梨泰院 (愉景新城) (已結業)

見新鋪開張，打算試新野。去到門口見到好多人排隊，等咗成個鐘先入到去。見到個餐牌啲圖好吸引，樣樣都想試。叫咗鮑魚人蔘雞湯、炒年糕、牛肉紫菜包飯、炸雞。另外叫了飲品：朱古力沙冰、芒果椰汁沙冰、菠蘿沙冰。鮑魚人蔘雞湯同圖片完全唔同，完全無人蔘味，但算係成餐飯入面最正常嘅食物。牛肉紫菜包飯都算正常，就係普通嘅牛肉紫菜包飯味道。炒年糕方面，剩係得辣味，唔算好食。最難食就係炸雞，連鎖店嘅炸雞都好食過佢。炸雞層粉勁厚，最誇張係炸雞中間有碟芝士，芝士味好大陣油臭味，食落完全冇芝士味。一定唔會再試！！！！