棋哥燒鵝餐室

營業中

休息中

喺銅鑼灣返工lunch唔知食咩好，疫情又再爆發，叫咗外賣。燒味飯來講真係好出色😋😋係冇得$53已經有個燒鵝飯，燒鵝有少少炭燒味，感覺同傳統嘅燒鵝唔同。肉汁都好豐富。絕對唔會因為價錢平而肉比少咗👍🏻👍🏻另外再叫多咗一份手撕雞，兩個人食都食唔晒全部肉都好入味好新鮮。外賣時間都唔算耐，拎到返公司都係熱辣辣唯一缺點就係唔跟嘢飲，不過唔緊要可以喺附近七仔買自己鍾意嘅嘢飲，所以整體嘅感覺都好好以後諗唔到lunch食咩都可以多個選擇，打工仔嘅恩物

今日兩個人食人early dinner,6:00後即入咗去，食左個燒鵝撈粗、豬手撈粗和鹽焗手撕雞，燒鵝係新鮮熱辣，好入味；豬手好冧和好入味，手撕雞都好好食。其實如兩個人食咁都覺得有啲多，但我想話你知，手撕雞係必食，真係好好食。一個晚餐都係講緊50-60左右，仲要包埋嘢飲，係銅鑼灣嚟計，仲有啲咁好食嘅嘢，算係不錯嘅選擇。但座位都係好窄，食完都要走。但總括來說，我都會再嚟，還有其他推薦食物不能盡錄，下次再試

今天是重陽節，家人叫我們買半斤燒腩仔做節。經過銅鑼灣渣甸街，見到這間燒味店，未食過喎，於是便買來試下。在尺寸方面，每件燒腩仔切得很細件，好像是一口肉，方便老人家和小孩進食，易於入口，讚！在味道方面，其實也不錯，但肉質卻比其他燒味店厚實，皮則脆中偏硬，差少少呢！在配料方面，這間燒味店十分慷慨，給了我們三包芥末醬，是我們的至愛！在價錢方面，卻比其他連鎖燒味店便宜少許！下次要試試這間燒味店的其他食物，例如：叉燒、燒排骨、切雞、豉油雞、燒鵝等！

去開依區去試燒鵝，叫左兩碟燒鵝飯，可惜。。燒鵝比預期中無乜特別，只係燒鵝皮脆吾會太肥可惜燒鵝不帶汁，無想像中咁好食😅還可以食物上枱夠熱餐廳茶底可以，吾算太差如果熱鵝食落帶少少汁，會更好食下次會再試燒味飯，但吾會叫燒鵝，會試其它燒味小店燒味廚窗賣相，感覺燒肉、白切雞吾差餐廳服務員主動、有禮貌，堂食環境吾算太迫，今次幫襯坐4人枱，所以坐得較鬆動餐廳除左燒味，餐牌有其它食物，下午茶餐收費吾算太貴，午餐中價價錢

今日整天下大雨，經過棋哥燒鵝入去打算食碟飯。當時2:20 pm，見到餐牌發現有茶餐，於是問職員是否2:30pm才有茶餐，職員回答2:30pm才可以落單。心想，沒問題那我等十分鐘吧。怎知樓面阿姐大聲通知收銀阿姐，二人大聲對我說食茶餐的話請你出去街外等。眼看樓面當時有三分二是空枱，我話外面大雨可否坐在這裏等。結果他們堅持要我出去店外等。我閒時經過都有光顧棋哥燒鵝，但今日大雨下這麼不近人情的服務，再加上在三分二空枱情況下大聲叫客離座，實在令我火冒三丈😡😡😡服務態度如此差，食物幾都無用！

服務態度非常差非常大媽的餐廳，服務員非常冇禮貌。燒鵝斬到好多碎骨，勁少肉， 太油。灣仔金牌燒鵝比佢好好多，食物同環境方面金牌相當好。雖然金牌價錢俾佢貴少少但係食物品質有保證，起碼唔需要浪費錢係一啲食物質素同態度勁差嘅地方。叫咗一碟燒味拼盤，燒鵝加燻蹄。問個大媽阿姐攞醬汁，個大媽服務員勁冇禮貌，不停係咁講「有咩一次過講」。你估人人都係喺你餐廳做，知道你有咩醬汁咩。又唔係多客又唔係忙，依家飲食業經濟環境咁差，你又咁冇禮貌，不如閂埋門唔好做啦。勁討厭。

去銅鑼灣見客之後，要趕時間回家接速遞，但又要買外賣回家比屋企人食，我諗買外賣最快捷就係買燒味飯，所以就去附近嘅棋哥燒鵝餐室買飯。櫥窗掛咗美味又吸引的燒味，令人垂涎欲滴。落單後不需5分鐘便將外賣包裝好，給客人取走！燒鵝飯：棋哥燒鵝係自家鵝場古法柴燻，獨特的煙燻香氣讓燒鵝散發淡淡清香，燒鵝皮脆肉嫩又多汁。飯加左燒味汁，美味又軟熟。叉燒飯：叉燒外皮掛著蜜汁，還散發著炭火香氣，咬下去肉味香濃，口感軟嫩。重有送老火湯送，夠火喉又足料！

今日去銅鑼灣工作，到下午茶時間 見到「棋哥燒鵝餐室」就買外賣！疫慢關係 店都會量體溫先！叫了2個飯「棋哥叉燒飯」和「脆皮燒腩仔飯」，下午茶是$38 仲包埋飲品，呢個價錢係銅鑼灣區 是超值！說是下午茶，但份量十足 叉燒飯有10數塊叉燒，叉燒甜甜的 仲好熱，不是太肥 ，肉質鮮嫩 好好好食！口感不錯，白飯澆上醬油，成盒飯清晒！脆皮燒腩皮 皮是脆卜卜的，有成10將舊，半脆瘦的咬下去卜一聲，加上肉汁豐富，也是水準之上！旁邊會有菜心搭上，中和油脂，白飯也是配上醬油的！飲品要了熱咖啡 慢慢飲，外賣番屋企也是不錯選擇，可以慢慢飲！

在山頂的金牌棋哥鼎爺餐廳第一次試食燒鵝燉湯套餐後，期待在市區找到一樣水準的燒鵝，誰知今次在銅鑼灣的棋哥燒鵝餐廳分店購買了一盒下莊，才發現水準實在令人太失望了! 一是鵝肉部份太肥膩，肥膏跟鵝肉的比例竟然是2比1; 二是鵝皮太軟而不脆，本來聞名的荔枝木香味亦散發不出來。實在令人太失望。加上店員的服務態度未如理想，譬如他多次呼叫號碼，而我早在店外伸手示意，他仍視而不見，基本上當時只有我一人在店外等候，這豈不是麻木嗎！

限聚令持續，好多人都只能返屋企食飯，媽咪話我知買唔到靚餸，咁我又去左棋哥度斬料記得上次食過棋哥既燒腩仔&叉燒都好好食燒味組合好優惠喎眼見玻璃前既燒味好吸引，特別係燒腩仔好吸睛因為個人特別鍾意食脆皮燒腩仔(半斤)+桂香切雞係黃油雞黎架黃油雞特別好味的，雞油香而不膩雞肉肉質十分嫩滑，一啲都唔痴牙燒腩仔既皮燒得好脆，而且唔會有肥膏，可以放心成舊食不過我還是喜歡上次食既係骨排位近骨位既肉質會更軟！今次既肉質相對地比較厚實！

疫情下買外賣回家吃是常識吧，大約5點在銅鑼灣買兩個餐作為晚飯。門口的燒味非常吸引，師傅有戴口罩和手套處理食材很衛生。等外賣的時間可以從玻璃看着師傅「斬燒味」，令人更加期待。等了只是大約5分鐘，很有效率。化皮乳豬飯連例湯，是日例湯是青紅蘿蔔豬骨，足料夠味，有家的味道。乳豬飯份量多，乳豬肥瘦適中，乳豬皮燒得香脆，配上乳豬醬更是惹味，單吃一個燒味飯已經超級夠飽。燒鵝瀨是下午茶餐，非常抵食。燒鵝難得帶一點點炭香，皮脆肉嫩，感覺棋哥的燒味都有一定水準。瀨粉和燒鵝永遠是最佳配搭，湯底夠鮮味，瀨粉入口細滑，很滿足。

今日大少話煮飯，叫我買啲燒鵝返去做餸，於是收工就喺棋哥度買左個下莊。回家途中已經聞到陣陣香味，為咗唔好引誘其他乘客，我特登用多個保溫袋入住，但係嗰啲燒鵝嘅香味，真係蓋唔到，引到我想偷食🤭🤭返到屋企，一打開見到個脾，真係忍唔住徒手攞嚟食。（當然手機食先）佢個皮好薄，好鬆化，好香煙燻味，而且好少肥膏，所以減低罪惡感。鵝肉厚身，肉質鮮嫩，我鐘意佢唔會好重花椒八角嗰啲香料味，而且冇鵝膻味。因為外賣所以燒鵝汁分開裝，燒鵝汁甜甜地，好惹味。酸梅醬梅味重但唔會太酸，酸甜適中。我研究過，燒鵝沾了大量燒鵝汁，再加少少酸梅醬係最好味。聽落好似好廢話，但我試過各種組合，哩個真係最正。🤤

面對疫情多咗時間係屋企食飯為左獎勵自己去棋哥斬料加餸！之前去過天后嘅棋哥最近發現原來銅鑼灣都有間喎～以我個人經驗二人家庭黎講如果買一斤叉燒就有排食為咗滿足為食嘅自己今次一於買半斤叉燒，再加半斤燻蹄 咁就perfect la~棋哥外賣盒size perfectly fit! 一打開個盒，樣子100分🤩🤩靚靚整齊嘅燻蹄呈現眼前😊好鍾意佢啖啖肉，同埋樣子清新簡單～肉唔會太肥，可以食到滿滿骨膠原嘅豬皮口感好爽！由於飯前偷食幾舊，冇點到酸酸汁，都一樣咁好食😋 肉唔會太鹹，加上溫度涼涼地，感覺幾清新架～ 斬料點少得叉燒呀～半斤叉燒都好多～ 兩個人未必食得晒🤭可以留返聽日用嚟整叉燒炒蛋❤️棋哥嘅叉燒啲汁好好味，鹹鹹地，又甜甜地而且肉質唔錯，幾Juice～有一排係比較瘦，有一排係帶有少少肥嘅關節位，兩樣我都鍾意👍🏼👍🏼佢哋嘅叉燒唔會做得太鹹如果比較重口味，點多啲汁一齊食就岩晒自己喺屋企煮飯有時都會悶大家都可以學我間中斬料加餸食下大師出品啖啖肉～正呀☺️☺️☺️

疫情下繼續要返乖乖返屋企食飯，所以加料返歸！六點鐘放工經過棋哥燒鵝，佢門面嘅外賣牌同佢燒味部掛出嚟嘅所有嘅燒味都係燒得好靚好新鮮，望落去唔會覺得係放咗好耐，仲傳來陣陣飄香，令人垂涎欲滴！ 買咗燒鵝例牌下裝，返屋企一試就知冇買錯！油脂分佈非常平均，外皮香脆齒頰留香，肉質豐滿有咬感，燒鵝肉汁配埋醃料醬汁，用嚟撈飯簡直冇得彈。另外都見到其他人買咗其他燒味，有外賣特價買半隻燒鵝加$10多隻雞，如果屋企多人實在相當抵食，誠意推介大家試下。

自從上次食過棋哥燒鵝之後，老公對佢讚不絕口，去銅鑼灣行街又一次經過 聞到香噴噴嘅燒鵝味，忍唔住衝入去食個快飯。燒鵝五寶飯簡直係一次過滿足晒五個願望，老公個人好傳統，而且又係飯桶一名，佢真心鍾意食燒鵝、叉燒、紅腸、鹹蛋，而家仲有埋豉油雞添！碟飯一嚟到熱辣辣香噴噴，相機食先，賣相吸引，肥美有光澤的燒鵝。肉質鮮嫩多汁，鵝味濃郁，入口皮脆，滲出一陣陣的鵝油香味。叉燒肥瘦適中、紅腸童年回憶、鹹蛋香、豉油雞加自家製蔥油，真係白飯都食到兩碗，回味無窮。餐肉三文治我就清清地食返件餐肉三文治，厚切餐肉味道好，餐室之經典美食。最後嘆番杯凍檸茶，然後繼續shopping之旅。