榮興車仔麵 (已結業)

嘖嘖稱奇，人面變，時代轉，此舖卻仍是幾十年前模樣，陳舊似到盡頭，連價錢也彷彿沒追通脹…..一問老闆娘，開店迄今三十六年。由以前十幾歲慳錢學生哥口痕吔哪喳嘢醫肚，至今帶住另一個學生哥來。速食豪快哪喳，大概是吃風味吃付低廉價值但一肚子脹滿的爽透蓋過對味覺的腌尖。一定不是坐着舒適，非慢歎吹水格局，叫做因疫情隔開些少枱與枱距離。4碟連環點的雙拼，總數$72。每碟都「醒」幾條生菜，每碟都選了咖喱汁，有短暫的辣。來回點了兩次豬腸，與豬肺一樣，件數多，而且滲着果皮味，過足口癮。

好耐冇食過魚肉碗仔翅，心血來潮之下就嚟左元朗舊區範圍試搵，真係俾我搵到！鋪頭係舊啲，環境草根啲，但味道就正正係我想要嘅😍除左魚肉碗仔翅外，仲加左碟咖哩雜錦，好味😋 相信會偶爾掛住再翻食

榮興係元朗歷史猶久嘅車仔麵舖頭〰️除咗有車仔麵，咖哩，仲有應該係最多人嗌嘅魚肉麵〰️另外仲有粉仔同碗仔翅〰️份量充足味道合理，咖哩絕對係車仔麵應有水準唔會難食得去邊〰️而且價錢好化算〰️💭不過始終係有多年歷史嘅小店，所以環境衛生唔會話係特別好，不過冷氣都尚算充足㗎❄️🤣

雙拼車仔麵($29)其實係咪得元朗人食車仔麵先會落甜醬？🧐諗返起之前返學同同學食車仔麵🍜，成枱得我同另一個又係住元朗的同學喺度問點解冇甜醬提供😂。今次難得清清地叫咗個墨丸🐙加生菜幼麵🥬。一如既往的味道😌，因為加咗咖喱汁所以有少少辣辣地，加埋甜醬味道啱啱好😋。呢間舖頭真係有細食到大👧🏻，好似又由出世嗰陣已經喺度👶。除咗車仔麵之外，我有時都會喺度買粉仔😚，唔知點解食過咁多間好似都係呢間最好味，可能呢啲就係童年嘅味道😂。雖然呢間舖頭望落去好殘好舊，但入到去都乾淨企理嘅✨。而且我諗呢個價錢出面應該食唔到🤑。下次大家黎元朗都可以試吓，不過佢個位置都有啲難搵😎。同埋鍾意食重口味嘅可能就唔係咁啱你哋啦🤪。

今日我個朋友帶咗我去食呢間車仔麵，個門面真係唔得到爆，如果比我自己經過，我一定唔會入去。入到去地下係滑潺潺嘅，如果唔係我個朋友話佢幾好食，我一定走返出去。個餐牌真係好難睇，有好多種選擇，我都係是但咁叫咗豬皮豬紅魚蛋油麵，加咗咖喱醬，因為事頭婆話唔會辣喎。你問我係咪好好食，我只覺得普通，覺得只係好普通嘅車仔麵╮(￣▽￣"")╭我個朋友叫咗同我嘅差唔多，再加左豬腸，但係就冇咖喱醬，跟住再叫多咗一碟魷魚牛柏葉($20)。反而我覺得嗰碟魷魚牛柏葉都幾好食嘅。如果你問我會唔會再去，咁我又覺得冇必要專登再去食。

呢間餐廳朋友或由細識到大 話佢啲車仔麵配料好唔錯今日試過果然係好唔錯 豬腸夠淋夠入味 魚肉翅都好味 重點係夠晒抵 每個料散叫先$5 有仲平組合 配麵都抵 咁傳統車仔麵檔真係唔係咁易有 呀姐又有禮貌夠人情味

元朗歷史悠久，有好多香港的特色小食都可以搵到，仲要係傳統的味道，而不是那些創新的特色小食，真的只有元朗有。這間店在大棠路下車，往卓悅的方向，恒生銀行旁邊的小巷，直行，就可以搵到。這間店你要什麼，大叫就可以了，那些姐姐會記得的，上菜速度也十分之快。 我叫了一碗大肉翅，白色的魚肉，有筯性！有口感！有味道！大大碗碗仔翅只需要HK$23而這間店必食的，就是咖哩。叫3個餸要HK$15，個人推薦食豬紅和豬大腸，因為是最入味的。而咖哩其實唔太辣，唔食辣的朋友也可以接受到碗仔翅

今日去咗元朗呢間歷史悠久嘅榮興粥麵店，相信好多元朗街坊都一定識得呢間小店。我叫咗個油面，配咖喱魷魚🦑、蘿蔔、豬腸，呢三樣餸，都係我每次去親必食嘅🤤同埋最後記得一定要配佢個咖喱汁，真係食過返尋味！！每次食完都可以令我回味無窮的。我最佩服佢哋係唔使落單寫出嚟，而每次送上枱嘅餸都一定唔會錯！最後埋單嘅時候，你只要行出去門口位，佢哋就知道要收幾多錢㗎啦，呢樣野我覺得佢哋好有系統😌真心讚～啲阿姐好叻叻！

為食街榮興車仔麵情意結小時候爸爸放假會帶住我地兩姊妹周圍去（周圍去係元朗屯門）😂😂😂😂😂😂😂😂😂以前只有小巴去元朗其實都唔記得係坐咩車去十幾歲就可以搭輕鐵囉好多時會搭到又暈又嘔但又好想去食粉仔所以次次都好似搵命搏咁到大個就巴士轉小巴去元朗這裡好多朋友都覺得好污糟😂😂我老公唔肯去食架對我來說好多回憶每次都會叫同一類食物唔辣粉仔豬腸尤魚穌蘿蔔腸仔+咖哩然後一支可樂最近十年住返元朗區我都好鐘意去食粉仔好唔好味見仁見智但對於我來說食嘅係「思念」對爸爸的思念每次坐低望住人們低頭密密食不其然會諗起爸爸如果你看到有一位美女食食下雙目通紅含著一包眼淚唔洗驚訝因為我正在想念我爸爸🥰🥰🥰🥰🥰🥰🥰唔好裝修繼續這個格局讓我可以找回一點美好回憶

這間車仔麵檔是小有留得下的舊式店鋪，位置不顯眼，但元朗人應該不陌生。佢有車仔麵丶碗仔翅丶生菜魚肉丶粉仔同麵食等食品提供，而且可散叫淨餸，味道仍然keep到小時候街邊手推車哪味道及風味～配上佢嘅咖哩汁，本人覺得在方間已經較難搵到。推薦你地食碗仔翅，做得剛好，不會太傑身丶也不是稀。而佢嘅車仔麵仲有大丶細什麵叫，價格平民，雖然沒有華麗裝修，但是一個回憶之地，我最愛佢地嘅豬腸，又香又腍，淋上咖哩汁係絶配，不好豬腸，仲有好多餸可選，路過可以去回味下~

榮興已經係元朗為食街 （炮仗坊）既一部份，一個狹窄入口係麻雀館同幾間賣衫既舖頭隔離，唔係元朗本地人應該都留意唔到😏舊式店入門左手邊係麵吧🍜，右手有架走鬼車仔裝晒啲車仔麵餸料😋 舖頭用舊式紙皮石做邊，成間嘢停左係90 年代咁，懷舊同對面既分店係無得比😛要咗個粉仔，一份車仔麵淨餸🤩 粉仔係由細食到大既味道，簡單既粉團同榨菜係粥水上飄泊，無濃烈既搶味，只有簡單既鹽，比白粥多出啲，比濃湯少一啲，就係呢份平凡感，總會令小弟想定期食一鑊💗淨餸一定要跟咖哩汁， 榮興係會送條菜過你👏👏 牛栢葉，魚蛋，大腸本身都係無味，如果無咖哩就生活淡淡似是流水😂😂 但魷魚本就👌榮興唔係天上蟠桃，只係街坊回憶味道，習慣了，改不了，為食街就係要有榮興，山長水遠過黎搵食我就唔建議了😛

元朗有好多好野食，今日同朋友行元朗，就黎呢到食特色懷舊小食 - 粉仔同咖哩雜。呢到就比較舊，隔雜幾間都有D舊食店差唔多樣，價錢一樣好平！粉仔既湯底好漿較杰身，食落好香蝦米味，一條條麵粉整成既粉仔咬落淋身，配埋爽口既辣菜甫，好夾!!唔錯!! 咖哩雜有魷魚、豬紅、豬皮、豬腸、魚蛋、菜，份量可以，味道一般但唔係難食，如果咖哩既辣味重D會更好。呢到食野真係好平，2樣野加埋都唔洗$50，雖然話唔難食，但始終我諗還有好多進步既空間，所以唔能夠要求太高

周圍搵好味香港味道的小食店，最重要的宗旨就是要有特味特色，價錢大眾化及味道出色味美，介紹與各食家分享！尋找以前的港式街頭小食，就搵到元朗一間比較窄細小又長廊格局而感觀較破舊的裝飾，不甚企理的小店，其店長廊有五至六張圓枱，但是我們能夠吃到好味地道的港式小食就心滿意足阿！此店的食物都不便宜，價錢比市區貴一點，兩個人食些小嘢都要差不多一百元埋單！其小食店有車仔麵食，港式的咖哩魷魚，牛腩，豬皮，豬紅，魚蛋，蘿白及牛柏葉！還有碗仔翅，魚肉生菜，粉仔，炸雲吞及豬手等，試食後感覺毫無特色特味，平平無奇，不夠份量，一試無妨！牛雜麵有牛腸，牛肚，牛肝，牛臟及加條菜芯賣相不錯，而其麵條就用硬粗麵，非常硬膩，不夠煙柔！配搭混亂！粉仔質感又淋又軟，新鮮不夠，味道普通，難食！大雜餸價錢:$25.0其份量有生菜兩條，魚蛋三粒，蘿白三，四小件，豬紅豬皮兩塊，魷魚一件，份量幾多，抵不抵食，由大家評評！

細細個開始食到依家廿幾三十年！對於呢類老店真係買少見少!所以得閒都會黎食下！通常食咖哩麵再另外加碟餸！呢度最出面應該係d咖哩汁！係勁香又唔太辣所以食好多都頂得住好入味！講下餸先！個人最鍾意食豬腸！好淋好夠味！而蘿白配咖喱真係超正！d蘿白夠淋夠曬味而且已呈黃色個種好淋嘅境界！另外魷魚牛柏業都好爽口好好味配咖喱汁！而且一個面價錢只係22蚊起非常抵食！雖然鋪面就唔係靚裝！但幾十年同一個樣呢d先叫懷舊風味！值得支持！

榮興車仔麵地址：元朗炮仗街26號地下三淨餸$15 魚蛋豬腸蘿蔔，送菜心 咖哩汁聽講好出名，魚蛋太粉唔係我鐘意食個隻魚蛋，蘿蔔冇渣值得一讚，但似清湯蘿蔔，冇咩味咁。豬腸有點腥又冇鹵水味，加上唔太辣既咖哩汁都係冇咩特別，個菜都唔錯既送既仲好過叫既野食……$15係抵但食物一般。聽到好多食客叫大雜麵$38食，好似幾吸引咁，其他車仔麵，粉仔，碗仔翅都好平。但哩三個送好麻麻，都係食返永年有保證。評分： 5/10 #車仔麵#港式美食 #咖哩