桂花小幸 (元朗廣場)

營業中

休息中

今日去咗元朗搵食，台灣菜及珍奶是我嘅至愛。元朗廣場地下桂花小幸，裝修風格走簡約路線，見到有酸菜魚米線都幾特別。有酸菜魚食梗係要試吓啦，兩個人三個胃樣樣都想試所以叫咗好多嘢食😀秘罈酸菜魚米線＄73好大碗呀份量夠晒多抵食，湯頭酸味味熱辣辣好開胃仲有好多魚，好滑啖啖肉，出乎我意料之外咁好味😋麻辣牛三寶面（牛筋、牛腩、牛肚）＄79麻辣湯底中辣，湯頭好甜好濃不太辣我叫了台灣麵（可以轉米線），好多配菜有紅蘿蔔蘿蔔每樣餸都有兩件，份量超級多一定夠飽～鹽酥雞扒麵＄59雞扒炸得好好，外脆內軟不會太油灑上椒鹽粉好惹味，麻辣牛肉湯好香成碗湯飲晒，都唔會口渴證明沒有加味精真材實料～椒鹽花枝丸（三粒）$26抵食夾大件啦大大粒，入邊仲係大大粒花枝肉及蝦膠Yummy 😋跟餐仲可以用$15加特飲，我叫咗百香果蘆薈綠茶同埋蜂蜜檸檬蘆薈，兩杯都好好飲唔會太甜入口清新解渴，整體講我對桂花小幸非常滿意，食完之後都會覺得下次會再幫襯，真心讚員工服務好，菜式選擇多，最重要就係份量多良心店。