榮興車仔麵 (已結業)

jan 02, 08,為了保留實力,淨喺叫咗粉仔jac。要求將辣味菜分開上,佢於是用匙羮"畢"起比我。真喺對我嚟講都幾辣吓,加小小就夠喇初時友人介紹我嚟食,我已經問咩叫粉仔呀...........原來好似粗烏冬,但長度就每條好短,質感就普通,唔會彈牙,帶少腍。但反而舖面的好似冬菜嘅物體就幾幾爽口,幾新鮮。見到有少少蝦乾嘅,個湯底好惹味............但個人懷疑勁味精因回家後好口渴

無啦啦屋企有份雜誌,裡面介紹左呢間鋪既車仔麵同埋粉仔,就上網睇下啦,又睇到原來呢度都有介紹,我週圍搵好野食緊要去試下啦,我帶埋張廣告去元朗搵呢間鋪頭,都幾難搵架,好彩個廣告有地圖,我去到果條街週圍搵,本來睇黎睇去都搵唔到,點知行到有間個名一樣又係叫榮興既粥麵鋪,就有個女仔行出黎同我講"係唔係食咸粉仔呀"跟住我就話"都唔係你呢間"點知,個女仔答我"你拎住既廣告單張上面介紹果間就係呢度啦"我睇睇下同張相果間唔同既,原來介紹果間係對面,個女仔話原來兩間係一樣架,分店黎架,同一個老板,食既野都係一樣,於是我就入左去開始食好野啦,我坐底叫左車仔麵同埋辣既咸粉仔,味道的確唔錯,咖哩汁味道岩岩好,咸粉仔係正宗人手既粉仔,都係$8蚊碗:底底底"唔係果d烏冬,銀針粉扮既咸粉仔,真係好味.值得一讚.不過我記得果日係落雨既,冷氣就真係大左少少,食住熱野都覺得凍,至於服務就..不過可能呢類型既鋪頭請既都係d呀姐,所以服務都係差d架啦,無計,不過呢間鋪都有個後生女,怕同d呀姐有代溝既話,最好就同個後生女落單.服務一定會好過d呀姐.

我今日放工去過.環境不是可人兒講的.還算清潔.可能已改善.我專程去食了一碗咸粉仔同埋咖哩車仔麵仲有一杯豆漿.味道的確相當唔錯.有冷氣有風扇.但在門口買咸粉仔的呀姐既態度就非常差.粗聲粗氣好似鬧人咁.(聽閒還說她是事頭婆).好彩.佢仲有兩個待應服務態度都好有禮仲有笑容.不過我個人覺得.最唔好既就係呢間鋪頭既落單手法.佢地唔係寫單.你叫完野之後.野食黎你要舉手或者大聲應佢.所以都幾嘈.佢地連埋單都係要大聲叫出面收錢.又無寫幾錢.所以你最好就自己計定先.唔係可能收錯都未知.雖然係好底食.我睇過個餐牌.都係幾蚊到十幾蚊.不過都係計清楚好d.

必食車仔麵D豬腸,好入味,好好食,D咖哩汁好香唔太辣.但環境就真係麻麻,d冷氣出口位積好多黑蚊蚊的塵,D調味樽起晒積都唔抹下,個地成日用漂白水洗地,但又洗得唔乾淨,一陣漂水味又(痴)立立,唯一勝在唔駛等位囉.

我每日晏晝都去食晏,例牌兩碗魚肉油麵$8x2,另一支細樽裝可樂$5,有時食魚肉翅$8或鹹粉仔$8,碗仔翅$7及車仔麵咖哩真係唔錯,比起同區得個辣仔...又要自己排隊拎野食果間車仔麵,我覺得正好多抵食好多,冷氣又夠選擇又多。

元朗呢檔車仔麵都算最有歷史,佢既咖哩汁唔太辣又夠香。最好食就係豬腸同魷魚,同埋大大碗都幾抵食。入面冷氣好夠涼,仲有咸粉仔、碗仔翅、生菜鯪魚肉、潮州式粉麵、煎蘿蔔糕及炸魚皮等食物。飲品有啤酒、樽裝汽水、豆漿、菊花茶及西茶等。總之食得過同埋價錢抵。