極尚大瀛喜日本料理 (已結業)

6位準時入座，2小時準時交枱，1.5小時截單，無問題，因為Order完全無漏👍👍，密密叫，密密吃，仲要食物好快送到，慢慢吃個飽呀。最估你唔到，竟然有酸菜魚食！真係冇諗到日本餐廳任食放題都可以有得嗌，仲要係好好食！醉鮑魚甜甜地有驚喜！仲有扇貝，壽喜燒牛肉鍋，都好正！仲有最愛嘅燒鰻魚同雞翼，日本魚生新鮮，砌得靚靚地打卡，海膽手捲，實在太好選擇，不停Encore，吃埋雪糕作結，仍回味中，好想再去幫襯呀！

刺身有些品質麻麻，太腥了。烤菠蘿最好味，叫了好幾次。總的來說，性價比OK，但是品質無想像中咁好。加之我自己吃滯左，所以今次感覺麻麻哋。沒有網上讚得咁好，應該成年都無想再食日本料理了。

香港嘅疫情已經冇咁嚴峻，即刻約朋友出嚟食放題刷餐勁。今次去到銅鑼灣極尚大灣喜，未有疫情之前都食過幾次架喇。餐廳地點好就腳，出咗MTR行幾步路就會見到佢招牌，位處銅鑼灣廣場11樓，相當方便易搵。第一Round當然係喪叫刺身，三文魚、吞拿魚、甜蝦、赤蝦、北寄貝、帶子、榮螺，每款都叫幾件。刺身保持到放題店一貫水準，夠新鮮。特別一提三文魚，好有質素，每一件都切得好肥美，食落口好有滿足感🤩蝦多士、櫻花蝦伴龍蝦沙律多士，好有特色，以前食放題冇乜點見過🤫每次食放題都幾乎必點嘅燒羊架，冇乜羶味，好有肉味👋串燒類最愛燒牛舌，燒得好香口，仲有啲肉汁，唔會太乾身👍炸物類我就食咗好香口嘅芝麻雞翼，朋友食咗芝士年糕，佢話好煙韌😬飲品選擇好豐富，茶類、汽水類、酒精類都囊括到✌️比較驚喜係有Asahi同埋Somesbry Apple Cider🤪外面仲有清酒、梅酒可以斟，不過今次食得太飽冇試到😂椰青水、蘋果汁、橙汁😃雪糕＋甜品幾多元化，最後雖然好飽都忍唔到口食咗枝雪條

今日最開心嘅事，約朋友食放題☺️☺️諗住12點先開，唔急啦，點知去到已經排緊隊入去，大家咁準時嘅🤣排到我哋入去嗰陣其實都未到12點，點知已經好多人食緊出面啲前菜同小食啦🤣其實lunch有三個鐘時間食，可以慢慢食。第一輪一定係食刺身先啦，我哋每樣都叫咗少少試吓先，唯獨係蝦，叫嘅份量比較多，結果發現蝦多啲擺盤會靚啲㗎，好開心🥳赤蝦大大隻，而且比甜蝦更甜，推介一定要食呀。油甘魚加埋塊紫蘇葉，勁香口。帶子夠鮮甜，希靈魚都好甜，都有encore 。另外花海蜇有驚喜，好彈牙。刺身質素都比想像中高，甚至比某些壽司店更好，可能消耗得快，反而更新鮮。之後第二輪嘅刺身質素都冇下降，可以放心食🤣之後叫咗啲熱食，發現大部分都幾好味，可以媲美出面啲單點嘅餐廳，例如鰻魚、吉列蠔、清酒煮蜆、扇貝。。。全部都幾好味，當然仲有大家都會點嘅大大塊花膠，不過食完會飽飽地🤣因為唔想食飯，所以冇點到壽司，不過我見人哋點咗好多，望落去都幾唔錯。以$218咁嘅價錢，可以食3個鐘，仲有咁嘅質素，真係抵到爛，唔怪之得長期都咁旺啦，係我食過嘅放題餐廳入面算數一數二，下次一定會再去。

自從疫情限聚令之後，都好耐冇約朋友出街食飯，今日揀咗銅鑼灣極上大瀛喜食放題🍣，真係好開心🥳食放題嘅好處，就係想食乜就叫乜，又唔使就住就住，我今日叫咗好多刺身同壽司，仲有天婦羅🍤，趁啲嘢食未到我走咗出去攞啲前菜，中華沙律同八爪魚係我嘅至愛😍唔知係咪太耐冇食，真係好美味，食完之後仲出去攞咗啲甜品，我鍾意佢嘅甜品🍮款款都細細件🧁，可以俾我食多幾款，食到飽飽咁，埋單連加一都係三百幾蚊@位，超值👍🏻

終於可以開業啦🎉雖然怕停工咁耐唔適應返工😅但好興奮可以見返一班好同事🥰加上可以四人一枱，立刻要去食餐好嘅慶祝吓啦🤩帶咗佢哋去前排食過嘅極尚大瀛喜，放題嘅好處就係鍾意食乜就叫乜，唔夠食再order都得，唔使就住就住隨便食😂仲有酒精飲品可以一齊飲番杯🍶🍺同事大讚刺身好新鮮，燒物、天婦羅、鍋物都勁正💯愛食甜品的同事見到甜品櫃同雪糕櫃直接瘋狂地食🤣QR code落單超方便👍🏻一班同事可以坐住喺度傾偈等食，上菜速度超快又冇漏單，員工服務態度又好😊最緊要價錢優惠，本身都唔使$200，兩點後入座仲有88折✨已經約緊下次幾時再encore😋

停業咗咁耐，明天開始要努力工作，唔係好慣😝，比個借口自己食個放題，放鬆心情迎接挑戰😎，今日特別揀極尚大瀛喜係因為一個字💁🏻‍♀️抵，Lunch 都係$198，想再平D可2:00入座88折😁，但這些優惠不屬於我的，我餓…. 12:00 要食Lu 🤣食物選擇非常多，足足有近80款之多，另外有自助區，提供凍海鮮、小食、沙律、雪糕及一系列甜品😋刺身都有十幾款，如北海道帶子、北寄貝、甜蝦、吞拿魚、油甘魚等等🐟壽司、卷物都好吸引，如黑松露玻璃蝦、牛油果軟殼蟹卷、海膽魷魚加州卷、海膽手卷、炙燒海膽帶子等等🍣仲有我大愛既榴槤炸彈、虎蝦天婦羅、雪花牛肉鍋、雞粥等等🍲最吸引我當然係清酒、梅酒、韓國燒酒、啤酒也是任飲🍻🍶🍸😎溫馨提示疫情午市優惠成人 $198用膳時間係12:00-3:00小童都係$158長者仲有88折 非常吸引 💯💯💯

又到最忙嘅四月好耐冇出post 啦！趁住復活節假期，我就約埋朋友大吃大喝。同大多放題一樣以QR code點野食，整體性價比都幾高。地方幾闊落，會設有熟食區，不過整係食落單嘅刺身炸物都好飽，最後先出去行咗一轉， 出面有鮮蝦同青口任拎，賣相一般，所以最後拎咗我摯愛嘅雞翼。🥳🥳口感同賣相夠哂特別，同連鎖平民意大利餐廳幾乎有9 成相似🤣🤣，係今餐MVP，食多幾隻都回本啦！更何況雞翼係我嘅另一個胃，寧願唔食甜品。🍣刺身款式大眾化，三文魚、 帶子、榮螺片同玉子味道偏向正常。特別在有大隻赤蝦，不過未算新鮮，選擇留肚食壽司。 我哋試咗極尚三文魚腩、迷你花之戀同海膽手卷，幾精緻。 🥟鹽燒雞皮餃子幾油香，口感豐富，而黃金醬焗扇貝醬料幾惹味，不過比較多，鹽燒海蝦鹹味較重。🍤炸物有天婦羅、炸蠔同榴槤炸彈等等，炸得幾香脆， 特別鍾意比較少有嘅天婦羅冬菇，而榴槤炸彈夠香濃流心。 🍨雪糕有雪米滋同Mega， 仲有新牌子雪糕，咖啡味幾香，不過我哋食蜜桃乳酪味覺得雪得耐咗，食落有啲冰沙。🙌🏻抵讚嘅係唔漏單，不過可能係因為我哋叫得唔多，店員未有提醒我哋60 分鐘限時同30分鐘前最後落單，中途埋單嗰刻有啲突然。

我真係好鍾意食放題🤗。食幾多叫幾多，而且鍾意食咩就叫咩😋，今日大滿足🤰。💎 刺身三文魚▪️油甘魚▪️吞拿魚▪️北寄貝▪️帶子▪️希靈魚▪️八爪魚▪️酒煮榮螺片▪️貴妃蜜汁鮑片▪️虎蝦▪️甜蝦▪️赤蝦💎 壽司極尚三文魚腩▪️香葱深海池魚王▪️黑松露油甘腩▪️明太子醬燒三文魚▪️帆立貝▪️泰式玻璃蝦💎 火灸壽司醬燒三文魚腩▪️醬燒極尚皇帝蟹棒▪️椒鹽左口裙邊▪️灸燒赤魚▪️蒜香牛油燒赤蝦▪️灸燒比目魚▪️xo醬帆立貝 💎 卷物醬燒芝士三文魚卷▪️蒜香牛肉卷▪️鰻魚忌廉芝士卷▪️香芒加州卷💎 軍艦蟹籽軍艦▪️香蔥吞拿魚蓉💎 迷你手卷迷你海膽手卷▪️三文魚籽手卷💎 創作料理芝士鰻魚玉子燒▪️花之戀▪️蝦多士💎 串燒鹽燒牛舌▪️燒菠蘿▪️鹽燒海蝦▪️鹽燒雞皮餃子▪️燒蕃薯仔串▪️燒翠肉瓜💎 燒物比目魚西京燒▪️黃金醬焗扇貝 💎 天婦羅虎蝦▪️南瓜▪️蕃薯仔▪️冬菇▪️蟹棒💎 一品料理御品鮑汁燴花膠▪️馬拉炒通菜▪️蒜香白酒煮蜆💎 主食辣酒煮花螺人均消費💰 ： ＄ 218總結✍ ： 食物種類多，吃完大滿足。

極尚大瀛喜日本料理 地址: 銅鑼灣駱克道463-483號銅鑼灣廣場二期11樓電話: 31888008=====================有無人似我，去食日本放題架話，重視熟食多過刺生呢？刺身其實來貨靚，流量快都一定品會差，而熟食都做到好食講究，就是加分令我再光顧架要素了。來過都不下十幾次了，以前朋友生日或者一班人見面，都會選擇來食飯，今次約朋友來食中午放題，雖然防聚只得兩個人，但都開心刺身同壽司都點了好多，左口魚同海膽吞拿魚等，每款都好食。小食串燒，雞翼同雞軟骨都好岩配酒，面放題係包埋任飲啤酒。甜品海燕牛奶budding $198 食足3個鐘，中午好抵，怪唔之得勁多人

極尚大喜屋 (銅鑼灣廣場一期) 地址: 銅鑼灣軒尼詩道489號銅鑼灣廣場一期9樓電話: 31888838===================== 銅鑼灣都有幾間日本放題，以食物選擇同味道，呢間是有水準的。由於仲有開放晚市，第要次來呢間食lunch！第一round 刺身同壽司熟食方面都有水準令我好滿意，孖左外面有好蛋小食生果salad 好似去hotel 食buffet 咁自己拎，仲有好多由廚房即整架。串燒燒魚都熱辣辣！個人偏愛銀雪魚，炸雞翼，雞軟骨等小食。有生酮可食架雞皮餃子，味道唔錯黃金鹹蛋黃蝦，蜆，花膠都係小見架菜式，值得一試哦留肚食甜品

和好耐無見的朋友在銅鑼灣食飯，最佳選擇是放題，12:00-15:00食足三小時也傾足三小時。雖是平日也差不多全場滿座，但由於餐廳面積寬大，並不嘈吵或擠迫，而且大多是卡座及半沙發座位，二人一枱，非常闊落。用QRcode落單，上菜迅速，侍應收碟也勤快。刺身選擇多，我們選了三文魚、吞拿魚和油甘魚，還有甜蝦、赤蝦和北海道帶子。整盤刺身賣相非常漂亮，魚類刺身新鮮厚切，蝦類和帶子鮮甜美味。壽司小巧有創意，我們選了蒜香牛肉卷、鰻魚忌廉芝士卷和蝦多士這幾款較特別的，有新鮮感又好味。燒物一定要叫燒香草羊鞍、蒲燒鰻魚和比目魚西京燒。三大皇牌，通常都encore。熱食選了辣酒煮花螺、炆花膠、白酒煮蜆和炒通菜。熱辣辣幾好味，尤其那花膠非常大片腍滑，有驚喜。自助區還有好多選擇，雜菜煮蝦仁超好味，翠玉瓜和雜菇都很清甜，我出去取了兩次，當飯食！所以炒飯、烏冬之類的主食就無叫到了，因為還要留肚食甜品呢。甜品款式真多，蛋糕、慕絲、豆腐花、和菓子等應有盡有。特別推薦燕窩牛乳布甸和香橙慕絲，好正。最後食埋雪糕雪條，痛快滿足。平均每人連加一只是二百多點，物超所值。

最鍾意去食放題，因為可以任食刺身、炸物、串燒，朋友揀呢間放題都唔錯，選擇有好多，連花膠都有得食🤣出面有得攞凍海鮮，分別有青口同蝦，小食就有炸雞粒同薯條，仲有沙律、湯、中華沙律、雪糕都係任攞，性價比高👍🏻一開始一定係叫刺身壽司先，仲有出面食幾貴既花之戀，刺身有厚度，唔會太薄，花之戀比起出面食既細件，可以一口食哂，唔會好狼狽😝花膠好大塊，仲有冬菇同瑤柱，羊架調味偏重，肉質軟腍，牛舌比較薄，不過唔韌，口感幾好，鯖魚帶點油份唔腥，炸物叫左芝麻雞翼、芝士年糕同炸蠔，做得好出色🥰新鮮炸起相當夠熱，雞翼juicy同埋炸物炸得好酥脆，食落唔油膩

第二次黎銅鑼灣呢間極尚大瀛喜，上次食都覺得性價比幾高，依家2點後成人88折，更加抵食，好多人都因為呢個優惠而黎，平日黎都座無虛席🙈飲品除左常見罐裝飲品之外，仲有椰青水同梅酒，只供比放題客人享用，好少可會有梅酒任飲🤣點都攞返幾杯刺身落單後唔洗10分鐘就到🤣叫左三文魚、油甘魚、帶子、虎蝦、赤蝦、吞拿魚，份量黎足，睇落都幾新鮮，特別鍾意赤蝦，夠大隻又爽口壽司叫左三文魚腩、深海池魚、油甘魚腩、帆立貝、蟹棒、芝士鰻魚玉子燒，我較喜歡火灸壽司，有輕輕燒過再加埋醬一齊食不錯😋迷你手卷有兩款可以揀，一係三文魚籽，另外是海膽，份量大約是兩口size，不會太多飯幾好，紫菜都係脆👍🏻甜品出面有個甜品區，有超過十款，有芝士撻、木糠布甸、焦糖布甸、朱古力蛋糕、朱古力慕絲、糯米糍、豆腐花等甜品擺放得幾整齊同衛生，數量都足夠

平日午市都咁多人？幸好我有訂位，幸好餐廳夠大，不覺迫也不覺嘈，三小時，食下傾下，找數每人二百多少少，好抵。放題食刺身，食燒物就人人都知，其實自助區的選擇都好多，而且當中不乏高質好味的食物。自助飲品區：可說是包蘿萬有，中西俱全。清酒、梅酒、洛神花蜜、蜂蜜菊花蜜、椰青水，還有各式本地及韓國汽水、啤酒、清涼茶，果汁等等，完全是飲品放題，客人定能找到心頭好。自助甜品區：同樣是多不勝數，各式蛋糕、布甸、和菓子、豆腐花、芝士撻，全都小巧可愛，一件不會令你飽滯，唔夠就拿多件，任君選擇。當中我最欣賞同時大力推薦的，是椰汁海燕燉鮮奶。它屬熱食的糖水，海燕即是寒天，是一種由紅藻造成的食材，口感滑順，配埋椰汁、鮮奶和紅棗，清甜滋潤。未完呀，還有多款雪糕雪條。我食咗一支榴連一支朱古力，大滿足。自助熟食區：有炸的炸薯角、炸雞塊、炸魚皮等；有涼拌的螺肉、海藻等。其中最吸引我的是一味雜菜煮蝦仁，當中的翠玉瓜和雜菇都清甜好味，蝦仁又夠爽。我食完一碗又一碗。咁除了自助區，用QR Code點的刺身、壽司、燒物、炸物和主食都好高質。這點我就不多介紹了，直接看圖吧。