桂花小幸 (元朗廣場)

營業中

休息中

台灣一般給人的感覺會不會是慢活步調，隨走都感受到文青氣息，還是熱鬧的夜市？無論如何，都必定想起美食台飲吧。桂花小幸無論裝潢還是食物種類都讓人禁不住回憶台灣的點點滴滴。🥢三盛紅燒牛肉麵（腱心牛肉、牛腩、牛筋)$75三種牛肉都煮得軟糯入味，我們配的是特濃蕃茄湯，更加避開了一般吃牛肉麵時太濃郁、膩的感覺。🥢炸物類椒鹽花枝丸、桂花雞翼、鹽酥雞排台灣小吃難免想點一些香脆可口的炸物，桂花雞翼讓人有些驚喜，配上甜甜的桂花醬多了一份清幽。食物種類豐富，飲料甜度冰度也可以隨自己喜好搭配，偶爾和朋友坐坐，聊聊天，放慢一下腳步也不錯呢。🏠桂花小幸 (元朗廣場) (元朗)元朗青山公路249-251號元朗廣場地下3及5號舖

星期日午餐家人想食台式麵，揾到桂花小幸，既然評論都幾正面，就決定試下。家人叫咗蔥油雞絲熱拌米線，雞絲夠味，貢丸好香亦算彈牙，跟餐的涼拌黑醋茄子都唔錯。我叫咗紅燒牛三寶麵，牛腩相對較為普通，反而牛筋及牛肚會較為出色，台灣麵的口感有驚喜。牛三寶來講，我認為桂花小幸的質素滿意，大家可以試下。

聽講元朗廣場新開唔少餐廳，但一去到發覺原來幾間都裝修緊，正當灰機之際發現門面望落唔錯嘅台式餐廳－－桂花小幸。仔細睇個窗口，有句相當正面嘅說話「用你的微笑改變世界，但別讓世界改變你的微笑！」晚市套餐有幾多選擇，去主打牛肉麵嘅餐廳當然食牛肉麵（我未入餐廳已經諗好咗食咩）。見Menu上的台式飯類好似都幾好，尤其是滷肉飯。飲品種類同出面台式奶茶店有得揮。-麻辣雙丸米線套餐貢丸同花枝丸感覺係好普通嘅食材，但要做到好食唔容易。市面上好多粉製成嘅花枝丸，食落完全無口感，呢度嘅花枝丸食得出飽滿結實嘅花枝塊。至於貢丸，唔係一般嘅貢丸，而係超巨型貢丸。食落彈牙、啖啖肉，配牛腩湯底亦相當夾。紅燒三寶牛肉定食喜歡食牛的人一定很開心，滿滿的牛肉就放在眼前，上枱時非常吸睛，先講牛肚：廚師將牛肚切成條狀，方便客人進食，而且令牛肚塊更容易吸收牛肉汁的精華；牛腩：非常入味，重點係唔黐牙，而且帶有少少根部，咬落口仲有陣好香嘅牛脂肪味；牛筋：都係細細舊，非常之淋，但數量太多，好溜⋯⋯最後要share食先食得晒。白飯選用珍珠米，潔白晶瑩、顆粒飽滿均勻完整。面頭加了些黑芝麻，提升賣相，撈埋啲牛肉汁簡直一流。麻辣牛肚比起紅燒牛肉

都好耐冇去台灣，最近見到桂花小幸呢間台式店，就唯有食吓台灣嘢解愁！鹽酥雞排雞肉飯 鹽酥雞外皮酥脆，肉質嫩滑，唔會好乾同好硬。香口惹味，雞肉飯上面仲放咗啲手撕雞肉，非常豐富～麻醬雞絲冷麵配涼拌貓耳朵夏日炎炎，食冰冰涼涼嘅冷麵就最好不過麻醬酸酸甜甜，配上彈牙爽口嘅冷麵，透心涼～雞絲唔會好乾身，涼拌雲耳爽脆酸味剛好，開胃醒神。手工芝士蛋餅火腿+ 地瓜薯條芝士火腿係perfect match，香蔥蛋餅皮薄餡靚，煙煙韌韌。地瓜薯條炸到金黃色，脆卜卜，唔會太甜。紫薯薏米黑糖冰仙草入面有紫薯、薏米、綠豆，配上仙草同冰沙，夏天食一流～紫薯比較厚身，冰仙草滑溜，薏米煙韌，甜甜哋唔會太漏。 夏日水漾鮮果茶有藍莓火龍果、士多啤梨青檸、檸檬和西柚茶香帶甜，一試愛上～

輕輕鬆鬆星期日，想去坐得較舒服既台式餐廳就可以試下桂花小幸@元朗廣場。裝修好似木系小屋，感覺舒服，輕鬆自在，仲岩曬打卡食物方面都係高質素。「三盛紅燒牛肉麵（加蘿蔔）」最喜歡佢既湯底，又香又濃，飲左好多都唔覺鹹，反而想愈飲愈多😝大大碗，雖然75蚊價錢係中上，但勝在好足料，牛都好多好大件，入味🥰推薦「牛肉濃湯水餃」同樣係湯底極出色，水餃都做到大大粒。另外，飲品都係吸引！推薦仙氣火龍果茶，真係鮮榨果汁🍹又睇得又好飲，打卡一流😇最後仲叫左甜品「紫薯薏米黑糖仙草冰」賣相吸引，同樣好大碗，性價比高。

位於元朗廣場這間「桂花小幸」台式餐廳之前食過覺得不錯👍今次黎試吓佢哋嘅台灣牛肉麵😋每次嚟到這間店舖基本上都九成坐滿，所以在門外等了大約十分鐘就安排入座！三盛紅燒牛肉麵材料有腱心牛肉、牛腩同牛筋，湯底用了麻辣牛肉湯，腱心同牛腩煮得好淋好入味，肉質軟淋、湯底辣度適中，熱辣辣香噴噴。秘罈酸菜魚米線這碗酸菜魚比起平時出面食無咁濃味，酸酸地會飲到湯既清甜，魚片亦都好鮮嫩，仲有加入了娃娃菜，菜吸入湯底都好好食😋鐵觀音珍珠鮮奶茶🧋面層舖滿了又香又滑鮮奶，吸入口會食到曲奇碎，口感豐富👍夏日水漾鮮果茶顏色七彩繽紛，有多款水果，飲落涼浸浸，好適合熱辣辣天氣😌

呢日收完工，過到嚟元朗廣場食呢間想試好耐嘅桂花小幸，好耐冇食台灣嘢喇～紅燒牛三寶麵($75)食台灣嘢一定要食牛肉麵，咁先試到間餐廳夠唔夠台灣地道風味🤪呢碗牛三寶麵有牛筋、牛腩、牛肚，三樣配料分別都好足料。牛筋夠腍+口感滑溜，牛腩大大件夠晒入味，牛肚就好爽😎麵底夠掛汁，紅燒湯底夠晒台式風味，整體而言係一道上乘嘅台灣牛肉麵😋另外跟餐加咗紫菜魚丸湯、滷水豆腐，都係好地道嘅台灣小食，真係好懷念去台灣去旅行嘅美好時光呢😭鹽酥雞排麵($59)雞排有一層酥脆嘅外皮，色澤金黃😄雞肉鮮嫩多汁，啖啖都係肉，食得相當滿足！跟餐加咗手拍小黃瓜、上湯浸生菜，減低返邪惡嘅感覺😆兩杯台式特飲，分別嗌咗芝士奶蓋白桃烏龍茶、鐵觀音珍珠鮮奶茶，賣相同味道絕對唔差得過出面三、四十蚊一杯嘅台飲店🤓飲品嘅甜度、冰度都可以自己選擇，啱晒鍾意走健康路線嘅我✌️店舖裝修走年輕人路線，風格偏向清新、文青~

在將軍澳吃過這家分店後就一直抱有掛念，今次特意下班後趕來元朗的分店一解口饞。店舖裝璜台風滿溢，文青簡約路線別出心裁。牆壁上掛滿照片及擺設，更會刻畫出一些語錄，小地方更見心思。相連店舖的還有台式飲品專部，除了為店內顧客提供飲料，更可對外銷售。鹽酥雞排雞肉飯：鹽酥雞炸得十分香脆，而且完全沒有油溢味，火喉拿捏相當不俗，肉嫰皮脆，唯稍嫌內裏不夠熱，做不到即炸即吃的爽快感。酥炸排骨雞肉飯：排骨同樣出色，皮薄而香脆，肉滑而不糙，配上沙拉醬更覺惹味。涼拌豬耳朵 及 涼拌黑醋茄子：兩款小食都是飯餐加配的，微酸的味道十分開胃。豬耳朵煙靭有嚼頭，茄子綿嫰帶出醋香味。煲仔．塔香三杯雞：醬汁濃郁惹味，雞件本身嫰滑，是搭飯的絕配。

尋晚去咗元朗廣場入面一間餐廳食台灣菜，店內裝修唔錯，仲有卡位，環境舒適坐得幾舒服🫶🏻-紅燒腱心牛肉麵 $65我哋揀咗台灣麵配紅燒牛肉湯，麵偏粗，口感彈牙又煙靭。湯底偏淡，牛肉都有牛味，肉質鮮嫩唔會鞋🫶🏻🫶🏻-蕃茄濃湯水餃（4隻）$28濃湯嘅蕃茄味十分濃郁，真係有蕃茄係入邊，酸酸甜甜咁真係好開胃，水餃大大隻，食落好滿足～～-麻辣紅油水餃（4隻）$28呢款都真係幾辣下😂，但辣得來又好開胃，同餃子好夾，唔太食得辣嘅人可能就要叫過其他啦🦦-麻辣牛肚 $42呢款真係好辣！！有食開辣嘅人應該會好鍾意佢，牛肚分量十足而且好有咬口💜-仙氣火龍果茶 $34味道酸甜，好refreshing!-芝士奶蓋白桃烏龍茶 $30奶蓋都幾厚，烏龍茶幾好飲，值得一試～-紫菜貢丸湯 $15呢個價錢來講都幾抵飲，個湯偏清淡，有好多紫菜同埋一粒大大粒嘅貢丸係入邊。-涼拌黑醋茄子 $12茄子係辣嘅，有三大舊，作為前菜真係幾唔錯👍🏻-上湯浸時菜 $8我去嗰日嘅時菜係生菜，呢個價錢來講算係中規中矩。

中午12:30左右路經元朗，上 Openrice 找到這家頗多手指公的食店就去試食午餐。兩位唔使等。 一入坐就聽到店員話「限食一小時」，這種趕客的招待令我對這家店的好感打了很大的折扣。兩口子點了以下的食品：- 紅燒半筋半腩牛肉麵- 鹵水蛋雞肉飯- 梅子綠茶- 蜂蜜綠茶 + 仙草總價：$134紅燒半筋半腩牛肉麵，大大個湯碗浸著滿滿的湯，差一點就把麵條和牛肉全都淹沒了。 麵量一般，兩件腩，兩件筋，一件細細的蘿蔔加一件長少少的紅蘿蔔，沒有其他配料了。 麵質一般，牛肉唔夠入味，蘿蔔仍然是爽的…鹵水蛋雞肉飯，不知為何飯餐也是給我用一個日本拉麵那種「湯殼」。 飯量也是一般，似是珍珠米品種，但沒有飯香，微溫偏涼。 鹵水蛋就是正正常常的一隻鹵水蛋。 雞肉是手撕雞的外貎，沒有調味醬，不怎麼有味道。 附一片唐生菜，也有一些「炸蒜片」(不太知是甚麼…？)

滷水蛋牛腩滷肉飯 $69Minced pork rice with soy egg and brisket配香濃奶茶(加紅豆 ＋$6）Taiwanese milk tea(add Red Bean＋$6) 紅燒三寶牛肉定食 $79(牛筋、牛腩、牛肚)配上湯浸時菜及白飯(轉滷肉飯 ＋$6）Rice set with beef tendon, brisket, tripe with braised vegetable in broth and rice(Add Minced pork rice +$6)配香濃奶茶 (加芝士奶蓋 ＋$8) Taiwanese milk tea (Add Cream Cheese +$8)整體好味指數 3.5/5 🍭🍭🍭🍬{牛腩很多很大件 牛味很香 不會太肥膩 牛筋很軟腍 感覺很多骨膠原 但還有少少毛 扣了一點分 牛肚很入味 一份有很多條 滷肉飯既肉粒肥瘦比例均勻 味道香口 白飯轉既滷肉飯既滷肉汁多D 普通配既滷肉飯既汁會少一點 不夠拌飯用 之前試過這間既台式飲品 味道麻麻地 我們發現普通叫一杯奶茶再加配奶蓋 紅豆 或者其他 味道好好飲 大家不妨一試

第三次食桂花小幸，貪佢夠近，坐得舒服同埋食物質素OK。.每次黎都會叫牛😌今次叫牛三寶飯牛三寶包括有牛筋、牛腩同埋牛肚，份量好多，差啲食唔完🙈另外加錢叫咗兩份涼拌黑醋茄子🍆記得之前食過覺得唔錯，今次覺得油膩咗少少🤏🏻.朋友唔係好肚餓所以叫咗一份蕃茄濃湯水餃同埋一份椒鹽花枝丸，冇叫主食佢話覺得唔錯～另外叫咗個冷盤豆腐小食，好啱夏天食。.嚟到呢到一定要叫台式飲品😈今次我叫咗芝士奶蓋珍珠可可，好正啊！記得叫微糖，咁樣飲落個朱古力底就會帶少少朱古力嘅苦味，配上珍珠同埋芝士奶蓋好邪惡好match好正🤪😆😆我會想encore呢款飲品！(芝士奶蓋係自己額外加㗎)呢到嘅飲品好大杯，每次嚟都飲唔哂🥲

So lucky we don’t have to wait for a table haa, this shop is decorated in green simple feeling Noodles soup with popcorn chicken fillet a bit disappointed me sadly, the noodles tastes indeed too light…taiwanese noodles got nothing special, and chicken fillet covered by thick cover of  chicken skin and cooking powder, and honestly the flavor is just soso, adding island sauces is better, but honestly the look is better than its taste a bit sad Rice set with beef tendon, brisket, triple with braise

帶文青同悠閒寫意嘅餐廳 ，又要係元朗市中心，真係較少有啦！最近發現到食台菜既 "桂花小幸"，依間完全有齊晒想要嘅環境同地點，可以慢慢食番餐，享受吓啦！餐牌上有好多選擇，四季/牛肉麵、台灣/傳統麵、台南米飯、天天手作湯汁餃子、古早味小吃、台式特飲等，款式多而且抵食。特盛秘罈酸菜魚 (二人用)    $128第一次食台式酸菜魚，好大鍋，真係足夠兩個人食呀。魚肉份量頗多，肉質鮮嫩多汁，而酸菜味道少少鹹酸酸地，真係好開胃，加上清甜嘅湯底，鮮味十足，下次一定要再點依個菜。紅燒腱心牛肉麵   $65我覺得依度啲食物份量都幾多，真的抵食又好味。另加錢$4選咗特濃蕃茄湯，濃郁嘅蕃茄味道，清甜而不膩，啖啖蕃茄香，飲完都唔會口渴。一塊塊嘅牛肉炆煮得非常軟淋，亦又少少咬口，牛味豐郁  ;  麵條爽滑，配合新鮮蔬菜一齊食就最夾喇。日式紅豆抹茶    $28依款台式飲品可揀熱或凍，我選擇咗熱，依杯雖然係熱的，但size都幾大杯，抹茶與紅豆永遠都係咁夾，帶出抹茶嘅甘苦亦有紅豆嘅甜蜜，美味在心頭！超濃郁可可     $26愛可可一定必點，真係非常濃厚嘅朱古力味，可以揀少甜少冰等等自選個人口味，香濃可可，甜而不漏，好

今日同屋企人 去元朗覆診 咁就喺附近嘅元朗廣場試下呢間桂花小幸😃入邊嘅裝修都好舒服 你到台式餐廳就梗係要嗌一碗牛肉麵 佢哋係用Q r落單好方便 叫咗佢哋嘅三盛紅燒牛肉麵 有腱心牛肉牛腩同牛筋 牛嘅份量非常多亦都好淋好有牛味🤩🤩屋企人叫紅燒牛肉三寶定食 有牛腩牛筋同牛肚 試咗佢件牛肚 唔會騷 炆得好入味 如果飯嘅份量最多少少就好啦你咪叫咗兩杯飲品 桂圓杞子茶好養生有勁多龍眼肉 台式奶茶 亦都好正宗😆 呢個價錢食到台灣嘢都抵😁