椰林閣餐廳 (已結業)

裝修後價錢冇CHANGE, set lunch $3X 味道好過街上的茶餐廳。請不要求太多啦！一分錢一分貨，非常合理。

今日下午3點同女友去食tea~一路都冇乜問題~直至俾錢埋單果陣我地原本諗住用埋D散銀~ 咁去到cashier咁48.5我搵要搵D散銀~係cashier企左一陣~cashier個staff 同行左埋黎既經埋講"你同我收佢兩個錢~等左佢地成個字~我好忙!" 咁我都已經好唔滿意~ 我同佢講"我地邊有成個字呀" 我地企左係cashier 都只不過1分到2分鐘! 個經理道歉都冇問cashier 個staff幾錢~ 咁個manager見到我地D用散銀同我地講話" 用超過兩蚊係犯法" 我地果度都只不過係有左兩個幾散銀到呢到我地都已經好嬲咁我女友同佢地講"我地唔係俾錢問題係個staff服務有問題" 點知個manager同佢身邊D職員講"我唔識英文"嘩!!真係慶到死!! 咁大個manager都唔識英文!!~有無搞錯!~都未試過有間餐廳經理都可以咁無禮貌我地諗住投訴~點知只得分店tel no.~咁去左同集團既餐廳問有冇投訴電話~點知個投訴電話只可以留言,fax or e-mail 之後分店經理會再處理~ 我而家就係要投訴佢分店經理咁試問佢又點會處理呢!!~總之今次令我覺得椰林閣既服務態度差到連茶餐廳都不如

椰林閣d 羅宋湯, 真係好鬼正, 勁多雜菜, 勁香蕃茄味, 配個軟"林林" 的餐飽. 真是一流呀. 其他主菜就不過不失啦... 餐飲- 凍檸茶都好好飲, 唔太甜.

去椰林閣食，都唔係求service 架啦！佢真係好唔掂架，有一次我去食早餐，早上8時半，佢剛開門，我係第一個人客，有幸見到以下令人震撼的場面：好多張檯未執，食物殘渣成檯都係，我和大部份人客一樣，入去時要自己搵位，但我居然在一間完全冇人的餐廳內找不到一個位（乾淨的位）！！！不過我都要公道d，咁惡劣都去食，原因是佢d早餐其實幾好食，我每次去都喜歡食炸魚柳，又香又好味，不妨試一下。

好多set dinner選擇，今次選了牛柳跟薯菜。薯條都係咁啦，份量唔係多，正常啦，都叫熱。牛柳無問幾成熟，算啦，四十幾蚊個set dinner係咁上下。牛柳林，但無乜牛肉味，跟幾條白菜，總有點格格不入，但令到營養更均勻。侍應好笑容，唔錯。

呢類餐廳都try過好多下......黎黎去去都係一個ser有飽有湯有主菜同餐飲，好standard.不過今次食左個西冷牛排就真係意料之外喇。佢比想像之中好左勁多，好嫩滑。不過service 就真係...........算把啦。

一直都好想試,昨日終於都試左,份多士薄左d,但係都炸得好鬆化,玉桂味重d 會好d,中間既香蕉都係少左d,樣樣料多d就perfect了!

因為情人節, 今日明明唔係public holiday, 佢唔單止提早左5:30就冇tea set, 而且重轉左平時public holiday既menu, $25一個+10%,我入去既時候係5:25,我問cashier個師奶重可唔可以食tea, 佢問我你要叫咩?我問返佢,我問你重有冇tea,我梗係想食tea啦,咁而家係咪要同你講埋我要食檬粉呀?跟住佢話, 算啦,比埋你食~唉,好似私捨我食tea咁,我比錢ga師奶!今日又係食札肉蝦檬,檬超多lo,都幾好食既~另外我想話個死師奶之前話,因為今日食情人節所以要早d交枱比佢,我都有早d比佢,不過我心諗,情人節邊條仔同個女朋友去椰林閣就換得畫啦! 咁cheap!食完街左一陣經過哩間野,巳係dinner time,真係冇咩人入lo~

果次同媽咪一齊去食……佢寫住7:30前定6:30前落單就平d咁我入去食……落單時仲有1個字先夠鐘……我即刻落啦！個待應冇話比我地知佢地餐廳果鐘已經過左時間！埋單果陣，叫我地原價！問佢時，佢搵左果經理出黎講！果經理同我地講''咁次就算數啦！叫番你地特價啦！''我就好嬲咁同佢講''依家唔係食唔起你原價！而係你個待應見差唔多夠鐘或者o岩o岩夠鐘都應該同個客講句話已經夠鐘至得架！''跟住我擺低錢就走左啦！行緊出去時，幫我落單果待應仲係度眼啤啤喎！仲有呀果度都好多蚊'之'仔！

今次係佢裝修之後第一次去,哇...佢而家d服務真係呀....正如之前ge幾位朋友講,真係差到爆~入到去叫你埋去搵張啦!d野食....我叫左雞扒,哇,真唔掂.點解雞扒都可以整到咁硬ge?好似返煎過幾次咁!之後埋單佢會點你出去counter比~仲多謝都冇句呀~我男友都話不如去茶餐廳好過啦~起碼人地唔會黑晒面咁呀!

今日下午同同事去食飯,其實呢間野d野食都ok,我叫左個意大利汁雞扒沙律,雞扒都幾林,d沙律唔係只係青瓜,係真係有其他生果o係入面;但呢間野既服務,真係一般到唔一般,好多時叫左既野好耐先上,d人既態度又好飄忽,個個做到都冇乜笑容,吹佢地快d,轉個頭都係好慢,其實既然野食都ok既,就改善下個服務態度啦!

昨日正值休息,女朋友又剛好收早,於是傍晚便到沙田接佢放工後一起逛街;行左一陣,突然想起不如試下搭馬鐵入馬鞍山行下,於是便到大圍轉車入去,只用了十五分鐘便到達馬鞍山站,一出就係我地今日的目的地---新港城;同女友行完成個商場,開始肚餓,就到處找尋地方醫肚,行左一圈,見到有間椰林閣,睇落裝修同環境幾好,價錢亦OK,於是決定入去試試,點知......惡夢就此開始了!!首先入到去,有個女高級職員係門口,但係就連最基本的禮貌語---歡迎光臨都冇,跟住話佢知兩位唔食煙,佢竟然同我講︰「兩位自已直入最尾搵張檯坐啦!」有冇搞錯!!!!!就算茶餐廳D伙計都會講番句︰「喂~~黎呢張坐好嗎?」;行到入最尾,見到一位應該係經理的男人,又係黑口黑面,冇d笑容咁講︰「坐,坐,鐘意邊張就坐邊張啦!」坐低左後俾水同MENU時放到「拍拍聲」,仲衰過茶餐廳!!!到我地選好食物後叫人落單,有個男仔木口木面咁行埋黎落單,好明顯一睇就知佢新黎,講野騰騰震,又冇覆單,就咁行開取用具set位;到食物黎到,竟然兩樣都錯晒,我地係落美式什扖餐同海南雞飯餐,居然黎左黑椒雞扖,叫佢換俾我地,轉個頭竟然拿著張電腦單黎問番我地頭先落左d乜,最

裝修左第一次去食dinner set,連menu都轉埋, 多左款又好食~今次叫左香草三文魚配煎大蝦,隻蝦唔新鮮, 失望~反而三文魚好正, 好大件, 好厚, 重有成三件, 好食又抵食, 煎得唔鞋,薯條凍的~

今次tea 食佢既咖哩扎肉炒飯,係即炒既, 好香口, 如果d飯冇咁淋會好食d,好有咖哩香, 扎肉都唔少, 會再食~

我都覺得佢地既service 好不知所謂,如果唔係哩度好食又抵食, 我都唔會去今次食左札肉蝦檬,札肉一條條, 都幾多,蝦都有好多粒, 可惜好蝦腸, 唉~