋淨食!等左都幾耐咁, 唔知係肚餓定咩, 所以淨係覺得好耐, 終於望穿秋水, 等到三豬米粉喇, 一放低師傅諗都唔諗即刻開餐, 第一口當然係試下個湯底啦, 濃濃嘅腩汁入口後又甜又好味, 師傅一口氣就飲左好多啖, 但依然覺得好正; 再試下個豬紅, 豬紅都幾大舊, 加上好滑, 口感真係一流, 勁正; 豬皮就勁腍, 一d都唔爽口, 豬皮唔爽口係絕對唔好味, 所以呢個真係要扣分; 而豬腸份量好少, 不過就大大舊, 而咬口勁諗, 一流; 食到一半另一碗三牛淨食亦都登場, 於是師傅亦即刻試下舊牛筋, 牛筋好腍好入味, 唔會實的的, 超好味; 牛肺係份量最多, 加上非常大件, 入口勁腍, 都算乾淨冇異味, 好味; 最後係牛肚, 牛肚除左腍

打從XX年開始,在銅鑼灣某後巷,已經愛上榮記的車仔麵了,雖則,感覺他跟以前相比,是有點退步,但榮記仍然是彭老太心中三甲之選,而自己特別鍾情雞尖同埋冬菇,好入味三餸價錢$24,以現在的物價來說,不算貴了.

12:45pm 去到已差不到滿座, 點了四併餸::墨魚頭,豬紅,蘿蔔,牛腩+米粉($28) + 一支可樂($6)墨魚頭最正, 牛腩夠淋, 蘿蔔夠甜唔苦, 埋單 $34 算合理.但湯底太濃偏鹹, 唔知係咪腩汁問題, 下次要試下少腩汁; 另環境好迫.

平時行過見到榮記見到超多人,今天到來見到有位便立即衝入去.叫了冬菇,蘿白及牛肺米加一碟菜.原來好食的車仔麵真的好正,冬菇超大隻超甜,蘿白又係超甜,冇渣,牛肺超爽.湯底濃得來唔會食完超頸渴,最開心的就是十蚊一碗菜滿哂.超抵食.吃了這餐除了好食之外還會令你覺得很開心,因為在銅鑼灣以這樣的價錢換來這樣的滿足真的十分難得!臨走前已諗定下次吃甚麼了!

二十餘元一碗三餸粉麵，係銅鑼灣都唔算貴。試了冬菇、蘿蔔及牛腩三款餸。老實說，無乜邊樣特別突出，味道口感皆很普通。湯底味濃偏鹹，但這亦是此店特色。上菜時間慢，需等十多分鐘才有得食。

是晚還有別的飯局,還是不要吃太full來了碗淨"食送"(牛筋,牛肚,墨魚頭,豬紅,魚蛋)豬紅不會死實實的,但可惜湯底的味道太重,吃不出豬紅應有的味道魚蛋跟牛肚吃起來還算爽口墨魚頭吃起來其實跟普通魷魚差不多,叫作試過吧牛筋則是唯一驚喜,煮得非常的淋,而且沒有跟多餘的肥肉連在一塊多吃幾塊也不覺得膩,正~份量比想像中的少,墨魚頭和魚蛋分別有2顆牛肚也是碎濕濕的,只有豬紅出奇的多略嫌有點"到喉不到肺"該店的湯底偏鹹,味精更加是重手得可以奉勸各位食友要作好心理準備,吃不了鹹的朋友記得多帶一瓶水備用總的來說,出色的車仔麵不止它一間,而且就價錢而言,更加沒有再去的道理叫做試過吧~再來也是為了牛筋

2009-4-5今日連食兩個下午茶，先來銅鑼灣，後去鰂魚涌．一入去榮記就有位真好彩，可惜今次無得食西洋菜，D通菜又趺Watt，三併(豬大腸 蘿蔔 紅腸)河粉就好味．一路食都坐得鬆動,到食完先多人等位．1) 三併(豬大腸 蘿蔔 紅腸)河粉 $24>豬大腸夠"淋",蘿蔔甜滑,紅腸衣太煙"UN".2) 通菜加腐乳醬 $10> 腐乳醬勁咸,攪到碗菜都食唔到味.3) 芬達細支裝洗汽水 $6總數共40.

知道糖街總店常常排長龍﹐所以未試過尊登去嘗試。行經此地見到這裡開了分店而由不用等位﹐所以一行兩人進店內試試。因知道這裡湯底很濃很鹹﹐所以本人盡量叫一些比較唔吸湯既餸。墨魚頭﹐豬頸肉&牛肚米﹐ 老婆叫了墨魚頭﹐豬皮&冬菰幼麵。上枱時﹐見到兩碗車仔麵的湯底很深色﹐碗內側也被其深色湯底長時間地漂染而變得深色。味道雖濃但帶香﹐因他們落了冬菜以及蒜粒。墨魚頭 - 很爽口﹐可以算是首選。豬頸肉 – 薄切﹐肉質淋但味道沒有豬肉香﹐因味道以被其濃湯複蓋。牛度 - 軟硬適中﹐沒有半點牛’so‘味。豬皮 – 可算過得去﹐沒有油益味。冬菰 – 厚肉﹐炆得夠淋﹐香香的冬菰味。雖然有深深的顏色﹐但沒有被那濃湯複蓋其味道。因味道偏濃偏鹹﹐所以內不內來食無所為﹐但為了健康都不會常常來幫襯。

晚上sheep要打波, 所以近黃昏的時候我們先吃一個light dinner先~突然想吃雞翼尖…要吃當然要去榮記啦…我都差不多有一年沒去榮記了…因為不想行太遠, 所以去了新舖…蘿蔔是我的最愛~每次吃都很甜佷淋而且無渣…雖然sheep說應該是落了冰糖浸過…但至少沒有苦味…因為我最討厭就是苦味…另外還選了墨魚頭和豬大腸…墨魚頭第一次吃…幾彈牙…不錯…豬大腸沒有異味…質素依~然~當然少不了榮記招牌的鹵水雞翼尖和西洋菜啦…鹵水雞翼尖很好吃…很入味很淋…咬下去的時候可以看到連裡面少少的肉都已經染了鹵水的顏色…可想而知炆煮了很久呢…另外, 印象中好像沒有在其他麵店吃過西洋菜…因為很少會有西洋菜…通常都是生西, 菜心, 芥蘭, 通菜等等~所以每次去榮記都會叫西洋菜…這裡的西洋菜沒有西洋菜湯那樣淋…但很好味…而且配了濃濃的腩汁湯…唯一的缺點是價錢有點貴…份量有點少…不過沒辦法…這個時勢什麼都漲價…