棋哥燒鵝餐室

營業中

休息中

Lunchtime 突然想食燒味就黎左呢間，聽聞好出名，堂食都幾多人，叫左一碗燒鵝叉燒雙拼瀨粉（$72）叉燒有燶邊超正，甜甜地，超級香口，肥瘦相間，忍唔住一舊接一舊🤣肉質好嫩，食完都唔覺滯，鐘意叉燒多過燒鵝，10分鐘都冇就比我清晒🫣燒鵝都好味既，啲皮燒到脆卜卜，不過叫得燒鵝預左會肥，啲肥膏見到都驚，不過食左先啦🤣肉汁爆多，完全無腥味，份量仲好多，女仔一個可能會食唔晒。瀨粉夠滑，咖啡都好好飲，推薦👍

一開始話派飛等叫號碼之後派完飛等如冇派咁啲人無限打尖衝入去無限放人入我地拎住飛出聲又話再等下先入咁唔洗拎飛 直接衝入去就得之後仲驚死我走咁叫我入去坐住先不知所謂 安排混亂

話說收工同男朋友唸唔到食d咩好，行到鵝頸橋附近突然靈機一觸，好似好耐無食過燒味飯，於是就去左棋哥食燒味飯啦哈哈！以前最鍾意食既燒味飯係叉燒油雞飯，因為返學既時候，學校附近有間叉燒好出名的燒味餐廳，但係好多時候其他燒味鋪既叉燒都好難整得好食，好似我男朋友叫呢碟叉燒油雞飯，D叉燒一D都唔吸引，一般都係夾雜半肥瘦既查叉燒先會令人垂延三尺，但係油雞就好難整得唔好食所以基本上必叫就係油雞！而我梗係要拼燒鵝啦，話曬人地燒鵝最出名，最好彩係咁岩師傅斬左隻鵝脾比我，實在太幸福啦，仲有我最鍾意既雞翼位，我決定以後唸唔到食咩都來食燒味飯哈哈

每次都失望😪！講幾多次半肥瘦都瀨嘢！員工態度差！串到好似欠左佢敢！貪就腳，如果吾係食罐頭好過！點解仲可以生存！一係瘦過係柴，一係肥過豬腩肉食材係最基本囉！超吾掂！再講吓味道，得2款：冇乜味兼蜜计都冇滴！伏伏伏

放工要去銅鑼灣買嘢順便買埋飯一枝公返屋企食見好耐冇食過燒味飯最後揀咗棋哥燒鵝叫咗個叉燒燒鵝雙拼飯啲料多到嚇親叉燒普普通通唔夠肥燒鵝無咩肉但多餸多飯至少可以填飽個肚

好多人都好鍾意食燒鵝，無鵝不歡，棋哥燒鵝不同店舖都可以保持一定的水準，燒鵝實在充滿荔枝柴的味道，今次選擇外賣，想不到仍保持脆口的燒鵝皮，肉質非常Juice，咬落去淡淡的肉汁滲出來，我以想不到的是外賣都可以保持這個質素，另外的半隻切雞非常肥美，用上的size 算大，份量十足，喜歡食肉獸的棋哥燒鵝實在不錯的選擇！

食過翻尋味之「棋哥」下午茶每啖的濃郁荔枝柴煙燻燒鵝香味😋皮脆肉嫩冇得輸！👍成日都掛住呢度嘅燒鵝味道食過呢到嘅燒鵝之後，記憶入面又多咗一個味道😉，特然又好想食，所以又專登去食下午茶，從小就愛吃燒鵝的我😋😍😍—————————-隨咗想食呢到嘅燒鵝之外，燒肉都好靚，所以就叫咗兩個燒肉嘅下午茶餐，再加埋唔知「左髀」定「右髀」嘅下庒燒鵝髀😂😂—————————迷你燒腩仔米粉：迷你燒腩仔飯：我就話一啲都唔迷你👍燒腩仔嘅皮好脆口，肉質肥瘦適中剛剛好，咬落有口感而且仲新鮮熱辣辣，棋哥唔單止燒鵝靚，燒肉一樣咁正，所以聞名就要見面吃的燒味👍👍👍👍👍飯煮得甘香，米粉煮得軟硬適中😋———————————燒鵝下庒：煙燻荔枝柴香的燒鵝、入口濃香，鵝肉嫩滑，吃落口那種滋味，實在對於喜愛吃鵝的我，一吃就愛上這個味道👍👍👍👍👍————————-凍檸茶：熱檸茶：凍檸熱檸都一樣咁好飲，濃郁茶香😊—————————-好食到停唔到口嘅「棋哥」燒味😍其實開心🥳簡…單就在你身邊..·食….拍…寫.. 已經成為我生活中的一部份鍾意食..鍾意拍…鍾意寫..留下美食回憶—————————-　

話說十日前到CWB棋哥食燒鵝下压，非常美味又足斤兩，不其然梗係俾咗個好評俾佢，今日午餐又去食過佢的燒鹅下压，掂知就中伏了。兩個人入到去，叫番十日前同樣食物，有下压、濑粉、白飯和焯菜，下压上枱時，感覺上比十日前细碟咗，用筷子翻動一下，碟中間是脾，伴著兩旁是一堆堆的肥肉，看不到燒鵝下压的背部，和十日前的相片有分別事后伙計姐姐解說話今日隻隻都係肥，不能换，十日前来食都ok的，做咗乜會肥咁多🤣🤣，唯有退了叫义燒豉油雞啦🙄，味道又唔係咁好，义燒蜜汁不足，油雞普通不滑漏。如果日日都係二堆肥肉伴兩旁，咁就唔來了，因為還有很多選擇，例如甘棠、容哥等，今次只能俾佢劣評了。

難食，環境差，服務態度唔好！今日我同朋友一行3人去食飯，2女一男，服務員見到我哋3人年齡差距大，係到講是非，真係好得閒，其實我哋只係來食飯，冇佢哋諗得咁嘔心，食完就分頭自己走，我哋來食飯姐，使唔使成為人地口中的主角，仲要係度講，相信聽到都唔鐘意，第一次來，已經冇第二次想去食，食得唔服務，冷氣差，食物質素一般。最重要係唔想食食下成為人地的話題。真心一句去食老麥都唔好揀棋哥，食得勁唔舒服，成為人地的茶餘食後，真係好嘔心。

今次由女朋友帶路食呢間棋哥餐室咁就緊係試下佢地個招牌燒鵝瀨粉因為我習慣食瀨粉一定要加薑蓉落去碗粉到食細個發現咁既食法好味好多講返重點棋哥既燒鵝真係好香既 而且價錢亦都唔貴不過美中不足既係 棋哥用既瀨粉係中山瀨粉即是同本身燒臘檔買果種唔同所以大家要留意返個分別主要係食個燒鵝 所以我都冇特別留意個瀨粉D鵝油同鵝肉係好食既 所以都值得一試始終銅鑼灣區 食野都比較貴 所以棋哥餐室都係一個好既選擇總括黎講:值得推薦去食 燒鵝very good 但希望可以有埋廣東瀨粉

美心，大家樂都比唔上。收70蚊一碟？叉燒講真等我煮仲好過佢燒鵝得個鹹呢就完全冇平時食的燒味咁出眾我都唔知點解呢間嘢可以開連所真係嬲到呢，其實係判左俾人連鎖定點呀，點解難食到咁？

出差銅鑼灣, 食過世佰雞餐廳好好味嘅豉油雞 (見另文) 之后, 就去第二間試油雞.今次試吓棋哥燒鵝嘅油雞!人地打正排頭係燒鵝, 所以預咗豉油雞會失望.叫咗碟肥叉油雞走翼, 成六十幾蚊一碟, 價錢唔算平!點知嚟到係叉雞翼, 叫走翼嚟雞翼, 當然要求換啦!同世伯雞嘅油雞相比當然係失望, 肉質唔夠嫩滑, 皮又韌咗D, 寄予失望得到失望, 預料之中吧.至於蔥蓉，可惜咸咗少少.反而叉燒滿分! 有燒燶嘅部份而且有燶香, 味道夠甜, 入口肉質鬆軟, 攞反唔少分!由於叉燒好掂, 而且要求換油雞時, D侍應態度好好無炸型, 於是第二日再落去.今次試叉鵝!燒鵝哩樣真係又愛又痛恨!愛, 當然係好好食啦, 痛恨就係食完怕痛風腳痛!今次忘記咗指明要肥叉, 正當面對住外相又實又硬嘅叉燒卻原來口感都好鬆軟喎! 被佢不良嘅外相呃咗添!燒鵝嘛, 唔洗多講啦, 反而要講嘅係.... 皮不單只脆, 相比起其他燒鵝都厚.份量又足, 我留意到左左右右嘅食客, 燒鵝份量都足夠無偷工減料.唯一扣份係.... 杯凍0茶太淡.食完之后, 即刻食D痛風藥先!

近來唔知掂解想食下邪惡燒鹅，可能奈冇食，上網搜尋下，Jardine Cresent 有間棋哥，咁啱12点幾就得閒，2個人行咗去棋哥嘆下燒鹅先。由於午飯時間剛開始，店内人客唔算多，坐抵就order了。✨例牌燒鵝下压$158棋哥的燒鵝有一陣陣的炭燒味道，很像留家厨房的烟薰雞味，味道獨特，叫咗個例牌下压，非常肥美，鹅油四溢，皮下脂肪非常豐滿，鵝肉滑嫩，非常鲜美，加些酸梅醬，味道出晒來，鵝唔肥唔好食，皮才脆，肉才嫩滑，但吃的時候，罪惡感重，超唔健康😄😄其餘有叫油菜和瀬粉，但只是配角，評了😅😅😅

聽過好多人講都話棋哥燒鵝好正，但係自己真係未食過，所以今日路經此地咁岩又見到佢。所以就專登走去買隻燒鵝髀食啦⋯⋯🤗果然絕對係名不虛傳，第一次食到咁好味嘅燒鵝，佢嘅味道好獨特，非一般平常食開的燒鵝味道。除了肉質鮮嫩，皮脆，一打開個盒聞到燒鵝嘅香氣傳來一陣陣煙燻香的味道，那種味道的吸引，相信師傅燒這隻燒鵝的時候一定有一種秘製的醬汁，未吃已經知道這隻燒鵝非常好吃，吃了就更加滋味無窮，果然今天吃到了真的是一個名不虛傳的棋哥燒鵝，我從小就喜歡吃燒鵝，今天吃到的燒鵝。真的是一山還有一山高👍👍👍👍👍—————————一山還有一山高·名不虛傳確實好👍其實開心🥳簡…單就在你身邊..食….拍…寫.. 已經成為我生活中的一部份鍾意食..鍾意拍…鍾意寫..留下美食回憶—————————-

銅鑼灣食物選擇都唔少，難得出左黎，本來應該要食得豐富D，但突然好想食燒味😅，雙腿不其然行左入黎 “棋哥燒鵝”。之前喺尖沙咀都見過有分店，但從來都無食過，只聽聞燒鵝好出色。咁今次就叫燒鵝瀨試下先😋。下午茶時間燒鵝瀨$48，價錢都可以接受，但係份量真係好少，食完都唔夠飽😅。可能因為下午茶份量會少D，如果其他時間唔知夠唔夠食呢🤭？講返個燒鵝先，真係唔錯，食得出淡淡煙燻味道，加上鵝油既香氣，好惹味😋😋😋。不過比較可惜既係骨多肉少，所以只係食左幾啖就食完，完全唔夠喉🤣🤣。另外想講下對個粉好失望，因為分開上既關係，湯底係完全無味既，覺得有D浪費左咁出色既燒鵝😔。棋哥燒鵝果然係無改錯名，燒鵝真係佢既賣點🤗，但如果下次再食，可能只會買單隻燒鵝返屋企食😅。