榮川日本料理 (已結業)

姨姨說呢座大廈o既餐廳平過千兩,緊係無可能啦首先上o左15樓,見到個餐牌即刻落返去管理員推介7樓,門口見到價錢都尚可接受加上有蔡瀾伯伯推介,就入o左去試試裝修唔堂皇但係夠特別,最重要都係夠日本feel XD壽司刺身多數都係2x-5x一件/一塊...最後聽待應姐姐介紹點o左以下o既菜 (呢個姐姐服務好得,要贊!)鯛刺身: $38,抵食,味道都還可以,建議加多少少鹽先可以帶出味道,3個人叫o左2碟BB吞拿魚刺身: $88=4塊,每一塊都唔算細o既,味道比一般吞拿魚好,但係唔叫都唔係損失秋刀魚刺身: $100,少少腥,有1個部胃特別好食少少,其餘都係一般,下次都係叫熱食算...軟殼蟹天婦羅: $32/$38,抵食,味道OK三文魚燒飯團: $20,飽肚用牛肉炒飯: $32一碗,飽肚用,味道可接受,不俗串燒牛舌: $20? 一般,同我食過最好o既差好遠...黑豚肉烏冬: $32,個湯味道幾好,烏冬唔得清酒大蜆煮: $58,呢個得,要叫~~~串燒牛肋骨: $?? 味道OK o既,不過又唔係必叫~~~雪糕: $18,味道不俗

坐低待應熱烈推介日本運來刺身，就叫$350原條象拔蚌刺身，經理擺上枱說半條，我說是一條，再查，他改口說一條，我話咁少，再問多次話無錯，切腸除膽，膽就天婦羅(上枱得二塊薯餅)，再問跟我落單待應，都說是，係細咗，唔好意思，就行開，我們望著碟嘢好無奈，新鮮是幾新鮮，朋友話是鮮味，與別不同，我就覺得去酒樓食差不多。要推介鯛刺身$38，加塩加松茸菌油，好特別，最低食又新鮮，還有魚湯豆腐野菜$48，奶白色湯，好有魚味，清酒大蜆$58，好大隻好鮮味好嫩，正正正。野菜天婦羅$48，粉實咗，唔夠鬆，細件，無蕃薯。三文魚燒飯團，$20，燒飯團$15，等了大半小時，無特別。

今日去整頭髮,晚上叫埋二花出來吃我的生日飯,(很久前)因為想吃日本菜,我提議去sogo隔鄰的大廈,(忘記了名字)這裏有很多間日本菜,隨便挑選了一間--榮川日本料理,名字很熟,好像蔡瀾曾在雜誌介紹過,經過侍應的熱誠推介,叫了很多食物,全部都極好吃!!!!!睇番雜誌的介紹,原來此店以前是開在中環麗嘉酒店的地庫,大有來頭啊!但這裡的裝修不是走高檔路線, 價錢老實,不過埋單都不便宜,當天吃了以下食物:1. 汁煮鮑魚, 好鮮味!2.象拔蚌刺身, 好甜, 新鮮3. 串燒牛舌, 好好味4. 秋刀魚刺身--初時以為好腥, 原本真的好好吃5. 象拔蚌膽天婦羅6. 日本蕃茄--最普通7. 海鮮粥--好吃, 不過太細碗8. 黑豚肉烏冬--舊肉無特別, 但湯底好正9. 汁煮kinki魚--全晚的主角, 好吃到不得了, 肉質滑又充滿油香一定會再來!!!

上阿媽公司找她後一起去吃晚飯。她說恆和有家日本料理不錯 (吓! 成座大廈都係日本嘢喎! ) 看看水牌, 原來是七樓的榮川。剛好 7 時, 還以為好像樓下峰壽司那麼多人, 不過又有位喎。話要八點交枱, 得啦, 「大丈夫」 (無問題)。這家榮川是現已拆卸的麗嘉酒店同名日本料理的舊師傅開的, 裝修得像日本魚市場的樣子, 壽司吧旁還有個魚池, 可以好像酒樓那樣揀海鮮, 坐壽司吧應該幾好玩, 不過我們坐普通枱。難得阿媽肯陪我食日本菜, 不過點菜也有點難度, 因她不吃生, 又要找些飽肚的東西。把餐牌研究再研究後, 點了以下的食物:黑豚 (稻庭) 烏冬 ($32) – 上桌時我媽大嚇一跳, 叫道: 「鬼咁細碗, 我自己買包烏冬淥好過喇! 不過啲湯底就幾濃嘅」; 我就無言以對…豚肉只得兩舊, 味道也可以, 似豬軟骨的肉。蔥芝麻吞拿魚蓉手卷 ($68/6 件) – 蔥和吞拿魚蓉給混在一起了, 不太肥美也不太鮮味, 這個 so-so。燒飯團 × 2 ($15@) – 填肚之用, 媽說沒有味, 我就覺得幾好味, 外頭燒過的部份有燒汁味嘛, 只不過飯有點散, 只算「泛泛之交」的級數而已。清酒大蜆煮 ($58

之前來榮川食午餐, D嘢食幾好, 映晒相, 諗住返屋企寫食評, 不過看完之前的食評寫得好好,偷懶就咁放幾張相上網,唔使打字, 慳水慳力. 今日又來吃食午餐, 第三次啦!竟然仲有驚喜, 呢個笑臉食評唔慳得!午市定食選擇很多，有十多款，總有一款諗心水。兩個人食午餐, 友人叫刺身烏冬定食, 我叫咗帆立貝定食.帆立貝定食:前菜: 蘿蔔絲很爽很清新 , 不會太酸太咸，令人胃口大開; 牛舌好諗, 入味得嚟唔會好咸.沙律: 簡簡單單的菜沙律，加d沙律醋，好好食; 湯: 唔係咸死人的味噌湯, 而是豬骨湯, 奶白色, 熱騰騰, 好舒服;帆立貝 : 一共八粒 肉質結實的帆立貝, 係八粒, 好驚喜, 好感動啊! 配上照燒汁, 加埋軟熟的日本米飯, 令人滿足！Waitress常常執枱, 仲有成日加茶,服務好好.食物有水準，服務週到，晩餐好似唔係特別貴, 有機會要試吓。

比起酒店，而家既裝修都比較平民左，而且係舖面又有大既魚缸，一心要做最新鮮既刺身咁，黎到呢到，見到咁，唔食刺身就真係對唔住自己啦～今次唔記得左叫佢最出名又好食既”鯛薄切”，只係$38，下次一定要食呢個！我同朋友都係勁食刺身既人，當然就叫左一個刺身定食同埋魚生飯啦～每一件刺身都係咁吸引人架，真係非常新鮮，海膽味道未算最甜，不過都足夠地新鮮。我已經計劃緊幾時返兜再去食，我見到佢ｄ熟毛蟹都好吸引呀！而家唔食蟹仲等幾時呀！

最近雜誌介紹有間出名平嘅日本菜，今日終於試過。一行三人，叫咗三個set(鱼生凍烏冬set，溥燒美牛set及三文魚海膽長毛蟹飯set)，兩串牛舌，兩串雞肉，一個炸蝦天婦羅同鯛魚刺身薄切！咁就六百幾蚊！！鱼生凍烏冬set：鱼生好普通，又細塊，但叫新鮮。烏冬，manu寫手打稻庭烏冬，但出來只有普通粗烏冬。溥燒美牛set：薄牛肉唔會差得去邊，但有件肥時有件瘦，唔平均。set 跟個湯唔掂。三文魚海膽長毛蟹飯set：三文魚普通，海膽大件，一看便知是加拿大貨(因我經常吃日本嘢)，長毛蟹算最好！牛舌$28一串唔算平，我哋三個人食兩串都食唔哂，唔係份量太多，而係食完第一件，都唔想再食。雞肉串都差唔多！！炸蝦天婦羅：粉唔算厚，但係好硬，所以食完隻蝦，啲炸雜菜都無食鯛魚刺身薄切($38)：平就平，但有電油味，其實係佢哋加咗啲油，所以唔好味！manu上所有價錢唔算貴，因全部一件，而且啲魚生好細塊，如果去啲高級小小既日本餐廳，一件魚生可能貴三成，但大一倍

我們中午來吃，叫了刺身定食，刺身好新鮮，尤其是海膽，沒有腥味，反而帶子就不太甜。不知道中午関係還是太新，店裏只有少數人！

雜誌介紹話以前係响麗嘉酒店, 依家就"平民化價錢, 酒店級水準", 慕名嚟試一下. 鯛薄切- 無人地影嗰張咁厚咁大 真係"薄切"呢... 味道的確唔同, 係因為佢d黑松露油吧! 初頭我地都聞到"電油味"o架, 但食落味道唔錯, 新口感! 螢光魷魚仔- 唔錯~ 唔食咸嘅人就唔好揀了~赤貝刺生一隻- 活赤貝只係$35一隻, 抵! 但略厭佢沖過水, 味道比較淡同細隻! - 見隔離枱嘅赤貝壽司, 應該好正! 都有一隻活赤貝响面, 下次一定要叫!!汁煮鮑魚仔- 條邊好入味, 好soft. 中間if再炆soft d會仲好味.鵝肝多士一件- 本想食鵝肝蛋, 但話已經無做了... 件鵝肝好好味 可以再試燒馬刀貝(聖子)一隻- 唔... 師傅係咪唔記得睇火, 好大陣燶味... 食唔到聖子嘅鮮味! 走時經理問我地, 我地提及, 佢即話"要即刻同我地講嘛" (睇佢嘅態度, 應該係真心的) 但我唔希望仲有下次都係燶的! 我要食鮮味的!! 牛油果軟殼蟹卷一條(大約六件)- 好多料, 一啖食哂都幾好味~x蝦天富羅兩隻- 話隻蝦係即刻响魚缸拎上嚟做, 好新鮮. 的確, d肉好實, 比起平時出面食嘅好好多! 但

上個星期試左呢間餐廳，入去時地方唔算太，我同男朋友叫左串燒牛舌、牛肉烏冬、仲有鯛魚刺身薄切、雞骨腸、雞軟骨及 sushi。串燒牛舌都幾好食!! 唔知係未因為唔爆既關係，d侍應好好服務，同佢地傾傾下佢地仲教用少少油 (唔知咩油) + 海鹽點鯛魚刺身食，全新口感好鮮味呀，大家一定要去試!! 牛肉烏冬及雞軟骨我就嫌佢唔夠熱啦!! 貪得意叫左個雞骨腸，驚喜度就一般!! sushi 都好鮮，飯又適中。佢地既魚生係最有保證!!總括，係一個唔錯既選擇，我會再去。因為佢地好服務好 nice，環境好有日本街市魚檔 feel。入到去，你真的以為自己飛左去日本食飯!! 但為何會這麼少人光顧呢，可能是樓上舖又或新店關係宣傳唔夠吧......!!

可能比較新的關係, 午飯時間都唔係好爆.一個人食o左個三文魚海膽飯定食, 再加一碟鯛魚薄切, wasabi 係即磨新鮮山葵, 三文魚係百佳貨識, 海膽都幾大片,不過都係一般, 鯛魚薄切食到有少少電油味.埋單一百五十, 可能人少, service 都ok, 三文魚海膽飯定食係lunch set $98, lunch set 價錢由$68 - $138.

2008年8月15日 尋晚約o左朋友係銅鑼灣食飯.o岩o岩經濟日報有報導"榮川",所以打去預約報紙報導話榮川以前係"麗嘉酒店" ,麗嘉拆時就暫時結業. 到今個月至係銅鑼灣恆和鑽石大廈7樓再重出江湖.報紙引述榮川老細講: 因為裝修同租金相對以前平o左, 所以可以做番以前榮川o既水準.........平民化價錢, 酒店級水準. 我地book o左8:00, 遲o左少少. 去到門口已經覺得好嘈好嘈. 企係門口冇人理我地,我地自己行入去話佢地知,我地book o左8:00, 佢地都傻下傻下, 冇帶我地去坐. 講o左兩次至識帶位.(不過之後係入面o既招呼都幾好o既. 個經理都有行埋o黎同我地傾計,講榮川o既歷史)人頭湧湧, 嘈吵聲原來o黎自一張大枱, 望真d, 有tvb 高層何禮全, (藍色裇衫打領o太),梅小慧, 白韻琴, 仲有佢男朋友及其他人士.好~ 印象麻麻都要叫o野食. 睇下餐牌先.睇落唔算貴. 刺身壽司就貴d.(注意刺身壽司: 係段件計, 上面係每件刺身價錢, 下面係每件壽司價錢) 我地叫o左 海藻沙律, 鵝肝大根, 螢光魷魚仔,雞骨腸,雞軟骨,魚湯豆腐野菜,日式海鮮雜炊.雞翼.鯛薄

Restaurant Manager同我地講，佢地係以前四季栄川的原有班底....但睇埋MENU....ASAHI = $9杯鯛薄切 = $38!!!! (一定要食!! )牛肉烏冬= $32碗燒馬刀貝(聖子) = $40隻 (超鮮甜 =)A5和牛鐵板燒 = $280 .....MENU 只用A4紙印刷，但item 算多，鐵板燒、天婦羅、SUSHI、串燒、烏冬.....似乎樣樣都有D....仲好好味呀..... 睇相la =)