極尚大喜屋 (銅鑼灣廣場一期)

營業中

休息中

今日生日飯同表哥表姐同媽咪返時間食得有啲匆忙因為得嗰兩個鐘刺身尚算OK最好食都係吞拿魚蓉海膽飯卷不斷返兜熱食除咗炸蠔其他都好一般如果食嘢嘅時間長返啲會舒服啲唔會咁緊絀環境唔錯都係有啲迫㗎啦，但至少有位先職員都唔錯收嘢都好快想食物就慢咗啲服務態度唔差都會盡量配合客人嘅需求呢個價位冇得輸下次有聚會都不妨可以試吓飲品有熱有凍Häagen-Dazs雪糕任食任咁樣選擇，雖然佢冇折扣活動，啲質素都可以有機會會再食多次

香港最高質日式放題😋 呢度食物種類真係超級多！仲要係好味、新鮮勁高質👍🏼 咁豐富人均都只係300幾，真係勁抵😛呢度有多款刺身：三文魚、帶子、赤貝、泰式生蝦、甜蝦等。另外仲有多款壽司🍣 竟然有同壽司郎同款嘅～焦糖牛奶鵝肝壽司😍呢度可以無限任叫！就連避風塘炒蟹都有，係成隻蟹勁新鮮蟹🤤 除左熱食，甜品都好多款，Häagen-Dazs雪糕任食，仲有連木瓜上嘅木瓜桃膠燕窩，好味！仲有榴槤控必要嘅燒榴槤，榴槤勁大粒，燒完嘅榴槤都幾好味，外脆內軟😍整體而言，極尚大喜屋銅鑼灣店真係好值得去，野食新鮮好味，性價比極高！

今日夜晚，我同朋友去咗位於銅鑼灣嘅極尚大喜屋食飯，呢間大喜屋位於銅鑼灣港鐵站附近，位置非常方便。雖然今日係平日，但餐廳一早已經坐滿人。餐廳提供嘅選擇都幾多，有唔少嘅雪糕，熟食等等。天婦羅天婦羅方面，我今次就叫咗蝦天婦羅，蝦肉入口爽口彈牙，烹調得唔會太過油膩。手卷及壽司壽司採用咗唔少嘅新鮮食材。另外，餐廳亦有提供海膽手卷，海膽入口鮮甜可口。串燒串燒方面，我自己就叫咗牛舌串燒，牛舌入口有香濃嘅油脂味。除此之外，餐廳亦都有提供燒羊架，羊架入口啖啖肉，非常好味。雪糕雪糕方面，選擇多幾多，有雪條，同埋其他雪糕品牌可以選擇。整體嚟講，我覺得今餐嘅價錢都唔算貴，餐廳嘅食物種類都幾多。

極尚大喜屋餐廳位於港島銅鑼灣軒尼詩道48號銅鑼灣廣場一期9樓,餐廳裝修簡約,座位寬敞用餐舒適,餐廳主打任食放題日本菜,服務員招呼到位有禮。刺身選擇咗北海道帶子刺身,北寄貝刺身,赤貝刺身,希靈魚刺身,池魚王,油甘魚刺身,泰式虎蝦,海膽魚籽拖羅蓉最中餅,極品大赤蝦,甜蝦刺身,蠑螺刺身,赤貝刺身,刀馬貝刺身,鮑片刺身,三文魚刺身,致喜歡海膽魚籽拖羅蓉最中餅,鮑片刺身和泰式虎蝦,海膽魚籽拖羅蓉新鮮,鮑片爽口兼彈牙,泰式虎蝦口感鮮甜。壽司揀選新品焦糖牛奶鵝肝壽司,胡麻醬拖羅蓉大赤蝦壽司,牛油果醬吞拿魚壽司,焦糖牛奶鵝肝壽司與壽司郎同款,致愛胡麻醬拖羅蓉大赤蝦壽司,大赤蝦鮮甜無比。海鮮選擇新品避風塘炒蟹和咖哩大頭蝦,川燒廣島蠔,薑蔥爆鱔球,花雕醉鮑魚,餐廳選用新鮮蝦蟹材料,避風塘炒蟹夠惹味,花雕醉鮑魚酒味不太濃口感爽彈。燒物Order左鹽燒牛舌,蒲燒鰻魚,極品金枕頭榴槤燒,燒溫室甜菠蘿,脆炸山貓王,蒲燒鰻魚口感香嫩,鹽燒牛舌夠香口。其他鮑魚皇帝蟹皇粥,黑椒蜜汁一口牛,一口牛肉味濃,黑椒夠嘢味,鮑魚皇帝蟹皇粥好足料,皇帝蟹皇好鮮美,鲍魚爽又彈牙。自助區有冷熱日式清酒選擇, 熱盤有中式小籠包,蝦餃和燒

《豐富任食放題🇯🇵》———————————————-#極尚大喜屋 🎌-早排同朋友去咗經典極尚大喜屋食放題，三百幾蚊就可以任食到海鮮同刺身，食物選擇超豐富，絕對係性價比之選💰銅鑼灣呢間分店地方闊落，坐得幾舒適😆-🍣 日式刺身壽司款式種類多元，例如有甜蝦、鮑片、北海道帶子、赤貝、北寄貝、拖羅、油甘魚等等，非常新鮮，油脂豐富😍-🔥 任食熱炒🦀 避風塘炒蟹：我諗到食放題都可以食到新鮮嘅蟹，避風塘口味突出，十分惹味，另外仲嗌多咗個鮑魚皇帝蟹黃粥，十分滿足😍🦐 咖哩大頭蝦：呢款係新品，用上新鮮大頭蝦，味道香濃得嚟唔會好辣，易入口～🍣 焦糖牛奶鵝肝壽司：壽司郎同款，口感香滑，超級推薦🥳🦪 燒珍寶鮮蠔燒：鮮蠔肉質鮮甜，燒完熱辣辣，非常之好食🤤-自助區竟然仲有燒肉、燒鵝等等嘅燒味可以任夾，飲品選擇都好好多，例如有冷泡茶、罐裝飲品等等，梅酒生啤都任斟唔嬲，亦可以任食多款雪條雪糕，狂食 Haagen-Dazs 雪糕超回本😋-🍌抵deal 指數：7/10

身為大喜屋的忠實食客，多次光顧，對其食物水準及服務都保持良好印象。這次再訪銅鑼灣廣場的極尚大喜屋，驚喜發現新增多款高質料理。落單迅速，出菜流暢，午市放題每位只需$248，任食3小時，選擇豐富，絕對超值！當中三款新品最為吸睛，值得一試：🦀避風塘炒蟹嚴選新鮮蟹，即叫即炒，蟹肉鮮甜。炸蒜酥香濃撲鼻，炒得香辣惹味。🦐泰式咖喱大頭蝦同樣選用新鮮大頭蝦，蝦身厚實彈牙，濃郁咖喱醬汁帶微辣與椰香，風味醇厚且不掩蓋蝦的鮮味。🪿焦糖牛奶鵝肝壽司壽司郞同款鵝肝壽司！香煎鵝肝鋪在醋飯上，表面還有香脆焦糖，口感豐富，入口即化，鹹甜交織，油香四溢。其他回本菜式亦能不容忽視：🍶花雕醉鮑魚酒香醇厚，鮑魚肉質爽嫩。🌊海膽手卷用料新鮮，海膽甘香，口感細緻。🍣海膽魚籽拖羅蓉最中餅充滿海膽、拖羅蓉、三文魚籽，十分豐富🍏藍莓醬蘋果鵝肝柔滑鵝肝醬與藍莓醬酸甜交融，清爽口感🦐胡麻醬拖羅蓉大赤蝦赤蝦爽彈蝦味濃，加上拖羅蓉鮮味十足。熟食方面質素都不錯：🍄‍🟫花菇紅燒鮑魚吸收了醬汁的精華，口感滑嫩鮮甜。🔥星級鐵板厚切鵝肝多士外焦內嫩，鵝肝油潤四溢。🦪燒廣島蠔蠔肉肥厚，香辣惹味。🥣金湯燴花膠湯汁濃郁，膠質豐厚。🐚香草牛油煮鮮大蜆大蜆隻隻飽

今日父親節同家人嚟呢間餐廳食放題，Menu 上面清楚寫明「12:00 至 17:30 任飲任食 3 小時」，我哋大約3點入座，理應可以食到 5:30。點知職員竟然話只可以食到5點，即係得2個鐘。之後我再去問企喺前台嗰位女職員（紮起頭髮、戴眼鏡、唔瘦身形），佢態度非常差，語氣好串，仲話：「今日父親節特別安排，3點後入嚟就只可以食2個鐘，你要食到5:30咁你3:30再入嚟囉！」。呢啲安排完全無寫喺Menu上，亦無人事前通知，誤導客人之餘，職員態度仲極不專業。如果今日有特別安排，請喺Menu 或入口處清楚列明，唔好等客人入咗座先嚟改規矩，仲要用咁無禮貌嘅態度對人，感覺非常差！！！完全影響咗成個用餐體驗！！！

阿女話想食日式放題🥢🍣，即刻book銅鑼灣極尚大喜屋，食到夠本。😆最近餐廳推出咗全新menu，有新品任食。避風塘炒蟹惹味，用上新鮮蟹。🦀🦐咖哩大頭蝦都是用新鮮大頭蝦,蝦頭好多膏，咖哩味道正宗。🍣焦糖牛奶鵝肝壽司，係壽司郎同款😆💝自助區仲有好多前菜，避風塘瀨尿蝦，燒鵝，燒腩仔，中湯。唔少得必食嘅🐟🍣刺身壽司🥢，海膽手卷好正啊。🍶飲品區仲有任飲清酒，啤酒🍺🍻，最尾食返幾個Häagen-Dazs雪糕超級飽。😆🍧🍨📍銅鑼灣軒尼詩道489號銅鑼灣廣場一期9樓

今日又和朋友去銅鑼灣極尚大喜屋食放題，中午三小時任飲任食，性價比一貫超高。呢間店每次來都保持水準，食物質素穩定，而且經常推出新菜式，令人食完又想再來。今期新推出的避風塘炒蟹、咖哩大頭蝦同焦糖牛奶鵝肝壽司都非常出色，味道出乎意料地好，帶來新鮮感之餘亦令人驚喜。至於過去大受歡迎的燒榴槤、燉木瓜椰汁雪燕、鮑魚蟹黃粥、牛仔骨同燒蠔等經典之選，今次一樣保持高水準，絕對係每次都必點的心水。整體體驗一如既往咁滿足，值得推介！

去食放題，第一時間都會諗起大喜屋❤️ 平靚正款式多樣化✅ 真係食極都咁滿意😚 知道佢最近又出咗新野，當然即刻拉埋🐧🐧 buddy 去食餐勁😋 首先梗係即叫佢哋嘅最新推介👍 焦糖牛奶鵝肝壽司真係勁正✅ 同壽司郎一樣款架🥰 鵝肝厚切大件份量十足，配搭甜美嘅焦糖同埋香醇嘅牛奶，個中滋味令人回味又難忘😋避風塘炒蟹同樣係必點嘅😚 餐廳特登採用了新鮮蟹製作🥰 勁有誠意✅ 大隻又鮮美，非常吸睛😍 加上辛香惹味嘅避風塘調味料，食落辣辣地好刺激👍 一級正🥰 咖喱大頭蝦又係最新出色之作❤️ 新鮮大隻又肥美🌟 加上濃郁馥香嘅咖喱汁，食落啖啖肉勁彈牙，煮得入味好正😋 除此以外，餐廳繼續有大量刺身、壽司、熟食、炸物等無限提供👍 品質高有誠意😎 仲有成個雪櫃嘅Haagen Dazs 雪糕任攞唔嬲😋 真係無得頂😚 

早幾日突然間好想食放題，咁啱出開銅鑼灣買野就揀咗去食我好鐘意嘅極尚大喜屋✌🏻星期一至五午市係$248/1位，任食3小時，刺身|壽司|卷物|串燒|一品料理|天婦羅|燒物|煮物 等就用QR code落單，出面自助區就有飲品|甜品|雪糕|前菜|凍海鮮|炸物 全部自取👍🏻刺身方面 三文魚|油甘魚|帶子|赤蝦 都好鮮甜，焦糖牛奶鵝肝壽司都幾好食，有d似壽司郎嗰款👍🏻皇牌乳鴿皇皮脆肉嫩，避風塘炒蟹係用新鮮蟹真係超正，咖哩大頭蝦應該都係用新鮮大頭蝦整成，好味到encore咗幾次😂鵝肝多士油香十足都係必食，川燒廣島蠔好有風味😋甜品櫃有乳酪|糯米糍|蛋糕仔|布甸|豆腐花 等多款選擇，雪糕櫃有多款haagen dazs|韓國雪條等😋而飲品區飲品有果汁| 汽水|紙包飲品|冷泡茶|咖啡機|清酒機等超多選擇👍🏻

大喜屋係放題界嘅性價比之鬼👻每次我刺身癮發作，都一定要去大喜屋食返夠本😋平時去連鎖壽司店，我經常要就住食，真係唔夠喉㗎！去食放題就啱晒我啦🩷銅鑼灣呢間極尚大喜屋除咗刺身夠新鮮肥美之外，選擇又多，食到我超滿足啊😎除此之外，佢成日都會推出新嘅菜式，今期就有避風塘炒蟹🦀同埋咖哩大頭蝦，避風塘同咖喱汁整得夠晒惹味，而最估唔到嘅係原來佢係用咗新鮮蟹同蝦！仲有仲有，呢個超特別 — 焦糖牛奶鵝肝壽司，係壽司郎同款嚟，原來焦糖牛奶配鵝肝都可以咁夾，又幾好食喎👅今次我仲發掘到有點心啦，燒腩仔啦，叉燒啦，避風塘瀨尿蝦啦，真係每次嚟都唔會覺得悶，次次都有新嘢食😙最抵嘅時間嚟食係逢星期一至四，五點至七點呢段時間，$300都唔使，難怪我五點幾入嚟食，已經坐咗勁多人啦😌

今晚我哋嚟到銅鑼灣呢間人氣放題店 — 「極尚大喜屋」，試試佢個晚市放題係咪真係咁巴閉！😎 呢間嘢位於銅鑼灣廣場一期9樓，地點方便就腳，一出地鐵站行幾步就到，啱晒約埋班friend嚟擦餐勁！🌟 環境氛圍 — 熱鬧但唔迫夾 🏮一入到去，個場都幾大，座位之間唔會太迫，就算滿座都唔會有好侷促嘅感覺。裝修就係典型日式放題店風格，燈光光猛，成個場都幾熱鬧，充滿住食客嘅歡笑聲同碰杯聲，氣氛係唔錯嘅。不過如果你追求極致寧靜嘅用餐體驗，呢度就可能未必係你杯茶喇。整體嚟講，乾淨企理，坐得都幾舒服。🍣 刺身壽司 — 新鮮足料，選擇多樣 🐟嚟得食放題，刺身梗係重頭戲啦！呢度嘅刺身選擇都幾多，三文魚、吞拿魚、油甘魚、帶子、甜蝦、赤蝦、北寄貝、榮螺、馬刀貝等等，都算齊全。啲刺身切得夠厚，睇落都幾新鮮，尤其係三文魚，油脂分佈唔錯，食落有魚油香；赤蝦同帶子都幾鮮甜。 壽司方面，除咗基本款式，仲有啲創作壽司，例如鵝肝壽司，件鵝肝仲大過舊飯，入口即溶，幾邪惡！ 另外，手卷都係細細件，可以試多幾款，海膽手卷嘅海膽雖然唔算爆多，但都幾新鮮。 🔥 熟食熱葷 — 驚喜選擇，鑊氣夠唔夠？🍳除咗刺身壽司，熟食都係放題嘅重要一環。呢度

今次嚟到銅鑼灣廣場一期嘅極尚大喜屋，環境方便就腳，任食過百款美食，包括有刺身、壽司、卷物、燒物、串燒、炸物、天婦羅同埋一品料理，另外設有自助區域，有熟食、點心、海鮮冷盤、湯、飲品、甜品、清酒同埋生果自助區，款式豐富，性價比高。刺身類刺身種類繁多，有三文魚、油甘魚、極品大赤蝦、甜蝦、北海道帶子、池魚王、希靈魚、赤貝、北寄貝、蠑螺、鮑片刺身等。每款刺身都好新鮮，三文魚腩好厚切，肉質肥美；大赤蝦新鮮大隻，肉質爽彈，味道鮮甜；北海道帶子肉質鮮嫩，口感富有彈性，味道甘甜。自助熟食區除咗有麻辣小龍蝦、炸物之外，最特別嘅係有嫩滑嘅蒸魚，皮脆肉嫩嘅中式乳豬、脆皮燒腩仔、蜜汁叉燒同埋港式燒鴨，好豐富。一品料理種類繁多，包括有極尚咖喱蟹、牛油清酒煮大蜆、黑椒蜜汁一口牛、星級鐵板厚切鵝肝多士；其中川燒廣島蠔、蒜味香濃，蠔肉鮮味肥美，帶有川味香辣；金牌紅燒乳鴿王，外皮炸至金黃，口感外脆內嫩有肉汁；花菇紅燒鮑魚，鮑魚肉質細嫩彈牙；一品花膠盛宴，口感滑溜，充滿滋潤養顏嘅骨膠原。創作料理海膽魚籽拖羅蓉最中餅，拖羅蓉同海膽嘅鮮味加上鹹香嘅蟹籽，再配上底層脆口嘅最中餅，好特別。串燒極品金枕頭榴蓮燒，入口綿密，口感幼滑c

這家日式放題吃好多次了，這次一起來吃的朋友不一樣，超能吃的，因此我也受到影響，食量也是創新高了😆，回本之旅。我們的戰績，超誇張的18宮格都不夠放，由刺身／壽司／炸物／一品料理，應有盡有，基本每個品類都點過了。刺身是一入座就必點的，還是一貫的新鮮，種類繁多。我們就簡單點了7／8款，北海道帶子／三文魚／油甘魚／池魚王／甜蝦……，鮮甜肥美，油脂豐富，爽口彈牙，都很好吃。這次來看看有甚麼新品，找到了，讓我嚐嚐看，會不會踩雷。🦀避風塘炒蟹：應該用了新鮮蟹，蟹肉飽滿結實，還附了一隻大蟹鉗，啖啖肉，用避風塘煮法，鮮香辣。🦐咖哩大頭蝦：肉質爽彈，應該也是新鮮大頭蝦，大大隻，咖哩是偏椰香重，反而辣味就溫和一點。🦢焦糖牛奶鵝肝壽司：竟然吃到壽司郎同款，焦糖的脆口配上入口即融的鵝肝，不喜歡甜口的可能還好，我自己就挺喜歡的。自助區的食物也是琳琅滿目，冷盤／熱食（乳豬／蒸石斑／麻辣小龍蝦／避風塘瀨尿蝦）／小食／甜品／雪糕／燉湯／飲品，根本吃不完🙈🙈，我想着有兩個胃就好了。榴槤燒／菠蘿也太好吃了，點了再點。飽得都要死了，我朋友竟然在Last order 前點了一個牛肉鍋，跟一碗牛肉烏冬，我眼睛都看直了。那我也點一