椰林閣餐廳 (已結業)

呢間野, 我以前成日去的.野食, 真係幾好食.環境都幾好價錢就早餐, 下午茶好抵(但其實同區下午荼也是差不多價位) .其他時間則在普遍水平, 不過不失.至於服務, 如果佢唔收service charge 我都唔想講.但佢既然收得srvice charge 就唔該對客人有起碼該有的態度!!我連基本的尊重都feel唔到lor!最怪的是有不少高級的職員以前做散仔時態度已經好差, 都唔明點解可以上位...真係好想打電話投訴!!

上兩個星期日細佬話請我同阿媽食飯，於是去椰林閣試吓。入到去，覺得間嘢幾大間，同埋d燈光暗暗哋，好似幾有氣氛。嗰度d waiter真係少咗d，我哋要自己搵位，同我哋落order嗰個女人，應該係高級嘅職員，佢無咩表情，好似唔想做咁。個set lunch有麵包、湯、飯同飲品，佢係嚟飯先，但係隔離枱嚟包同湯先，到我哋差唔多食埋碟飯，包同湯仲未嚟，於是催佢，佢先慢慢拎嚟。d嘢係就係幾好食，但係d服務咁差，真係好唔掂！

馬鞍山間野好奇怪佢地既芝士意粉竟然唔係配磨菇而係配冬菇搞到唔知中定西咁.另外間間價錢都唔同....不過,下什茶真係好抵食.而且都幾好食.

吉列魚柳沙律- 今次食d沙律好少, 塊魚柳炸得好靚, 又唔腥, 重好大塊tim

今次食tea, 叫左海鮮炒烏冬, 嘩, 好足料, 有好多蝦, 蟹柳, 魚柳, "油"魚等等, 炒得好入味, 又大碟, 又唔太鹹, 可惜激多油...mami叫咸魚雞粒炒飯- 炒得好香咸魚味, 又多雞, 可惜咸魚好多骨, 炒得唔油~家姐叫香芽豬扒檬- 我覺得佢重好食過好多越南食店$20重有野飲, 凍既又唔洗加$$, 重有咩好講

叫左煙肉腸串配沙拉有兩串, 每串有三粒腸仔, 約一塊煙肉,成條去炸, 炸得油左dd,沙律好食咖啡唔多好$20超平

一律$18+10%~我叫左個千島汁吉列雞肉沙拉~千島汁比得一少pat,雞炸得好香脆同唔鞋,好滑,沙拉份量大又好食~+左10%應該$19.8,但我埋單時個waitress就"老鳳"咁話"多謝$20"...喂,我果$0.2唔係應份比你ga bo!

哩度既tea set,好抵食,同dinner既份量一樣,但平成一半有多.tea set只係$20~有23款choice!我叫左芝士雜菇焗意粉- 好香芝士味,上面有一層好厚既芝士,賣相也唔錯~mami叫左生牛肉檬- 好大碗,牛肉唔un,檬都唔錯~咖啡唔好飲.d service真係好差, 我諗去過既都領教過d staff係點衰!最經典既當然係有咩要求應左你就算,但一定唔會做.你再叫咩~好,等下先lo, , 入去冇人serve,要自己搵位,又唔比水,要我地問...次次去都係咁ga

食物一般, 同普通茶餐廳差不多, 晚餐平均最低要$50,唔低食, 服務差已經係佢地既特色之一!最近經濟好似好番小小,就成機加價, 樣樣食物比原本貴10%! 通脹都係1-2%, 佢就加10%, 好呃錢,好搶錢!!

有一日同同事一齊收工，咁見屋企無飯開，而觀塘又開左間新既廳。聽講好似幾好食，咁咪走去試下囉！咁我地兩個人就叫左兩個set dinner，一個雞扒帶子餐，一個西冷牛扒餐。都好似幾抵食咁喎，一個set只係hkd48(另收加一)！但係又有湯,有main course同埋餐飲。個牛扒又大碟又好味熟得黎又夠諗喎！個黑椒汁又好，又夠味亦唔會太辣！雞扒就一般d。但係兩碟野就真係好大碟我地都食剩好多…總括黎講都食得過架。

我去哩間野只係因為佢平咯, 完全冇服務可言, 我每次都係食晚餐咯, d牛扒好多根,食物就算喇,一分錢一分貨,我都唔會有咩期望咯,不過我次次去食,總係唔會畀牛油刀,點塗面包呀大佬,嗌佢畀,就要等好耐,等既時間我已經可以飲個湯喇!!之後我會嗌?畀埋茄汁,<杰>汁同芝士粉我,我食野係咁煩嫁喇,d waitress駛唔駛咁串呀,勁啤住我,好冇禮貌,嗌佢針返杯水,就當你耳邊風,話轉頭又係唔記得個隻,唔係話waitress仔,連高級少少果d都冇service咯,最唔明一樣野,就係有時我嗌鐵板餐時,唔係樓面既waiter畀我,係有個男仔起廚房拎出黎既,個d男仔個look似廚房仔,唔係waiter咯,留晒長頭髮,畀customer既feel係d food 好dirty!!

o黎呢度食野都係因為佢夠平。講真，好食過佢的餐廳大把，但有佢咁平咁抵食就真係好少。作為一間做街坊生意的餐廳，我對它的要求唔會太高，但就只值得間唔中幫襯一下，多就無謂啦。

一D都唔難食! 視乎你order咩啦~真係好抵食~

雖然明知呢度o野食麻麻，坐得又迫，但間唔中都會幫襯，始終價錢幾平o麻！尋日去o左呢度食set lunch，$29，已經有個包包、湯、主菜同飲品。幾鍾意個餐包，次次都熱辣辣；湯就多數會揀羅宋湯。可惜，D主菜通常都幾難食；好似小妹今次揀o既白汁石班燴飯，D石班鬼死咁硬，唔掂！之前都試過食D焗飯同咖喱，味道的確麻麻；但勝在碟頭大，都算抵食o既~

馬垵山新港城分店<br>星期日下就泥食, 都要等十五分鐘到先有位, d 午餐都好抵食, 由三十蚊至五十蚊左右..<br>我地三個人叫左一杯野飲同兩個餐, 分別係西冷牛扒意粉同海南雞飯, 埋單$96.<br>海南雞飯-飯又唔係好熱, 又硬, 得個油字, 唉~ d雞又鞋又凍.<br>西冷牛扒意粉- 我就冇試, 睇見都知唔太好食, 朋友話都係麻麻..<br>冇法啦~星期日咁多人, 本身去飲茶又冇位哎~<br>下次梗係冇交易啦~