梅之味 (麗都大廈) (已結業)

放工過灣仔買點東西，在附近搵食，來到蘭杜街，有這間剛開業不久的台灣料理「梅之味」。見餐牌有近來大熱的拌麵，便來試試看。蚵仔酥 $68台灣菜其中蚵仔煎我是較為喜愛的. 這裡有道小食蚵仔酥, 就是酥炸蚵仔, 酥炸就是類似做鹽酥雞那種做法, 非常香脆可口, 炸漿不會變硬或者好油膩. 咸度屬正常, 帶點點辣味好惹味,而裡面的蚵仔好大隻, 厚肉，味道鮮，正！干燒牛肉麵 $88天氣熱 比較喜歡吃拌麵，沒有熱湯類的麵食，既無咁飽滯又清爽易入口。這干燒牛肉用左大大件的牛腩部分，肉質是爽腍不韌，調味濃郁，帶出牛肉本身肉味。而麵質彈牙，配上的干燒汁好入味，拌麵吃一流！店員也推介湯的牛肉麵，說用了秘方熬製的 所以特別濃郁，下次會來再吃！還有自家製的泡菜黃金泡菜，蛋黃配椰菜，配麵吃一流！綠抹茶芝麻(熱） $28飲品種類頗多，我點的熱抹茶加芝麻，可選少糖，抹茶奶綠味道不太濃，芝麻好香，而且又養生，一個台式飲料的好選擇！食物有台式地道風味，價錢相宜，一間不錯的台式料理！

兩個人响金鐘做完嘢，一齊行返去灣仔食嘢，經過呢間台灣料理，望入去企理唔多人，正好可以整理文件兼食嘢。食咗下午茶無幾耐，大家都唔算好肚餓，就叫咗兩個小食、一個小菜，同事飲杯珍珠奶茶，我就要食仙草芋圓！珍珠奶茶$28同事話珍珠口感Q彈，鮮奶茶又唔會好甜。台式香腸$58香腸輕炸過，唔會油膩，就咁食肉味濃郁，夾埋碟中間嘅生蒜片，又香又辛，既醒神又開胃。涼拌茄子$58茄子一條條整齊排放，上面放咗大量蒜蓉椒碎。茄子口感清涼軟腍，撈埋蒜蓉一齊食辛鮮好味，味道非常夾。三杯雞$128上菜時吱吱喳喳香氣飄揚，紅、綠、黃...顏色都幾靚。睇睇材料都幾豐富：雞件、薑片、蔥頭、雞脾菇、秀珍菇、本菇、九層塔、青辣椒、紅辣椒、蔥段...等。醬汁香濃惹味，雞肉嫩滑入味，雜菇新鮮好味，總之就係好好味。 幸運團圓$32芋圓係迷你版細細粒，都有芋頭粒响入面，芋圓丸夠香，口感軟Q，紅豆軟腍，仙草軟滑清涼，整體甜度適中，好味。又發掘到一間好食又好坐嘅地方。

蘭杜街又開左間新餐廳啦！係食台灣菜嘅，餐廳老闆同姐姐都好有禮^ ^ .先叫左一個擔擔麵配雞排($70)🐥 擔擔麵用上幼麵，唔會太淋，湯底好香花生芝麻味，再加上小小辣，味道十分有層次💁🏻‍♀️ 雞排炸得剛好，keep到肉汁😍😍.三杯雞($128)🐥🐥份量超足！d雞肉好嫩滑，肉都好入味，送主食一流⭐️⭐️入面有d雜菇，吸左d汁，好惹味🥳.櫻花蝦炒高麗菜($88)☝️少油炒，好健康，櫻花蝦落得好多，一齊食口感豐富d.高麗菜炒得爽口😉.夏日戀人特飲($36)🍍 用上新鮮菠蘿同果汁調製，飲落酸酸甜甜，好refresh~

最近經常吃西餐，有點滯了，所以跟朋友聚舊提議了台灣菜，暗自幫自己轉轉口味😉店舖裝潢走簡約潔白風，店員大姐們招呼勤快有禮，上菜速度非常快，不消一會已一枱餸菜🤤打頭陣的小菜是這乾燒牛肉麵。牛腩很入味而帶鹵味。麵條濕潤軟熟，被XO醬、豆瓣醬、蝦干味的懷抱下滋養住，好吃得令人停不下來的🤤另一伴菜—台灣泡菜也是好吃到我們搶著吃，不同於韓國泡菜，除了辣椒和蒜末，它是用紅蘿蔔末去醃的，可以看到那些微橙偏黃的顆粒在高麗菜上。它不太辣，而是帶清新酸味的。整碗麵都惹味十足，列入encore菜式！左宗棠雞這菜名看來特別，好奇寶寶像我忍不住要點來看看😇 維基説這是美式中菜—北美既唐餐館常見菜式。菜名由來其中一個說法是，這道菜是住在台灣的湖南人廚師彭長貴在1952年發明的，當時要宴請訪台美國將領，他隨口以大清將領左宗棠去命名菜式😅做法是將雞肉斬塊，先炸後炒，加上特製醬料，我先嚐到一種像雞醬的味道，但多分醋酸味，肉質口感有點像咕嚕肉。鐘意酸甜肉的人可以一試，還不錯。眼前一片忽然金黃色(誇張了!)，再上枱的是金沙蝦球 ! 蝦仁大隻而有彈性，但不會過份起膠，它是有連殻炸的，但不會很硬，像軟殻蟹的殻。蝦球表面完全被包覆

台式美食海鮮味濃厚星期五嘅晚上，同朋友聚舊，為方便大家放工聚餐，選擇了去港島區。裝修別置 環境舒適灣仔一帶，大街小行都有不同國家風格嘅特色小店，而我地走到轉角一條小行，見到一間裝修佈置都好別緻嘅餐廳，就入去坐低。台式炸物 媲美當地夜市朋友一直訴說台式食店黎講，台式鹽酥雞 ($68)就能睇出餐廳夠唔夠地道風味，所以我地特意點了這炸物。雞粒熱騰騰咁上菜，炸得剛剛好，外皮酥脆，雞肉嫩滑，精緻嘅外皮仲鎖住了炸物應有嘅肉汁，唔會太乾又唔會太油膩，推薦大家試試。鑊氣十足炒飯 盡顯師傅功力主食方面，我地選了櫻花蝦炒飯 ($82)，飯一從廚房拎出黎已香氣撲鼻，蝦乾海鮮配料香味完全溶入炒飯中，飯內有帶子蝦乾，菜粒，值回票價。自家製芋圓 口感滿分 糖水別具心思九份手工芋圓 (熱) ($32)細細碗嘅糖水，意外地盛了好多粒芋圓，地瓜圓，兩款口感都非常Q,糖水中加了桂圓紅棗，天然的清甜可口。有機會的話，大家一定要試試。特色飲品 抹茶內加上芝麻粉綠抹茶黑芝麻 ($28)，係餐牌中見抹茶加黑芝麻已經覺得難以想像，飲落有一大匙黑芝麻粉，又香又濃，意外的同抹茶好夾，係一杯可口特飲。整餐每人大約$150，環境舒適，晚飯

灣仔梅之味個名係日本但實在佢係台灣野炒高麗菜 - 個樣冇咩野但又出奇好食！夠晒新鮮又脆口！涼瓜排骨- 冇苦味但炒耐少炒會再好d 因爲未夠淋身汁同苦瓜未可以完全結合。呢味菜簡單但考功夫，多數媽媽級數同大廚先整得好食。鹽酥雞- 正呀！炸得岩岩好唔會太熱，脆炒唔太厚夠晒香口，外脆內軟，賣相真心一流。喂，唔貴架，再加白飯3 個人先300 蚊。待應姐姐果日多野做，但都好好笑容，真心好kur會願意等佢地一陣。 地方唔算大但都仲坐得舒服服呀！

呢間梅之味台灣料理餐廳離公司不遠，所以成日來吃中午，每次見佢人流都不少。今次第4次吃了，之前吃過香酥雞排麵和豬扒飯套餐亦很好吃，不過還是最愛這款熱騰騰嘅台式紅燒牛肉麵。呢間服務態度好，上菜又快，牛肉選用牛肋肉，共4大件，啖啖肉，滷汁很入味。麵條有咬口亦入到湯嘅味，分量足夠飽，有配一棵青菜吃起來健康點。湯底較正宗，唔會見到太多油，清爽又夠味，回味有少少辣但又不至於太辣。飲品加錢配了杯紅豆奶茶，味道不錯就是紅豆少了點罷，但佢用鮮奶不是植脂奶這方面很讚啊！

今日有啲時間，同同事行去蘭杜街lunch，試下間未過食既台式餐廳先！不用久等就能入坐，啱哂打工仔😊 店舖裝潢十分簡單，白牆配木椅。午餐有set menu，點了紅燒牛肉飯配紅和香酥雞朳麵。紅燒牛肉飯餐 ($78)牛肉炆得好冧好入味，好多！有三大舊！有種住家炆既味道~ 只吃牛肉已經好好食，每啖都有炆得入味既香氣^^，送飯亦一流，好滿足！仲有好多芽葉，非常均衡飲食。跟餐紅茶都好好，不甜的。香酥雞扒麵餐 ($68)同事給我試試她的餐，雞扒炸粉厚薄滴中，表面不會太咸，有一些酸甜汁，雞肉的仍然juicy鮮嫩，麵有啲似上海的手工麵，不錯！同事表示綠茶都ok！如果有同事剛去完台灣，自己仲未有得出發😢，黎呢間食個lunch，都可以止住對台式料理既口痕😇而且食材用料用心，口味不會太重，很健康的。

我喺灣仔返工，高檔拿咋嘅食店都食過唔少，但係未見過新店都污糟嘅食店。前排見仲係試業，今日經過見係正式營業，走左去試下。menu 癡立立，叫咗個紅燒牛肉麵同凍冬瓜茶（$88）紅燒牛肉麵睇落正常， 牛肉太大件（2件），仲厚同粗過司華力腸，嘗試咬開佢嘅時候會辣傷口腔，而且太un，咬好耐先咬得開。 湯底好似水溝味精，但未撈勻咁嘅味。食麵發現有昆蟲攝咗喺麵中間，即刻放低筷子唔食。凍冬瓜茶太甜，甜到一個點你飲咗兩啖飲唔落去。 但係佢哋冇講到個甜度有得揀，好似expect你識知道有分十級八級甜度。灣仔都有唔少“拿咋”中式點心舖，但係未見過新店衛生都咁差。真心如果未ready好就唔好開業。咪指意我有下次幫襯。

我這人不算很「台」，未曾踏足寶島一步，對台灣菜印象僅止於豪XX、茶X等連鎖店。今次聽台菜達人老友說灣仔新開一間超原汁原味的台灣料理，一於來補上美食地圖中尚缺的一塊！✨🇹🇼可能因為新開不久，星期五夜晚也不多人，空空盪盪益晒愛清靜的我們。一進店就聞到一陣妖香撲鼻，原來是【三米外】隔離檯的三杯雞上桌，嘩～咁既攻勢點招架呀？即刻柯打，五分鐘後同樣香氣四溢、滋滋冒煙既三杯雞就飛到我地眼前🐓🎯大家都知，而家係香港「做雞」不易，但呢味三杯雞（$128）做到無雪藏味呢點，就贏過出邊好多雞肉🏅️🐔不得不讚，雞肉火候拿捏得正好！皮沒有油溢味，肉也不會乾柴，醬油焦糖化的鹹甜霸佔味蕾，無比舒爽，趁熱食完仲有種吮骨的衝動！🍗🍗🍗配料的菇菇同蒜子同樣鮮美，過油之後一個爽脆多汁，一個軟綿爆漿，引得我們爭相鬥「筷」🥢正所謂less is more，有時好味未必要太複雜，火候足夠，一杯醬油+一杯酒+一杯麻油的簡單調味就可以出彩～如果再多幾片九層塔就好啦！招牌紅燒牛肉麵（$80）一上桌，我心入面「哈」一聲：咁大舊牛肉，唔驚蝕本？？？飲一啖湯，給我感覺有點像紅燒+清燉的fusion口味，喝完不會口渴。湯頭也夠濃郁，不過我喜歡

第一次黎係試業第二日，老闆娘都係到，一直問好唔好食，有咩改善，非常友善，上次既鹽酥雞令我一試難忘，所以今次專登返嚟再食，水準跟上次一樣好食。有肉汁，夠味，肉嫩，外脆，另外蔥爆羊肉也是值得一讚，非常有羊味，本人接受到羊味，所以覺得唔騷，但有d筋，唔知係咪部位問題…炒菜，普普通通，滷肉飯也是一般沒特別，黃金魚塊就真係食左一淡，成碟無食到，乾到………唔知點形容，就形容佢係有生以來食落最乾既魚柳吧😏炭燒烏龍奶茶很好喝😍

話說有一日我係屋企諗點解公司附近無一間餐廳有台式肉燥飯食🤦🏻‍♀️過左幾日一個突如其來嘅消息同事話公司附近開左間台式餐廳🤩一知道立即叫埋同事一齊去試下糾結左一陣..想食肉燥又想食香酥雞扒最後炸物勝出! 點左香酥雞扒飯打開個盒有驚喜! 原來係有肉燥架一次過滿足哂我兩個願望雞扒外脆內軟..但本人對面頭個梅子醬冇咩興趣XDDDD下次會叫佢走醬本身諗盒飯咁大會唔會食唔哂..但食食下...我成盒完成哂飲品要左檸檬冬瓜茶加珍珠本人鐘意酸少少所以自己另加檸檬片下次番工時間都可以搵到台灣野食喇~

自從台灣回來後，我就開始在香港各處尋找好吃的台灣菜，回味台灣的經典菜餚。聽朋友提起灣仔這間新開的台灣菜餐廳，決定前來一試。晚上客人不多（不過侍應說中午基本上爆滿），菜餚上得很快，三杯雞是最先上的菜，也是這晚最令我驚喜的一道菜：由酒丶麻油和醬油製成的醬汁惹味香濃，咸中帶甜，甜中帶咸；洋葱、蒜頭和彩椒的香氣在高溫下悉數逼出，拌飯一流。 雞肉醃得入味，生熟度剛剛好，不會燒得太老，也不會太生，很容易就跟骨分離，也吃不到碎骨。廚師恰到好處地加上幾片羅勒作點綴 ，嚼來滿口生香，十分清新，雖然肉的份量頗多，但絲毫不覺重濁飽滯。蔬菜（包括菇類和彩椒等）的份量也很充足，這道菜至少二人份。侍應見我們吃得開懷，便推薦我們下次來吃左宗棠雞。下次定要帶友人來試吃。涼拌茄子也很快就上桌了，生熟蒜和薑蔥混在一起，吃起來有點兒辣，頗有特色。喜歡吃五辛的人（像我），應該也會喜歡吃這種醬料；茄子軟而不爛，吃起來還算爽口。如果醬汁可以多一點，拌起飯來就更加可口了。招牌紅燒牛肉麵，麵條幼身而軼腍，牛肉有濃厚的「牛味」，吃起來沒有肉渣，比台式餐廳茶木的牛肉更有誠意。份量頗為豐富，瘦小一點的女子吃完這碗牛肉麵，大概也飽了八成。建

係Star Street 做完yoga，發現籣杜街開咗間新嘅台菜餐廳，被老闆娘的熱情融化了，就入咗去試下晚餐嘅小菜。珍珠奶茶珍珠有咬囗啱啱好；黃金前菜好fresh，好開胃。黃金苦瓜D咸蛋黃均勻咁包係每片厚切苦瓜上面，值得推介。三杯雞D雞好入味，連煲上，D茹同姜片好正。老闆娘「花姐」好nice，仲俾我地試咗舊鹽酥雞（當日第一日試業），炸得啱啱好，好Juicy，下次要order一碟。以後蘭杜街除左蝦麵同雞扒，又多咗個好選擇！P.S. 唔好意思，唔知咁好食，無影相🙇🏻‍♂️