椰林閣餐廳 (已結業)

話說我之前同朋友o係晚市o黎過西九o既椰林閣覺得都ok所以尋日同老豆行經西九o既時候就諗住去食o野啦我o地2個去到門口,冇人理我o地冇人帶位咁我o地就自己行入去終於有人問我o地幾多位個經理叫我o地坐卡位,但個waiter就話如果坐卡位就要等又唔知想指我o地去邊度坐咁即係想點呢!?!?好啦,坐低o左,叫o野啦冇人擺低menu,冇人理我o地,要我o地yup手先至拎o黎落order時我o地話要檸樂,個waiter覆一次都係覆檸樂話要加$5,但係佢竟然拎o左可樂o黎咁當然係換啦,換o左個有檸檬o既冰杯o黎我老豆幫我斟,唔斟由自可,一斟就發現個杯底係穿o既~我o地2個已經有o的火滾ga啦,好啦,叫佢換過佢又拎返個冇檸檬o既杯o黎我o地再一次同佢講我o地係要檸樂,呢個時候o個位waiter就話檸樂要加$6 ga喎咁你個同事又話加$5!?(好彩佢有講,唔係到埋單先知就煩)我o地o既忍耐力已經爆標,我嬲起上o黎叫佢cancel o左張單,點知呢個時間o個2碟o野就到啦跟住個經理o黎到,我o地梗係話佢啦佢話o的同事係新人.....後來我發現全間o野o的waiter都係trainee然後佢又話檸樂係加$6

今日同朋友去左椰林閣食Lunch之前已經o黎過一次就係貪佢\坐得舒服2個人都可以坐到4人卡位上次o黎得3款午餐\今次就有成8款任選每款都係$30-$31(有加一)包餐\包﹑餐\湯同熱飲次次o黎必飲羅宋湯不過就辣左少少勝在夠開胃我地叫左蒜蓉煙腿雞扒配沙律同埋大頭蝦羔鮑魚雞粒炒飯煙腿同雞扒Size比預期中份量少好多朋友就覺得沙律o既配料係預先醃定唔係太新鮮好在個炒飯都唔差入口唔太油又夠鑊氣不過因為太多人o既關係所以D侍應都做唔切等左好耐先上菜落左order轉頭又無左

差, d野食唔得,茶餐廳水準都唔到, 叫左2個焗飯, 等左成大半個鐘

都係呢頭住，舊店之前都成日幫襯，反而搬左上去都未幫襯過，今日一到，環境我鍾意舊果度，個feel好d，但新果度就大d，食物都係差唔多，價錢都係一樣貴。服務就好頭衰尾，一去到就好有禮貌咁問要乜，但埋單就等左好耐，崔左幾次都未得，隔離台埋完都未得，有d滾，有個waiter見到我地再次揮手都扮睇唔到，再叫個黑衫既，佢知我地唔耐煩，收左我地張卡，但佢又係度玩野，攪左好耐，見到佢都冇野做周圍企，都唔拿張單比我地，係要第二個黑衫既男士拿來，真係唔係好掂。

見係新開張，心血來潮去試下套餐@$54 A-I款(大約)Order：1.火腿併雞扒2.燒羊扒3.T骨扒T骨扒能夠鎖住肉汁，「好有牛味」而且大大件燒羊扒有4件....唔係我食唔知詳情雞扒好普通，而且好細件，火腿亦然，味道沒有驚喜經理服務態度是優，但有個女侍應就麻麻本來見A-I咁多款想每次試哂，但已打消了念頭

不知不覺原來椰林閣已搬了上西九龍六樓。裝修後的餐廳華麗多了，比以前在四樓的時候闊落多了！我記得以前這兒的餐只是約五、六十元，但現在竟要$88！不過，份量總算沒令我失望。大食的我去到這類的高級餐廳永遠吃不飽，但今次卻飽得頂胃！食物味道非常好，餐前的湯令我回味無窮，還記得以前只有純忌廉湯，再之後便是鹹得要命的龍蝦湯，不過令次喝的湯是非一般的忌廉湯，忌廉湯還加上了蟹肉和竹筍，令我好滿意。阿爸那碟T-骨牛扒煎至八成熟，嫩得剛剛好又香；我那碟釀扇貝夠哂大份，芝士又香又濃；阿媽的焗磨菇田螺意粉真令我意想不到，我以為它只是磨菇和田螺混在一起焗，但廚子很有心思，將田螺釀入磨菇裡，整碟意粉看上去真有意思！吃了那麼久西餐，一向最不喜歡配菜，那些雪藏蘿蔔、西蘭花既硬又完全沒味，可今次吃的真要一讚，蘿蔔夠腍，又不失蘿蔔的甜味，像自家煮的蘿蔔那麼好吃！廚子從頭到尾都那麼認真，我理應會給一百分。但，這兒的服務是我吃那麼多餐椰林閣以來最差的！服務方面真想給零分！食物頂呱呱，柯打就亂哂坑。我媽本來點了焗磨菇田螺飯，怎料卻來了個意粉；我點了E餐跟意粉，豈料菜來了，卻欠意粉，叫了侍應兩次快來意粉，反應冷淡得最多只是「得得

約了爸爸在附近取東西，成三點鐘爸爸竟然話佢未食Lunch，於是便和他找個地方去食點東西。爸爸不嬲都喜歡椰林閣的下午茶餐，因平平地又有他喜歡的星州炒米吃。照例他都是要星州炒米，而我看到餐牌有新出品的一口士多啤梨西多士，就要這個。先來的是星州炒米，下午茶來說份量算不少，不過味道就好一般啦！我的士多啤梨西多士賣相係幾吸引，其實是把西多士切成細件，不再用糖醬而是改用士多啤梨醬。入口冇一般西多咁甜，也沒有牛油香，但點士多啤梨醬都算清新。可是份量較小。服務ok，環境也尚可，埋單共$44，中等價錢，間中一試也無妨。

食物水準都ok...我叫o左個晚餐,有牛柳拼炸軟殼蟹加沙律,牛柳都幾"淋",味道唔錯,四十幾蚊咁既水準已經出乎我既意料,軟殼蟹唔係咁好,炸粉好厚,可能我expect係日式o個種lor,覺得佢地咁炸係唔arm,沙律係港式o個種,奇妙醬加水果,醬太多,味道麻麻。另外我朋友叫o左豬手,都幾大份,味道唔錯,唔好既係仲有d豬毛...不過又係o個句,四十幾蚊可以expect得d乜。服務都幾好,d人幾有禮貌。環境都幾好,幾多卡位,唔錯!

以咁多間樣辦港式西餐椰林閣西九店, 表現可以, 為到尾聲日文班深水十二食肆巡禮留下一點點少少美好回憶, 服務足夠. 裝修一般般, 但勝在卡位夠多, 人流因西九龍中心咁旺而更旺, 所以平日都會full house.當晚帶子海鮮薯菜, 以及三文魚大蝦薯菜, 值得一提所謂'薯菜' , 個人就唔鐘意舊大紅蘿蔔, 唔太符合個人心中薯菜期望, 而海鮮餐比較油膩, 從相片睇仲可以見到碟上油, 三文魚蝦真係同街巿買白灼蝦size相同, 感覺非常樣辦, 為的是平民價一餐, 去也無妨.