桂花小幸 (將軍澳廣場)

營業中

休息中

之前黎過食下午茶選擇唔算多，近排又再去食下午茶，好驚喜餐牌換左，多左好多選擇。今次揀左芝士醬排骨吐司（半份）+桂花雞翼+蕃茄米線 （$42），飲品要另外加$6食物係水準之上，吐司同雞翼都熱辣辣好好食，桂花醬係另上既，唔會太甜。下午茶時間比以前多左好多人，排隊落單都要預多少少時間。

近排真係冇乜心機，就算年紀仲算輕，對住近來嘅環境，都已經變得有心無力，就連吃喝玩樂都冇心機，都係嗰句啦，飯都係要食，食吓滷水嘢調理吓心情囉跟set加$6就可以有小食喇，第一炮就係滷水豆腐其次係滷水雞翼，好肥嫩呀循例食啲手拍青瓜當食咗菜啦蛋都係滷水，問你怕未？好喇好喇，咁多小食，都要食吓主菜嘅台灣麵都幾好咬口，湯都夠濃雞扒終於唔係滷水，係鹽酥喇好大碗麵呀台灣腸都幾惹味，肥瘦剛好查實美人茶點解叫美人茶呢？大胃點都要嗌有芝士嘅嘢先過到癮除咗滷水，喺咁文青風嘅環境下用餐，心情點都回復年輕啲啦

朋友約食飯，大家都係將軍澳街坊就係番附近食啦，決定試下將軍澳廣場呢間台灣野，桂花小幸。放工成日經過都好多人排隊架，今日早少少6點幾拎到位, yeah! 叫左最大路既肉燥飯，牛腩麵，酥炸排骨，仲有個新野蕃茄湯底麵配炸雞扒。肉燥飯夠濃味好好食呀，配埋滷水蛋送多碗飯都仲得! 我自己最鍾意個牛腩麵，牛腩好淋，湯底好味唔會口渴，一定無味精，哈哈！ 麵又夠彈有咬口👍 必食推介！ 酥炸排骨好脆口，炸雞扒都唔錯唔會好油。另外叫左個餡餅，比想像中好食呀，勁juicy 多汁。仲有台式野飲都有正常水準！ 最重要係，呢間價錢好實惠呀，值得我地encore!!☺☺

滷水牛肚麵 $48配台灣麵+紅燒牛肉湯底每次黎桂花小幸都係食滷水牛肚麵🍜配料有紅白蘿蔔同白菜仔兩條紅燒牛肉湯甜甜地又鹹鹹地，仲有少少辣🌶湯底都偏濃味，但飲左唔會覺得口渴今次的台灣麵煮得比較硬，紅白蘿蔔都唔夠淋牛肚的份量每次都好足夠，同茶餐廳的味道一樣麻辣牛肚麵 $51配台灣麵+麻辣牛肉湯底 (中辣)麻辣牛肚麵同滷水牛肚麵唔同的地方就係多左辣油麻辣牛肉湯有4種程度可以揀，分別係小中大特辣今次雖然叫左中辣，但其實係麻而不辣湯底比較鹹

星期五晚九點左右仲要攞飛，坐低之後見自己去收銀處俾錢點餐。點完餐之後有人送到你個位嘅。兩個人帶咗一個炸排骨雞肉飯，另外要咗一碗紅燒牛肉麵，再加左一個麻辣豬肚。雞肉飯OK，上面有用乾蔥同厭世都香香地。酥炸豬排骨，就好一般啦仲白曬曬。我要點麻辣豬肚啲汁。食完自己碗飯空口食麻辣豬肚絲嘅時候，就發現啲豬肚其實超級鹹，最後要用面啲湯洗個啲汁先可以食。喺店裏面可以帶隔離茶研社飲品。我哋係帶咗一杯桃味烏龍茶蘆薈粒粒，飲品係OK嘅。我會話，都係收工簡單快餐可以，唔好有太大期望。麻辣豬肚就真係唔好嗌啦，太鹹。

本来打算去旺角吃饭，结果遇上游行示威。还是老老实实地在将军澳吃了。麻辣牛肚味道很赞👍够麻，吃完了之后，还有麻麻的感觉，好像是狂吻💋之后，嘴巴不是自己的了😂💋 环境也不错很舒服，门口还有饮品卖！值得推荐。

星期五晚8點半一行3人去到攞位，門口都算多人，等左差唔多半個鐘，中間不停有2人枱入座，再等等下突然發現營業時間原來只到9:15pm！友人上前查詢完點解咁耐無位同埋係咪收9:15pm時，reception先話9:15pm係last order，9:45pm就閂門，然後隔左5分鐘都無就有位，入到去發現其實仲有至少兩枱可以坐到3-4人，但都無安排外面既人入座。好啦咁坐低後先知要出去收銀處/用手機落單，都算順利落到單，搞掂之後食物都幾快上，不過質素就非常一般，叫左個鹽酥雞排滷肉飯，雞排完全無台灣既口味，調味粉集中喺碟邊，而且皮同肉有少少想分離，個樣已經唔吸引，味道仲好一般。地獄三盛牛肉麵，叫左大辣，麻味不錯，但辣味只能夠稱得上微辣。最後麻醬雞絲冷麵，普通到都無咩可能會中伏既一個麵。總結係食物質素麻麻，同台灣口味相差甚遠，可能平時食開果啲都係台灣人主理，味道都唔會太差，而呢間試過就算，唔會再有第二次。

周末近近地到將軍澳站行下，話哂幾個商場相連，可以消磨一個下午，喺30幾度既天氣之下真係一個好去處~見呢間台灣麵店多人等位，應該不錯吧!以木系文青裝修，先到cashier 點餐或可用QR code手機點餐支付寶付錢～(不用加一的啊!)心大心細既我，點碗特盛紅燒四寶台灣麵，有豬手、腱心牛肉、花枝丸、滷水蛋，諗住可以試多d。湯底有5款，我揀配養生清燉牛肉湯。黎到都幾大碗，豬手都有2件，炆得腍透而且唔會覺得油膩! 先呷一口湯，清甜順喉而且帶藥材味，飲左一大半碗湯都唔口乾口渴。 牛腱肉牛肉味重，煙韌入味。連滷水蛋亦唔錯，帶清爽香味。鹽酥雞排滷肉飯，雞排分開上，另外有青瓜小食。滷肉飯滷汁香，味道唔太濃但散發出油蔥酥既香味~ 五花肉粒，層次分明送進口裡不油不膩，幾乎食哂個飯先食雞排。。　鹽酥雞排外層鬆脆，肉質軟嫩又唔會因為凍左而變淋~ 部分小吃有大小size，我地點細份可以試多點~ 蕃茄濃湯水餃(4隻)，係椰菜餃子餡料　桂花雞翼(3隻)，雞翼炸得香脆，配上淡香既桂花糖，頓時有滋潤既感覺～仙氣火龍果茶，以紅肉火龍果+茉莉綠茶既配搭，茶香清甜同時幫助一下消化。芝士奶蓋桂花烏龍茶奶蓋既飲法係要將杯45度傾

因為等車的關係在商場閒逛就被這間台灣食店吸引餐牌所見挺多台灣野食但今日趕時間無食到不過見佢有台式飲品買就買杯試下試了最鍾意飲既黑糖珍奶珍珠數量較少黑糖味不算太甜未知是否杯身太高的關係比例上亦奶多味淡但太熱天時能飲到杯珍奶已是一天裡的小小小確幸留意裝潢上的句子人生如天氣可預料但往往出乎意料很文青的風格下次要食去吃頓文青式台灣料理先

成年冇食，經開呢頭都係食d穩陣既好。三拼牛肉飯足料，牛肉煮得入味又唔會太咸，米用左珍珠米好飽滿又香口。上湯浸時蔬有得跟餐食下菜好健康，我鍾意呢個娃娃菜，又脆又爽。蘋果無花果燉排骨呢個湯飲落都幾潤口，係呢個餐既加分位。蕃茄花枝丸米線呢個蕃茄湯底好香口，食落酸酸甜甜冇麥味精。花枝丸份量都唔差。手拍小黃瓜係細細既一碟，正常呀因為好平ma. 不過唔多似手拍。芒果沙冰呢個事前唔知有cream係面，如果知會叫佢走左佢先。珍珠奶茶正常水準，果然係台式餐廳。

對於我黎講，要係將軍澳搵間唔係連鎖式而味道又OK既餐廳真係幾難！今日行完OUTLET之後，無意中發現呢間台灣小店，又唔洗等位所以就試一試。因為得兩個人，所以叫既野食唔多。呢到係先付款，後送餐既形式。佢既滷水豆腐水準係中上，佢遞上黎既時候係熱辣辣，而且香味都夠食落口都真係覺得係有用時間滷左入去既同埋佢就係滷得黎舊豆腐依然挺身可再ENCORE食台灣野就當然叫個例牌既鹽酥雞麵！略嫌個雞扒乾身左小小，除此之外調味都OK麵質方面反而有小小驚喜係彈牙唔易諗身湯底都唔算油另外仲叫左個蟲草花雞配飯，諗住養生下佢比想像中藥材味係出既會滿足到鐘意藥膳味既朋友雞係滑但肥膏位多可能因為甘，所以就油左D個湯冇飲曬佢-總括黎講，係將軍澳搵到間唔係連鎖，坐得OK，食物又OK既餐廳，呢間已經算係好不錯呢經過都會想食既

台灣野永遠都食唔厭，呢間台式小店我諗大部份將軍澳街坊都會識得佢，因為佢價錢抵，仲要唔收加一，呢個價錢同食X興真係差唔多。🙈叫套餐可以加錢叫小食，幾蚊就可以食到滷水豆腐，豆腐好滑每一舊都充滿滷水汁。小朋友非常鍾意食呢度嘅滷水雞翼，滷水好入味雞翼好滑，連皮都唔放過因為真係好好味。我就最鍾意食呢度嘅豬手飯，豬手炆到好林，而且有三大嚿，用嚟送晒成碗飯絕對冇問題。老公鍾意食呢度嘅炸雞扒，因為雞扒好大舊，勁厚肉，麵質亦都好好，好有口感唔會太林，同埋份量都好夠一個大男人填肚，食完一碗麵都已經好飽。今次特登想寫嘅係呢杯華田脆脆加咖啡凍，因為之前都係飲開珍珠奶茶同埋生果茶，第一次飲呢杯特飲，我覺得非常好味，華田上面有Oreo餅，增加口感，咖啡凍原來配華田係非常之夾，真係絕對推介，因為呢杯嘢飲，隔咗幾日我又再嚟幫襯啦，哈哈！

女女開始放暑假，為食媽媽安排的暑假活動都係以食為主。食下野，行下商場涼冷氣，舒舒服服。今日想行下將軍澳的商場，行到餓就去左桂花小幸食個tea。呢間餐廳佈置得好清新，係台灣最流行的文青風格，係入面用餐好舒適，好似自己都後生左。老公點了滷水雞翼配雞肉飯定食，我就點左我最愛的滷水豬手定食，女女就食岩曬小朋友的番茄花枝丸米線。每個定食仲配三款前菜，好豐富，我最愛黑醋茄子，又fresh又健康。飲品就要了芒果沙冰，女女就要芝士奶蓋阿華田加珍珠。呢度的set份量很多，食得好飽，所以飲品之後都會攞住邊飲邊逛街。

身為將軍澳街坊～去邊食好西就最熟，而不知不覺間，都成為左呢間餐廳既常客！桂花雞翼$23炸皮薄脆，熱辣辣好好食，多汁味美，點埋桂花醬，配搭簡單得黎好好食特盛四寶麵（紅燒湯底）$78呢個麵真係一次過滿足晒我咁多個願望🤣🤣🤣大大碗，真係堅抵食！首先講個湯式，湯底微辣，肉味濃，好惹味！牛腱好好好好好食！厚薄岩岩好，好淋好入味！有三塊真係不惜工本！豬手滷水味十足，炆得夠淋。仲有滷水蛋同魚丸，真係大滿足！麵條今次略嫌淋左少少，如果有番點嚼口就perfecto !台式雞肉飯定食$58雞肉切成絲，配上滷水汁及炸蒜，拌飯一流涼菜醬燒茄子非常入味涼菜仲有拍青瓜同貓耳朵，酸甜開胃紫菜魚丸湯紫菜湯清甜，魚丸爽口彈牙上湯浸時菜$6娃娃菜清甜，上湯鹹甜恰到好處滷水豆腐$6滷水豆腐有咬口，焦香十足芝士奶蓋玄米茶$23玄米茶茶香十足，奶蓋好rich!黑白配珍珠豆奶$19珍珠好有嚼口，黑糖味岩岩好，配上豆奶，感覺冇咁大罪惡感🤣

麻醬雞絲冷麵配涼拌貓耳朵$52，冷麵配料有雞蛋絲、雞肉絲、青瓜絲，幾種料加埋口感清新，用麻醬撈埋就最夾，涼涼地最岩夏天食，貓耳朵即係雲耳，好爽口鹽酥雞排滷肉飯$58，大大塊雞扒，外皮脆口炸到金黃色，雞扒肉一d都唔乾身，滷肉香濃，配上日本珍珠米麻辣牛肚$42，哩個小食的確唔錯，份量多食極都仲有，牛肚爽口，至於麻辣味幾突出，一般我自己連續食3條的話要飲水解辣煲仔·塔香三杯雞$48，有d似香港既啫啫雞，不同之處，可能係啫啫雞煮得比較乾身，而三杯雞煲底有汁浸住雞肉，所以入味一d檸檬蜜桃沙冰$32，甜甜酸酸好味道，白色果層係忌廉，沙冰簡直係消暑恩物，可以拎住邊飲邊shopping芝士奶蓋阿華田$30，芝士味重，溝埋阿華田幾特別