森美餐廳

營業中

休息中

Located near around The University of Hong Kong, my friend and I love this cozy place, serving fine dishes with a reasonable price with a arrive that reminds me of the Old Hong Kong, that people can attend to your needs in Western Cuisine, that is what the old guys told me as I weren’t born yet

之前有去過呢間餐廳食佢既牛扒，但就未試過佢嘅lunch set，因此今㳄同朋友去試吓～味道方面，個人認為主菜味道算係幾唔錯，牛肉份量頗多，而且食落去係比較軟身的，當然喜唔喜歡就見仁見智啦。咖喱味就比濃郁，但辣味唔算太重。價錢方面，個人覺得以咁嘅物價錢來講唔算太值嘅，而且食物賣相亦都比較差。不過整體來講成嗰lunch set都算唔錯嘅,想食嘅朋友可以去試吓～印度咖喱牛肉lunch set HKD$65餐湯 菠菜忌廉湯/羅宋湯主菜附送餐茶、餐包、另可加4蚊食杯雪糕

The staffs were pretty friendly here as soon as we walked in. This restaurant looks pretty old, old table cloth, & a few plastic dishes were chipped... etc. I was quite surprised that the menu was written all in Chinese but served the Western/European foods... I ordered a steak in Sammy's sauce with some broccoli, 2 grape tomatoes, & baked fries. My family love the dishes they ordered & we're very satisfy with the foods & excellence service here!

對上一次食係話佢會執，但最近報道無講過佢執，所以行過就望望佢仲係唔係度原本仲係度，但餐廳人流真係好少，比我中學年代食下午茶既人流仲少森美出名牛扒，今日當然要食鐵扒上嫁啦。味道比花園餐廳既質素好。今日都食得番中學時既味道

經常都會路過呢間餐廳，知道係老字號，好出名，但最衰每次都係食飽先會路過囉。咁啱有一晚要去附近陪老公覆診，就決定覆完診後嚟試下佢喇。餐包係好味嘅，熱辣辣，外面脆脆地羅宋湯，um... 正常，少少辣葡國雞飯，食唔到本來要有嘅味道鑊仔牛柳，夠林，醬汁有啲咸加30蚊可以轉餐，有飲品加30蚊可以有甜品，我仲以為舊式店都會係啫喱嘅添

這是我第一次寫食評：話說今晚想食扒，專誠打電話去訂位。講左三次，侍應才聽清楚貴姓，時間，人數...話排我坐「扒房」@@去到先知餐廳入邊有間「扒房玻璃屋」。坐低後，仔細睇過兩份餐牌，價錢當然唔同，但同女朋友食就算啦，而且我今晚是包場😂問題一 上湯，餐包速度奇慢問題二我要求牛扒五成熟，切開一看還是血淋淋，只有三成， 自己煎仲好食過問題三白汁煮蝦盛為＄180⋯⋯只有5隻開邊蝦仔同伴菜Overprice 得有點離譜，絕對同意「大家樂做得比佢好味」。

森美不再，已經不是以前的森美餐廳贈言五字 : 不去冇損失現在老闆娘好有問題，我地見餐牌話焗梳夫里要30分鐘，所以同侍應生講要幾時落單，佢話依家寫住單先等我地食到一半時再提佢落單，食到一半時得少少飽，問佢可否取消order，佢話問問先，但老闆娘叫佢覆話已落左單整緊好快有，但我地食完等左45分鐘先到，就嚟左兩碗，老闆娘仲過來話係2人份咪兩碗，仲話依家好少人整㗎啦！好好食㗎！如果係咁不如在餐牌取消算了，不要多說，我自問我整的失敗之作比這個還好！$150食呢個咁嘅梳夫里，味道似橙味司胳脫魚肝油，碗底有水，焗的疏夫里絕對不會這樣，似乎是先蒸後焗，好失望。全單$550，一次過，呢世唔會再走！餐廳食物不美味衛生環境絕對差老闆娘不太老實森美時代不再未飲過如此差的洋蔥湯，好似落左生粉水咁餐牌明明是寫著法式砵酒會羊膝和紅酒牛尾，但個汁竟然一樣色一樣味一樣料，那為什麼餐牌要咁寫呢？索性寫紅湯羊膝紅湯牛尾吧！焗梳夫里只寫英文for2persons，冇話得兩碗囉！未食過等左45分鐘都做到咁差的梳夫里，不論味道、質感都不好，肯坐不是由生焗熟的，因碗底有好多水而且疏夫里完全不黏碗，應是先蒸過再焗。

附近返工，中午時行過見到裝修同同事傾好裝修完畢就黎試下。等左個幾星期裝修好黎試下，點知真係好失望。 叫左白湯，黑椒牛扒薯菜午餐 $60 白湯好稀有蕃茄味主菜牛扒好多膏同根，切走左無左三分一塊扒，黑椒汁完全無味，薯菜真係 薯同菜，白烚薯仔一粒 加4片白烚節瓜....薯條都無條 青豆粒都無一粒.......食完諗住叫杯穩膽凍檸水....除左糖漿味...咩味都無...超失望...無下次...想試既 我建議你去大家樂會仲滿意，完。

今晚特意來懷舊一番。我們選在餐廳晚餐，沒有進扒房那邊。餐廳裝修很殘舊，雖則我們想來懷舊，但殘破的環境並不能給人愉悅的感覺，只有唏噓...羅宋湯頗大碗，胡椒味濃，適合嗜辣的舌頭。我要了黑椒西冷，好大件，仲有翠玉瓜及薯條墊底，份量十足，味道亦不錯，不過用鐵板上令medium rare變成了medium，下次應該選擇用碟上！朋友很滿意她的森美火焰大蝦，有四隻蝦，她說森美汁有點似洋蔥汁。用餐加$55可要一客焗田螺，咁抵，沒有不叫的理由吧？雖則環境非常一般，但小店需要支持，加上食物質素令人滿意，下次仍會再來啊！

同同事喺西環附近完成工作，就喺附近搵食，平時好少嚟呢頭，路過見到呢間咁懷舊嘅餐廳，就入去試下！入面嘅裝修好似以前細個父母帶我去食嘅餐廳，好懷念！入到去仲可以叫午餐，又有下午茶！正！叫咗個午餐，有牛扒，有羅宋湯有包，都係50幾蚊，仲可以加錢轉飲黑牛，唔係度度都有！雖然唔係話超級好食，但我覺得水準係唔錯，羅宋湯係以前細個飲嘅味道！同事叫咗鐵板炒公仔麵，佢話好正又夠熱，而且價錢抵食！有機會我都想再嚟試埋個下午茶呀！

屹立於西環好多好多10年嘅一間餐廳，因為加租嘅關係呢嚟緊呢就會暫時停業，然之後再物色其他嘅地方，其實依家百物騰貴，要繼續生意真係唔易，再加上呢種懷舊氣息又唔係個個都鍾意。能夠喺西環呢一個地區再搵到舖位都係一個未知之數，所以呢個晚上，搵晚餐是我就話要嚟到呢一度。我係一個要做就做，唔好令到自己後悔嘅人，以前呢個概念冇咁嚴重，但自從家人過身之後，我比以前更加會去實踐想做的事。有唔少朋友曾經聽過我打個電話去同佢講: 喂半個鐘頭之後有冇時間一齊去邊度邊度食pancake，刨冰，食雪糕，食下午茶去某酒店到食個buffet，如果無人得閑我都會自己去。因為我相信"想做就做, 唔做唔代表下次一定會有機會" 亦都係因為呢個原因令到我開始討厭身邊的人，每一次同佢講我想…不如我哋一齊去…嘅時候就會同我講就埋阿邊個邊個呀。不如下次先？我唔係一個小氣嘅人，但係我好討厭要為我唔知點解要為嘅人改變。點解我要喺一個地方食一杯雪糕，要同我講下次，好想問下一次即係幾時？呢間餐廳唔會等我而延遲關門，所以呢個晚上我都嚟到呢度。其實嚟到呢度唔會期望個食物真係會好好，原因係因為人大左真係食多咗好多好味的，但係屹立幾十年嘅懷舊味道又

You can't get more old school than this place. This is the sort of place you'd go on a date for a fancy western meal in the 80s and it still looks like it's in the 80s. It's cramped, it's cluttered, there are lots of random knick knacks and the menu has a photo of the Eiffel Tower on the front and the Arc de Triomphe at the back. It's almost kitschy, but it's not. This is just how it has always been. Absolutely love it! I had the T-bone steak and the portion was huge! the steak was probably 25cm

多次經過這森美餐廳，見到好經典好耐歷史，今次終於都入左去試下。叫左個黑椒汁牛扒配薯菜餐。首先講下個卡位d 皮，爛晒，如果著條靚裙千萬唔好坐卡位！再黎個紅湯，個湯就正正常常，但係個大湯碗就崩既...其實個碗都係膠碗，好心佢就換個碗啦。跟住上個黑椒汁牛扒配薯菜，先講個炸薯條...好似隔夜食唔晒再番炸咁款，因為個薯條皮炸到唔係金黃色，而係深啡色，塊炸既皮好厚，薯肉好少...薯條唔好食唔單止，而且得果幾條....講到個黑椒汁牛扒，個黑椒汁唔好味，冇黑椒味，個牛扒一食就知唔係靚扒，扒好薄，唔香牛肉味，本人唔係要求幾十蚊要有和牛級數果d Level,但係一般茶餐廳d 牛扒餐塊扒都唔差得過佢，而且黑椒汁仲好味D。簡單來講，連黑椒牛扒都整得唔好食，薯條又唔好食既餐廳，我係唔會再黎既。可一不可再！

豉油西餐，可以說是香港獨有的飲食文化之一。我作為一名70後，小時候的我，對扒房的認識同認知，就是這一種。之不過，隨著歲月，能留下來的豉油扒餐廳真的是不多，而且隨著對飲食的知識增長了，曾經有一時，我看不上這些港式的扒房。後來，人長大了，又會想起小時候的老味道，想起小時候，食麵包，飲羅宋湯，食有汁有美極醬油香的牛扒，是多麼的美味啊。所以，30幾歲的我，一有機會就會向這些老牌港式扒房揮手，說，我要入黎品味真正的港味道。這一天，人在西環，品味完一間文青咖啡店之後，因為該 cafe 並沒有提供午餐，而 cafe 的正對面，就是歷史悠久的《森美餐廳》，肚子餓的我，就要去食個扒了。 一入到來，四方檯，格仔檯布，突然有一種古早味的感覺呈現在我眼前，畢竟這餐廳現時賣的其中一樣野，就是懷舊。 其實，吸引我入去的，除了是懷舊之外......喂，$55一個午餐，有 T 骨牛扒食，點會唔吸引。 我一坐底，就立即點呢個餐。首先來的，是一個微暖的麵包。好多人會浸一浸湯才食，其實就咁一舊牛油塞入麵包的內心，已經非常之好食。 紅湯，就是羅宋湯，是一個好多湯渣既美味版本。有牛肉香，有蕃茄味，也有少訐的辣味道。老味道的羅宋

午餐時間喺西營盤搵食，咁就試下森美啦，夜晚食牛排都算OK，又係老店，支持下去到門口見無咩人，都有啲感覺到伏伏哋...叫咗個咖哩，同行朋友叫咗個燒汁雞，味道真係同一般茶餐廳無咩分別最慘係2個飯都只可以用「暖」嚟形容食多兩食直情凍埋餐飲呢？個檸茶無咩味，冰又好似多咗啲咁...最後都係梗硬食完走...我以後唔敢喇...對唔住呀朋友仔，係我介紹你嚟嘅....