榮記粉麵

營業中

休息中

今日行街行開銅鑼灣果邊突然間想食牛什面果D 所以就周圍搵下最後行行下就搵到呢間當然我地就二話不說咁入左去了我地兩個人就叫左一個類似雜錦面同一個牛雜河呢個雜錦面好足料 有墨丸 豬皮 豬紅 牛丸等等個湯亦都好夠味呢個如果有機會就一定要再試到呢個牛什面全部都燜到好足 一D都唔韌 牛腩汁湯底好味下次去CWB 食面都會黎呢間

My buddies and I had such a huge lunch that we couldn't think of what to eat for dinner, then one sugguested Wing Kee.Environment & Hygiene:Nothing much is needed to be said. It was your typical noodles place in HK in terms of environment and hygiene. Service:Interesting. My friend had bought something and was showing us, and the nosey staff came over to have a loook and asked us what it was. Ha!Taste & Value:Lots of the items were sold out, but since it was like 2130, it was to be expected.  I

友人放工後，一齊去左shopping，然而，無功而回。時間不早，再加上明早又要上班，故決定食碗粉麵就各自回家。在渣甸街逛了片刻，就去了榮記粉麵開餐。單拼或雙拼索價$31碗，與太安樓的林記相比，真的貴了點吧﹗當然，這是旺區租金昂貴的代價了，誰叫小妹此刻身在尺土寸金的銅鑼灣呢﹗我們要了兩碗三餸麵，並要了一罐玉泉忌廉$7 share。友人的墨魚頭魚腐柴菜米麵$36只有四件入口爽彈富嚼勁的墨魚頭，兩件吸盡湯汁入味非常的軟腍魚腐，碗底的柴菜，以及少量送贈的通菜。小妹的墨魚丸魚皮餃通菜米線$36只有兩粒足料爽彈的墨魚丸、三粒稍嫌皮較厚的魚皮餃，以及一大束鮮嫩通菜。米線也稍稍淥得偏軟腍了少許，嚼勁稍遜。牛腩汁更可說是全碗碗的精華，味道濃香而豐富，質感較坊間為濃稠，絕非死鹹的，而是較為豐富多變的。

平時去都應該要等位嫁,好彩今日都唔洗等太耐,撞正岩岩有人走,所以就有位LU。我鍾意依到D野夠濃口味,因為佢個湯真係依到既重點,顏色睇落好深,睇就知佢係好濃味,絕對岩我心水,但咁濃咪一定好重味精,但佢又唔係,因為佢個腩汁真係咁既色,真係好正,今日就叫左幾樣餸有牛肺牛筋既面,平日係出面好少食牛肺,因為出面個D唔夠味,不過依個冇得頂，軟身又唔會無哂咬口,最緊要係佢好厚身又大塊，D汁入去非常好食！！牛筋就好好食既,夠哂林呀,膠質勁重,不過平時唔係成日,因為佢太稠,依到既都係一樣,不過好在夠滑,唔係我就真係唔鍾意，另外再叫左個羅白同豬紅,佢依個羅白真係超哂班,就哂唔係依季,佢都整得好甜,豬紅又夠滑,真係一流。仲要樣樣都好足料,唔會話好少,份量十足,如果諗唔到依咩不妨試下雜面,咩野都有,都幾正嫁。

如果以車仔麵既角度,我既首選係新記,那個辛辣既醬汁真係十分惹味,放落湯和小食度都可以由地獄上番天堂.今日朋友話想食牛腩麵,我腦海有呢間榮記,好似有好出名既腩汁,亦算係車仔麵,所謂簡左呢間同佢食.反正我朋友唔食辣.去新記簡直哂料其實我之前食過2次,有樣野我真係覺得好有問題,真係呢度既服務幾差,又係那種唔休做既店.基本上我係最憎既,但係決定左黎食就自殘多次咁啦.而呢度既MENU亦都有樣野好限制係最多4個餸我呢個係牛肺羅白米$30,牛肺十分入味,充滿其腩汁既味道,甜甜地咁.係我食過最好既牛肺之一.羅白亦係甜無渣.米粉是帶軟身索哂汁.其實都算係一個很高水準既車仔麵.而且有菜係底,比較健康一點.依度既辣椒油極辛辣,食客小心一點別扮型下太多.不過味精不少,而且服務態度實在不太好,所以都係無下次了

去sogo前食個我至愛既雞翼尖同蘿白先, 叫左一個剩雞翼尖, 一個蘿白,大腸油麵,本來想叫埋豬紅,但賣哂,仲有好少地方有得飲既芬達提子汁,應該食過既人都知呢到地方好迫,一張圓檯都要坐5-6個人,迫住食,但一樣都係好多人食,因為d汁真係好正,雞翼尖好入味,大約有十幾隻,蘿白同以前一樣都係憫到好甜,大腸同油麵正常,碗麵入面既通菜索哂d汁好好味雖然甘樣食完唔算飽,但已經好滿足

十多年前極愛榮記的雞翼尖是抱著那種明知不健康但偏偏要食的心態因為一吃就停不下來今天再到訪, 窄長的佈局內坐滿人是不是因為名氣大就可以目中無客?由於我爽快落了單, 沒有被黑面但眼見其他客人猶豫幾秒伙記就會不耐煩即刻走開兼腰潤一番大家願意受氣就是因為車仔麵的確好食那濃濃的湯底已經很難找了餸又非常入味不過限定每碗最多四餸愛辣的朋友一定要試放在枱面的辣椒油點了少少, 覺得喉嚨麻痺了一瞬間加在湯底是非常惹味

澳門的美食行意猶未盡，本想落船後到新開業的銅鑼灣樂屋，不過回港中途極其大浪，筆者似乎暈船浪，未幾已覺身體漸冷見頭暈，唯有落船後坐車到銅鑼灣略略吃過晚餐便回家休息，於是到了著名的榮記來個粉面。筆者已來過榮記數次，他們用料新鮮，賣完即止，當晚想與另一半另點菜，伙記表示各類菜款早已賣完。而筆者點的是三送牛筋豬腸豆卜河，奈何筆者至愛的河粉亦早已售罄。唯有改為米粉。伙記動作十分迅速、敏捷，不消三分鍾，筆者點的三送湯米已呈現眼前。牛筋口感一流，淋身有咬口，而豬腸沒有絲毫內臟腥味而且乾淨，可以放心食用。另外豆卜沒有過多油份，而且吸有啖啖腩汁，美味十分，值得推介。整整一碗湯米被筆者完全消滅。

到銅鑼灣行街，血拼完後想食地道嘢，所以選擇榮記車仔麵。😚我要兩餸雞翼尖，蘿蔔米粉。雞翼尖好滑，好味，蘿蔔亦煮到好林，好入味。👍虾子餅要三餸，牛筋，朱腸及魚旦卷，牛筋好正，但朱腸同魚旦卷一般，無驚喜。全單65，經濟。

銅鑼灣兩間榮記都食過， 但係真係覺得呢間好食d, 佢個腩汁真係好好味， 牛腩﹑牛筋﹑牛肚﹑雞尖又淋又入味， 墨魚又爽， size 岩岩好唔會太長， 湯面自動加入少少菜平衡下，感覺非常好！辣椒油夠辣， 試過加錢食麻辣/ 辣咖哩， 真係好辣……不過外賣嘅擺放真係要小心d, 早兩日買外賣， 塊紙皮太細根本承唔到力， 連下面個蓋都壓爛埋， 紙皮又入哂湯度， 好污jo 都唔知食唔食好

說來慚愧，銅鑼灣的人氣《榮記粉麵》，我竟然是第一次來，而且是由同事帶路的。經常大排長龍的《榮記粉麵》，可能是因為長龍及附近有太多別的誘惑而令我忽視了這一家馳名的麵店，是日，我們過了一點半才到，人龍仍有，但比起平日的中午，已經大為減退，不過，我們都要等一斷時間，才能夠有位坐。同事說最好食是雞翼尖，可是雞翼尖不是我喜好的食品，所以我點選了喜愛的牛腩、大腸同魚皮餃，配油麵。我選了牛腩湯底，而這一個湯底的味道絕對是超濃郁，味道帶點微辣，油麵沾上了濃濃的湯汁，可以以香口惹味來形容。牛腩不是碎腩，粒粒方正的甚有肉感，大腸香口軟腍，魚皮餃也好吃，只是嫌皮太厚。這小小的一碗車仔麵，40元三個餸可以稱得上是抵食，再集美味在其中，《榮記粉麵》的確值得我們去排隊。

平時不會走到鬼咁遠食lunch~但今日因為同事說要"Happy下", 於是一行四人搭丁丁到銅鑼灣食車仔面。來這間的原因是有一位同事說這間很有名,好好食,我們就即管一試~鋪頭雖然已經有2層,但入面人很多,我們還是要等位,但幸好等的時間不是太長,很快便可以坐下~店員安排我們到上層最入一張枱,那張枱貼著一大堆紙箱和膠箱,於是我們把枱稍微移開,我十分肯定,這個動作沒有,也不能,帶鋪頭帶來任何麻煩!!但那店員一看便大聲說｢唔得咖!!!唔可以咁樣咖!!咁樣會sai位咖!!!｣ 下???我們只是稍微移開,請問sai了什麼位?? 我們身邊的其他枱也已經坐滿人,請問我們還可以sai什麼位??!!一肚子火,但我們還是忍~到落單時, 我們很正常的就是先想到的便先叫, 同一個店員又有不滿!!!她說｢唔好講住!!佢講先, 你應間先講!!｣(她指著最近她的那位同事) 嘩大佬~連誰先叫誰叫後都要有規定???????? 滿肚子的氣,還是繼續忍! 只希望那裡的面好吃得令我下了這啖氣~這就是我的面~入面有冬菇,墨魚丸和大腸。我不會偏激得因為一肚氣就說它難食, 但真心, 我吃不出有特別的地方, 就是一碗好普通的車仔面囉~後

好耐冇打食評，依家見得閒又打下先。前兩日放假，行街經過榮記，見耐冇食就入左去食。等位等左5分鐘就有位啦。坐低就叫左蘿蔔，豬紅加炸麵筋配油麵。仲叫左罐可樂。等左一陣就有得食，雖然好耐冇食，味道冇咩定變。蘿蔔豬紅夠入味，炸麵筋吸收左湯汁，食落充滿牛腩味，而油麵煮得夠彈牙，唔會好淋。雖然耐冇去食，不過味道冇咩改變。反而價錢好似貴左少少。如果得閒唔洗點等位都會再食既。

中學回憶, 呢間好味好抵, 不嬲食開糖街個間, 經過呢度先, 見到就食呢間. 排左5分鐘就有得食. 叫左墨魚頭豬紅粗麵.真係好開心, 同以前既味一樣, 首先試試湯底, 依然係個隻濃濃既腩汁味~ 唔口渴之餘仲好懷舊~墨魚頭好爽, 無渣淨, 成隻食得! 豬紅入口即溶咁, 但唔夠入味我覺得, 仲可以進步!下次試下其他麵- 油麵或河粉~~腩汁係我離開左15分鐘仲係我個口留住! 勁! 

之前在銅鑼灣上班常會去這家吃車仔麵。因為湯底真的好惹味 不過價錢就真的愈食愈貴 QAQ！幸好份量還是沒變。M 4  如果想試多點餸的可以選擇 - 「大雜」或「細雜」我點的這碗是大雜油麵 ^^  湯底依舊是超濃~ 相信是這裡的賣點之一吧。朋友則自己點了4款餸  其中蘿蔔真的超入味， 而且不會太老。