桻之燒 (已結業)

上個月去完名古屋旅行，可惜行程太趕，去唔到居酒屋食串燒。一直耿耿於懷，決定返香港要瘋狂食返夠數！呢間位於東大街既小店，開業多年，經過幾次想試，今次就揀呢間試下啦！餐廳面積需小，店內掛滿手寫既餐牌，有種日式家庭小店既感覺。星期六正值午飯時間，餐廳提供午餐 (午餐由 HK$68–HK$98)，由日式定食到西餐都有供應。不過今天我們的主要目標，是一眾串燒，我們點了招牌串燒拼盤A及B餐。 招牌串燒拼盤A食肉獸必點，有鹽燒雞中翼、黑豚五花腩、牛仔骨，再配上紫心蕃薯蓉，及沙律。牛仔骨真係好厚肉，燒得剛剛好，唔會咬唔開，一啖咬落去牛肉油花慢慢浸出香氣，非常美味。紫心蕃薯蓉香甜，比起一般餐廳提供既薯蓉，更加特別，更加出色。招牌串燒拼盤B串燒除了燒肉出色，蔬菜串燒也是必食。拼盤B有煙肉荔枝卷、脆皮豆腐、日本蕃薯仔、露荀及沙律。煙肉荔枝卷，鹹鹹煙肉特出荔枝香甜juicy，露荀新鮮爽脆，脆皮豆腐外焦內嫩，必定會再嚟食。

個人好喜歡去東大街覓食，就算你個日唔知食乜好，去到總會有啖好食！係天后廟隔離既桻之燒，留意左一段日子，總是滿座要等位。今日過左午飯時間，難得一見的有位，試下新嘢先！店面雖然唔算大，但係就讓人覺得舒適闊落，乾淨企理。午餐主要供應套餐，價錢大眾化，睇落都好吸引！其實每次去新既餐廳，總會試下特色菜！既然係自家制特色桻之ROLL 當然揀A餐啦！套餐包括有餐湯、蒜茸牛油多士、主食同一杯熱飲，凍飲加4元。今日餐湯-粟米湯好清新既粟米鮮甜味，湯𥚃面有好多粗粒，感覺好多粗纖維，健康D唔錯喎！細細塊多士香脆！👍桻之ROLL 和紫薯茸上枱時熱辣辣，小驚喜係有我喜歡的新鮮沙侓菜！卷皮鬆脆，餡料中雞肉嫩滑，芝士和洋蔥味道好夾，其中有少量黑椒碎令整個卷味道提升！ 紫薯茸甜度適中，加入忌廉令薯茸更加香軟！令人滿意嘅午餐，晚上是居酒屋料理，下次會約朋友一齊去，可以試多D唔同嘅菜式。

今個週末同朋友去筲箕灣食個休閒早午餐 這裏主打串燒燒物 不過既然有午餐提供 價錢又合理款式又多 便決定一試朋友鍾意食鵝肝 當然點了份法國鵝肝伴安格斯牛肉漢堡$88 有別於一般的漢堡飽 這小店選用法包 口感香脆 硬身的飽底不會因為漢堡扒juicy而變淋 做法特別 鵝肝疊在漢堡上面 一咬入口即溶 帶出淡淡的鵝肝香 漢堡下還有幾塊煙肉配搭 旁邊更有一堆薯條及配上芝麻醬的沙律菜北京填鴨皮脆薄餅$62 原來這配搭很特別 喜歡吃北京填鴨的我便點了試一試 填鴨絲配芝士加蘑菇 脆批食整個也不會太飽餐飲除了咖啡茶 還可以加錢轉特飲 熱蜂蜜柚子茶+$8 特濃凍朱古力+$15

夏日炎炎，今日天氣應該有30度以上，行兩步已出晒汗。在筲箕灣見完客，著住全套suit的我嗌晒救命。我和同事兩人急急腳想搵間餐廳過冷河和食午餐。見到有間類似居酒屋的餐廳，乾淨整潔，冷氣大開，便決定食呢間餐廳。午餐供應時間係12:00至3點。每份午餐都有餐湯、蒜蓉法包同餐飲。餐湯是自家制蕃茄洋蔥湯，質地濃稠，蕃茄味濃。蒜蓉多士烤得香脆，牛油蒜味香氣撲鼻。我點了「原條炭火燒珍寶鰻魚飯」，上菜時也非常滿意，果真是一大條鰻魚！淋滿燒汁的鰻魚橫跨了成隻碟，白飯則用上了珍珠米。鰻魚肥美肉嫩，魚肉質感彈牙，燒汁濃郁入味，非常開胃。不消一會已將整碟飯掃清。同事則點了「唐揚炸雞配特色蛋包飯」，炸雞新鮮即炸，皮脆油香，肉質嫩滑多汁。鮮黃色蛋皮包著混合了蛋汁和燒汁的炒飯，不但惹味可口，而且賣相幾靚！凍檸茶有差不多4片厚檸檬，茶味香濃，冰爽解渴，為炎熱天氣降溫。有質素的午餐抒緩了工作帶來的壓力。餐廳燈光柔和，環境舒適，吃過豐富午餐的我們精神抖擻的再迎接煩忙的工作。

今日等朋友收工個時係佢公司附近行咗好耐, 咁岩見到依間日本餐廳門面裝修簡單, 但係望入去又幾別緻, 好奇心之下就捉咗個朋友仔陪我試吓啦.餐廳職員非常有善, 一入座就放上熱茶同餐牌, 有好多種類嘅野食可以揀, 樣樣都想試嘅情況下就叫職員介紹一啲特色小菜俾我地試吓啦, 等食物嘅同時, 欣賞吓餐廳嘅裝修, 同日本嘅居酒屋好似, 而且牆身仲有清酒嘅貼紙做裝飾, 好有格調。食物方面我地叫左原隻有殼元貝$68, 清酒煮日本沙白$98, 一口生蠔x2 $42, 秘制手打鮮墨魚棒$58, 鹽燒鮮雞皮$32, 香燒黑豚六花腩$42, 香燒脆皮豆腐$32, 法式鮮蟹肉虎蝦烤多士$78, 燒汁鮮蠔燒飯團$68, 明太子茶漬飯$48, 燒蔥油卷$28.原隻有殼元貝 - 好大隻同好juicy 用咗少少牛油去燒, 味道清淡唔會搶咗元貝嘅鮮味。清酒煮日本沙白- 依個我俾滿分就咁睇個湯頭已經知道同其他餐廳嘅味精湯好大分別。好香嘅蕃茜味, 同埋飲落真係完全冇味精, 只有好鮮甜嘅海鮮味, 會令人停唔到口咁飲同埋最值得一讚嘅係沙白真係好肥美, 每一粒放入口都感受到佢脹卜卜同埋好多汁。一口生蠔 - 生蠔好新鮮, 而醬汁係蕃茄

呢日喺筲箕灣附近行逛，朋友帶我到呢間日式餐廳食Lunch.因為兩點才到達，所以人不多，可以休休閒地享受一個閒日午餐很多酒呢！晚上應該似居酒屋店子不算太大，大概十幾個位午餐set , 價錢大眾化我們一人一個set lunch唐揚炸雞配泡菜蛋包飯簡直可以用色香味俱全來形容蛋蛋滑滑炸雞外層脆口，內裡雞肉嫩滑當蛋包内的泡菜配上蛋面的蕃茄醬肚餓點即刻提升。香燒紐西蘭牛西冷扒， 配紫心番薯蓉。牛肉質鮮嫩薯蓉好香呀！我敢肯定是用上日本番薯兩杯青檸梳打

門口擺放一張長櫈和餐牌,好多時都企滿人,經過多次都冇入去,今次正好到午飯時間.一於嘆個lunch啦!整個咬落去,蛋汁漏哂出黎焗得乾身左,醬汁唔夠不過D野夠熱,飲品都可以啦!

因為係openrice入選之店，所以就同男朋友來朝聖，星期二晚七點半來已接近full哂。先來一條鹽燒石蚌，🐟表面佈滿粗鹽，魚鱗沒有擦走，所以燒完，魚肉仍充滿肉汁，質感細嫩，而且極道鮮美！超班嘅燒魚！磯燒雞泡魚干，基本上係必點之佐酒小食，魚干燒得十分香口但又不會太乾和太’銀’，燒汁入味不需要沾沙律醬， 調味已經足夠好吃。手打鮮墨魚棒中間穿了香茅，鮮墨魚滑有粟米口感十足，而且香茅入味，創新得來好好吃！鹽燒先雞皮有別於其他食店的燒雞皮，完全沒有多餘油脂，每塊都超香脆可口， 問店員才知道原來是老闆會印走所有油，才串起雞皮去燒，十分認真！令雞皮原本的味道完全呈現出來！燒雞中翼調味和雞皮一樣，不過肉汁就多好多而且燒得剛剛好！香燒脆皮豆腐，有燒乾腐皮的口感，一層層日本油揚豆腐質感，雖然烤乾但味道十足！芝士焗雙花，芝士極多極多，濃郁奶香，不過我喜歡西蘭花多個椰菜花🥦！必選蔬菜類難得有間燒烤店每一道餸都用心新製作，而且美味可口！店員服務態度一百分💯，一定要再返來！

上完堂好耐冇去過東大街太專心上堂要補番D元氣先吃D頭盤可以快快有得食一口生蠔蠔新鮮肉厚唔係太多海水味但又夠甜夠creamy番茄汁帶出蠔的鮮味 蒜香燒原隻有殼元貝 （時價）帶點酒香再配上蒜溶及香蔥將元貝燒得半生熟厚燒牛舌心 $48真係好厚目測起碼有0.5cm 厚好有牛油香及彈牙食幾串都唔夠喉燒蔥油卷有點像薄燒蔥油餅我覺很用串燒方法很特別而且很考師父功夫點解燒嘅時候唔會將D蔥倒瀉？秘制手打鮮墨魚棒有係必吃item很彈牙的墨魚棒用香茅串起令墨魚鮮味更突出松葉蟹多士 $98多士上鋪滿沙律醬溝蟹膏加上一點點蟹肉及蟹子焗完很香口如果多士大點會更好招牌汁燒鮮蠔飯糰 $68廣島蠔配上脆口的飯糰飯糰外圍完全包著燒汁係店中人氣No. 1不過紫菜不夠脆身令整體有點遜色最後係金魷唔好以為係魷魚其實係魚黎架師父冇打魚鱗再加上粗鹽係為左令魚嘅水份冇咁易流失所以燒完條魚仲好juicy 超好味呀

東大街咁多野食,真係令人花多眼亂,有一間一直都好想去,終於拉埋朋友同我一齊去食呢間就係居酒屋黎呢度選擇都好多前菜有三款三款都係好爽口開胃,魚肉都係鮮味十足,滑溜牛蒡好爽脆汁燒鮮蠔燒飯團呢個飯團相當吸睛,用竹簽插住兩隻蠔,下面再有一個大大既飯團食法就係將燒蠔用脆紫菜包成飯團飯團既燒汁香,蠔亦都新鮮手打墨魚棒手打墨魚滑加入粟米粒增加口感中間空心,放入左香茅,吸收了少許香茅味,口感彈牙黎到取酒屋點可以唔食串燒三款串燒入面以厚燒牛舌心令人印象深刻牛味好濃,口感煙韌,幾高質

筲箕灣東大街餐廳林立，間中駕車到這邊揾下食不失為一個好活動。今日又回到「桻之燒」，一間令我難忘的日本餐廳。「桻之燒」老闆非常善心，每個月都有派飯活動，所以其實我們食得開心外，間接也為慈善出一分力❤️回到正題，餐廳有點走居酒居路線，提供大量燒物、而且款式新穎，食材新鮮，每次都讓我驚喜不斷。地方雖小，但牆身貼滿不同清酒的貼紙，日本味極濃頭盤先來一個「松葉蟹多士」打頭陣，它肉質軟滑、味道最鮮，蟹膏香濃，松葉蟹更被日本人譽為「蟹后」，餐廳取其肉及蟹膏放在烤得香脆的多士上，每一口充滿濃厚的蟹味，把松葉蟹的美味發揮得淋漓盡致海鮮迷如我必點餐廳海鮮類，店主每天到街市挑選最新鮮食材，保證新鮮生猛。這個日本清酒沙白更美味得連湯都被我喝光光。沙白無沙，清甜無比，一點都不像外面餐廳弄得像洗蜆水一樣。湯加上簡單洋蔥絲、芫茜和甘荀絲，輕易為蜆湯提鮮再來個—-香燒游水海紅蝦，單隻$128，雖價錢略貴，但蝦size巨大，肉質厚實而彈牙！我會稱它為「蝦扒」。蝦只是用岩鹽輕輕調味，已經非常美味海鮮方面還有燒海鐵立，餐廳用鹽焗方法烹調，把魚汁完全封住。魚肉肉質很嫩滑，配上特製泰式醬汁更是絕配串燒方面有這個燒醉香雞翼及脆皮豆

之前同朋友來到港島區，搵到呢一間日式嘅居酒屋，由於朋友都好鍾情於居酒屋於是就入嚟試吓。叫咗呢啲嘢食首先每人一隻一口生蠔，生蠔用咗番茄碎洋蔥碎同埋一啲類似白醋嘅酸汁做調味，隻生蠔凍凍地，一口放晒入個口裏面，生蠔好新鮮同埋好香嘅海水味，非常之清新，令到人好開胃。跟住就係呢一個冰鎮深海八爪魚，材料又係好新鮮嘅，上面鋪檸檬汁同埋有少少海草做本賽又係一個醒神開胃嘅前菜。之後輪到呢一個從業蟹多士，多士細細塊一啖放落口，好香蟹膏味，鹹鹹甜甜咁樣非常得意。輪到呢一個燒牛舌，厚切嘅，上面有小小黑椒同埋少少調味，網絡個樣會覺得好銀，但食落又唔係，都好亂口下，而且牛味非常之龍，帶有一種牛油嘅香味呢個一定要試。燒錄花籃肥瘦均勻，燒到好香脆川燒雞皮切都好細塊，雞皮燒到好乾好香脆，送酒一流呢個墨魚棒非常之新鮮，味道非常之好調校得，亦都燒得剛剛好唔會太乾，呢樣都係其中要是嘅串燒第一次食燒嘅苦瓜，上面有一層蜜糖喺度，估唔到咁燒法係甘夾嘅， 味道出奇地好最後食埋呢一個鰻魚飯團，飯團經過香煎，好似食緊煲仔飯嘅飯飲，鰻魚都係好新鮮嘅，都非常之出色。最後臨走嘅時候，老細都好好人介紹咗啲清酒俾我哋，就好似呢一隻磯自慢，老細係做

每次行入東大街都會聞到誘人既香味，今晚落住微雨凍凍地，忽然好掛住日本既居酒屋，行左一圈之後就決定食呢間日式串燒。 一口生蠔 ($38) 一杯先黎幾個冷盤海鮮refresh下~ 一口生蠔原來唔係指蠔既尺寸，而係將生蠔放入迷你玻璃杯內，加入鮮蕃茄汁同紅椒粒等，令人想一飲而盡。豪氣地one shot，調味如想像中清新，生蠔亦新鮮嫩滑，啖啖肉好滿足。冰鎮深海游水八爪魚 ($88)醋八爪魚好幼嫩，配合底下清脆既青瓜片有多重口感，最特別係連少少吸盤位，咬落幾爽口新奇。 白醋味道溫和，中間仲有醋海藻，好開胃。松葉蟹多士 ($98) 4件超鐘意一入口松葉蟹滿瀉爆漿既creamy感覺，蟹肉好嫩滑鮮味，調味以蛋黃醬為主調，軟滑既松葉蟹同酥脆既多士配合得岩岩好，面頭仲有咬落卜卜聲既蟹籽，冇可能唔好食。成件都熱辣辣，尤其欣賞多士烘得恰到好處，鬆化到係口內散開。清酒煮日本沙白 ($98)開頭見到個心都沉左一沉，好怕係放題個種細細粒又冇味既蜆，點知撈出黎發現蜆肉成個五蚊銀咁大，漲卜卜好鮮味。識食一定飲埋個湯，除左清酒、紅蘿蔔同洋蔥外，個湯仲好重芹菜味，我就覺得好香喇，但未必人人岩。西京麵豉茄子 ($36)大愛茄子

東大街街尾隱世燒烤店一口生蠔勁開胃前菜，海量蕃茄汁配上新鮮生蠔，口腔清新一番，生蠔鮮味亦停留很久。香燒脆皮豆腐爆多木魚碎作配搭，豆腐外皮非常香脆，加上醬汁，三者拼合一起組合非常惹味。厚燒牛舌心喜歡牛舌的朋友一定要試試，牛舌心是牛舌中的極品，無論肉質、肉味，肉身都比普通牛舌優勝，牛舌心是每條牛舌正中的位置，可想是多麼珍貴的部位。香燒黑豚六花腩五花腩就吃得多，想再追求更高層次的腩肉，一定要點黑豚六花腩，黑豚肉的肉質，六花般的排布。香燒自家浸制醉香雞翼雞翼串燒是必點的，雞翼雞油夠、肉質嫩，更滲出淡淡的酒香。燒蔥油卷相比蔥油餅、蔥油包，餅底是薄薄一片的，不會太頂胃，一咬開時，大量蔥油蔥花味散開，很惹味的一道鹹食。秘制手打鮮墨魚棒中間配上香茅一起燒烤，香茅的味滲進墨魚棒，而墨魚棒吃得出是純手打的，非常彈牙，面粉的比例非常小。松葉蟹多士爆多的松葉蟹蟹糕同啖啖蟹肉，非常鮮甜又有口感，佈滿整片多士，配上香脆的多士，一客四件剛剛好滿足。汁燒鮮蠔燒飯團飯團經過燒烤而成，醬汁包圍著飯團，表面帶有點飯焦，內裡的飯不會太濕或太乾，配上汁燒鮮蠔和紫菜，飯團的極置。焦糖苦瓜出色的解膩串燒蔬菜，外皮有脆脆的焦糖甜味，

omg this is too yummy!!!!!平時會黎食lunch, 已經好好食！見晚餐更多新奇選擇！對呢度既食物充滿信心，帶埋好友試一試！木牌有部分推薦菜式，裝修簡單溫暖既居酒屋🏮食後感係好多菜式都好有驚喜開心既晚上🌹冰鎮八爪魚🐙 鮮甜！非常適合作前菜！清酒煮沙白，睇相冇咩，食落好勁！係高級煮蜆！大大隻，岩岩熟！好味湯又甜！要俾松葉蟹多士，menu形容齒甲留香，講得真係好岩，覺得蟹膏好豐富，多士鬆脆，個人認為係最佳菜式之一，必食順序：醉香雞翼，墨魚棒，六花腩。居酒居必叫燒物，全部都燒得好好，其他菜式已經驚喜連連，估唔到燒物都咁好，最香的確係雞翼，酒味分明配得好好，唔飲酒既朋友都好岩！ 六花腩一貫既肥瘦分明，多汁美味！想起都流口水非常特別既飯團系列！蠔飲團同🌟鰻魚飯團🍙，兩種海鮮都係好新鮮，偏好蠔！可以問店家拎多幾片紫菜一齊食，會再食！蜜芽燒湯圓，手工菜，溫度甜度黏度配合，甜而不膩，晚餐完美既句號呢一區黎講，這晚餐不算平，但好難忘！可以試下呢個二人餐，可能抵d，真心信心介紹！