榮哥煮場 (已結業)

旺角咁多野食有時真係唔知食咩好好睇朋友介紹左間經濟實惠又好味既餐廳呢個二人餐（$268）真係幾抵食，包兩個菜、一款前菜、兩碗飯不特止，仲送埋甜品😍😍前菜係陳醋雲耳，好開胃藥膳黃酒雞煲會連埋gas爐上，保持雞煲既溫度，另外湯底落足料，好多雲耳、紅棗、西芹等配料，配埋黃酒，湯底超惹味！飲左幾啖湯底，鮮甜無味精，真心唔錯！雞肉既部位都算多肉，口感鮮嫩😋😋小菜簡左酸菜煮豬頸肉呢個酸菜湯底真係好好味，酸菜好多，夠香惹味，加埋爽口彈牙嘅豬頸肉，勁岩送飯加$10有凍豆漿最後仲有楊枝甘露，唔會太甜，仲食到果肉

上次有朋友介紹食蟲草雞湯米線（冇乜時間煲湯嘅好選擇😂）我哋兩個見完客就拍拖食個早飯❤️見到原來星期一至四下午二人餐有八折😂 (慳妹mode)出動天氣好熱 不過餐廳冷氣都夠 所以食呢個抵嘅 （加上我自己真係唔識買花膠同埋半隻雞煲湯🍲）二人套餐可以自選煲一款加小菜一款仲有白飯兩碗(可以要烏冬，米線，淮山麵，或者加錢轉炭飯）見到炭飯咁得意，問咗侍應姐姐即係乜嘢飯原來係有糙米、黑糯米，提子乾等等嘅健康米撈埋一齊煮😍呢碗飯啱晒我口味前菜係酸醋木耳，酸酸地幫你開胃先🤤濃湯花膠雞煲仲好細心會俾個火爐煮❤️啱晒我呢啲飲湯要好熱嘅人坦白講呢個價錢其實呢個質素都算係非常有誠意花膠雞湯鮮甜而且唔覺得油膩同埋我哋隱約數過😂😂😂呢度都應該有半隻雞XD 而且雞件係新鮮雞，煮完唔（鞋口）係好值得一讚酸甜藍莓骨平時咕嚕肉食得多 末試過藍莓骨我哋覺得好食過，而且唔會係食到一口都係炸醬粉，佢炸醬算薄而且好香脆食得出係即叫即整，而且醬汁係充滿藍莓嘅味道，又出奇地夾喎其實好鍾意去貼地嘅食店，價錢合理，性價比高，而且大膽食大聲笑都唔會覺得尷尬❤️下次再嚟飲湯🍲

二人套餐 😋一前菜，一小菜，一主食，一甜品📍 胡椒豬肚雞煲📍豬肚、雞肉份量足料，雞肉肉質鮮滑、多肉而且不肥膩，配上胡椒味剛好不哽喉。📍涼拌雲耳📍涼涼地、微酸開胃，係幾岩胃口嘅前菜😋📍酸甜藍莓骨📍藍莓骨聽落好特別，食落口酸酸甜甜，排骨粉厚炸得香脆，骨肉分離，好啱配飯。📍楊枝甘露📍好香芒果同奶味，粒粒爆珠，份料足料呢度嘅員工好有禮貌，言談之間互動好好，互相開玩笑。最怕去到啲餐廳，員工態度差又急促，但呢度員工氣氛幾好。🔹🔹🔹🔹🔹🔹🔹🔹🔹🔹榮哥煮場 (旺角)旺角山東街55號地舖🔸🔸🔸🔸🔸🔸🔸🔸🔸🔸#旺角好食 #旺角食好西

晚餐時段想打邊爐但又唔想太飽路過榮哥主場位於旺角地鐵站附近見到$268 2人套餐幾抵就去入去試吓啦我哋嗌咗藥膳黃酒雞煲雞肉好嫩滑黃酒雞湯好好飲雖然天氣好熱 但餐廳嘅冷氣都足夠所以呢個天氣食黃酒雞湯都OK食完真係覺得好補身酸甜藍莓骨平時酸甜嘅菜式 可能係咕嚕肉 士多啤梨骨但未試過藍莓骨呢個藍莓骨好好味 少少酸多多甜 藍莓骨外脆內嫩 一口就咬到肉骨分離晚餐再加兩個白飯其實兩個人係食唔晒嘅家常小菜木耳 少少辣酸酸地都幾開胃食完仲有楊枝甘露做飯後甜品 其實份量已經好足夠但如果比較大食嘅話可以加埋小食我哋另外仲嗌咗兩杯嘢飲樽仔奶茶筒樽仔薏米水奶茶都幾滑

放工約埋阿仔去旺角開餐，阿仔介紹去榮哥煮場食二人套餐$268，4款煲仔任選一款（招牌酸菜魚、藥膳黃酒雞煲、濃湯花膠雞煲、胡椒豬肚雞煲）；仲有24款小菜都係任選一款，如果唔要白飯，可以每位以$12換（湯米線/烏冬/淮山麵/煤炭飯）或者用兩個白飯換任何一款。如果細食嘅可以預先order少飯又得。🥢店員先來送上一碟前菜，麻醬四季豆，酸酸地幾開胃。🥢咁熱天時緊係要食酸野醒一醒胃啦，今晚選左招牌酸菜魚煲，雖然二人份量但係都幾大煲，魚嘅份量好多，啖啖肉，肉質好滑，但偶然會有些小碎骨，食果陣☝🏼要小心啲，酸菜湯嘅咸酸味調得唔錯，湯入邊仲有好多酸菜、芽菜、什菌、炸蒜同雲耳，最靈魂係啖湯，酸酸味味好醒胃。🥢薑蔥霸王雞，嘩，套餐黎講份量有半隻，有驚喜，雞肉質好嫩滑，最正係啲雞皮，咬兩咬係口腔滑左落喉嚨，好正👍🏻。最後仲有糖水😃，楊支甘露，好香芒果同奶味，食完飯飲埋個冰凍糖水確係一流😃👍🏻。

今日去旺角行到餓搵食，搵到間有小菜又有酸菜魚，小菜有好多款選擇，又可以叫2人餐，咁就可以又有小菜又食到酸菜魚❣️酸甜藍莓蝦球好特別既一個小菜，平時多數都係芒果或士多啤梨醬，呢度有藍莓醬，用黎點沙律菜都幾夾，蝦球都炸得好好，炸皮又薄又脆，而D 蝦肉都非常彈牙❣️招牌酸菜魚煲一黎到就聞到好香，有一片片大塊又厚肉又無骨嘅魚片，夾埋D 酸菜食個味道啱啱好，有個爐熱住個煲，一路滾住D 湯，飲下飲下就無曬❣️特色煤炭飯呢個飯真係推介，糯米飯既質感，入面仲有提子乾，甜甜地，而且賣相一流，做到成舊灰咁，好有心思❣️椒鹽茄子加$38 要左個茄子，份量都幾多，熱辣辣又香口好好食，個炸粉好薄，茄子仲好juicy唔會乾真真❣️楊枝甘露食完有糖水，好滿足，好似有種清熱感咁透心涼呀

今晚，約咗朋友去榮哥煮場開餐。揀咗二人套餐$268，免加一。自選一個煲+一款小菜，配一個前菜、兩碗白飯同兩客甜品，非常抵食。前菜小食，酸醋雲耳，雲耳夠爽脆，酸酸地，好開胃。胡椒豬肚雞煲，湯底胡椒味勁濃，鮮甜不油膩，飲咗兩碗，好惹味。雞肉嫩滑，豬肚洗得乾淨，無異味，夠咬口，最中意配有辣椒豉油，點雞肉豬肚食，辣辣地又滿滿胡椒味，好正。白灼牛肩胛，灼到啱啱好，重牛味，最特別底部配有怡保芽菜，又脆又甜口，一下子掃清曬。是日甜品，楊枝甘露，甜度適中，好好食，有爆珠，幾特別，絕對有水準。

放工去旺角買完嘢經過呢間餐廳，見到有好扺食既二人套餐，２百幾蚊就有酸菜魚/藥膳黃酒雞煲/濃湯花膠雞煲/胡椒豬肚雞煲 四款選一款。今次揀左濃湯花膠雞煲，雞湯味道濃郁，雞件肉嫩幼滑，仲有好多件花膠，仲部都大大件，貨真價實！下次一定要再去食埋其他款式！除左魚或雞煲，套餐仲包一款小菜，２碗白飯同糖水，可以加12元轉將白飯轉一碗米線、淮山面、烏冬或煤炭飯。小菜有廿多款選擇，揀左秘制咖啡排骨，酥脆排骨加上好特別既咖啡醬汁，味道好夾，好特別！楊枝甘露，除左杧果肉仲加左爆爆珍珠，又唔會太甜，連糖水都做得出色！

比起上高級餐館，有時候我更喜歡跟朋友相約平民貼地的餐廳大啖美食，因為這類餐廳總會有意想不到的驚喜。榮哥煮場頗適合跟親友聚餐，268元二人套餐菜色選擇多，搭配廚師的巧思，讓食客大飽口福。268元二人套餐煲類一款，小菜一款，前菜一碟，白飯兩碗及是日甜品。在上菜前先品嚐前菜，是晚前菜為陳醋雲耳，陳醋雲耳非常符合我的個人喜好，陳醋味道酸得開胃，雲耳有夠爽脆，絕對是道令人胃口大開的前菜，很容易打開話匣子呢。煲類我們選擇濃湯花膠雞煲，濃湯花膠雞煲真的厲害，端上桌時就覺得誠意滿滿，濃湯本身以實在的花膠，鮮雞熬煮，再加入木耳，食材味道完全相融，濃湯嚐起來鮮甜不油膩，溫補清爽，每一碗濃湯都是彌足珍貴。雞塊一咬輕易骨肉分離，皮滑肉嫩，即使牙齒不好的老人家亦能輕鬆享用，花膠充滿膠質，口感滑彈，好不滋養，也顯現出榮哥煮場的煲湯功夫。肉餅可謂我們最愛吃的經典家常菜之一，黑松露煎肉餅外層煎得香酥，肉質卻非常彈牙，吃到豬肉的鮮味之餘，還品味到黑松露的清香。黑松露香氣使煎肉餅層次感更為明顯，而且黑松露不會過於搶戲，煎肉餅相當棒。本身二人套餐包含兩碗白飯，若不吃兩碗白飯，可免費轉一碗淮山麵，米線，烏冬或炭飯，我們就轉了

收工就出旺角行吓，行緊去潮流特區之前肚餓，都要醫肚㗎！經過「榮哥煮場」就決定入嚟試吓。坐低見到餐廳做緊＄268二人套餐，配2個飯如果唔想要可以一位加12元轉一碗〈米線，淮山面，烏冬）或是煤炭飯或是兩個飯唔要免費轉一碗〈米線，淮山面，烏冬，炭飯〉我地最後叫咗個招牌酸菜魚，再加一個菜「薑蔥霸王雞」。最後仲叫咗個甜品「楊枝甘露」，完美的一餐。招牌酸菜魚食材（生魚）好新鮮，切得比較厚身肉，少骨，足料喎。啲酸菜不太酸，而個湯就好好飲，感覺係小味精，因為唔頸渴。啲菇都好新鮮。餐廳用歌爐興住，好似食火鍋。整體來講好正！薑蔥霸王雞食材（切雞）都係好新鮮，上面鋪啲薑蔥絲，用新鮮豉油浸住，啲雞咬落啖啖肉，亦都好入味。楊枝甘露食完辣嘢同熱嘢，整返碗楊枝甘露真係超爽。真實！碗嘢唔係太甜，真係好爽！

落大雨要去旺角拎嘢，驚四圍難揾位於是一早上openrice睇定，我地鎖定想食中菜！喺山東街嘅” 榮哥煮場”就啱哂我地！餐牌主打”榮哥”嘅招牌無味精小炒，晚市二人套餐$268，可自選一個煲、一個小菜、一個前菜、兩碗白飯同兩客甜品，非常之性價比高！店員話加$12仲可將一碗白飯轉米線、淮山面、烏冬或者煤炭飯添！二人套餐$268🍲濃湯花膠雞煲🐓：上枱煲住嘅濃湯花膠雞煲，當然要先飲一口濃湯，湯頭鮮甜無比！勁多花膠加上份量好足嘅雞，花膠肉厚身爽口彈牙，雞肉軟嫩，連雞胸都出奇地滑，配料仲有雲耳同西芹等。食完成個湯都唔會令人覺得口渴，果然係無味精！🥩黑松露煎肉餅：煎至外皮脆脆地嘅黑松露煎肉餅，肉味香濃仲保留左肉汁，黑松露味唔會搶哂D肉味！推介！🥗前菜：雲耳：爽口清脆嘅雲耳，配埋秘製嘅醬油，輕微辣十分惹味！🍮甜品：冰凍嘅楊枝甘露，粒粒西米仲有芒果爆珠🥭真材實料好味道！榮哥煮場地址📍 ：旺角山東街55號地舖

同朋友去旺角行下，正當想搵地方食晚飯，喺山東街見到有間榮哥煮場。門口餐牌二人餐好吸引，有濃湯花膠雞煲，藥膳黃酒雞，胡椒豬肚雞煲，招牌酸菜魚煲，再選一個小菜，一個前菜，兩碗白飯和兩碗糖水都係二百多元，十分超值，最重要係啱我哋口味，二話不說，我們便入座去了！招牌酸菜魚煲，酸菜魚喺用爐熱住食,酸菜魚湯味道濃厚，魚味香濃，魚嘅份量都好多，肉質嫩滑，仲有好多其他配料，有酸菜，香菇，芽菜，木耳等，味道超正！如果兩個飯唔要，可以免費轉一碗〈米線/淮山面/烏冬/炭飯〉，我哋選了米線，米線入口較為滑爽。薑蔥霸王雞，雞有半隻，雞皮爽脆，雞肉嫩滑，配上羗絲蔥絲和雞汁，超美味！麻香四季豆，豆角非常爽脆，配上麻醬汁，是開胃嘅前菜。楊枝甘露，有芒果肉，西米，柚子肉，十分香甜！

🌸旺角美食🌸榮哥煮場‍🍳👨‍🍳想吃港式滋味小菜？今天我便相約好友到了旺角的一間由前高級酒樓主管開設的港式餐廳-「 榮哥煮場」品嚐是日晚餐❗餐廳鋪面寬敞，裝修簡約，座位舒適❗店員十分親切殷勤有禮，店員細心為客人下單及不時收拾碗碟。我們一行2人點了以下2人餐：1️⃣🌟招牌酸菜魚酸菜魚煲以附有火爐的砂煲上菜，以保持酸菜魚的溫熱度，而湯底經長時間烹調而成，味道酸酸辣辣，非常開胃，而魚肉的肉質鮮嫩香滑，而且非常入味，配搭豐盛，非常惹味❗2️⃣🌟川味口水雞口水雞為半隻雞份量，雞肉肉質香嫩幼滑，雞肉能充份吸收秘製麻辣醬汁，味道完美結合香、麻、辣等傳統川式滋味，辣而不燥，非常醒胃滋味❗3️⃣🌟四季豆四季豆味味道清新爽口，附有清新芝麻醬。4️⃣🌟淮生麵淮生麵以淮山磨粉做麵，口感爽滑彈牙，上湯清甜，味道清新怡人❗️5️⃣🌟楊枝甘露楊枝甘露含有豐富芒果、西米露及西柚肉等作為材料，口感清新，甜而不漏。🌟為是次餐廳用膳的推薦菜色❗🔖整體評分美味指數：⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕️⭕️5⭕️為滿分總括而言，此餐廳的食物質素高，菜式即叫即製，價錢親民，餐廳地點鄰近旺角站，絕對是旺角一帶滋味小菜之選❗ 📍榮哥煮場 (旺角)：旺角

想食曬全世界好食既酸菜魚！🐟唔知係咪我近年留意多左酸菜魚定香港真係開多左酸菜魚店呢？近幾篇食評都係酸菜魚！🤣今日去到旺角呢間榮哥煮場☺️呢到食既酸菜魚唔係食過最好食但如果講性價比呢間數一數二！😆佢既裝修都幾光猛乾淨😙坐得幾舒服😌佢晚市都有2人套餐！而且餐牌都有好多選擇！：）酸菜魚用砂煲上 份量對於2個人黎講岩岩好😆味道都幾惹味 好香 我同朋友都食唔停！🫶🏻2人套餐有送前菜 有得揀多樣小菜😍我地揀左薑蔥霸王雞！都幾大隻！😃雖然係冰鮮雞 但食落都約香有雞味！😍加分位係仲送左甜品😘係楊枝甘露 有真材實料芒果肉！食飽飯有甜品真係好開心🥳

📍 榮哥煮場 Wing Gor Chef🌍 旺角山東街55號地舖G/F, 55 Shantung Street, Mong Kok📝 整體評分：8／10二人套餐 $268，包一款煲類、一款小菜、兩碗白飯、一碟前菜、甜品。🥢濃湯花膠雞煲🥢個湯好濃郁好重雞味，不過就雞油比較多，雞件比肶位，啖啖肉又嫩滑花膠就好爽口。🥢秘製咖啡排骨🥢好特別既感覺，少食多滋味，咖啡味重既，甘甘澀澀，。🥢炭飯🥢轉左炭飯係無錯，紫米製成，顏色同外形都成粒炭咁，加左葡萄乾同果仁，甜甜地無餸配都好食。🥢涼拌黑木耳🥢醋味重，酸酸味味好開胃。🥢芒果西米🥢超正，比糖水舖仲好食，重芒果奶香，甜度剛好!!!!