梨泰院 (愉景新城) (已結業)

愉景新城新開左間韓式餐廳，梨泰園，朋友又鍾意食韓國野，所以就去咗試下～前菜四小碟韓式炸雞（半份蜂蜜柚子味，半份芝士奶香味）蜂蜜柚子味甜甜地，柚子的味道唔算好突出，但味道易入口，容易令人食上癮～ 芝士奶香味，芝士和奶的味道非常濃，食落有點像粟米忌廉湯的味道～幾得意不過這個炸雞本身不大塊，是有骨炸雞，但勝在份量都多，而且去骨都幾容易韓式炒年糕比想像中辣，還伴隨了一些蛋和魚糕，年糕幾煙韌，有韓式的味道～魷魚天婦羅不要想像它是日本的天婦羅，比較像是台式的炸魷魚～ 炸粉不厚，而家炸得夠鬆脆，點醬汁一起吃比較惹味薯格炸得很好，夠熱夠脆，加配價$25有這個份量都幾抵食～牛肉石鍋拌飯賣相很不錯，而且石鍋非常夠熱，各配料的份量都很足，韓式醬另外上，客人可按自己需要調味～ 有韓國的感覺！伯爵茶戚風蛋糕戚風蛋糕夠滋潤，又鬆又彈，而且伯爵茶味比想像中濃郁，加上面頭的糖霜配搭幾好食～士多啤梨雪糕煎糖餅這是傳統的韓式煎糖餅，熱辣辣煎起，口感比較厚實，中間有些甜甜的餡，伴雪糕一起吃會比較好食～ 未食過試下都無妨雜莓沙冰好大杯，雜莓味好足夠，唔會太酸，而且好夠凍，真係沙冰唔係冰粒！雜莓梳打同樣開胃解渴益力多乳酪沙冰乳

今天我們去了 愉景新城 行下, 行了一陣都唔知食咩好, 因都食過晒, 個兩位少爺又奄尖, 行到最後, 突然見到有間韓國野, 他們不是很喜歡吃 韓國野, 整係吃 炸雞 罷了, 我就超喜歡吃韓食. 看看 LUNCH SET 都OK, 但他們當然是看炸雞啦.這幾個小食都 OK, 有些餐廳好酸, 有些好鹹, 這個啱我口味.他們叫了 雙拼, 一個是 芝士炸雞, 一個是柚子炸雞.芝士炸雞在別家都吃了很多次, 每次芝士很快就不黏在雞上, 結了一舊, 這個也是, 也知不熱就會結成一舊的, 其實會不會試下用別的芝士做呢? 期待.柚子的就是加了柚子醬罷了, 但甜味適中, 但兩款的雞肉都不是太嫩滑.小皇子還叫了個 石頭鍋飯, 份量配料都幾大個&多, 味道還可.我就叫了個 烤五花肉, 想不到是這樣的, 那五花猪肉味道 ok , 辣醬都係一個字 鹹, 但伴飯吃就 ok. 肉質因烤過, 有點限硬, 但味精 ok 的. 這個價錢不貴, 會再來的.

讚1.呢頭少韓國菜，呢間都坐得舒服既2.價錢唔貴，份量好大，個set lunch相當抵下；燒豬肉切得好，片片均勻又去骨彈1.整體味道好單一，泡菜無論係醃蘿蔔或者醃菜都係單薄既酸字，人廖雞湯底好油，但入口無咩香味，燒豬肉係無咩醬料味，幫襯一次就算

海鮮大醬湯 睇落好唏噓，實質更唏噓。同想像中落差很大，湯味道麻麻，裡面配料更少得可憐！原味炸雞🍗 符合標準韓劇炸雞，味道OK好味的烤五花肉，配醬一流。這個值得再食。

話說早兩日約左個frd食飯 諗左一輪終於決定食下韓國嘢 結果就去左呢間梨泰院估唔到佢都幾多人排隊 好彩返枱都算快 唔需要等好耐 傾傾下計就到我哋😛一坐低侍應就放低4碟餐前小食 離唔開都係泡菜 醃蘿白 大豆芽 同埋青瓜 呢4款小菜除左大豆芽之外 普遍都係偏酸 依家夏天咁鬼熱就十分醒胃🥰到點餐喇 就叫左泡菜煎餅 一隻炸雞 (半甜酸半芝士) 泡菜煎餅係第一份到嘅食物 色水都幾靚 再加上已經預先切開哂 唔似其他餐廳成餅嘢又𠝹唔哂要自己搣 食嘅時候都好明顯係啱啱煎好 唔係煎定翻熱 熱辣辣加上個邊位煎到脆口 中間個底又有微焦 十分唔錯🤩🤩然後就到炸雞喇 又係熱辣辣 配左甜酸醬之後十分惹味 同另外極邪惡芝士 輪流食 唔驚太漏 又可以大飽口福見啲嘢食ok 又未夠飽 之後再一炮過嗌左牛肉紫菜包飯同辣年糕辛辣麵個紫菜包飯入面有烤牛肉 份量十足 味道都唔錯 但係如果再重口味啲我可能會食得落兩碟添呀辣年糕辛辣麵都係會追住食嘅麵 配上濃濃嘅香菇味 不過真係叫得太多嘢食 最後食剩少少都打包埋第日再食總括嚟講 都係一間會再去幫襯嘅韓國餐廳😎

蜂蜜柚子味炸雞可自選份量，嗌左半隻。雞炸得皮脆肉嫩，正！😋配有檸檬角，唧埋檸檬汁，配埋蜂蜜柚子醬，食落酸甜帶辣。烤牛肉紫菜包飯一上枱就聞到好香紫菜味。餡料有酸甜漬物、青瓜、紅蘿蔔絲、蛋和牛肉，口感豐富。韓式牛肉炒粉絲牛肉份量足。粉絲軟硬適中唔會過腍。配菜重有椰菜、紅蘿蔔絲和菇。蔚山蛋包飯有吉列豬扒($78)同雞扒($68)揀，揀左吉列豬扒。蛋夠滑，包住酸甜蕃茄飯。吉列豬扒切成厚身，食落十分有口感，外層吉列脆口。加$18配特式飲品，加左$18嗌左杯「芒果椰子沙冰」。「芒果椰子沙冰」好香椰子味，唔會過甜，甜度啱啱好。芒果配椰子原來幾啱key，你試下就知！👍🏻😆士多啤梨雪糕煎糖餅好少地方有得食煎糖餅。 叫左後上。即叫即整果然唔同d！上枱時重冒煙，煎糖餅入口重熱，食落煙煙韌韌。煎糖餅上唧左d朱古力漿，配埋雲呢拿雪糕同士多啤梨🍓一齊食，酸酸甜甜不錯吃！😋加$5配熱飲。除咗普通檸茶檸水之外仲有其他熱飲，例如：朱古力、柚子蜜、紅棗蜜 、生薑蜜等。嗌左兩杯熱飲：熱檸茶同紅棗蜜。紅棗蜜感覺滋潤，飲完好舒服～🥰

有冇朋友同小編一樣鐘意食韓國菜呢？小編最近見倒荃灣開咗間韓國餐廳所以就決定同朋友一齊去試吓☺️款式選擇都幾多㗎😊蜂蜜柚子味炸雞 半份$86炸雞有多款選擇，蜂蜜柚子味食落都好惹味，外皮香脆雞肉肉質仍然嫩滑，值得一試芝士辣炒章魚 $188之前去其他韓國餐廳食都覺得好正，呢個辣炒章魚分量都唔少，食落去有咬口，芝士既分量好多，重點係有拉絲架😋泡菜豬肉湯 $88餐廳都有提供多款湯品選擇，今次揀既呢款泡菜豬肉湯上枱既時候熱辣辣，入面仲有滑滑豆腐好正戚風蛋糕-伯爵茶口味 $32估唔到韓國餐廳都有靚靚甜品食，伯爵茶味濃郁，蛋糕夠鬆軟，黎到可以試吓💜

來到呢間又係滿有人氣的新餐廳試試，梨泰院， 位於愉景新城地下， 平日的7點晚飯時間已經開始要排隊入坐啦。 等左10分鐘，入到餐廳竟然撞見幾年冇見的好朋友， 好有緣呢，暢談一番，很開心的晚餐。人參雞湯 $88裏面有半隻雞，人參，糯米， 紅棗。個湯清清甜甜，淡淡人參藥材味。糯米煮得好軟綿，到底既湯變咗粥咁。 另外跟個麻油， 用來配雞肉食。雜菜炒粉絲 $58必食之一。有好多洋蔥，椰菜 ，冬菇，紅蘿蔔絲，爽脆，粉絲又煙韌，淡淡麻油香，炒得啱啱好，唔會過淋， 值得一試。原味脆爆炸雞 $78半分雞嘅份量都好多，啖啖肉，熱辣辣新鮮炸起， 香脆juicy，配蜜糖芥末醬，唔會太過膩。烤五花腩 $128用韓式豆瓣醬醃，甜甜地，好入味， 再點理個韓式辣椒醬， 甜甜辣辣，啱配白飯食。薄片煎但肉質唔乾，唔錯。

愉景新城開韓國餐廳—梨泰院！裝修韓味十足，好坐！近門口位置仲可以睇到商場大屏幕奧運賽事！超級開心！好多韓式特色野食，樣樣都想試下，夜晚8點都仲有人在等位，睇嚟韓式野食真係好受歡迎！一坐低，店員就送上開胃4小碟，酸酸辣辣很開胃！泡菜煙肉炒飯，外相不錯，濃濃韓味五花肉片系精髓，香味吸引，如果炒飯再入味少少會更吸引，我們問店員拎左拌飯辣醬，對於我哋呢啲重口味既人黎講，咁就完美了。韓式海鮮煎餅, 外脆內Q,餡料十分多,外層煎得香口微脆，火喉剛好，咬開口感豐富，海鮮有蝦和魷魚，洋蔥帶甜，再蘸上韓國醬油更加提味！蜂蜜柚子味炸雞，加左檸蜜汁，更提味，柚子既清鮮令炸雞不油不膩！非常香口！韓式人參雞湯，呢個一定必食！熱滾滾, 雞肉林到用筷子一撥就散, 連骨一咬都散埋, 入面有人蔘、大棗、糯米、大蒜等好真材實料, 湯味道濃郁, 肉質好嫩滑！真係好補吖！

見佢早排新開就黎試下，lunch時間好多人排隊，以為好好食，點知大失所望！人蔘雞湯配飯$88難食到傻，好似水撈飯咁，雞肉好少，鍋野煮得太熱，啲雞骨全部碎晒，放左個飯落去每一啖都食到碎骨，食左兩啖就唔想再食，唯一係白飯好有米味，得個飯底好食炆牛肋條配飯$88一黎到就聞到味精味勁重，一鍋味精水炆肉咁，味道一般，勝在大份石鍋拌飯$78呢個味道算正常賣相唔差，亦都好大碗但肉就冇乜呢個價錢唔係平又唔係貴，但值得更好嘅味道，唔會再黎，附近都有其他韓國野好食又平過佢

餐廳：梨泰院 (荃灣)地址：荃灣青山公路荃灣段398號愉景新城地下1019號舖荃灣愉景新城呢間韓國餐廳梨泰院開咗唔夠一個月已經每日大排長龍，餐廳以木同盆栽做裝飾🪴，入到餐廳好有花園嘅感覺，以玫瑰金為餐廳主色，喺依家韓國餐廳嘅trending design🇰🇷，牆上仲用韓文寫咗句「The best ingredient of the food in the world is hunger」，意思喺當我哋最肚餓果陣，食物就喺我哋嘅一切，有咩意喺幸福得過最肚餓果陣有嘢食呢🤤呢間喺第二分店，餐廳仲比客人帶自己啲酒嚟(只限酒類)，唔收切餅費，而且唔收加一，老闆都真係算幾有良心，你又覺得抵唔抵先😎太陽芝士雞鍋 $248呢個雞鍋可以話喺餐廳皇牌，韓國炸雞嘅recipe喺老闆喺韓國學完帶返嚟香港，將韓國傳統文化，迎合香港人口味作調整，難怪呢度啲炸雞食完都唔覺膩啦🍗。有4隻味道可以一次過試晒，蜂蜜柚子🍯、芝士奶香🧀、甜辣、韓式豆醬味，你又鍾意邊款呢❤️？皮脆而唔厚，食落無油膩感，食吓食吓就食咗好多🤤，接近30舊嘅炸雞4-5個人分就啱啱好，雖然有骨，但味道喺我近期食過最好食嘅炸雞👍韓國生菜包豬肉 $188平

行傢俬舖行到攰攰地,發現荃灣開咗一間新嘅韓式餐廳！睇落餐牌都幾吸引，而且價錢都幾相宜，於是就入去試吓啦！未上菜之前會提供四碟嘅前菜有青瓜，芽菜同埋泡菜等等，爽口開胃蜂蜜柚子炸雞🍗因為我哋得兩個人，所以只點半份但係呢佢嘅份量非常之多，食落口有驚喜！炸雞肉質鮮嫩，而且香脆 果然冇令我失望牛肉石鍋拌飯🍲石鍋已經一早燒熱，所以上枱嘅時候仍然冒煙！要加快攪拌，每項材料嘅份量都好多加上少許嘅麻油，石鍋飯更加香口，唔錯唔錯我哋另外仲嗌了個泡菜煎餅微辣嘅泡菜令煎餅有口感，而且配上醬汁女神梳打（玫瑰花）見到個名咁得意，加上呢餐牌嘅圖片好吸引，^_^於是叫咗嚟試啦，飲落去味道都好清新帶有淡淡的玫瑰味，配炸雞一流！芒果椰子沙冰芒果配椰子簡直就係甜品嘅組合，但係呢轉變為沙冰呢又係另一番風味總括嚟講呢間店性價比都幾高！

位於荃灣愉景新城< 𝓣𝓱𝓮 𝓘𝓽𝓪𝓮𝔀𝓸𝓷 𝓚𝓲𝓽𝓬𝓱𝓮𝓷 𝓪𝓷𝓭 𝓑𝓪𝓻 >, 一間新派韓式餐廳, 佔地大約2000呎, 環境舒適。 太陽芝士雞鍋 $²⁴⁸炸雞有四款口味, 包括蜂蜜柚子、芝士奶香、甜辣以及韓式豆醬, 足足接近三十件炸雞, 中間更放有粟米忌廉芝士醬☺️韓國生菜包豬肉 $¹⁸⁸以蒸五花肉為烹調方式, 可用生菜包與各種韓式小菜、蒜、洋蔥、大蔥等材料🙂韓式炒牛肉粉絲 $⁶⁸粉絲質感彈牙, 牛肉薄身, 份量驚人😀韓式炒年糕 $⁶⁸甜甜辣辣, 煙煙韌韌。抹茶/ 伯爵茶戚風蛋糕 $³²戚風蛋糕相當鬆軟, 忌廉亦香滑。相比之下, 個人較喜歡伯爵茶口味。香蕉雲呢拿雪糕煎糖餅 $⁶⁸韓式煎糖餅口感煙韌, 配上香蕉及雲呢拿雪糕嘅配搭, 再帶有濃郁玉桂味道, 飯後甜品一流。女神梳打 ⁽⁺$¹⁸⁾杯中放有玫瑰花瓣, 帶有淡淡玫瑰香味。男神梳打 ⁽⁺$¹⁸⁾覆盆子味道温和😇梨泰院📍荃灣青山公路荃灣段398號愉景新城地下1019號舖

呢間新開嘅韓國餐廳野食幾多元化！創辦人親自去韓國拜師學藝👻，野食、餐具同環境都幾韓下！🇰🇷🤟🏻✨主打「太陽芝士雞鍋🧀🐔」、炒年糕、紫菜包飯、人蔘雞湯、韓國糖餅等：-1️⃣「韓國生菜包豬肉🐷🥬($188)」係健康之選，豬肉肥瘦平均，配生菜、泡菜、蒜頭食🧄岩岩好🤣~Pork with lettuce, garlic and kimchi 👍🏻-2️⃣「半半炸雞🍗($168)」貪心嘅小編為左想試兩款口味，所以叫左呢個！「芝士炸雞」嘅芝土有微微拉絲，仲有粟米粒，炸雞香嫩🧀😝，而另一款「豆醬炸雞」好特別，有麵豉香味，外皮會乾身d～Half-half deep-fried chicken : cheese flavour 👍🏻& bean curd flavour -3️⃣「韓式辣炒年糕🇰🇷🌶($68)」幾有咬口，唔會好辣，配蛋同魚糕🙈~Kore. Rice cake in sweet and spicy sauce: with hard boiled egg and fish cake👍🏻-4️⃣「抹茶戚風蛋糕🍵($32)」5️⃣「伯爵茶戚風蛋糕🍰($32)」戚風蛋糕有驚喜😍！蛋糕鬆軟重空氣感，有清香嘅茶香味，唔係

味道：⭐️⭐️⭐️⭐️⭐️呢間韓國菜既新分店剛登陸愉景新城🛬餐廳佈置盡顯心思👩🏻‍🍳食物價錢更加係親民💰難怪每次經過都人山人海🙋🏻‍♀️❶半半炸雞 $168如果嫌1️⃣款炸雞太單調咁就梗係一次過試多款口味😇今次我哋就揀咗甜辣同芝士口味💭雞肉肉質鮮嫩多汁 而且炸得香脆🐣芝士味就充滿鹹香🧀甜辣味就非常惹味🌶❷韓式炒年糕 $68差唔多係每次食韓國菜必點菜式🤪呢間餐廳嘅年糕食落帶點煙韌🥘醬汁又有辣勁既刺激感🥵仲有雞蛋同魚糕添又幾豐富😈❸辣雞泡魚 $38呢款雞泡魚小食好有嚼勁🐡辣辣地係佐酒小吃唔錯既選擇🍶❹海鮮大醬湯 $98上枱嘅時候 湯品仲依然翻滾🔥熱辣辣就不在話下🙌🏻加入大量海鮮湯頭鮮甜🦐辣得黎又唔會死鹹🧂❺芒果椰子沙冰 $18椰子同芒果嘅組合非常匹配 🥭沙冰口感輕盈 炎炎夏日不容錯過🌞❻雜莓沙冰 $18入面梗係包括左藍莓、草莓、紅莓🍓呢幾款清新芳香嘅水果🫐飲落酸酸甜夠晒透心涼🌊❼女神梳打（玫瑰花）$18除左打卡好靚之外 整杯飲品散發陣陣幽香🌹飲落又幾清新🌴PS:荃灣、粉嶺都有分店