榮哥煮場 (已結業)

旺角周圍都吾少食店，今晚行過山東街被哩間「榮哥煮場」吸引住，門前電視介紹住榮哥多年在廚藝界的得獎，一定要試試他的出品😘😘抵食兩人套餐＄268便有一個煲仔＋小菜一款，送白飯兩碗，前菜一碟，是日甜品兩位👍煲仔主菜：藥膳黃酒雞煲湯底採用當歸、紅棗等多種滋補藥材煮成，藥膳味濃郁，而且雞件嫩滑入味，超正👍小菜：柚子蝦球蝦球大大隻，爽口彈牙，炸得外層香脆，配上柚子蜜，好清新😘前菜：涼拌木耳木耳分量十足，爽身脆口，酸酸甜甜，一流的開胃菜👍煤炭飯我哋將兩碗白飯轉咗特色煤炭飯，外型十足煤炭，好奇試吓，原來由黑米，黑糯米，提子乾，紅米，糙米，墨魚汁，碳粉製作而成，食落煙煙韌韌，營養豐富又健康👍👍是日甜品：楊枝甘露椰奶香，濃郁芒果味，酸甜柚子，唔太甜，好好味😋

夏天唔可以食雞煲？你就錯啦，可以食小小地嘅雞煲㗎嘛😸之前睇中咗呢間餐廳嘅小小雞煲，亦有我至愛嘅藥黃酒雞，所以入到去坐低咗之後，就諗都唔使諗就叫咗一個😁佢本身係配兩碗白飯，呢個係一個二人套餐，但係因為我唔太識白飯，所以就轉咗做一碗米線，大家share，咁就唔怕驚食唔晒啦，因為呢個二人套餐仲包咗一款小菜，前菜小食，同埋甜品，咁小菜我哋就叫咗一個巴東牛肉，首先嚟到嘅就係個前菜小食，係一個酸醋雲耳，好開胃，份量都啱啱好，然後就嚟咗個雞煲仔， 店員幫我哋着咗火爐之後滾起就食得☺️雞肉非常非常非常之嫩口，又Juice，又夠味道，湯底非常非常非常之足夠藥膳味😲真係唔好睇小佢，係真係超級超級超級好味，尤其是啲雞肉，好林身，唔會鞋口，亦都唔會乾爭爭，真係好滑捋捋👍👍👍👍👍👍真係不得不俾五粒星，強烈建議大家嚟到呢度一定要食佢哋嘅雞煲，我哋每一嚿雞，甚至連個湯底都清晒咁滯😁巴東牛肉味道好濃郁，牛肉亦都好軟林林，不過呢個小菜配白飯就仲好，仲開胃，至於甜品就係楊枝甘露，超級好味整體成個二人餐又抵又好食，真係不得不讚👍👍👍👍本身真係冇期望過食物味道係咁好味，因為見到舖頭細細，又唔係話太特別，但係入嚟食過之後真係要推

今天下午來到旺角針灸，完畢之後，便在附近找地方吃晚飯，路過這裏便入來一試。二人套餐特價$268，可以選擇四款煲類，其中一款及另外可以選擇一款小菜，包前菜一碟、白飯兩碗，是日甜品兩位。前菜：木耳，帶點微酸，作為前菜非常合適。藥膳黃酒雞，藥材味道香濃，沒有苦澀味， 雞湯濃度頗高帶點鹹，如果用來佐飯，非常合適。巴東牛肉，椰香味道十足，牛肉份量超乎預期，又是另一佐飯的好伴侶。甜品是楊枝甘露，內裏有西米、柚子肉，味道不會太甜，芒果味道十足。

榮哥煮場旺角山東街55號地舖旺角食中業架地方唔多, 在山東街架平實中菜餐廳, 晚市個二人套餐只需$2683選1煲再加一個小炒, 有成二十幾款小炒可以揀。前菜雲耳,有個秘製豉油因為同女朋友, 佢好貪靚想滋補, 濃湯花膠雞煲可以飲口湯口服一下COLLAGEN,.等佢皮膚靚D。花膠比好多件呀, 個雞湯夠鹹香, 雞肉唔會煮太耐肉質過老, 仍是嫩嫩的。湯可以撈落飯度做成湯飯好好食呀, 因為個湯夠濃有白飯平均下。飲完呢個花膠雞煲, 希望女朋友可以買少D SKIN CARE同做少D FACIAL 幫手慳慳錢。食返d菜金銀蒜蒸勝瓜，夏天食瓜有益仲有甜品送，楊枝甘露樽仔奶茶$102人無飯家庭, 出街食到呢個中式2人餐, 抵又高水準。多謝榮哥咁好手勢, 價錢又合理,我地會多D來幫襯架。

今日同朋友去開旺角行街見行到好攰就搵間餐廳食晚餐最後揀咗呢間中菜館呢度有個＄268二人套餐，有可以四選一個煲+1個小菜仲配前菜同埋兩碗飯添，非常抵食！呢度啲侍應話原本配嘅兩碗飯如果唔想要可以一位加12元轉一碗米線，淮山面，烏冬，煤炭飯都得，或者兩個飯都唔要，可以免費轉一碗淮山面，烏冬，煤炭飯都得都可以，而且落單個時時話少飯都OK嫁，非常之彈性。招牌酸菜魚煲呢度啲酸菜魚煲酸甜味適中，而且有好多魚片食落非常嫩滑，魚味濃郁連d湯都非常之好飲。薑蔥霸王雞雞肉嫩滑多汁一啲都唔似出邊食個d咁鞋口，配埋面頭有啲薑蔥絲，同啲醬汁口感豐富食到停唔到口。甜品今次嘅甜品竟然係楊枝甘露入邊仲有啲一粒粒嘅爆珠，配埋楊枝甘露食口感豐富直頭媲美出邊甜品店出品。呢間餐廳嘅性價比非常之高抵食之餘而且分量充足，下次可以帶埋屋企人再嚟食。

落雨天 人在旺角 見到榮哥煮場濃湯花膠雞煲好吸引 落雨就係好想食熱野暖暖身鋪內唔算好大 望一望餐牌 同好多人一樣 我地都係叫左二人套餐前菜木耳一大碟 帶有蒜蓉味及醋味 木耳質地爽口花膠雞煲先講講佢係有個爐仔熱住既 雞煲帶奶白色 花膠唔算大片 不過件數夠多 雞件好滑 唔係鞋的 仲有木耳 每啖都好補身白飯我就冇要 要左淮山麵 麵質柔軟 比較幼加入雞煲湯 美味 麵掛湯 而且唔會飽飽濟濟甜酸藍莓蝦球主要係因為OpenRice多人食而且當時好多台都有叫 所以我地都試試 蝦件數目超過10隻 而且都唔算細 入口咬落酸酸甜甜 藍莓味唔算重 至於蝦呢 佢比我想像中大隻 仲保持到爽口 10分好送飯套餐仲包甜品每人一碗楊枝甘露 其實都算幾有誠意 內裏有柚子西米爆珠等等 味道都係正常好食的最後仲叫咗支奶茶試一試 攞走飲

今晚約左朋友在旺角casual dinner。我地點左二人晚餐，包一份前菜、一款煲類小菜同另一款即叫即制嘅小菜，另外跟兩碗白飯同埋兩碗楊枝甘露。📌前菜胡麻醬四季豆四季豆冰凍爽脆，淋上胡麻醬好開胃。煲類小菜有四款可以揀：招牌酸菜魚/藥繕黃酒雞煲/花膠雞煲/胡椒豬肚雞煲。中意食辣嘅我地就揀左酸菜魚😊 魚嘅份量好多，而且塊塊都好厚身又無骨。配料亦都好豐富，有菇、雲耳、芽菜、酸菜等。再加上有明火一路熱住個煲，食到最後都飲到熱辣辣嘅酸辣味濃湯，送飯一流！📌薑蔥霸王雞目測應該有大半隻雞，雞肉肉質非常嫩滑，加上大量蔥絲同薑絲帶出雞嘅鮮味，再淋上鮮美豉油汁，非常惹味。📌楊枝甘露限定兼限量甜品：楊枝甘露入口透心涼，芒果味香甜，仲有西米露同芒果爆珠！抵讚嘅係連隻碗都係凍嘅，爽呀！

呢間餐廳我都已經bookmark左一段時間，終於都去食到，好多人都推薦二人餐，因為非常抵食，包括是日小菜、一個煲類、一款小菜連白飯，仲送埋個甜品。二人套餐 $268套餐A1️⃣ 招牌酸菜魚煲🐟好快就黎上到枱，份量都唔少，除左有魚片，仲有萵筍、木耳、酸菜同菇類，湯底只係帶少少微辣，味道偏酸，非常之惹味，飲完一啖又一啖，魚片完全無骨，都幾鮮甜嫩滑。2️⃣ 麻醬豆角四季豆應該之前灼過，先拎去雪凍，所以特別爽脆，加埋啲麻醬， 十分開胃🤤3️⃣ 胡椒雙肚胡椒味好濃，非常足料，雙肚其實係豬肚同魚肚，豬肚清洗得好乾淨，完全冇蘇味，魚肚好淋滑，吸哂胡椒湯嘅精華，仲有好多菇類同木耳，非常滿足😋4️⃣ 楊枝甘露食完啲餸其實已經好飽，但係都唔可以錯過個糖水，除咗有楊枝甘露嘅一般果肉之外，估唔到會有小驚喜，入面仲加左爆珠，令到口感更加豐富👍🏻👍🏻

兩個人去到旺角食晚餐，經過這裡看到不錯就入左去。見有有二人套餐（$268），就想也不想點左一份。不過，沒留意到，原來可以加$12，轉米線/淮山面/烏冬/煤炭飯或是細食既可以唔要兩個飯而免費轉一份。但見飯已送上了就沒轉了。最後，選了 濃湯花膠雞跟薑蔥灼墨魚。首先，送上來的是餐配的一份前菜，雲耳微微酸&爽口，不錯👍🏻正主：湯底飲落香甜，花膠跟雞肉的量有不多，花膠不是煮到淋哂果種，反而還是爽口，挺喜歡這種，而雞肉嫩滑，正😄墨魚方面，灼得岩岩好，簡單薑蔥醬油配，已經好好味😋最後，還有甜品送，楊枝甘露冰涼之餘配埋入埋各樣既配料，好味=）

二人套餐$268，好似幾抵食，即係叫黎試下頭盆- 麻醬豆角原來豆角都可以咁樣凍食，咬落好脆好味~套餐A- 招牌酸菜魚煲魚質嫩滑又唔多骨，仲好彈牙~魚湯味道鮮甜, 食得好開胃！酸菜及配菜浸曬魚湯既味!辣度剛剛好，唔會蓋過魚味小菜: 酸甜藍莓蝦球十分驚喜的一道菜，平時酸甜既菜式都係菠蘿啊咕嚕肉之類，今次係藍莓，酸甜度合宜，好岩送飯~炭飯炭飯好有驚喜，入口有少少甘甜，好熱上碟，入面仲有少少提子乾~飲品意米水及檸茶，自家製果然用料特別好，飲完勁舒服甜品- 楊枝甘露消暑甜品一流!西米露煮得剛好，好有咬好，芒果味超香~

夜晚同男朋友黎左呢到食左個幾抵食既2人餐。$268包左一個煲、一款小菜、前菜、白飯同糖水！煲類有4款揀，係酸菜魚同濃湯花膠雞之間周旋左好耐😂，最後揀左有手指公推介既花膠雞。勁快就上菜！涼拌木耳幾開胃。花膠雞會有個爐熱住。首先飲個湯，都算濃，重點係食完無頸渴🫣。過左陣店員會行埋黎熄左個火，怕D雞肉會變老，幾細心。花膠口感爽口彈牙，雞肉點住辣椒豉油食又幾唔錯！柚子蝦球好香口，雖然唔係好大粒，但係有好多粒，柚子汁同蝦係分開，如果撈埋上碟應該更正！甜品係楊枝甘露，奶味重，芒果爆爆珠幾正。小店，店員既服務態度唔錯！都OK抵食！

有個朋友準備結婚，陪佢一齊去旺角試婚紗同掛，未夠鐘我哋就食埋晚餐先一齊上去，近近地我哋喺附近搵咗間餐廳，見到有個二人餐都幾抵食，我哋叫咗個巴東牛肉+藥膳黃酒雞，仲有個前菜，個牛肉超林同埋好入味，仲勁有牛味，藥膳黃酒雞都非常出色，鍾意飲藥材湯嘅朋友千祈唔好錯過🤣個雞又唔會太老👍🏻👍🏻仲配2個飯如果唔想要可以一位加12元轉一碗〈米線，淮山面，烏冬），如果出去旺角搵嘢食都係一個唔錯嘅餐廳，因為個地點真係好方便🥳🥳

個名都幾特別，煮塲主塲。二人套餐$268 ，有一個煲仔，一個小菜加白飯及甜品。藥膳黃酒雞煲，重藥材當歸黨參味道，落重本的黃雞，雞肉亦都10分爽滑，完全沒有柴的感覺，值得一讚。根據夥計透露少少，湯底是用老雞及藥材熬成，然後再上煲先至放落雞肉，所以煮雞嘅時間啱啱好，令至雞肉很滑很滑。小菜，柚子蝦球，蝦球夠份量，蝦肉亦有彈性，配上柚子醬，另有一番風味。楊枝甘露，味道及用料，都有水準。前菜木耳，爽，但有少少酸。食埋兩碗白飯啱啱好。

Mongkok is always a hassle but I give a thumbs up to this one. Food is amazing. Price is reasonably cheap. Nice and quiet environment. Excellent service 😀

響旺角行完街想簡單啲食吓小菜，嚟榮哥煮場就啱曬😌呢度有個$268二人套餐，自選一個煲+一個小菜，配一個前菜、兩碗白飯同兩客甜品，非常抵食🫶🏻店員話加$12可以將一碗白飯轉米線、淮山面、烏冬或是煤炭飯；如果兩個白飯都唔要亦可以將兩碗白飯免費轉米線、淮山面、烏冬或是煤炭飯一碗。首先上檯嘅前菜係麻香四季豆，麻醬真係百搭嘅醬汁，加乜嘢我都覺得好好味🤣招牌酸菜魚煲呢煲酸菜魚係用生魚做，魚肉嫩滑，味道唔錯😋上檯仲有個爐仔一路熱住個煲，食食下侍應姐姐細心地過嚟熄咗個爐仔，話再煮落去魚肉會老👍🏻 細心抵讚。自選煲另外仲有藥膳黃酒雞煲、濃湯花膠雞煲同埋胡椒豬肚雞煲可供選擇。柚子蝦球呢個蝦球真心推介，炸咗嘅蝦球彈牙爽口，柚子汁酸甜開胃😋 個配搭好match～ 好好味😋椒鹽粟米另外叫咗呢個小食，$38無諗過份量咁多，甜粟米配搭惹味嘅椒鹽，又係另一個必食推薦！食到停唔倒口😋是日甜品：楊枝甘露香港地道甜品👍🏻清甜爽滑。樽仔奶茶、檸茶叫套餐+$10可以配樽仔飲品，用樽仔飲港式茶餐廳飲品另有一番風味。埋單3百令蚊，抵食