影片
以上資料只供參考, 請與餐廳確認詳情
招牌菜
食評 (36)
嘖嘖稱奇，人面變，時代轉，此舖卻仍是幾十年前模樣，陳舊似到盡頭，連價錢也彷彿沒追通脹…..一問老闆娘，開店迄今三十六年。由以前十幾歲慳錢學生哥口痕吔哪喳嘢醫肚，至今帶住另一個學生哥來。速食豪快哪喳，大概是吃風味吃付低廉價值但一肚子脹滿的爽透蓋過對味覺的腌尖。一定不是坐着舒適，非慢歎吹水格局，叫做因疫情隔開些少枱與枱距離。4碟連環點的雙拼，總數$72。每碟都「醒」幾條生菜，每碟都選了咖喱汁，有短暫的辣。來回點了兩次豬腸，與豬肺一樣，件數多，而且滲着果皮味，過足口癮。
繼續閱讀
好耐冇食過魚肉碗仔翅，心血來潮之下就嚟左元朗舊區範圍試搵，真係俾我搵到！鋪頭係舊啲，環境草根啲，但味道就正正係我想要嘅😍除左魚肉碗仔翅外，仲加左碟咖哩雜錦，好味😋 相信會偶爾掛住再翻食
繼續閱讀
榮興係元朗歷史猶久嘅車仔麵舖頭〰️除咗有車仔麵，咖哩，仲有應該係最多人嗌嘅魚肉麵〰️另外仲有粉仔同碗仔翅〰️份量充足味道合理，咖哩絕對係車仔麵應有水準唔會難食得去邊〰️而且價錢好化算〰️💭不過始終係有多年歷史嘅小店，所以環境衛生唔會話係特別好，不過冷氣都尚算充足㗎❄️🤣
繼續閱讀
雙拼車仔麵($29)其實係咪得元朗人食車仔麵先會落甜醬？🧐諗返起之前返學同同學食車仔麵🍜，成枱得我同另一個又係住元朗的同學喺度問點解冇甜醬提供😂。今次難得清清地叫咗個墨丸🐙加生菜幼麵🥬。一如既往的味道😌，因為加咗咖喱汁所以有少少辣辣地，加埋甜醬味道啱啱好😋。呢間舖頭真係有細食到大👧🏻，好似又由出世嗰陣已經喺度👶。除咗車仔麵之外，我有時都會喺度買粉仔😚，唔知點解食過咁多間好似都係呢間最好味，可能呢啲就係童年嘅味道😂。雖然呢間舖頭望落去好殘好舊，但入到去都乾淨企理嘅✨。而且我諗呢個價錢出面應該食唔到🤑。下次大家黎元朗都可以試吓，不過佢個位置都有啲難搵😎。同埋鍾意食重口味嘅可能就唔係咁啱你哋啦🤪。
繼續閱讀
今日我個朋友帶咗我去食呢間車仔麵，個門面真係唔得到爆，如果比我自己經過，我一定唔會入去。入到去地下係滑潺潺嘅，如果唔係我個朋友話佢幾好食，我一定走返出去。個餐牌真係好難睇，有好多種選擇，我都係是但咁叫咗豬皮豬紅魚蛋油麵，加咗咖喱醬，因為事頭婆話唔會辣喎。你問我係咪好好食，我只覺得普通，覺得只係好普通嘅車仔麵╮(￣▽￣"")╭我個朋友叫咗同我嘅差唔多，再加左豬腸，但係就冇咖喱醬，跟住再叫多咗一碟魷魚牛柏葉($20)。反而我覺得嗰碟魷魚牛柏葉都幾好食嘅。如果你問我會唔會再去，咁我又覺得冇必要專登再去食。
繼續閱讀