桂花小幸 (元朗廣場)

營業中

休息中

同樣都是在元朗，同樣是SHK商場，元朗廣場嘅食店比Yoho親民得多，最近新開左一間叫桂花小幸的cafe，主打台式定食，價格親民，未到7點就full house，好受歡迎，有晚我又一個人食飯，嚟左呢度試下，同場都有好多同我一樣一個人的顧客🫶🏻呢度裝修都好台系cafe，竟然仲有書，但應該是裝飾來吧😂晚市好繁忙，大家都係食個晚飯就走。🍜麻辣牛肚熱拌米線配紫菜貢丸湯 $65滷水蛋（+$8）第一次食，唔知呢度d份量係咁巨大，有巨量米線，巨量金錢肚，仲有酸菜、芽菜、白蘿蔔、紅蘿蔔配麻辣醬！😲牛肚煮得幾淋幾入味！個餐仲有🍲紫菜貢丸湯，個湯幾好飲，夠熱又夠哂大碗，仲有粒巨大貢丸！後加小食滷水豆腐（+$8）、涼拌貓耳朵（辣）（+$8）無諗過$8有呢個份量…眼闊肚窄了🫢豆腐有超多件，木耳爽脆而且好夠酸。呢度仲間左一格做台式茶飲，我點了仙氣火龍果茶（$34）少甜會清，但飲到茶味。總結：我諗我外賣一個飯餐可以夠兩人食😝😝個燉湯都好吸引。

麻辣蕃茄雞排米線 ＄63蕃茄味香濃，再加埋麻辣真係超級開胃的，炸雞排就係台式果隻，炸到香跪可口，亦俾左好多塊，有8件左右，不愧做街坊生意。紅燒三寶牛肉定食＄79牛三寶即係牛筋、牛腩同牛肚，三樣都炆得好淋，唔會鞋，而且幾入味，有少少滷水材料既味，食得好方便，唔會痴牙，一咬就斷，食到廚師炆既心機，唔係隨便煮到既味道，桂花雞翼＄42好特別，將桂花蜜淋係雞翼上面鮮果茶＄34飲品亦非常高質，果茶好fresh好多生果係杯到黑糖仙草凍鮮奶＄32黑糖仙草凍鮮奶就係邪惡既肥仔水，黑糖同鮮奶點都無得輸haha

🚇港鐵朗屏站6-7分鐘路程🌟#元朗廣場去到咁岩係下午茶時段淨係下午茶 已經有好多唔同選擇🌼煎餃子＋桂花雞翼 ＄28- 餃子充滿肉汁 點餃子汁 幾好食！- 雞翼包左層炸粉 另外雞翼點左桂花醬好清甜 但又唔會太甜🌼台式肉鬆吐司＋地瓜薯條＋蕃茄湯米線 ＄38- 肉鬆吐司加咗千島醬 酸酸甜甜- 薯條用佐新鮮地瓜冇包粉 完全新鮮即炸！- 蕃茄湯米線湯底濃郁 唔會太鹹🌼咖啡🌼梅子綠茶❣️台式飲品除咗珍珠奶茶以外 其實我最鍾意就係飲茶類飲品加上梅子有子百香果等等 更加好味珍珠奶茶有時實在太膩啦😅仲有好多未食過下次一定要encore

剛好今天來元朗驗身，先來吃個早餐吧～見到有台灣餐廳Gogogo餐廳門口都很好打卡餐廳內的裝潢也有文藝氣息整間餐廳都很好打卡真沒想過只是早餐的選擇到那麼多但始終小妹最懷念的是蛋餅小妹點了芝士肉鬆蛋餅配蕃茄台灣麵$45蕃茄湯味很濃，正台灣麵都煮得恰到好處老公點了酥雞排台灣麵配吐司$45說雞排很嫩，也炸得很脆～肉鬆配芝士一流只是這裏的蛋餅的蛋跟餅是分開煎完再卷在一齊，切開時很點散開～但味道是很可以的會再來哦

元朗廣場中的文青台灣餐廳木系裝修+植物襯托+仲有書架裝飾添~紅燒三寶牛肉定食配上湯浸時菜有牛腩、牛肚及牛筋每件都幾大舊，份量唔算少，口感夠腍身入口食到濃濃滷水汁味好惹味，配白飯一流～特濃蕃茄雞排米線（揀咗紅燒牛肉湯）雞排超大塊，炸得酥脆米線正正常常，唔會煮得過硬或或腍身涼拌黑醋茄子跟餐加$12就食到黑醋滲入茄子中，好夠酸味配搭蒜香，好開胃嘅小菜涼拌貓耳朵跟餐加$8就食到貓耳朵即細細粒黑木耳，好爽口，用蒜、黑醋及辣椒做成掠拌，好入味同惹味台灣烤香腸切成一片片，但食落好有台灣夜市嘅感覺芝士奶蓋抹茶奶蓋俾得幾多，厚身！鐵觀音珍珠鮮奶茶茶底好香，珍珠大細適中

暑假期間當然周圍去行行，見到元朗廣場絡繹不絕，上網搜尋餐廳見到這間台灣餐廳桂花小幸榜上有名。.夏日炎炎當然要飲台式飲品，見到店內有小小的飲品窗口專賣飲品，亦可以在餐廳內叫，反正不用收加一都一樣。黑糖珍珠鮮奶香濃又大杯，珍珠好有咬口。夏日水漾鮮果茶很清新健康，入面有多種生果。.來到台灣餐廳少不了的是紅燒牛肉麵，紅燒腱心牛肉麵台灣麵分量足，見到他的面是自家製造的，吃下去特別有口感。酥炸排骨雞肉飯也很豐富，白飯上面有雞肉，酥炸排骨其實是豬扒，香脆可口。另外可以加錢配小食，我加了涼拌黑醋茄子及蘿蔔牛肉湯 。.我的朋友很喜歡吃水餃，於是就叫了水餃及煎餃各四隻（蕃茄濃湯水餃、現做煎餃子），即叫即煮熱辣辣保持到餡料的溫度。.環境方面也很舒服文青，是一間很稱職的台灣餐廳呢。

今日約咗朋友行街， 見到位於元朗廣場嘅「桂花小幸」好多人食，一於就入去試下！ 《三盛紅燒牛肉麵 $ 75》， 牛肉包括有腱心牛肉、牛腩&牛筋。牛腩半肥瘦，牛筋又夠腍，牛味香濃， 湯底出色， 仲要份量都唔少， 牛腩大大件，抵食！ 小食加配滷水蛋 & 紫菜墨丸湯， 加配小食一款$10 ，兩款就$18，墨丸爽囗彈牙，正！ 《秘罈酸菜魚米線 $73 》，超大份量酸菜魚，真係夠晒抵食！ 湯底有酸菜，娃娃菜&魚， 味道酸酸辣辣， 夠晒開胃！ 魚肉好鮮，好甜，又好滑，仲要啖啖肉，配上米線一齊食，一流呀！ 米線掛上湯底真係夠晒惹味！小食加配滷水蛋 & 滷水豆腐！ 夏天必叫果茶， 《百香果QQ 綠茶》& 《仙氣火龍果茶》，水果清香，真係涼透心。

元朗廣場嘅哩間桂花小幸已經唔係第一次吃，今日朋友話想吃台灣麵，就帶佢去試下啦！🔸鹵水蛋牛腩滷肉飯🍛牛腩分量十足，大大件，口感軟淋，仲有碟酸青瓜開開胃。🔸鹽酥雞排麵🍜雞排係每次都必點之一，外層粉漿夠薄，炸得夠酥脆，吃到新鮮即炸嘅口感，保留到肉汁，加埋今次叫咗麻辣番茄🍅湯底，味道好夾，特別開胃！🔸涼拌貓耳朵貓耳朵即係小雲耳，口感特別爽脆，酸酸辣辣好開胃。🔸台式小食拼盤拼盤裡面有炸花枝丸、桂花雞翼、炸餃子🥟同埋地瓜🍠薯條🍟，推介花枝丸，好彈呀，地瓜薯條都好好味。🔸黑糖珍珠奶茶🥤/黑糖珍珠鮮奶🧋吃台灣嘢點少得飲杯珍珠奶茶，黑糖珍珠鮮奶，珍珠彈牙，奶茶味道都唔錯，份量十足。

地方不大感覺溫馨，店面四四方方，裝潢風很有木感，疫情下以圍板分隔座位，地方有暖暖感覺。自製的醬料，尋訪台灣的用料，口味，研發出最受饕客歡迎的燉湯系列。此外，店子也有手調飲料，自製台灣飲料成為非常大賣點，牛肉麵外最受歡迎的品項。仙氣芒果堅持傳統古法熬煮！爽呀！棒～消暑，黑糖鮮奶黑糖味重，鮮奶亦很好呢黑糖經過手炒工序，散發迷人的焦香氣，搭配濃厚鮮奶，這杯香甜又充滿台灣味的，黑糖鮮奶也是夏天必喝之人氣飲品，棒。鹽酥雞飯平日很少飲的朋友，要叫這舍，煲湯都很多料，鹹酥雞是台灣人最愛的小吃，霸佔各類排行榜冠軍，棒，點子的份量很大，是風味鹽酥雞。金黃色搭配正餐，甚至當小吃也棒。 三盛紅燒牛肉麵牛肉麵主打傳統台灣古早味料理，招牌紅燒牛肉麵選紅燒或清湯湯底，以騸牯牛骨熬煮，帶輕微藥材味味。牛肉使用厚切牛展，配合份量大大的蘿蔔。三盛紅燒牛肉麵，三盛就有三樣好吃的腱心牛肉、牛腩，牛腩都炆得林，牛腱也非常棒。台灣的店，開業以來有不少食客愛幫襯，為的吃台灣地道，其實香港有不少台灣菜館，較少見這個餐廳，地道的台灣小食，可來此小店！價值親民之外，推出主打傳統台灣古早味料理及台式飲料，價錢也是很棒，餐廳有台灣味，輕鬆

今日收工喺朗屏站行過去元朗廣場，難得見到桂花小幸冇人排隊咁就直接入去食。佢嘅燉湯套餐係我嘅最愛，因為工作左一整日之後總係想飲返碗湯，呢度幾十蚊一個餐已經包一個燉湯性價比好高。今次我叫咗三杯雞套餐，加咗隻蛋。三杯雞啲雞肉好入味，送飯一流。另外叫咗個鹽酥雞扒餐，雞扒亦都炸得好香脆，份量亦都好大塊。飲品方面就冇叫到特飲，凍檸茶嗰啲一樣油，唔想飲得咁Heavy，就叫咗凍檸茶。環境方面，坐得都好舒服，喺梳化位。

元朗廣場呢間地道台式餐廳，木系色調同紅磚牆走文青路線👩🏻‍🏫 環境佈置都非常有心思，約埋三五知己飲返杯野真係好正❤️ 行完街坐低休息一下，叫咗兩個麵醫肚，發現食物高質之餘而且份量比想像中大，仲有肉丸湯+飲品竟然都係$80 仲免埋加一，性價比非常之高🤩 《麻辣牛肚熱伴米線🍜 $65》熱伴米線好啱呢個天氣，金錢肚鹵到入晒味勁爽口，自家酸菜加埋濃郁伴汁同米線係絕配，食到啖啖麻辣香又唔會過辣，好正呀😍紫菜肉丸湯一樣驚喜，肉丸勁大粒要慢慢咬先得😂 肉味夠香湯底夠鮮，好想要多碗😄🥛熱日式紅豆抺茶 $15 （跟餐）抺茶香軟綿滑，紅豆大大粒好腍身又唔會太甜《麻辣牛三寶麵🍜 $79》台灣名物牛肉麵係要必試嘅項目，可以試到令人懷念嘅台灣風味😍 三寶麵有牛腩、牛肚、牛筋同埋紅白蘿蔔， 淨睇湯底顏色就知有幾濃味😋 牛腩好腍牛味重，牛肚入味又爽口，最鍾意牛筋好軟腍入口即溶，白蘿蔔完全冇筋索晒湯汁，麵底彈牙又掛湯，真係回味無窮🤩🧋香芋珍珠奶茶 $15 （跟餐）香芋味濃郁茶香四溢， 珍珠Q彈👍🏻

元朗幾家出名的台灣餐廳都「落場」了，於是嚐了桂花小幸，品質不過不失。➊ 鹽酥雞排麵 \ $59 /湯底選了養生清燉牛肉湯，普普通通的味道，不算濃郁，台灣麵值得一讚，麵質彈牙。雞排炸得酥脆，但調味有點奇怪。➋ 黃金麥茶 \ +$8 /大熱天呷一口很消暑。

朋友要成日見，入到黎元朗，搵野食又可以傾下計，元朗廣場呢度坐得舒舒服服，又有珍奶飲。好，坐低睇吓有咩好食先。特盛秘罈酸菜魚，呢個係二人份，真係好大份，個酸菜夠酸，又唔太辣，正！個魚淨係夾上黎已經見到好滑，仲有海量芽菜，好爽脆。台灣烤香腸，我番襯鄉下都會食，呢度整得唔錯，而家食下頂住先。黑糖珍珠鮮奶，隻杯好靚靚，個黑糖夠甜，珍珠都彈牙。芝士奶蓋阿華田，個奶蓋濃郁，配港式華田，好fushion雜果黑糖冰仙草，最後呢個甜品好fresh，有新鮮生果同涼浸浸仙草，上沙冰係黑糖味，食完消晒暑。

今日去咗元朗搵食，台灣菜及珍奶是我嘅至愛。元朗廣場地下桂花小幸，裝修風格走簡約路線，見到有酸菜魚米線都幾特別。有酸菜魚食梗係要試吓啦，兩個人三個胃樣樣都想試所以叫咗好多嘢食😀秘罈酸菜魚米線＄73好大碗呀份量夠晒多抵食，湯頭酸味味熱辣辣好開胃仲有好多魚，好滑啖啖肉，出乎我意料之外咁好味😋麻辣牛三寶面（牛筋、牛腩、牛肚）＄79麻辣湯底中辣，湯頭好甜好濃不太辣我叫了台灣麵（可以轉米線），好多配菜有紅蘿蔔蘿蔔每樣餸都有兩件，份量超級多一定夠飽～鹽酥雞扒麵＄59雞扒炸得好好，外脆內軟不會太油灑上椒鹽粉好惹味，麻辣牛肉湯好香成碗湯飲晒，都唔會口渴證明沒有加味精真材實料～椒鹽花枝丸（三粒）$26抵食夾大件啦大大粒，入邊仲係大大粒花枝肉及蝦膠Yummy 😋跟餐仲可以用$15加特飲，我叫咗百香果蘆薈綠茶同埋蜂蜜檸檬蘆薈，兩杯都好好飲唔會太甜入口清新解渴，整體講我對桂花小幸非常滿意，食完之後都會覺得下次會再幫襯，真心讚員工服務好，菜式選擇多，最重要就係份量多良心店。

元朗文青 桂花 小幸元朗廣場地下 桂花🌸四季長青 枝葉繁茂 秋季開花芳香濃郁🌺果實是圓球形或長橢圓形的核果☘️成熟轉變成紫黑色QR code落單 有咩特別要求自己喺手機慢慢搞啱晒有要求嘅香港人有陣時多要求唔好意思開口 驚麻煩到職員依家就避免左呢個情況裏面有唔同類型嘅圖書供你閱讀 唔係貼紙唔係裝飾品 真係實實在在嘅一本本書我都拎咗兩本一路食一路睇扮吓文青都好 閱讀嘅好處好多不妨喺裏面發掘更多嘅小世界麻辣蕃茄豬肚台灣麵——豬肚好味 個麻辣蕃茄夠晒惹味——台灣麵幾特別 爽口滑身——麻辣油另外分開上 落幾多 自己決定香芋珍珠奶茶——香芋味濃 珍珠好好咬口 有蜂蜜嘅味道——茶味好夠 非常喜歡麻辣蕃茄雞扒台灣麵 ——雞扒夠晒香脆 雞皮好正🫶🏻——足料 好飽🤣臨走另外買咗兩杯嘢飲夏天太熱 要飲啲透心涼🫠珍珠遇見可可桂花烏龍茶飲品選擇多 配料都多元化😝