棋哥燒鵝餐室

營業中

休息中

今日放工經過棋哥發現仲有下午茶(至6點)，幾大入去想試但一直無機會嘅燒鵝瀨。下午茶$40一碗燒鵝瀨連飲品算合理啦。鵝瀨份量唔係好大碗，可能因為係下午茶啦，燒鵝份量亦唔算多，理解嘅。燒鵝有煙燻味，幾好瀨粉湯底就一般，有啲失望!

今次是第二次光顧此店，因為友人想食燒鵝而又身處於銅鑼灣便來到此店。上次是下午茶時段抵食好多$40燒鵝瀨包熱飲，今次午餐時段同樣包熱飲要$58😱，不過她的燒鵝確實好食，瀨粉湯底正常....今次仲有驚喜...給了我燒鵝脾！實在開心💩....另外她有個茶餐廳的茶餐$45有多士炒蛋叉燒意及飲品....應該是全日供應....不過見到哩個茶餐只有幾片叉燒...有位伯伯評價唔好食...不竟此店是燒味店....還是選擇燒味吧....

今日去咗銅鑼灣行街街，去到棋哥燒鵝餐室，於是入去醫醫肚。嚟到呢度，都真係冇乜理由唔試吓佢嘅招牌菜，所以諗都唔諗就叫咗一客棋哥燒鵝飯。老實講，如果純粹講賣相，呢碟燒鵝飯真係唔討好，因為嗰層燒鵝皮實在係明顯地黑，同餐牌相片見到嘅金黃色係兩回事。不過食嘢都係講味道，一試之下，發覺鵝肉結實味濃，亦有油香，而更令猴子在意嘅係佢帶有一啲類似藥材咁嘅甘香味。好奇之下，睇睇佢嘅餐檯紙嘅介紹，先知原來嗰種叫做「荔枝柴香」，係用創辦人（即係棋哥）研發出嚟嘅「荔枝柴煙燻技術」整出嚟嘅。但講到尾，到底荔枝柴香係乜嘢味呢？猴子就覺得同當歸嘅味道有啲接近。至於價錢，HK$58一碟（凍飲加HK$3），其實唔係貴，一來間舖喺銅鑼灣，剩係舖租都好重皮，二來燒鵝本身都貴，再加上呢隻係燒鵝髀喎！仲想點？

上次都有提過皇恩浩蕩燒鵝髀飯，但無辦法因為我住銅鑼灣冇計啦。確實期嗰個水平又係幾好。好多人都知我比Johnson哥教誨過，想要搵到錢就要食最好住最好着最好。我聽完佢講我真係去Kevin C買底褲都買3-4000.但我都已我量入為出政策。來搵幾多洗幾多。又講咁多廢話，其實我想帶出就算去任何地方我都要叫零瀉貴嘅東西來食。今日食燒鵝乳豬雙拼飯，例湯/凍檸茶。講真我唔鍾意食乳豬骨，比較鍾意食肚位，師傅可能知，爭小小，就斬左燒鵝上脾俾我。棋哥好特別係跟酸菜。其實我好憎食酸菜，但師傅一直堅持一定有原因。我就試咗，原來都幾襯。個例湯有料！非常值得！開咗連鎖店一定有原因，一定有成功之處！是日晚餐84。抵食值得。但如果態度幾奇怪，唔緊要啦，可能奇怪嗰個係我自己呢

呢日 #小秘書 帶個 #新加坡朋友 去 #銅鑼灣 食飯🍚🥢 問佢想食咩啦... 個答案既然係「燒鵝」🤔 聽佢咁講，我先醒起舊同事之前講過 #新加坡 🇸🇬 係無 #燒鵝 賣㗎，要食就只有 #燒鴨😅 不過無理由六七點先入 #深井 啫😅 就近近地去 #渣甸街 間 「棋哥燒鵝餐室」比佢試吓味先啦🤪一大排 #鵝頭 陳列喺門口掛 #燒味 嘅玻璃箱裡面，非常吸晴👀 曾幾何時，#小秘書 都食過㗎，雖然外貌好醜樣，但係估唔到「鵝頭」好有肉，口感直頭似食緊雞脾😏 不過我朋友就只係鍾情於佢嘅「燒鵝」，可惜「棋哥餐室」嘅座位安排麻麻，無理由花幾百蚊坐「茶餐廳」啫🤪 所以我哋最終揀咗食碟頭飯。我哋叫咗個「燒鵝併叉燒飯」，#燒鵝外觀 不似預期，睇起嚟油淋淋謝哂皮咁😏 不過食落都幾香口、有種炭燒嘅味道，不過舊舊都得層皮，話唔到比大家知啲鵝肉嘅質素添🤔 相反 #小秘書 就幾滿意 #棋哥叉燒，肉地半肥瘦咁，最啱我口味😉 不過呢... #師傅 就似乎太闊佬，淋得太多汁喺啲飯度，#小秘書 唔食慣啲飯咁濕同咁重口味㗎😏

一支公食飯都冇乜選擇，行開銅鑼灣就試吓呢間食燒鵝嘅餐廳。呢間餐廳次次行過都有唔少人食，不過一個人就好容易搵位姐。燒鵝係有煙燻味㗎，真係唔係間間餐廳都食到呢種風味。燒鵝唔會太肥，肥瘦適中，咬落去有鵝油流出，正！

$40食鵝骨一入到去職員多過客，食飯係咁比人望住好怪~不過落單具需3分鐘就有嘢食，夠快 滿心歡喜點知....我碟燒鵝飯全部都係骨，大佬呀雖然四十蚊啫垃圾垃圾垃圾，冇下次

基於我肥底嘅關係，平時食燒味我都會好收斂，【皮】一律食一塊起兩塊止。但呢間嘅燒鵝真係太特別，食落係充滿住煙燻味，特別係塊皮！所以我每次嚟呢間餐廳都一定會食晒每一件燒鵝嘅皮，雖然好邪惡，但食嘅時候每一啖都充滿住煙燻味又真係好滿足！-另外值得一讚嘅就係個足料例湯。個例湯就係花生雞腳湯，又夠熱，又夠足料，飲落係勁濃，一啲都唔HEA。叫碟飯加$8就可以將飲品轉例湯，呢$8絕對值得比！👍🏻-平時係其他餐廳食嘅荔枝柴煙燻燒鵝都冇呢間整得咁有煙燻味，我相信平時鍾意食煙燻嘢嘅人一定會愛上呢間嘅燒鵝！不過呢...呢間餐廳嘅其他燒味就好一般......🙈🙈

聽聞筲箕灣嗰間棋哥幾出名。今日收工經過銅鑼灣呢間分店，就一於試下。大約八點到，d 枱都坐到九成滿，得返最入面最近廚房個張枱，張枱附近嘅地下好油好滑。除此以外，衛生情況係 ok 嘅。簡簡單單叫咗兩個雙拼飯。燒鵝同想像一樣咁好食，叉燒正常水準。腩仔皮好脆，油雞都幾滑。雙拼飯送熱飲，凍飲就加 $3。

早前網上介紹香港十大燒鵝店榜上有名的－棋哥燒鵝餐室網上說是傳承四十年的燒鵝手藝烹調燒鵝的手法更是講究，以荔枝木煙燻去腥 正常大約六時半的人流應該很少但它反而人流爆滿，店內位置幾乎滿座留意到有旅客和附近的上班人士可想像繁忙時間有多少人光顧 招牌叉燒燒鵝飯＋奶茶 － $66 燒鵝果真皮脆肉嫩不同平常出面吃的燒鵝肉很韌叉燒肉的脂肪比例恰到好處不太喜愛吃半肥瘦，它是很瘦但非常易咬口，應該用了靚豬肉但不同平常出面吃的燒至紅色的叉燒，味道偏淡 奶茶真的很多冰，但味道不錯

朋友介紹我有間燒鵝飯店很好吃，推介了我好幾次，最後她心急到帶我一齊去食。當時下午4:00左右，店裏都已經有七成入座率。一坐低，我們二人二話不說就立即叫了兩碟棋哥燒鵝飯。果然沒有介紹錯，皮脆肉嫩、有少少肥脂，豉油汁都充滿燒鵝味道、再配上酸梅汁， 十分好味😋。之後，我們二人再叫了一個燒鵝瀨粉，因為一碟燒鵝飯還未能滿足我們的胃😆。店裡環境乾淨、燈光光猛、服務員招呼周到👍🏻大家有講有笑，我們一定會再次光臨。♥️

棋哥講到自已啲燒鵝咁犀利，皮脆肉嫩，於是入去試食吓！棋哥燒鵝瀨粉 $40燒鵝皮味道，同出面街坊燒味鋪的而且確唔同，多左一種獨特香味！ 值得一讚～ 鵝肉都算嫩！但燒鵝太太太太肥，脂肪成寸厚，而且好少肉！ 食得唔開心😫 瀨少湯底係普通清湯，冇特別！ 同行朋友叫左叉雞飯，試食左一兩件，差！叉燒「入口即融」，毫冇質感，好奇怪！ 油雞表現正常，冇特別！ 回頭率： 0

又是一間分店越來越多的食店。星期三放工後約朋友在銅鑼灣食飯，見到棋哥原來這條街有分店，決定要試試。除了一般的燒味飯，這裡還有常餐供應。燒味飯價錢屬中價。燒鵝飯單併賣$58，我點了雙併飯燒鵝腩仔飯，承惠$63，加例湯，再加$8。份量屬大碟，燒腩仔好味，招牌燒鵝肉厚，但有點亁，我們問店員拿多一些汁用來點鵝食，立即有畫龍點睛的效果！每碟飯都有兩條菜芯、以及一些中式醃菜，這也是加分位！都市人怕肥，但看飲食節目，食家常説肥肉較好味，這裡更有一些介紹鵝油好處的文字。

For those who might speak a little bit of Cantonese but do not read Chinese, be prepared because the waitress dares to scold the customers IN FRONT of them “YOU HAVE A VERY LOW LEVEL OF COMPREHENSIVE ABILITY” which is super rude. The English translation on the menu is also misleading. And you won’t miss anything if you never go to try their food anyway. The meat is not tender at all, even during dinner time.

渣甸街的食肆日新月異，今次輪到燒味店，雖然這間不是第一間，但之前試過其他分店幾好味。午餐無所謂吧。點了常餐和燒鵝飯，常餐來說可以說是非常抵食，原因在於他的份量不算少，多士會有兩件，炒滑蛋炒得非常之滑，而且富有蛋香。配上多士一齊吃是不錯的享受！重點原來是在那的叉燒湯米粉，不知是否因為是燒臘店，他的叉燒我只能用超卓水準來形容，往往對常餐裏的叉燒通粉不重視的叉燒反而成了主角。燒鵝飯我的時間也是超有水準，燒鵝皮脆肉滑而且有陣陣的煙熏味。你可以就這樣吃或配上附送的梅子醬一齊吃，兩種食法各具特色別有風味。很難抗拒不再來光顧，比太興高出一班的燒味連鎖店。