棽粵

營業中

休息中

能欣賞到維港景色嘅高質中菜餐廳-棽粵，位於銅鑼灣謝斐道535號Tower 535 25樓。 餐廳樓底好高，水晶吊燈非常吸晴！仲設有獨立落地玻璃房間同露台茶座，裝修環境高貴氣派，好適合家庭聚會或者請客食飯。聽講呢度仲系由米芝蓮星級廚師料理菜式，依家中午仲推出點心套餐，相當抵食，包括六款點心、一款飯同埋兩款甜品，只係298/位，好抵食。蟹皇蒸燒賣同菜苗帶子餃好大粒而且夠新鮮熱辣，蟹皇蒸燒賣有著蟹嘅鮮香，肉質唔錯，菜苗帶子餃嘅皮晶瑩剔透，帶子好高質大粒。鮮竹牛肉球賣相飽滿大粒，牛肉鮮嫩多汁。蜜汁叉燒肥瘦適中，入口甜蜜。蜂巢帶子芋角呢個點心有驚喜，比想像中好味，表面有粒帶子，用脆香酥皮包住中間系綿密口感嘅芋頭蓉。菠蘿叉燒包熱辣辣嘅菠蘿包，內裏有菠蘿粒同豐富嘅叉燒，叉燒醬汁流出黎，入口鬆軟富有層次。上湯煎粉果仲跟埋一碗湯，表皮脆香，咬開仲有豐富湯汁嘅粉果，好香口。梦粤招牌黑豚肉炒飯炒飯粒粒分明，乾爽入味，黑豚肉質唔錯，份量亦好滿足！清香竹葉角及新疆紅棗糕甜點都不馬虎，竹葉角打開之後系白色糯米糍，充滿竹葉清香，紅豆蓉口感甜蜜。新疆紅棗糕濕潤軟滑，紅棗味突出，唔會太甜，好味。

🌹週日返完教會，預訂了食店，與老公年初九去吃早午餐。今次揀來一間收藏&新開數月的中菜《棽粵》，網上都好多食客點讚。🌹餐廳設計優雅，分了酒吧區，VIP房，露天座位，我們坐的進餐區相對不大。雖則高處25樓，景觀不太好看，望樓較多，望海的座位都靠則邊，只有兩張檯較為好景觀，估計景觀好都做了VIP房。翻開餐牌，單點收費泊得住酒店價錢，覺得不太值，所以叫了中午點心套餐，每位$358。蟹皇蒸燒賣不爽彈，口感淋筍尖鮮蝦餃筍香蝦彈百花釀魚肚大件魚肚，百花爽彈韭黃鮮蝦腸上檯是暖蜂巢帶子芋角賣相有別一般芋角，帶子配芋蓉，提鮮鍋燒和牛生煎包熱辣辣煎包配京蔥，香口惹味上湯煎粉果外皮略厚叉燒薑蔥撈麵麵略淋，薑蔥香清香竹葉角軟糯不甜新疆紅棗糕紅棗香，軟糯用餐體驗：食物還不錯，可惜上菜慢，等得太久令食欲減退。服務員態度一般。環境尚舒適，可能當天仍是新春，有一兩檯客人高談闊論，令環境很嘈雜，尤如一般酒樓。進入廁所的路上較雜亂，影響觀感。

秋冬當然要進補禦寒是必須的, 今日同啲朋友仔一齊去咗銅鑼灣棽粵食下粵菜, 睇天氣報告話嚟緊會好凍所以相約一齊去食下羊腩煲同一啲禦寒食物, 我哋一行八人大伙兒一齊進寶！我哋呢一日就相約大家喺銅鑼灣謝斐道535號Tower25樓呢一間名叫"棽粵"粵菜食下佢嘅禦寒進寶食物睇下係咪真係咁暖身先...我哋一齊人就開始點菜, 揀選咗一煱古法扣鱔皇, 一個大大煲嘅羊腩煲禦寒必選, 一個生炒臘味糯米飯, 同埋一個必選滋補嘅禦寒蛇羹.頭盤上菜先嘅係蛇羹配備卜卜脆嘅脆片白菊花同香料加上紅醋, 一食已經好暖胃！ 第二道菜上嘅係支竹羊腩煲, 大大片支竹配上大大舊嫩滑肥美嘅羊腩肉再點啲腐乳食口感果然一流, 最緊要係有我最鍾意有好多片嘅支竹、馬蹄同冬菇添, 食完個羊腩煲仲有大大鍱生菜食 可以撈埋佢啲羊腩汁滲透落去生菜度真係好好味好好食, 伴隨上碟就係一個大大煲嘅大鱔皇, 個鱔皇真係稱得上係大鱔皇好似我手臂咁粗架！我平時唔食鱔我都要試下佢有幾好味, 割癬藥真係好嫩滑入口即溶妙絕妙絕！ 最後一味餸就係臘味糯米飯啦, 啲糯米晶瑩通透軟硬適中份量十足, 加上仲有啲蛋絲同埋蔥花十分惹味！不可不提就係餐廳內有一個大陽台可以為

🍂秋風起除左岩食臘味之外，蛇羹都係一個好選擇，今次埋埋屋企人一齊去試下棽粵推出既品秋 • 秋節菜色🤭尼到環境都唔錯，仲可以望住個夜景食飯🔸太史菊花五蛇羹🥣蛇羡比平時食到既有少少唔同，平時食到既偏結少少，尼款有少少似湯，而且非常足料，有蛇肉、花膠、木耳同瑤柱等等，所以味道好鮮甜，另外加左薑絲🫚同陳皮，癖走左腥味，陳皮味好香，同蛇羹既味道都好夾，可以跟返個人喜好落脆片、菊花🌼或者檸檬葉🌿🔸古法羊腩煲🐐羊腩連皮炆到好腍好入味，最緊要唔會羶同好咸，配料都好豐富，有枝竹、馬碲、冬菇同筍，全部配料索哂湯汁既精華😍食哂羊肉店員會幫手放用羊腩煲個湯汁烚生菜🥬🔸紅燒山瑞煲山瑞原來係水魚，今次都係第一次食🫣紅燒汁好濃味，配埋水魚味道好夾，水魚煮到好腍，外皮好滑好黏，感覺充滿骨膠原😆配料有冬菇，索哂汁好正🔸 秋節生炒臘味糯米飯上枱已經聞到好香臘味既味🤤臘味既份量都好多，有臘腸、潤腸、臘肉，冬菇，全部切到一細粒，食落口感好豐富，個飯炒得好乾身，一啲都唔覺得油膩🔸煎堆📸擺盤好靚，用黎打卡岩哂，炸到好薄好脆

冬至乃家庭團聚的重要日子對冬至飯的張羅絕不會馬虎今年到了這間名為棽粵的高級粵菜食府棽粵位於銅鑼灣鬧市臨海的優雅高樓用餐時可以遠眺對岸尖沙咀的景色菜式如店名的典故鳳蓋棽麗龢鑾玲瓏不時不食店家因應時令推出品秋秋節菜式太史菊花五蛇羹有冬菇木耳冬荀等襯托處理得十分細緻均勻口感有層次湯底更見講究湯色明顯清麗鮮香入口清甜之餘肉香四溢與鮮味的蛇肉混合成為一道秋冬進補的佳餚嚴冬之際除了蛇羹外還有秋節生炒臘味糯米飯愈簡單的食材愈考師傅的廚藝出來的效果粒粒分明飯粒非常彈牙香氣撲鼻完全沒有黏糊糊油膩的感覺古法羊腩煲味道濃郁不羶其他配料如馬蹄枝竹鮮荀完全吸收湯汁鮮荀依然嫩滑馬蹄保持爽脆主角羊腩完全軟腍連皮帶肉幾乎不用咀嚼粵餚注重滋補紅燒山瑞煲可謂佼佼者山瑞肉有滋陰補腎健脾益胃強身補血之效山瑞的裙邊肥厚呈膠狀入口滿滿是豐富的膠原蛋白有彈性咬起來毫無腥味其他部分則非常軟腍質感有如豬肉散發出的卻是奇特的香氣而非肉香燈影煎堆是一款充滿巧思的一道甜品燈光由煎堆裡透出賣相猶如滿月當空煎堆入口香脆而不膩是對師傅技術的考驗無論菜式還是景緻均賞心悅目顯奢華華麗之風名副其實鳳蓋棽麗龢鑾玲瓏

踏入6月，真係每一餐都充滿驚喜！朋友揀左呢間位於Tower535 既粵菜食府同我預祝生日🎂一出𨋢已經好有氣派，裝修高雅，充滿空間感，最正當然係落地玻璃可以睇到維港景色！ 點了8道菜套餐小食三碟 ：香橙鵝肝三層小蛋糕造型上：香橙啫喱中：軟綿鵝肝下：脆多士入口有層次感XO醬海蜇頭海蜇頭掛滿濃香XO醬食落好多乾瑤柱絲少少辣開胃！ 蔥油吊片吊片薄切煙靱面層添上葱花碎鮮味有葱油香！ 蜜汁叉燒叉燒邊皮微微焦脆外層蜜汁係精髓肉質腍滑，甜甜地 juicy川貝陳皮水鴨燉湯燉湯足料夠火喉飲幾啖已經行氣活血放埋川貝陳皮水鴨滋潤不燥柚子片皮雞兩位可點半隻 燒雞皮火紅有光澤皮下肉全部起骨混入好多柚子果肉淡淡果香之中燒雞油香更突出又唔會好膩口鳳梨咕嚕蝦球咕嚕汁菜式解暑開胃鳳梨酸甜味道配埋雙色椒炒大蝦球鮮味開胃濃湯鮮蕃茄淮山蔬苗幼嫩莧菜苗蕃茄鮮甜，湯頭清新健脾招牌安格斯牛炒飯炒飯粒粒分明伴安格斯牛柳粒炒入口油香滿溢牛粒仲幾多肉汁西施川貝雪梨茶真正豆腐花，將豆腐切成菊花形，真係好考師傅刀功👍🏻雪梨茶清甜滋潤又解膩！成個餐份量好多，真係捧住個肚走！ 仲有Outdoor 海景位，可以坐低飲杯酒，幾有feel !

今日同朋友到銅鑼灣飲茶，餐廳開陽寬敞環境典雅舒適，嘆環境之餘也來嘆下飲茶🫖。中午點心套餐每位💰298🫖菜苗帶子餃晶瑩剔透的餃皮，裡面包著飽滿的菜苗與蝦肉，上面蓋著碩大可口的帶子。帶子非常軟嫩，餃皮彈牙，整體味道清爽開胃。🫖韭黃鮮蝦腸潔白的外皮上很有Q度，裡面包著爽口的韭黃與脆口的鮮蝦，非常美味。🫖菠蘿叉燒包外型非常可愛的菠蘿包，表面烤的金黃，色澤非常美艷動人。一口咬下，外皮酥脆度滿分，裡面的叉燒份量很多，調味適中，非常推薦。🫖上湯煎粉果外皮酥炸成誘人的金黃，裡面包著彈牙的鮮蝦。外皮有厚度很有咬勁，配上附上的清湯，味道很高雅。🫖叉燒薑蔥撈麵主食搭配的撈麵，吸飽了叉燒的醬汁，口感軟硬適中，味道不會過鹹。叉燒有兩大塊，非常厚實，肥瘦適中。餐點道道別出心裁，讓人回味無窮；環境也相當舒適，桌距寬敞，仲有海景相伴，推薦給大家。

同媽媽食飯，梗係搵間好坐又好味嘅中餐廳最穩陣。高質中菜餐廳-棽粵，就最適合不過啦！佢位於銅鑼灣謝斐道535號Tower 535 25樓。 有落地玻璃窗可以飽覽維港景色，裝潢亦典雅氣派，仲設有私人包房同露台茶座。 遠觀可望煙花景添！聽講餐廳由米芝蓮星級廚師坐陣，全新晚市精選套餐八道菜每位只係488蚊起。價錢都唔算太貴。鵝肝/海蜇頭/吊片 頭盤系三小碟形式，每人一份，賣相精美，橙味啫喱配鵝肝好夾，海蜇清爽，吊片即系魷魚，充滿蒽香。蜜汁叉燒以位呈上，每人一份，賣相唔錯嘅蜜汁叉燒肥瘦均稱，蜜汁甜而不膩，肉質軟嫩細膩。川貝陳皮水鴨燉湯非常養生嘅湯水超足料。用咗川貝陳皮煲水鴨，有助健脾功效， 好適合煩悶嘅夏天飲用，清補又好味，仲有淡淡果皮香。柚子片皮雞主菜大碟，雞皮薄脆但肉質軟嫩， 用咗柚子肉配搭，令雞肉充滿酸酸甜甜鮮味，好開胃！鳳梨咕嚕蝦球主菜，每人一份兩大隻蝦球，口感飽滿，啖啖肉嘅感覺，非常滿足，配上鳳梨，清甜開胃。濃湯鮮蕃淮山蔬苗菜苗吸收湯底精華，加上番茄淮山，營養豐富又好味。招牌安格斯牛炒飯分成兩份上，份量滿足，賣相唔錯，炒飯夠鑊氣，粒粒分明，牛肉粒香口。西施川貝雪梨茶賣相非常有驚喜，用豆

老公升職加薪，梗係要出去食飯慶祝下揀左嚟間主打星級粵式菜既餐廳，餐廳樓底夠高，座位寬敞舒適，仲可以遠眺維港景色。我地樣樣都想食，最後揀左個$488一位既套餐川貝陳皮水鴨燉湯個燉湯好足料，飲落濃郁清香，感覺好滋補香橙鵝肝/XO醬海蜇頭/蔥油吊片香橙鵝肝 -   濃郁鵝肝與清新橙片好夾， 賣相精緻XO醬海蜇頭 - 海蜇頭清脆爽口，配上XO醬微辣，好開胃蔥油吊片 -  吊片肉質鮮嫩，食落好爽脆蜜汁叉燒叉燒肥瘦適中，外皮微焦香脆，入口肉質軟嫩柚子片皮雞有驚喜！雞皮薄脆肉嫩配上清新爽口既柚子，好match ，令我越食越開胃。鳳梨咕嚕蝦球外層金黃酥脆包住爽彈鮮味既蝦球， 酸酸甜甜，好滋味大廚脆炒黃瓜皮黃皮瓜爽口不油膩，微辣好惹味東坡肉煎飯肥而不膩既東坡肉鋪喺煙韌既煎飯上，口感豐富西施川貝雪梨茶川貝雪梨茶清甜潤喉，配上刀工了得既豆腐花，好睇又好食

香橙鵝肝/蔥油吊片/XO醬海蜇頭鵝肝口感粉嫩又滑口，橙香能中和油膩感魷魚片爽口伴上蔥油 ，很提鮮海蜇頭很有口感整體前菜很精緻，呢個開頭唔錯蜜汁叉燒肥瘦適中，油脂分佈均勻上枱都仲有溫感，肉質鮮美，蜜汁微甜。螺頭竹絲雞燉湯保留湯料原汁，用料十足螺頭已燉至軟身，竹絲雞唔會太肥滋陰補身柚子片皮雞皮脆肉嫩，用了慢熟方式，令雞肉很嫩滑沒有太多骨，因為已經用人手撕開仲有清甜柚肉，充滿果香大廚脆炒黃瓜皮黃瓜切片，伴以辣椒，肉末，蒜蓉爆炒，黃瓜爽脆入味，嗜辣者都可以挑戰下。鳳梨咕嚕蝦球蝦肉爽口彈牙，原隻蝦肉，勁鮮美鳳梨新鮮，不是罐頭的東坡肉煎飯東坡肉入口即化，成塊磚頭一樣，很紮實脆口煎飯，甚有口感西施川貝雪梨茶菊花豆腐勁顯刀功雪梨微甜 很潤喉

氣派典雅手工點心見棽粵有個手工點心套餐$438/位，又位於銅鑼灣高樓層海景view，都值得一試首先嚟咗蜂巢帶子芋角，好香好酥脆，帶子又有鮮味然後係百花釀魚肚，魚肚又冧又鬆化，而且吸晒百花的精華蟹皇蒸燒賣同埋菜苗帶子餃，蒸得熱騰騰，食得出食材的高質韭黃鮮蝦腸，韭黃細嫩鮮甜，加上大蝦的爽口鮮味，的確好吃菠蘿叉燒包的皮很脆，包又香軟，叉燒餡肥瘦甜度適中，好正食到呢度已經足十成飽，仲有個上湯炸粉果，粉果炸得外脆內軟，餡料又足，吸收又上湯的精華，口感又脆又軟，層次十足再嚟一個叉燒薑葱撈麵，叉燒軟林，麵條爽口，蠔油鮑汁夠惹味，雖然好飽但都清晒最後最後的甜點品，一定要食埋，清香竹葉角拼新疆紅棗糕，用竹葉包着的糯米團配上紅豆餡，既清新又香甜又軟糯，紅棗糕有濃濃的紅棗濃甜味，加上淡淡的薑味，的確一流。呢個套餐真係極飽

話說好耐都冇帶老婆去食好嘢，今晚决定帶佢去由米芝蓮星級廚師👨‍🍳坐陣嘅高質粵菜餐廳 棽粵。餐廳裝修極具氣派🥰，設有5️⃣間獨立房間和 坐擁270度維港景色嘅露台茶座，真係好適合唔同類型嘅聚餐😍。晚市套餐 $488/位三小食✨️XO醬海蜇頭海蜇頭口感十分爽脆，味道香辣🌶。✨️香橙鵝肝鵝肝醬軟滑香口，香橙醬🍊微微嘅酸甜味正好平衡油膩感，加上非常香脆嘅多士，令口感更加豐富😋。✨️蔥油吊片魷魚🦑片非常新鮮，口感軟滑彈牙，蔥油嘅香，更能突顯吊片嘅鮮味🤤。蜜汁叉燒叉燒燒得好靚，表面微焦🥰，肉質軟腍，油脂邊位又香又滑😋，伴碟的小黃豆味道香甜🤗。川貝陳皮水鴨燉湯燉湯材料有陳皮、水鴨、瘦肉及龍眼，湯底清甜，肉味香濃，陳皮的甘香味四溢🥰。柚子片皮雞半隻（兩位起）炸子雞🐓皮薄香脆，雞肉鮮香嫩滑，師傅👨‍🍳已經一早將啲骨起哂😍，再混入了柚子醬汁和柚子肉🍊落雞肉入面，一齊食增添了清新酸甜味道，有創意又好食🤤。鳳梨咕嚕蝦球蝦球🦐大隻肉厚，表面一層薄薄的炸醬，包裡十分爽口彈牙的蝦肉，咕嚕醬汁香甜微酸，醒胃又解膩。大廚脆炒黃瓜皮用上大量蒜蓉🧄、辣椒🌶及碎肉，再伴三色椒🫑及黃瓜一齊炒，味道非常香辣惹味😋。招牌安格斯牛炒飯飯炒得

呢一兩年多咗好多有bar嘅高級中菜廳，但棽粵嘅特色係銅鑼灣海旁地點25樓高可以欣賞無死角海景，日落、幻彩詠香江、煙花都可以欣賞到！開返支靚酒嘆中餐非常唔錯，棽粵亦有用中國茶做嘅 mocktail。今次第一次食就試咗個Testing Menu先，我哋平日夜晚去都算幾多生意，如果要窗邊位就提早預訂啦Tasting Menu $488/位，呢個價錢配上環境服務真係算好抵三小食有香橙鵝肝、XO 醬海蜇頭、蔥油吊片，三款味道都比較濃郁，最愛香橙鵝肝，口感軟滑唔會太鹹，再配上香橙甜味好清新。而海蜇頭同吊片都係新鮮靚料，各有特色蜜汁叉燒唔算太肥但肉質腍中帶爽，蜜汁淡淡甜味唔會太假川貝陳皮水鴨燉湯清香，每一啖都充滿陳皮香味，除咗水鴨肉仲有豬肉，令湯嘅鮮甜更突出柚子片皮雞呢個有驚喜！半隻雞拆咗骨，撈埋鮮柚子做個底，再鋪返脆脆雞皮上面，清新得來帶點雞油香食到停唔到口鳳梨咕嚕蝦球粵菜必食呢個餸，佢同普通酒樓嘅分別係蝦球炸過再用咕嚕汁兜，拔絲下係脆皮蝦球，鳳梨都係用鮮果大廚脆炒黃瓜皮用辣肉碎炒青瓜，青瓜本身爽脆多汁，連埋辣肉碎好惹味東坡肉煎飯煎飯用蛋一齊煎，係一個蛋飯餅，外脆內軟，一大件東坡肉肥美嫩滑好邪惡西

由米芝蓮星級廚師炮製既精緻粵菜餐廳內裝潢高雅 靠窗位置仲可以欣賞到維港景色亦有獨立房間及露台茶座🌟香橙鵝肝/蔥油吊片/XO醬海蜇頭先上三款前菜，賣相都好精緻吊片姐係魷魚好有咬口，撈咗蔥油好香中間既鵝肝幼滑配橙醬食冇咁膩海蜇頭爽脆微微酸辣夠開胃🌟厚切蜜汁叉燒半肥瘦叉燒肉質軟腍表面塗滿蜜汁好好食🌟川貝陳皮水鴨燉湯燉湯好多料 除咗肉同水鴨仲有一大片陳皮同川貝陳皮味道好重 配搭川貝飲落會有少少甘口 🌟柚子片皮雞雞皮燒到香脆雞肉搣咗絲撈埋柚子一齊食帶少少甜味食落會冇咁膩雞肉肉質都幾嫩🌟鳳梨咕嚕蝦球酸酸甜甜嘅醬汁有啲菠蘿同三色椒蝦肉幾爽 炸完仲有少少脆🌟大廚脆炒黃瓜皮黃瓜皮同肉碎一齊炒不過都幾辣 但好開胃🌟東坡肉煎飯底下既煎飯有啲似飯焦咁食落係脆脆地配埋軟嫩既東坡肉食口感又幾豐富🌟西施川貝雪梨茶連甜品都精緻 豆腐切成絲好似朵花咁味道清甜

「棽粵」主打高質粵菜，餐廳環境開場，裝修華麗典雅，座位寬敞舒適。入座後很快送上茶與小食今日點了—🍚三小食一開場的前菜就讓人印象深刻。微辣爽脆的XO醬海蜇皮，口感滑順味道濃郁的鵝肝，香氣清爽帶點脆度的蔥油吊片各有特色。🍚蜜汁叉燒厚切的叉燒，肥瘦適中，外皮油亮。一口咬下肉質很嫩，味道甜鹹適中，很有水準。🍚柚子片皮雞不同於常見的片皮鴨，這道片皮雞更讓人驚艷。油亮酥脆的外皮，油脂香氣豐富，脆度很高。底下放了滿滿的雞脾肉，餐廳很貼心的將肉撥成容易入口的小塊，伴著柚子果肉與柚子皮的酸甜滋味，大大提升了整道菜的豐富性，更襯托雞肉的甘甜與肉質的軟嫩。🍚招牌安格斯牛炒飯炒飯香氣十足，米粒偏硬粒粒分明，口感很有咬勁。牛肉切成小塊狀，肉質很嫩，沒有多餘的調味，炒飯味道非常清爽。西施川貝雪梨茶清甜的雪梨茶，配上口感滑順刀工精細的豆腐花，為整餐劃下美好的句點。總體而言，餐點道道都在水準之上，用餐環境安靜舒適，裝潢典雅高尚，是適合商務宴請或與家人朋友慶祝特別日子的好地方。