椰林閣餐廳 (已結業)

一行五人，原本已預先兩小時預訂座位。一到餐廳門口已看到接待員黑口黑面，十問九唔應，向她登記的時候，樣子好像我殺了她爸爸媽媽一樣，仲要在我們前飛筆，悔氣非常。由於我們已一早訂位，原本打算可以準時入座，豈料，一行十幾人的穿著校服的潮童大模私樣走進餐廳。門口的那位黑面侍應不但沒有阻止，並且說原本我們已訂了的座位，被她們先坐了，說她也沒辦法。只好再等，真的不頂她的肺部也不行。仲同我地話下次早d打去訂位，真係低q能!終於眼見後來的人士都逐漸入座，我們只有要求4人table，希望可以快一點~入到去竟然得4,5個侍應招待過百人客，落單就要求左3次先有人理我地，等野食又等左幾個字。基本上入到去d侍應原來無一個唔係黑口黑面。而且仲加了一段小插曲---侍應對鬧，一名叫"肥豬"的侍應由於不及眼明手快，被同事大聲呼渴，看得激烈之餘，又不失幽默。最後好不容易要求了幾次，侍應終於讓我們埋單走人。註: 隔離檯兩位男士，當我地一sit低就order飲品，點知當我地埋單佢先有得飲，仲要飲左唔夠兩分鐘，就走左。勁抵死

今天和舅母到那邊逛街, 看到任吃sushi有很多人在排隊,最後決定還是到這家椰林閣好了..或許是因為我們正正在lunch hour去的關係,周遭比較吵, 侍應都好像很忙的樣子,叫了很久都沒有人理會我們......|||終於找到願意理我們的侍應後, 我和舅母點了黑椒牛仔柳配薯菜 (說起來, 我還要問那waitress甚麼是薯菜)和日式海鮮湯烏冬兩個set lunch一起share...哪知道湯和餐包還未來, 主菜已經來到了...想叫侍應替我們跟一跟那個湯....有些明明在我們旁邊, 也假裝聽不到我們在叫她..."那個日式海鮮湯烏冬, 我只可說有很多料..至味道和烏冬都是普普通通吧...黑椒牛仔柳的牛仔柳不怎麼樣..或許是我吃的時候已經冷了吧但那黑椒汁還ok吧..說起來, 我喜歡吃這種連皮薯角呢。至於那羅宋湯是有點辣的那種..也是那句, 不怎麼樣..當然, 那杯熱檸水也是no comment,,由於太飽了, 餐包和一些牛仔柳我都吃不下了..連湯也沒法喝下去.......就現場所見, 有很多人都沒辦法吃完一個餐呢!建議胃小的女生還是跟人share比較好總括而言, 不知道是因為lunch ho

今午路經西九龍中心,見好耐無嚟呢間食,就入去.午餐不外乎個幾味,次次都有牛扒但又唔見得好食,呢度最靚係咖喱但無理由次次都食咖喱牛腩飯今次發現有個咖喱海鮮炒飯($33)又試吓.咖喱算香,不過無乜料剩係得幾粒鱿魚,炒飯好油,食完好漏,早知飲番杯檸茶.

係呢區想找個靜靜的地方飲杯, 真不容易, 最後來了這裡下午茶時間, 茶餐都是廿多元, 但我真的太飽, 所以只好點一杯"推介特飲", 石榴雪梨蜜桃汁, 總之就是三種不同水果混為一體吧, 盛為$18石榴糖水加2片罐頭蜜桃及feel唔到的雪梨, 味道有點似於karaoke飲的特飲, 喝了一口後, 即刻有個衝動去唱k

跟朋友之前上去食過，都算不過不失，環境是不錯的，坐得幾舒服﹔但早兩日同朋友再去食，就真係唔掂！我地三個人點左三個SET LUNCH，餐湯都未上就上左主菜，明顯係漏單啦，羅宋湯渣多過湯，好似好抵，但D牛肉很硬，朋友說很難食！我飲忌廉湯，成碗湯只有水，沒有渣，而且表面成層油！到食主菜啦，朋友A食蒜蓉豬扒飯，全碟飯只有兩塊豬扒連飯，一點蔬菜都沒有，完全不健康！朋友B食咖哩，牛肉一樣咁「鞋」，咖哩又唔夠滑，又係唔及格！我食芝士焗蟹柳長通粉，係等到其他兩位朋友食完，再催單先來到，唔駛講又係漏單啦！開頭係都覺得OK，但食左三分一就知出事啦，因為開始食到成口油，將隻碟打側少少，就發現很多油由底層滲出來，我地分工合作，結果從碟底撈出來的油，可以舖滿一隻主菜用的碟！幾誇張！食左一半，實在無法再食，唯有放棄！到餐飲啦，勉強及格，因為叫少冰一樣多冰！我看暫時都不會再去這餐廳了！

dinner食牛扒, 叫五成熟, 點知好神奇, 塊扒一半ok, 一半就好生(都唔知佢點煮..), 咁我係由ok個邊食起先, 食食下愈來愈生, 茹毛飲血咁, 我咪叫waitress投訴一下, 點知個waitress笑笑下就行開左, 完全無理我, 我轉頭叫著黑色衫個D, 呢個仲搞笑, 黑口黑面咁問我洗唔洗拎入廚房再煮下, 我真係覺得d service好唔得, 連"唔好意思"都無句~!!不過我會繼續去, 再有呢D事發生就搞大佢~!

12月1日晚, 朋友請咗我嚟西九龍呢間新開既「椰林閣餐廳」食晚飯, 可能呢度係新裝修關係, 啲地方都幾大幾靚, 坐得幾舒服喎~~先嚟餐包同餐湯, 紅湯同白湯都普普通通, 過得去啦!反而係毎餐包幾軟身, 同埋正常暖度, 幾好食喎~ 再加埋盒已經溶緊既牛油, 唔錯! 唔錯!我既係「蘑菇汁花雞帆立貝西蘭花焗飯」($58),啲雞肉原來係中式切雞咁樣架! 仲以為係雞柳添..... 所以唔係太多肉食, 仲有啲肥膩添! 同埋只有一隻帆立貝囉! 不過個汁就幾好味。朋友就叫咗「巴黎汁龍鯏柳焗飯」($48),佢個汁都唔錯架! 不過呢個飯就好似唔係好夠菜囉......同埋其實呢兩個飯本身都唔係餐嚟架! 跟餐就另加$15, 呢個有少少唔抵喎...我諗下次有機會再嚟食嘢時, 兩個女仔都係叫一個焗飯加個小食會好啲,因為我哋兩個都食淨四分一飯呀!

尋日夜晚同朋友去食一人叫左一個扒餐order果陣,佢問我要飯,意粉,薯菜定係沙律?我問佢薯菜係咩?係薯條定係菜加一堆白烚薯茸?我only問左呢一句個見習waiter已經擺哂面口比我睇好似我阻佢落單咁我見到佢咁,已經火都黎!!作為一個waiter咁唔中意做,就不如唔好做!!之後d食物又遲遲未到跟住我同朋友傾計時,個經理係度伸隻手入條褲度R patpat,見到都反胃總之呢間野食物又唔好waiter又唔好價錢又貴如果要我比呢個價既話我寧願走過隔離吃任食sushi or pizza算係呀!!我要提返個扒餐d扒佢地一定起勢咁落d鬆肉粉因為個扒係淋到飛起

唔...我去過kuwn tong個間,d侍應既服務態度好差!野食...ok喇!

今晚去左呢間餐廳到食野,叫左個扒餐食, 個侍應竟然無問我要幾成熟,結果俾左碟幾乎全熟既肉眼扒我食.間餐廳好少侍應,叫幾次先會有人理你.仲有個冷氣超凍,未食野已經凍到無晒味覺,我現在先知道原來電費係咁便宜的~~總括來說最差既係服務態度,食物都還可以接受的~~~

想想也有兩年多沒有去椰林閣了，既然這樣就光顧一下下午茶吧!店舖位置轉了，裝潢也比以前好了，但是服務卻沒有改善。帶位員帶我們去了一張坐得極不舒服的木台，當我倆看到鄰座走了，想轉木台也沒有人理，就自作主張坐了過去，但都沒有人理我們，照坐可也。我們點了吉列魚水果沙拉、芝士焗雜茹意粉、凍檸茶及凍奶茶。吉列魚水果沙拉︰炸漿十分厚，但味道都不算差。可是水果沙拉十分差，幾乎找不到水果，全是一些不知名的東東，於是我倆剩下了不少。芝士焗雜茹意粉︰熱騰騰的意粉，再加上我十分餓，就覺得味道不錯。可是愈食愈覺得不對，因為只找到五、六片可憐的小茹。而且在碟底有一大灘的油呢，很是嚇人。凍檸茶尚可，但凍奶茶十分差!幾乎全是奶味，又十分甜!難飲至極。侍應好像十分忙，都不理人似的。每次都悄悄地放下食物就走了。眼見其他人都叫極不應，最好就是一次過落單，因為真的叫天不應呀。

第一次去這間餐廳食嘢裝修都好好不過d員工完全都唔知咩叫服務態度叫咗一個牛柳, 一個西冷個買相就好好啦, 點知食咗幾口後我都唔知自己食緊咩一d牛肉味都無, 飯後就肚子痛

入去食要自己搵位坐侍應見到都唔會理你連個menu都要叫先俾同埋唔知係唔係人手嚴重唔夠次次都係見侍應行黎行去唔知做乜但佢地手上又冇攞住野值得一讚係侍應們都係目不斜視舉手想點菜可以係直行直過食物方面唔係好食上次叫左杯檸水杯野係苦肉醬意粉又係好難食意粉似係米粉除左油之外就食唔到咩味

上星期同朋友聚舊，去左呢間野食d 野o黎得好慢.....唔吹都冇~ 仲o黎錯野飲個雞扒午餐味道ok la ~ d 汁油膩左少少

去呢間餐廳,我都唸住無咩服務可言但係又唔係wor一入到去,見到d員工好忙咁但係好快又拎d水過黎幾好!之後點菜,又唔燧舉到手都軟都無人黎wor見到我舉手,雖然話等等,但好快就過黎今晚點左3個菜1.黑椒牛柳意粉$23好味wor...黑椒味夠惹味,牛柳都係咁架啦2.焗芝士雜腸肉醬意粉$2x肉醬幾多,其實好似得2種腸,腸既份量唔多,但肉醬搭夠,又幾好味,不過有少少焗黑左3.夏日系列-火龍果沙律(唔記得個名) $42有火龍果,appple,木瓜,幾隻蝦,不過d蝦完全無鮮味食到飽飽,overall黎睇都唔太差可能去個時係5點9度所以有得order下午茶,埋單幾平