棋哥燒鵝 (已結業)

今日難得放假，就去咗尖沙咀同媽咪行街。見到新開嘅棋哥燒鵝店，新開張，同媽咪就去試下啦！因為之前喺灣仔諗住食,但係因為太多人冇入到去。媽咪叫咗一個燒鵝瀨粉同茶走，我就叫左一個常餐， 有叉燒意粉炒蛋火腿多士 。燒鵝瀨粉真係好驚喜佢嘅外皮燒得超級香脆，肉質鮮嫩入味，真係名不虛傳 而且分量都幾多仲有佢個瀨粉都好好食茶走都要讚一讚 沖得香濃幼滑！！我要嘅叉燒意粉都好食，叉燒都好多塊， 塊多士上碟時，熱辣辣香脆，新鮮麵包質感。啲多士咁好食，都忍唔住要多份油尖多另外值得一陣喺啲員工服務態度友善，餐廳光猛開揚，坐得舒服！！

是日行街，拎到两手都係野，就想快快脆食个晚飯就走了。經過哩間餐廳，食個燒味飯就啱好。原隻燒鵝髀飯燒鵝髀一整隻，好吸引，出品都中上水平。我覺得燒得乾身D會更好，而且可以再濃味D餐湯湯係要加錢配既，湯渣都算多，幾好味。乳豬拼熏蹄飯乳豬係幾唔錯，皮好脆，咬落卜卜聲，而且真係乳豬黎既，脂肪唔多，食落唔會膩，真係幾好既。熏蹄就係正常水準。整體來講，係旅遊旺區，想快脆食個靚飯，係一個幾好既選擇，同埋唔需要排隊。

5知幾時興起呢D 燒鵝店, 試下呢間平價的。叫左個雙併, 燒鵝+ 叉燒, 燒鵝有厚肉GE部分, 亦有薄肉GE部分。肥糕5多, 岩我, (我記得深井某間肥到我食滯左....) 。好新鮮, 好食佢無俾酸梅醬我, 但好似一早已經茶左D 醬在燒鵝上。叉燒半肥瘦, 好新鮮, 好食! 飯已經有醬汁, 咸咸甜甜的, 幾開胃。飯再多D就好, 

這家新開的店 裝修時尚， 地方乾淨寬敞 坐得舒服， 食品評價如下；棋哥燒鵝瀨粉， 很難想像今天的尖沙咀45元能吃到 這麼好的燒鵝 而且還包了一杯凍飲。 燒鵝分量非常足夠， 啖啖肉， 肉質鮮嫩， 最重要的是 入口 有淡淡的 荔枝木炭火香味! 湯底清甜。 值得一讚!凍檸茶， 沒有反茶的混濁， 合格。再要了一個下午茶菠蘿油餐 28元， 不過不失， 但可惜麵包是微波爐出來的， 菠蘿包皮因 微波爐過後 水蒸氣 的關係並不脆皮。這裏的燒鵝真的做得非常好，比一些中環老字號更好，這個價錢認真超值! Ben爺推介!

約了朋友在尖沙咀吃晚飯，途經這間燒鵝專門店。門外的下午茶餐牌，叫肚子馬上咕嚕起來，提醒我尚未吃午餐😅望一望時間，尚有兩個多三個小時才吃晚飯，決定先醫一醫肚。先說奶茶。茶底香濃，夠滑，稍薄，表現不俗。燒鵝皮油油亮亮脹卜卜的，薄薄一層脂肪，皮脆油香。肉質細緻結實，富嚼勁，也考牙力⋯ 肉味不算很香，醬味也頗清淡的，反倒帶濃濃的不知是炭燒味還是熏木香味，傻傻分不清 😂 愛啃骨頭的我希望骨頭能多吸收點醬汁及肉汁就更好了。這個要介紹的是辣椒油。滿滿的蒜香非常吸引，有辣勁而不嗆喉，配上瀨粉很惹味。吃過燒鵝瀨後有點意猶未盡的感覺，想起原本打算到旁邊的永年士多吃斑蘭咖央多的，馬上柯打一份鮮油多補數⋯一片厚多士對切，再加上差不多一公分的鮮牛油，多士外脆內軟，牛油涼涼的咸咸的入口即溶，肥死不能復生 😣餐廳的餐牌蠻幽默的。主打為燒味，也有一般常見的常餐或三文治多士等供應。

今日第1日上堂，未來七日都要喺尖沙咀食lunch，正苦惱緊尖沙咀中午食飯無位嘅同時，遊蕩期間，一路行就見到原來尖沙咀都有棋哥，之前只係幫襯過天后同銅鑼灣兩間，完全唔知原來尖沙咀都有分店，去碰下運氣睇下有冇位，好順利唔使等候即刻入坐，望吓餐牌又有選擇困難症，諗諗吓等陣仲要上堂唔好食飯，飯氣攻心會瞌眼瞓，我又係叫番例牌既常餐，選擇有叉燒/五香肉丁/沙嗲牛肉或者加$10要燒鵝，粉面選擇可以要意大利粉/米粉/通心粉，我依然照舊叫叉燒通粉，因為棋哥啲叉燒好林又juice ，最後加多一碟菜都係$20 ，喺尖沙咀呢個價錢真係幾抵。