棋哥燒鵝餐室

營業中

休息中

見到呢一間分店已經很多次，但係仲未有機會，今天一於入去一試，今次個焼鵞頼粉，個鵞入口的皮是有柴燒味，油份十足，非常美味！不過一定要提一提，如果頼粉丶米粉一定要伙記下單時分開上，另外不要蔥的記得下單時提出！

話說有朋友喺印尼過咗嚟香港探我咁梗係帶佢去啲地道小小嘅嘢食啦講都無謂梗係大個去食最好食嘅燒味飯平時都鍾意食叉燒同埋燒肉嘅我見今日咁開心仲唔即刻整燒鵝食咩真係正到爆，最正係酸梅醬任落🤣幸福死(個肚腩)再加埋杯凍鴛鴦，真係唔知可以要求啲咩啦最後我friend見到人叫菠蘿油，又話想食咁好啦，我怕咗你😂再食加加埋埋都係食左180左右真心係會食完返黎再食性價比高，燒鵝又好食睇黎我嘅燒味名單又多一間餐廳啦🎉

以香港人由細到大食開燒味黎講，講真佢真係一啲都唔好食，佢一個五寶飯賣78蚊，影相睇落好吸引，個飯一黎到就已經覺得圖文不符，燒味乾睜睜，暗淡無光，做大陸人生意就可以，香港人黎食真係唔ok！全店8成食客都係大陸人，樓面都係大陸人，可能因為近銅鑼灣關係，會有啲大陸人係門口排隊，啱啱食完一放低筷子即係有人過黎收你碟飯，好似想趕你走咁。78蚊食碟燒味飯仲要食到好有壓力，如果唔係未試過佢地既食物同服務真係唔會入去試！

話說見佢新開分店不久，應該唔會死錯..點知中伏～時間趕趕地，叫左個常餐諗住快食..首先啲侍應個個掛住吹水，做野馬虎。方包烘底凍冰冰，林pat pat,應該放左好耐。根住個通粉又係林pat pat, 成個餐煮得勁hea..只有叉燒係正常食得入口無諗過新開張無耐就變得咁hea ~無下次

今日跟朋友行完銅鑼灣，想吃個午餐醫醫肚，就突然間想起謝謝菲道一帶有很多茶餐廳，就過去看一看，基本上整條街的餐廳我都吃過了，唯獨是棋哥燒鵝餐廳未吃過，就決定入去試試，需知道這間餐廳有很多分店，但都想試一試。我們點了兩個全日常餐，其實常餐我覺得是全日供應，可以不需要加全日二字，常餐有一碗叉燒粉麵、餐包、火腿、炒蛋和餐飲。我點了米粉、本來想叫紅豆冰，竟然茶餐廳沒有紅豆冰，那算是港式茶餐廳嗎？而我朋友就加了$10轉燒鵝，個人覺得叉燒比燒鵝更優勝，叉燒不會太硬死死實實，湯底略為偏淡。餐包叮得太耐，炒蛋香滑。總評：整體不過不失，略欠驚喜。

平時食嘅燒鵝飯都食得多啦棋哥燒鵝就係第一次食當然係叫出名招牌嘅燒鵝飯啊燒鵝皮燒嘅位置啱啱好唔會太肥都唔會太瘦食落口唔會覺得肥我覺得燒鵝飯同出邊真係好唔同 價錢就比較貴但係我覺得合理起碼真係要再想食

午飯去咗棋哥食燒鵝， 嗌咗燒腩仔燒鵝嘅湯瀨， 佢嘅燒鵝同燒腩仔都十分香， 肉質亦好多汁， 對於唔係太好燒味嘅我亦覺得不錯， 呢度大約食咗65蚊啦實際幾多錢都唔記得係六十幾蚊左右， 因為小食燒味所以唔知佢抵唔抵食， 不過如果lunch嚟計我就覺得唔算好抵啦， 但撇開價錢嚟講我覺得味道係ok嘅， 可以值得一試坐嗰方面就迫少少 始終係茶記格局 不過都可以接受 嗰度啲夥記都好幫手 服務亦好好 見我哋六七個咁入嚟都好快手幫我哋搵定位

說到燒鵝，很多人會第一時間說起深井陳記，還有庸記燒鵝，我卻覺得銅鑼灣的棋哥燒鵝非同凡響，每吃一口都能感覺到那陣陣荔枝柴的薰香，混著燒鵝的脆皮、勁道的鵝肉，再帶一小點的肥肥的鵝油，送進嘴裡時，鵝油嗶一聲湧你的口腔，伴著酸梅、還有點鹹香，時間似乎停頓了，人生足以！

今晚諗住食個快嘅。帶老公去食燒鵝。入到去見到餐牌，個價錢可以食西餐。好彩見到個$78套餐五寶飯。諗住呢個抵食，跟嘢飲。所以一人叫咗一個。落完單老公發現原來仲有啲雙併飯係$58。再加上五寶飯係冇燒鵝，錯左重點🙄🙄🙄諗住改單，點知個侍應話落咗單。叫我地下次先來試。嗯，其實前後唔夠一分鐘。廚房未整應該可以改。不過算啦🤣🤣🤣五寶飯嚟到，有啲失望🤦🏻‍♀️🤦🏻‍♀️🤦🏻‍♀️首先五寶飯係有：叉燒、乳豬、白切雞、紅腸、鹹蛋。再加條黃左嘅菜芯咁點解會失望呢？因為覺得燒味係餸頭餸尾。我見隔離嗌雙拼叉燒油雞飯。叉燒同油雞係好靚。我哋嗰份就。。。。。叉燒好硬，白切雞好多肥膏係無肉既。乳豬就好啲，都脆。白飯食落有啲鞋口🤔整體食物味道真係麻麻地！侍應接待又麻麻地！會唔會再試？應該唔會👀👀👀

棋哥燒鵝，相信很少人沒有聽過吧! 之前被社交平台一直洗版上腦後，決定今晚斬個料帶點家中，給兩個食肉控品嚐一下!接近晚餐時段，人客都不少，相信味道應該不錯! 門口處一個大玻璃，掛上不同的燒味，看上去很吸引呢! 雖然所有食物都很吸引，最後還是選擇鵝脾下莊，應該肉會多一點吧!回到家打開後香氣撲鼻，份量已比想像中多，畢竟燒鵝定價本來就是高一點。燒鵝另配三款醬汁醬油，都是隨你喜好配搭。這裡的外皮顏色金黃均勻，皮質香脆；外皮下是一層油脂，油脂的厚度比想像中多，然後是一層肉，要一起吃下去才能感受到油脂與肉交織著的恰到好處，如愛瘦肉者可能不太合適，但是多了一層油脂就是夠香。不消一會，就被家人清光了呢!

e間燒味好好食 已經食過幾次 叉燒，燒鵝，燒腩仔同乳豬都食過其實e間好似出名食燒鵝但乳豬同燒腩仔都好出色 燒腩仔個皮好脆!乳豬唔係得個皮係有肉夜晚食都仲要有餐包野飲包埋野飲一d都唔算貴普通雙併先58蚊

今日lunch遲左出黎，🙎🏻‍♂️話帶我去食燒鵝飯，快又好味😁12點9度去到已經full晒，好彩等左5分鐘度就有位入面都坐得有dd迫，不過感覺乾淨! 第一次黎食緊係要試下招牌菜-> 燒鵝啦😋我叫左燒鵝撈粗麵，🙎🏻‍♂️叫左燒鵝飯🥢好lucky有燒鵝脾haha✌🏻鵝皮有光澤，脆脆的鵝肉有肉汁同香，一d都唔乾👍🏻皮同肉之間有dd脂肪，唔係厚肥膏(可以連皮食🙈)要求高d既話就係如果個鵝肉熱d會更好Lunch食飯🍚我驚會好眼瞓，所以叫左撈粗麵🍜個人覺得個撈麵調味同軟硬度都正常，可能配飯會夾d我地加左$15有一碟手撕雞 （簡左麻辣味🌶)肉質都ok，唔肥唔係好辣，少少辣辣地咁$50幾我覺得都抵食，鵝既質素中上，仲要包一杯野飲🍵算性價比高👍🏻

話說上年係維園搞年宵搞到天昏地暗既時候，無意中叫左呢間《棋哥燒鵝餐室》既燒鵝飯外賣，鄉下妹以前食開樓下街市廿蚊一盒個啲燒味飯，所以覺得好貴好貴，但食過一次之後對燒鵝既印象完全改變左！今年決定直接去門市食！！！去到門口已經見到坐爆哂，但等左一陣都已經有位。兩個人叫左個二人套餐（＄248 ）包括1. 燒鵝例牌一碟 （$148）燒鵝係脾位！皮好脆；肉好滑好嫩，一啲都唔韌唔鞋，但又唔會燒得唔熟有血，而且呢到既鵝係用荔枝柴嚟燒，所以真係會食到有淡淡既柴香味架！脂肪比例都岩岩好，唔會好油好肥，好好味！2. 叉燒例牌一碟（$88）叉燒同燒鵝一樣好嫩滑，厚身有咬口，但唯獨部位瘦左啲，如果多返少少肥膏會香啲，鐘意食肥既朋友係落單既時候記得同職員講要肥叉/半肥瘦叉！同埋覺得佢咸‍左啲呀～3. 白灼時菜一碟（$15）4. 白飯/湯瀨/湯米粉 兩碗（$10 / $15）5. 湯（眉豆花生唐排煲雞腳湯）或冷熱飲品兩份 （$15 / $16up）價錢睇落好似好貴咁，但佢份量真係好大份，無論係燒鵝/叉燒/菜/飯，全部都好大份，基本上三個人食都得，而且以呢個味道嚟講，我會覺得值得一食喎！整體評分：7.5/10

今晚要去銅鑼灣做facial, 扮靚完後逛呀逛，看到棋哥燒鵝餐室客似云來，想想也應該不會太差，所以就不由自主的走進去!六時半已有九成坐滿，我被安排坐到一個中間位，馬上便打開餐牌!豪不猶疑，馬上order 了一個乳豬五宝飯，再加了一個眉頭花生例湯! 當然少不了我最愛的凍檸樂!眉頭花生湯真的夠晒火喉，而且有很多雞腳和花生，湯料十足!乳豬五宝有鴨蛋，紅腸，叉燒，油雞和主角乳豬! 没令我失望，乳豬皮炸得脆卜卜而肉質很軟，我覺得水準不錯，所以下次一定會再來吃燒鵝飯!

今日同同事食晏落咗渣甸街搵食，太耐冇過嚟似乎有間新野喎打正旗號食燒鵝，喺門口睇到佢啲燒味又好似幾吸引究竟係啲燈光問題定係啲燒味真係靚呢見到都好吸引，不過可惜糧尾燒味嘅選擇要果樣有果樣，對比起某些大牌子都唔算貴㗎啦乳豬都唔錯喎，啱晒貪心嘅我真係冇入錯黎，雖然就貴左少少，但係啲燒味真係靚嘅，乳豬係脆皮嘅，個切雞好靚，五寶飯嘅精粹係個鹹蛋同事就叫咗個下午茶餐嘅燒鵝瀨粉，據佢所講都皮脆肉嫩杯凍檸茶都有外面茶餐廳嘅水準嘅