梨泰院 (愉景新城) (已結業)

今日同男友去食午餐，等了30分鐘，以為多人食就好食，於是入坐後點了一個海鮮豆腐湯同水冷麵，每次去親韓國菜餐廳一定叫來試，共179蚊點知一上菜就知唔妥：1， 水冷麵唔用金屬碗？點解要用膠碗裝？還要細碗？2，膠碗細湯少，搞到麵底唔夠凍。3，湯底超級淡，沒梨味，簡單一句真係好似水咁4，麵質好漿身又唔彈牙，似煮好後放咗好耐。點解水冷麵咁基本的韓國菜都可以咁樣，真係食唔落，食了一半已經唔再食海鮮豆腐湯得咸同辣，喝唔到其他味，蜆可以食到隻隻有沙，係未咁呀？小菜還差，泡菜超淡味，麻油拌芽菜又勁乾身，好似想省麻油咁，青瓜就算調了味都食唔到有味，蘿蔔唔算好食但已經好過泡菜青瓜芽菜。小菜又差，人均要80蚊的餐都可以整到咁，還要在愉城食到，咁不如我食元氣好過！總之永不再幫襯！

在愉景新城入面，環境衛生ok, 服務態度真係好一般的一般。食品不難食，但係不好食，更加不要說什麼 K feel 🤣. 我地4 個人，叫4 個食品，份暈偏小，如果有男士應該不夠食。$400 埋單，純粹聚下。吹一下水，消費叫ok。

差不多每星期lunch time都會去一次，試不同菜式。試了兩款都覺得好吃。環境不差，可能是因為新店，所以中午時間，等候時間都比較長。希望日後不用等太長。（lunch time時間都是只有1小時。）

2021年7月21日 星期三今日難得放假，同老婆決定行街行遠啲，去咗荃灣愉景新城，順便睇吓傢俬行行吓街突然間撞到朋友，於是決定一齊食飯，就選擇咗呢一間新餐廳好彩去到嘅時間尚早，唔算有太多人等位，所以好快就入咗去坐，見到裝修得幾有風格，用唔同嘅木佈置食韓國菜當然唔少得有炸雞同紫菜包飯，價錢我覺得喺商場嚟講算唔貴，而且唔需要加一服務費添，所以我哋都盡情咁叫嘢食點左餐之後首先嚟到嘅係飲品，我要左益力多乳酪沙冰，上面仲有好多忌廉添，一齊撈埋飲又唔會覺得太甜，每一啖都有好濃郁嘅益力多味，酸酸甜甜幾醒胃之後食物就陸續送到，有半半炸雞，分別有兩款唔同味道，柚子味同芝士味，柚子味同韓式辣醬差唔多，不過多咗一份清新既感覺，而我就比較鍾意芝士味，因為炸雞上面有好濃郁嘅芝士，仲可以拉絲添，夠晒邪惡跟住有牛肉石鍋拌飯，一個人完全食唔晒，好彩我哋一齊share，個石鍋飯有好多配料，包括紫菜、牛肉、冬菇等等，仲可以按起好加韓式辣醬添，全部撈埋一齊食口感好豐富，夠晒熱辣辣，仲食到少少飯焦呢個係魷魚天婦羅，炸得好香脆，但係脆漿唔算太厚，魷魚幾有咬口，唔會好韌食韓國菜當然唔少得有韓式炒年糕，我諗到除咗年糕之外，仲有蛋同

未食完都要坐係到打。我叫左個韓國生菜包豬肉韓式水冷面男神梳打同女神梳打兩度菜都係menu大圖，應該係拿手無走雞掛？前菜4碟泡菜，漬羅白個啲，芽菜同黃瓜係冇味仲要有草青味衰過citysuper買個啲豬肉淡口唔入味，連啲蒜都唔香先神奇。要靠個啲蒜香醬先叫有返啲味入到口。水冷面夠膽死真係用水淥完就用水成碗上，咩味都冇，仲要暖，唔係凍，真係食唔落，食唔哂就唔要！個男女神梳打，普通糖漿溝梳打，冇果香。不知所謂，無預到咁難食！哂我啲錢！垃圾！🤮🤮🤮

愉景新城最近開咗間新韓國菜餐廳好受歡迎前菜有4小碟鮮人蔘雞湯($88)女人唔補好易老，鮮人參相對比較溫和，而雞亦係一種對人體非常滋補的肉，呢個湯絕對可以加大它們的滋補作用，就算夏天飲都唔會怕燥甜辣炸雞($86)呢度既炸雞外皮香脆、肉汁鮮嫩，熱辣辣既時候食真係一流！果然越邪惡的食物，就越好食韓式牛肉炒粉絲($68)呢碟粉絲真係不得了，平時係出面食都係得細細碟，但係呢碟係爭D兩個人食都食唔哂！而且味道都唔錯，CP值非常高香蕉雲呢拿雪糕煎糖餅($68)糖餅可以話係韓國既其中一樣國民小食，加埋香蕉同朱古力醬，仲有雲呢拿雪糕，一冷一熱，一軟一硬，可以話係口感同味道都提升咗層次芒果椰子沙冰(+$18)益力多乳酪沙冰(+$18)佢地野飲既比例都平衡得好好，唔會話淨係飲到芒果或者淨係飲到益力多味咁膚淺！食炸野唔一定要配啤酒既，沙冰都係一個唔錯既選擇

見新鋪開張，打算試新野。去到門口見到好多人排隊，等咗成個鐘先入到去。見到個餐牌啲圖好吸引，樣樣都想試。叫咗鮑魚人蔘雞湯、炒年糕、牛肉紫菜包飯、炸雞。另外叫了飲品：朱古力沙冰、芒果椰汁沙冰、菠蘿沙冰。鮑魚人蔘雞湯同圖片完全唔同，完全無人蔘味，但算係成餐飯入面最正常嘅食物。牛肉紫菜包飯都算正常，就係普通嘅牛肉紫菜包飯味道。炒年糕方面，剩係得辣味，唔算好食。最難食就係炸雞，連鎖店嘅炸雞都好食過佢。炸雞層粉勁厚，最誇張係炸雞中間有碟芝士，芝士味好大陣油臭味，食落完全冇芝士味。一定唔會再試！！！！

見愉景新城有間新開嘅韓式料理過嚟試吓，平日晚飯時間都多人要等位!! 一坐低會放低前菜蜂蜜柚子味炸雞半隻 $86嚟呢度嘅最大誘因係好想食炸雞，柚子味唔算太出，食到最後仲有少少辣嘅感覺，雞係有骨嘅，肉質都幾滑，兩個人食如果會order其他嘢叫半隻都夠!!海鮮煎餅 $68份量都幾多，煎餅加咗韭菜幾香口，口感係煙煙韌韌，海鮮配料可以再多啲就會更好!! 韓式水冷麵 $78夏天會好想食到凍冰冰嘅水冷麵，鍾意個汁酸酸地，醃咗嘅酸蘿蔔都好味!! 炆牛肋條飯 $88牛肋條，無骨，炆到好淋，個汁清甜用嚟送飯幾唔錯，但白蘿蔔食到有少少渣!! 加$18可配特色飲品，朋友order左男神梳打話叫嚟俾我打卡😅，我就order左芒果椰子沙冰，呢杯超好飲，椰子味重過芒果味，好飲到未食晒啲嘢杯嘢已經俾我飲晒!! 結論係好耐冇食過韓國嘢，食咩都覺得好食!!

饒恕我孤陋寡聞，單靠看餐廳的外表英文字 ITAEWON ，還以為是西餐廳，想不到竟是一間韓國餐廳 梨泰院。 聽說梨泰院的創辦人曾經到韓國拜師學藝，更與當地志同道合的夥伴將韓國美食情呈現於這餐廳。 韓國菜必選炸雞 。這間餐廳是用無激素的雞隻及其他材料由韓國運送至香港，果然盡善盡美。炸雞系列有五款，分別是原味、蜂蜜柚子味、甜辣、芝士奶香、韓式豆腐。 半分甜酸炸雞 ＄86雖然份量不是如期多，大約有8至10小件左右，勝在甜酸味道恰到好處，非常惹味 。或許是半隻雞的關係，雞隻各部位都可以享用到，雞翼雞背雞胸等。炸雞沒有沾上炸粉，亦吃不到肥膩的雞皮，很好吃。 辣小蟹＄38前菜小食，香脆小蟹沾上辣辣的醬料，令我不禁想起醬油蟹。 芝士烤五花肉 ＄168一半芝士一半五花肉，五花肉味道濃烈，鹹鹹的，單吃五花肉已經很好吃，再配上濃郁芝士，雙重口味，必會愛上。 芒果椰子沙冰 ＄36值得推薦，芒果很甜，再加上椰子香味，清新爽甜，簡值絕配。 戚風蛋糕伯爵茶味 ＄32軟綿綿的蛋糕以淡淡的伯爵茶味，配上嫩滑的忌廉，吃後絕不會有邪惡感。 香蕉雲呢拿雪糕煎糖餅 ＄68很意外很好吃，送上來還熱騰騰的，怪不得需時製作。唐餅質

今天同朋友去行街，見到愉景新城地下有間韓國菜館，咁就同朋友行入去試吓，原來有驚喜佢又抵食㗎嘛😍😍首先比四碟前菜小食俾你食吓等上菜👍幾開胃，又夠地道☺️第一道菜韓國芝士包飯味道特別唔會太飽，突出芝士味道👍😋第二道菜甜辣炸雞炸到好脆皮，雞味好似去咗韓國食一樣😋仲有芝麻耍在面咬下食下又有芝麻香👍，其實呢個炸雞仲有其他味，比如辣味，下次等我試多唔同嘅味道柚子味先🤣🤣第三道菜炸軟殼蟹，沙律菜伴軟殼蟹超好味😋夾啲沙律菜食味道超夾冇咗油膩感👍，沙律菜好新鮮囉👍軟殼蟹炸到好脆皮👍😋第四道菜韓式炒牛肉粉絲，粉絲彈牙牛肉啱啱好，食落口即溶唔會起渣😋😝唔會太乾又有啲汁👍🏻最後唔夠喉，仲叫咗個伯爵茶戚風蛋糕🤣🤣戚風蛋糕空氣咁高，加埋啲cream，唔會太膩😆😆👍🏻呢間野裝修新派座位寬闊，唔會太窄，下次介紹多啲朋友嚟呢間鋪食，坐喺出邊有開放式座位，又可以睇晒出面商場中庭環境☺️☺️好chill

今日行開愉景新城，見到有間新開嘅韓國菜☺️見到又新淨，坐位又闊落，就入左去食晚餐。韓國生菜包豬肉😋 好似好簡單嘅餸菜但係其實好好味👍🏻佢嘅豬肉非常之嫩口，連住嘅脂肪恰到好處唔會太多，加埋佢個醬，好好味😋魷魚天婦羅，皮漿夠薄身，熱辣辣，好好味呀，如果可以剪一剪俾客人容易d食更佳👍🏻泡菜煎餅加芝士！辣辣地，好惹味👍🏻牛肉紫菜包飯，就正常發揮。韓式豆漿炸雞半隻，好juicy ，雞肉入面嘅肉汁keep到😋另外叫左青檸梳打，同Fruit Punch ，飲品方面就正常發揮唔知係咪新開張嘅關係，店員未熟習店舖，有兩次送餐都送錯，只要服務改善。以呢間舖頭嘅價錢同食物質素，應該可以吸引到唔少客人👍🏻 加油💪🏻

不嬲好懶寫食評，不過今日一行三人來試吓新開嘅梨泰院，居然非常有驚喜所以不得不分享一下。因為一向喜歡去韓國所以對韓國嘅食物都有一定嘅認識同埋要求。對於韓國炸雞更加挑剔因為一般喺香港食到嘅炸雞都比較硬同埋油膩，但係今次點左呢未半半炸雞 （可以從五款口味選兩種）我就揀咗甜辣同埋柚子味，因為有醬汁嘅關係完全唔油膩裏邊亦都好軟熟，肉汁勁滑，柚子味又好香！另外亦叫咗人蔘雞湯，以前我去韓國一定會專門去食今次係呢晏晝午餐居然用$88就可以食到，重要啲湯好甜雞肉都好滑當然唔少得我去韓國必食嘅生菜包豬肉。就算去韓國呢味餸都唔係咁容易搵就算搵到都未必一定好食。聽講話佢哋用咗特製嘅醬汁去處理所以非常入味但又唔油膩。每人叫咗一杯特色飲品最後埋單$498再有驚喜就係唔收+1

一直好希望屋企附近有韓國餐廳，終於搵到呢間，炸雞出色，料理也非常似地道韓國風味嘅料理，食遍荃灣咁多間韓國料理餐廳，最好味呢間😋紫菜卷份量多，一個女生會太飽。所以三丶四個女生吃炸雞丶紫菜卷丶加一款韓式料理，分量已經非常足夠，埋單都係三百多蚊。最開心係荃灣好耐都冇呢啲有几碟泡菜做前菜嘅舖頭了，他們也不斷為你添加，服務也不錯😋👍🏻

真係好好食！❤️食咗好多，最欣賞係芝士炸雞！❤️🔥好食得嚟又唔濟，可以繼續食之後嘅嘢🙈👍🏼👍🏼👍🏼人參雞湯都有驚喜😳啲雞好嫩滑又好味！🔥芝士牛肋骨都真係好好食

只係想試吓新餐廳嘅外賣，點知中大伏，d吉豬肉粉紅色，好似假咁，d飯仲濕到似泥膠🤢食落d豬肉又乾又硬飯非常黏口，重蕃茄醬味，味唔算差，但口感係非常差，食左三分一已經頂唔順外賣仲要左半個鐘⋯CP 值低