桂花小幸 (將軍澳廣場)

營業中

休息中

滷水豬手嘩～～！好稔好入味啊😍 忟到軟稔稔 超級軟滑 鍾意食豬手嘅朋友真係唔好錯過啊！台南手工餡餅手工餡餅嘅肉汁多到爆晒出嚟 一唔小心彈到我個朋友tim🤣 下次再食個時真係要搵張紙罩住自己先🙈麻辣紅油水餃呢個水餃本身足料🥰加埋麻辣紅油真係好惹味😍 可以再encore!! 台灣烤香腸係劃時代嘅香腸味道 juicy 得嚟煎得好香脆 一個字：正！鐵觀音珍珠熱奶茶濃滑嘅奶配鐵觀音🥰加埋香烤珍珠 大滿足！魔力水晶鴛鴦水晶係100分q彈 好好飲啊😝😝

餐廳位置可能比較不起眼，喺一條小巷入面嘅，第一次去可能要搵一陣入餐廳之前店員會幫手量體溫我呢個係午餐時間嘅set，包左一款小食、主菜同飲品~牛肉麵湯底好濃，而且有微微辣味，所以食落唔怕膩腱心牛肉肉質好扎實，但又一啲都唔鞋，而且中間d筋位好彈麵就係台灣麵，麵條都幾粗，多到食極都仲有我中意佢地小食有得揀上湯浸蔬菜，可以食得健康d至於飲品方面可以加錢飲台式手搖飲品，不過見到都幾大杯，驚食完再飲會超飽就冇叫到（之前食過蕃茄麻辣湯底都好好味！推薦！）紅燒腱心牛肉麵餐 • HKD$73

香港疫情越來越嚴重， 想喺街度飲返杯珍珠台式飲品都怕怕 。呢間餐廳有我喜愛嘅台式食物同埋飲品 真係在疫情中可以送上一點甜， 我推介呢度嘅奶蓋阿華田 ，超級適合我呢啲大細路飲。 呢度嘅飲品唔錯，而且有個心 蓋住飲品 好可愛， 呢度嘅奶蓋好誘惑 又幼滑， 而且好細心可以揀自己喜愛嘅甜度 叫開餐可以加錢就叫到!抵！ 呢度嘅小食好多， 份量十足。 牛肚有口感唔會太硬，而且有少少麻辣， 十分惹味。 我好鍾意呢一度嘅茄子， 配上少少黑醋辣味 酸酸辣辣 ，食落去好有爆汁嘅感覺 開胃小食， 我誠意推介呢度嘅涼拌醋茄子。 豆腐同出面嘅有啲唔同 ，可以一試，可能比較台灣風味不太適合我。 牛心健拉麵 ，味道清淡好有台灣嘅風味， 牛肉味好清香 ，食落一啲都唔油膩。 台式餡餅配炸番薯條， 好有台灣風氣 作為下午茶份量啱啱好! 呢度嘅裝修好有年青人嘅文藝風感覺。 你睇樓底亦都好高 ，感覺唔會嘈 ，適合同一班朋友仔或者知己傾下偈， 不過疫症期間 ，都有好多人食 就知間嘢好受歡迎啦。

 搬入去將軍澳無耐,睇OPENRICE見到呢間餐廳comment好好, 食個early dinner, 我同家人都係食左番茄湯底麵,湯底很不錯,好濃番茄味,個批盤也相當有睇頭呢杯豆乳唔會好甜,幾特別  

嘢食真係好難食！宜家外賣時代我知好忙，但可唔可以俾啲耐性，接聽電話條友我將都未講完話要食咩，講到一半無啦啦同你講號碼然後cut線。然後佢等好耐，我打完電話攞街5分鐘，去到等咗成20分鐘，唔催唔識攞出黎?態度我都算啦，嘢食真係難食。鹽蘇雞唔好食，皮厚，仲要一邊有一邊冇皮，有皮既厚到咬唔到，雞肉又乾唔嫩，就算係炸冰鮮雞都好都搵啲好啲既俾人食啦，好似擺咗落雪櫃凍咗n年咁。肉燥飯都係，醬汁少，豬肉油一塊塊好似食啫哩，影響口感食落去好嘔心，肉仲要腥腥地，超難食。

今日限聚，于是同家人叫外賣二個人都叫左鹽酥雞排滷肉飯 認真未試過咁難食的台灣滷肉飯，1:鹽酥雞不脆，軟淋淋嘅？咬唔郁救命點食！2:的滷肉又冇汁，冇辦法同的飯拌埋一齊食，勁干食過好多其他餐廳的滷肉飯最差呢間，的綱頁公司公司，有的良心好？只管收錢，寫咁多好評，害死人，用心做好啲食物，好過俾錢請人寫咁多好評，騙人去食重有的奶茶飲前打開睇吓，好笑得三分二杯，$69幾一個飯，認真唔平，但咁嘅質素，唔信佢做得長打電話叫外賣時未講完已有人收左線，本想叫嘢飲，但唔想打多次電話，服務態度太差

星期六搵男朋友食lunch，去佢平時好喜歡既一間台式餐廳食～大件夾抵食咖三盛牛肉麵（$68）呢碗麵真係超推介！湯底夠晒入味好好飲～唔會好油同好味精，仲有少少藥材味😋面嘅質地都值得一讚！少少彈有口感～而且好足料！個人最鍾意牛𦟌爽口咖～牛肉又夠晒林！涼拌香醋茄子（+$8）酸酸甜甜非常開胃咖🤤仲好厚切！食完之後食慾大增🤤桂花雞翼（$26）雞翼炸得好香口！外面非常鬆脆，而肉質嫩滑。點一點桂花醬，真係有淡淡嘅桂花香味，甜甜地，好味！鐵觀音珍珠鮮奶茶（$23）Ok既正常水準～鐵觀音係用咗茶包～味道覺得可以再濃一點就好啦

《小確幸🥰》———————————————-#桂花小幸🌸又來食台灣野啦，格咗好耐價發現用網上外賣平台叫外賣最抵，買滿$100就有八折，相當划算。而且佢份量十足，就叫咗兩份套餐三個人食啱啱好🤩-麻辣雙丸米線用嘅係超濃郁嘅牛肉湯底，就算飲埋啲湯都唔覺得口渴。午市套餐仲有三小碟好抵食，有茄子、雲耳同青瓜，超級豐富，非常開胃。-台式雞肉飯定食都好唔錯，配有涼菜、蔥油時菜及紫菜魚丸湯。不過啲雞絲當然就冇台灣嗰啲咁嫩滑，相對比較遜色；但係我哋額外加多咗個滷肉汁，都係加$4，好有驚喜，裏面仲有啲冬菇粒，令佢更加惹味😋-套餐加嘢飲冷熱同價，都係$4，我哋就叫咗凍既梅子綠茶同蜂蜜綠茶，甜度適中，消暑一流，認真抵讚！-⭐ 參考價錢︰麻辣雙丸米線套餐：$68台式雞肉飯定食：$70-🍌 抵deal 指數：8/10💰人均消費：$50

最鐘意台灣菜，係門口見到啲野食好吸引🤩太肚餓同朋友叫左一人一個麵🤣 蕃茄酥炸排骨米線 ($63)同三盛紅燒牛肉麵($69)。蕃茄酥炸排骨米線，豬扒炸到好鬆軟好有口咬，不過蕃茄湯略嫌有啲淡。而牛肉麵就幾豐富，有牛肉，牛腩同埋牛丸，湯底幾濃郁，麵都有咬口。另外加左椒鹽花枝丸 ($42/5粒)同現做煎餃子($28/4隻)，花枝丸好彈牙好正朋友叫左蜂蜜檸檬蘆薈($24)而我叫揀左幸福紅豆與豆乳 ($24) 超級多紅豆，大大粒有咬口又唔甜～

今天我們經過將軍澳廣場，再次先是大半年前曾經試過的這間台灣食店，因為上次留下不錯的印象所以今次再試多次。這間店舖的裝修很有台灣風格，而且座位編配也不錯，不會錯的很逼夾。而且一邊吃着台灣小吃，一邊停着流行的台灣歌，好像去了台灣一樣。日式紅豆茉茶，作為一個抹茶控，怎能不能飲這個呢！這杯以抹茶為主調，紅豆為副，主次分明，不會被紅豆蓋過抹茶味，不錯！酥炸排骨滷肉飯，這個炸豬扒的炸粉剛剛好，豬扒的肉很嫩滑，而且滷肉飯大大粒，推薦！腱心牛肉面（紅燒湯）牛肉也很鮮嫩，而且味道不錯，再配上椒鹽花枝丸，一絕！我們也點了這味台南手工餡餅，餡餅的皮剪得非常香脆，而且裏面的肉很搭調，強推！

成日經過都見到呢間餐廳幾多人排隊下好彩可以撳飛等叫no.坐低之後記住自己嘅檯號就可以出去叫野食俾$然後等店員上菜就開動喇每次去台灣店必叫!!!紅燒腱心牛肉麵$59牛腱夠腍又入味牛肉湯底微甜麵嘅粗幼度岩岩好麻辣紅燒肉麵$56麻辣醬油會另上,好細心留意番紅燒肉係豬肉台灣烤香腸$28普普通通,勝在份量夠多桂花雞翼(3隻)$26炸到脆卜卜嘅雞翼再點上清香甜甜嘅桂花汁幾清新,又幾夾鹽酥花枝丸(3粒)$26大大粒,好彈牙凍芝士奶蓋桂花烏龍茶$23熱鐵觀音珍珠鮮奶茶$23大杯兼抵飲,用茶包沖泡,茶香味濃,珍珠岩岩煮好,新鮮滾熱辣,煙煙韌韌好有咬口呢個價錢真係幾抵食,又大份,唔洗成日茶記,仲可以”偽”文青一下

今日係將軍澳廣場搵食既時候見呢度左新口味既麵，老公話想試下個牛筋於是就決定係度食晚餐!鮮茄牛筋牛腩麵新口味有齊牛筋牛腩，牛腩又大舊又唔痴牙，好有咬口，仲索左D鮮茄湯底，酸酸甜甜好惹味! 牛筋口感夠黏，老公話最鍾意呢種少少漿口既感覺，對呢個新產品表示極度滿意咁話~酥炸排骨麵因為可以偷食老公D牛腩所以就叫左我第2最愛酥炸排骨麵，排骨炸得影脆，好大一塊，重點係個沙律醬，點黎食真係一流!雖然邪惡但熱辣辣脆卜卜真係好難忍!而我最愛既麵底都係煙韌彈牙，湯底用紅燒牛肉湯底，又香又濃，雖然麵既份量好多，但食駛成碗都唔會覺得好滯，仲感覺好滿足!滷水牛肚細個唔鍾意食牛肚，大大下先識得欣賞，牛肚索哂D滷水汁，咬落口JUICY又彈牙~正!煎餃子每次黎必點菜色，4隻大大粒都係28蚊，咬落口外脆內軟會爆肉汁，每人食兩隻岩岩好!黑糖珍珠奶茶呢度既飲品真係好抵，一杯大大杯，黑糖珍珠奶茶甜度適中，最鍾意唔攪勻住，就咁吸一淡黑糖~好SWEET~~攪勻後有黑超既甜味又有奶茶既香滑茶味~絕配!白桃烏龍茶叫左少甜，飲落有好香既白桃味，唔會好似一般白桃飲品咁死甜，烏龍茶茶味夠，同白桃冇互相搶味，食完油膩野飲下真係好FRESH~

懷念以前住將軍澳區的日子，於是專程在附近逛逛，記起桂花小幸有午餐便宜~這裡有好幾個大型商場連接，逛累了確實是好選擇😈一份午餐加前菜，都只是幾十元，即有齊前菜，主食，小食及飲品，一盤捧上來的時候，確實滿足感爆發的~鹽酥雞扒滷肉飯~鹽酥雞很香脆，配上甜甜的滷肉飯，菜及麻辣豬肚，最後再加一杯黑糖珍珠鮮奶，不錯吧～🤣酥炸排骨很大的一塊，豬扒鬆脆~酥炸花枝丸是我最愛，花枝味濃郁，大愛❗❗桂花雞翼，炸雞翼沾上清甜桂花，甜甜的挺可口黑糖珍珠鮮奶，少少甜，剛剛好,珍珠軟硬適中QQ感，奶味濃郁👍👍

今日同朋友出街食飯，一於拉佢嚟呢間餐廳食啦，之前都食過，真係好高質！平靚正😆今次都冇令我失望，$200幾蚊已經食到好飽🤩叫咗一個紅燒牛筋三寶面裏面有牛腩、牛筋、牛肚，材料好豐富，而且牛肉炆得好林，好入味，配上紅燒湯底一流😛另外叫咗個麻辣牛肉雞翼麵麻辣對我來講有啲辣，但辣得夠過癮，食咗一啖就忍唔住繼續食，仲有個細黃瓜做配菜😚另外叫咗桂花雞翼係依度嘅招牌菜，雞翼好入味，肉質鮮嫩仲加配左兩款小食，一個係時菜，令一個係貓耳朵（雲耳），兩個都健康又好味😋仲有一定要叫番杯到嘅嘢飲🧃一定要叫鐵觀音珍珠鮮奶茶，係用真茶包沖成，茶味配上奶蓋嘅味道，兩者味道好夾❤️仲有仙氣草莓茶，好香嘅士多啤梨味🥰以後一定會繼續幫襯！

放咗工之後，突然間好想食滷肉飯，同同事好好relax下先。餐廳好有文青feel，有一黎小確幸感覺🥰晚餐好抵食，唔洗$100又有上湯浸時菜，又有原盅燉湯！<鹽酥雞排滷肉飯>次次去台灣都必食滷肉飯同鹽酥雞排，呢碗滷肉飯完全滿足到我嘅台灣思鄉病，滷肉半肥瘦，撈飯一流🥰雞排炸到好脆，雞肉又唔會太乾身👌🏻<酥炸排骨滷肉飯>炸排骨非常甘香，咬落juicy！平日好少有得飲湯，呢盅青粟米湯超甜🥰好幸福❣️ <台南手工餡餅>比想像中大件，外層煎到好香好脆，咬落啖啖都係肉同肉汁🤩正！ <仙氣火龍果茶>推介推介推介！消暑一流，每啖都有好清新嘅火龍果味，感覺好健康❣️杯上面寫住嘅字句，比到我一個好好嘅鼓勵🤩