校長燒肉日韓料理 (觀塘廣場)

營業中

休息中

校長燒肉甘出名，又點會唔識呢😃最近佢係觀塘開左新分店，就決定黎食個生日放題啦地點超方便，就係觀塘廣場，由觀塘站去到，行5分鐘都唔使搭升降機，一出就見到門口，仲擺滿哂花黎到首先到右邊拎位先諗埋食唔食刺身、壽司🍣再行到左邊入座同其他分店最唔同嘅係，呢度嘅座位超級闊落真係坐得好舒服，好好彩我同朋友坐喺梳化位價錢表就喺餐廳嘅外面午市都好抵食woo呢度既材料真係應有盡有，幾乎諗得出嘅都有除咗肉之外，仲有落地玻璃飲品櫃、刺身壽司🍣部、甜品舖、中菜熟食部裝修同裝飾品都花咗好多心思地方好夠闊仲有梅酒、清酒等等花茶部令人好驚喜，未見過一間任食餐廳有嘅飲品可以揀唔凍嘅跟人頭送嘅一份海鮮🦞唔怪得知長期都排晒隊啦，食材又多，真係照顧到所有人嘅口味咁樣任食，都係每人都係百零蚊咋

平價燒肉放題，種類多，有火鍋有刺身。食物質素非常差，肉類過度醃製，非常淋。環境狹窄，大煙，地面濕滑。客人拎住熱湯走來走去，非常危險。環境抽氣不足，全場煙霧迷漫，每吸一啖氣，都要吸入好多油煙。食物補充速度慢，食了一個半小時大部份食物已經沒有補充。甜品種類雖多，但質素差。全部甜品都是來貨，未試過一隻雪糕叫大阪牛乳雪糕，扮日本雪糕，香港製。上網一查， $100可以買32杯。雖然價錢平，班友寧願比多少少錢，食間好少少質素。冇下次😡

觀塘廣場不只地下那層有食肆，上到15樓都有好味又抵食的放題!餐廳門口放有Iron Man公仔供客人影相!餐廳地方很大，而且座位很多，平日晚上都全場爆滿!這裡有主要食燒肉，但也有火鍋配料供打邊爐!自助區分別分了幾區，燒肉類、蔬菜類、壽司刺身、沙律、點心、熟食、甜品等，基本上想食什麼也有!枱上燒肉部分店員會放牛油紙，那就不怕會黏底，而且牛油紙太燶亦好請店員更換!燒肉的選擇也很多，牛類、羊、豬、雞都有得揀，個人覺得牛肉粒和牛仔骨味道最惹味!雞翼的話土匪雞翼味道最正!另外也有牛油什菌和牛油粟米一碗碗分開給我們燒!刺身壽司也有多款，三文魚、牡丹蝦、八爪魚、油甘魚等，即叫即切!而壽司也有三文魚、加州卷等!熟食有豬紅、豬手、豬耳、紅腸、東風螺等，質素都不錯!火鍋湯底有幾款可以選擇，我們揀了壽喜燒湯和韓國辣湯，食完燒肉食點菜真的不錯!飲品方面也有多款選擇，可以選擇自己沖花茶，也有不少罐裝及紙包飲品可以選擇!

行過觀塘廣場見到有姨姨舉牌，講到韓燒加邊爐先$118好抵咁，既然諗唔到食咩就試下🤫。餐廳環境都幾大，2個人坐張6人台，超多位放野食。出去行左Round，先講飲品，除左一般嘅汽水果汁茶任飲外，仲有個自助花茶區，可以自己執藥咁執，揀想要既花茶。我地揀左山楂同洛神花，酸酸地，岩曬清燒肉嘅油膩感。講火鍋同燒肉前，講左啲特別野先。晚市時段有刺身，大路既三文魚、蝦、吞拿魚、希靈魚都有，拎左幾次三文魚同蝦，幾正常。隔離仲有啲壽司自己夾。前菜方面有泡菜、沙律菜、涼拌木耳等等，仲有啲熱食，例如辣酒煮螺、胡椒豬肚湯，糖水等等，就連點心、薯條都有，多到唔識幫佢分類。火鍋方面，湯底都係自取，我地揀左韓式辣湯同豬骨湯，但兩款都無乜味，抱住煮下菜食既心態會好D，畢竟主力係燒肉。燒肉就有啲似BBQ場，有好多醃左既肉自已夾，最推薦係菠蘿、咖哩魷魚，夾左勁多舊菠蘿，燒完好juicy，又解膩。燒燒下有人放低左盤肉，應該係一人一份。最後唔少得甜品，出面成個便利店甜品櫃咁，雪糕甜筒咩都有，連菠蘿冰都有。總結：呢間係玩性價比高，呢個價錢咩都有得食，食物選擇種類超多，好岩學生一班人去食。

我今日去觀塘校长烤肉食啦 坐係A區 兩三個女人喺度吹水 我舉手都冇人睇到 唔係一個人負責一區就要行一圈睇吓咩 點解冇人睇冇人換張燒烤紙 服務態度也不夠啦 一個紮頭髮嘅女人啦同埋收銀短頭髮女人態度好差 咩料 係唔係唔識講嘢啊 唔會再去啦 真係好叻喎

之前去過荃灣食校長燒肉料理, 真係超多嘢食, 而且食物質素都好好,見觀塘開咗, 所以急不及待, book位去試下, 地點方便, 在港鐵旁的觀塘廣場。今晚想早啲食, 有時間消化嘛, 相信一定會食到肚滿腸肥啦,book左5:00-7:00pm $168@, 好在有預早到, 因地下等lift 都等左兩轉, 到餐廳後, 先比張刺身貼紙識別我地可以任取刺身, 見到都有好幾款,有三文魚、鯛魚、希靈魚、蟹柳及鮑魚片,而且都新鮮, 而且厚切, 尤其係牡丹蝦, 好大隻, 夠鮮甜。隔離係放壽司的：有三文魚、鳥貝、蟹柳和不同反卷壽司。再過啲係沙律吧，有青瓜、有機豆苗、車厘茄、冰鎮秋葵、粟米和沙律菜，醬汁方面有意大利酸汁、千島醬和沙律醬。食材都新鮮, 而且不時添加。對面位置有中式點心區, 因我太喜愛食小籠包,所以一次過攞了蒸小籠包, 和上湯蟹籽小籠包，夠多肉汁。熟食區都好多選擇，有青口、大阪燒、章魚燒、雞煲、魚和蓮藕等，之後店員送上套餐包的扇貝、生蠔、大蝦和肥牛, 每人一件, 肥牛可自己加啲鹽同黑椒,味道更帶出牛的香味 , 再出出面攞多啲肉來燒,有土匪雞翼, 超愛, 味道惹味, 還取了雞腎、牛肉粒,腸仔、牛油

無睇到人地宵夜時段食評, 原來真係得啖笑, 點解?! .星期六晚人數比想像中少, 第一轉出去的確已補齊食材, 食完第一轉可能都係十分八分鐘, 想補返d肥牛, 點知無晒, 再睇下d牛扒仔, 又無晒, 正在以為佢地會補, 點知後面的阿姐問左肥哥哥話無架啦, 唔會補, 我小喇叭, 第一轉先拎到幾片, 咁快就唔補, 最少都補幾轉係嘛, 好多野出左第一次就唔補, 真係離晒譜, 最搞笑就係唔知邊位咁有心, 將D豬腩肉補係肥牛果盤度, 真係唔好當食客傻之得架, 唔知佢地有心定無心, 超失望, 熱食又唔補, 凍食又唔補, 就連雪糕都唔補, 餘下一個豆腐味......  .雖然第2位半價, 但3個人平均都要$222位, 講真呢個價有好多選擇, 今次係豬左, 宵夜時段大家真係要諗清楚..*** 今次唔敢影相, 費事被人XYZ.....

校長燒肉再encore!由於老公太鍾意食放題，我唯有捨命陪君子，今次係觀塘廣場分店，地利位置很方便，地鐵站行去2分鐘，有專lift直上15樓，裡面格局同另外的分店大同小異，攞位後當然立即衝去拎嘢食。老公第一時間食刺身，三文魚、喜靈魚、墨魚、螺片、刺身蝦等，我感覺呢間分店的刺身比大埔那間更好！要讚下佢隻蝦，又大又鮮好好食！我今次決定先玩火鍋，本身有三款湯底可選，壽喜燒剛好無了，就用韓風辣湯和日式豬骨湯，兩者都唔算好濃味。辣湯都只是極小辣程度，可以放心食用，拎煲時記得睇清楚係係唔係分兩隔的鴛鴦煲，因為有些是單鍋。食物方面依然有食唔晒咁多既款，打邊爐來講我都係通常丸、餃、菜和肥牛，佢有隻芝士魚蛋都幾好食，出邊好似未食過，肥牛切得比較細塊，但勝在任食唔嬲，所以大疊大疊咁夾！有些食物火鍋又得韓燒又得，不過扒類和雞翼都通常燒啦，兩邊一齊整嘅好處就係呢邊等緊熟，嗰邊已經食得，所以個嘴係冇停過！最後仍然要留肚食我最愛的甜品，除左唔同既糕點、奶凍、啫喱等，今次仲有芋頭西米露同埋雪耳燉木瓜，咁滋潤梗係要整番碗，兩款都足料好味！另外有杯裝雪糕和雪條，包括榴槤味雪條，切勿錯過！

自從認識左校長燒肉，想食燒肉或者放題都真係不作他選，因為呢度實在太抵食，一個價錢可以刺身、燒肉、火鍋等任飲任食，週末五點入座，食兩個鐘每位成人都係只需要$168 。通常一坐低就急不及待去拎嘢食，識食嘅梗係邊燒邊食熟食，熟食選擇都相當多，炸物類、小菜類、小食類，都未計刺身壽司嗰啲，所以真係唔使燒唔打邊爐都一定夠飽，今日最開心食到豬紅，好耐冇食啊！仲有煎堆仔、炸雞件和迷你pizza。同埋要食一些沙律做底，因為韓燒會比較多肉，所以一定要食多啲蔬菜先，沙律菜都有幾款，仲有唔同醬汁可混合。食到咁上下，燒緊嘅食物都差唔多了，燒漢堡扒、雞軟骨、多春魚、雞翼等都係我愛嘅食物，除咗出面拎嘅食物，佢仲每台特別送一set好嘢，包括大蝦、蠔、扇貝同埋安格斯牛，啲蝦好大隻好新鮮好味，牛都好唔錯，扇貝要小心掌握時間，否則會燒得太乾，下次應該試吓火鍋淥都唔錯，蠔都幾大隻而且鮮味。呢度嘅開心之處仲包括飲品任飲，唔單止汽水果汁，連啤酒梅酒都有，喜歡劈酒的人士真係抵晒，養生嘅朋友亦都可以揀花茶，我每一次都話想試吓，但結果每一次都走咗去開雪櫃😂甜品當然都有好多選擇，不過次次都已經飽到捧住個肚，食到杯雪糕都好叻了！

🍽校長燒肉日韓料理 平時成日諗食咩都三心兩意，又想打邊爐，又想食燒肉，又想食吓中式小菜。最近發現咗原來觀塘廣場樓上有一間餐廳可以滿足晒咁多個願望！🤍火鍋呢度有齊晒林林總總嘅火鍋配料，一般會食到嘅丸、菜、餃子、肉類同埋唔同嘅粉面都有～湯底方面我哋就要咗個鴛鴦鍋，一邊係壽喜燒湯底另外一邊係豬骨湯。個人就覺得壽喜燒比較有特色。🤍燒肉呢度每個燒烤爐都鋪咗層牛油紙喺上面，令到一路燒嘅時候啲肉唔好黐底，我哋就唔使燒燒下就要等人哋換爐～食物方面，都係唔同種類嘅肉都有齊，任君選擇，但係味道方面就會比較淡少少，不過配埋燒肉汁食就啱啱好🤍小食、壽司刺身、點心估唔到嘅係雖然佢叫做日韓料理，但係連中式點心都有，我哋都食咗啲蝦餃燒賣小籠包等等，因為唔係即蒸嘅關係，同一般酒樓食到嘅味道有少少出入，但係對於只係淺嘗一下嘅我哋來講就無傷大雅～壽司刺身算唔上十分新鮮，但係有得食都已經覺得好開心！🤍飲品一般食放題嘅飲品，好似汽水、啤酒等等呢度都係全部都有！令我眼前一亮嘅係見到呢度竟然有養生花茶！佢寫明晒每款花茶有啲咩功效，仲可以幾款混合嚟飲！💰人均消費：$238+10%📍觀塘開源道68號觀塘廣場15樓

之前已經吃過一次，對它的印象很好。知道了最近在觀塘開了分店二話不說立刻訂座😉放題有大量食物選擇，有適合燒烤的肉類、火鍋食材，另外也有salad bar和日韓式的前菜。有泡菜、喬頭……當然不能錯過刺身和壽司，甜蝦大大隻還有新鮮的三文魚、油甘魚等等，沒有想到這個價錢可以有這麼多刺身選擇另外當然不能錯過炸物，有鹹也有甜，必推炸春卷和麥樂雞還有熟食選擇，當晚有辣酒東風螺、烤豬頸肉、蒜蓉炒菜，白酒青口… 大家在等待燒烤時可以先吃這些最後還有甜品任君選擇，有不同的蛋糕和布丁類，另外還有楊枝甘露。我吃了冰菠蘿、冰哈密瓜和冰西瓜，全部都很甜，透心涼！最後大家還可以調配花茶，幫大家下下火

{火鍋燒肉壽司全部齊曬💛} #校長燒肉日韓料理校長燒肉係觀塘開左分店啦🎊之前係大埔食過！平靚正！性價比好高！.❣️日式區剌身有三文魚，吞拿魚，魷魚等等！壽司就有三文魚壽司同壽司捲！🍣但大埔分店嘅種類多啲，大埔仲有花之戀添！.❣️炸物有炸薯角，炸薯餅，炸吉列蝦就最受歡迎！炸得香脆！蝦都幾大隻！值得一食！😋.❣️熟食有豬頸肉，炒青口，小龍蝦，豬紅等等！保溫做得幾好，味道都好正常！.❣️肉類有成40款左右，我覺得最好食嘅都蒜香雞扒，雞翼，香草羊架，雞軟骨，肥牛！.❣️蔬菜要三色椒，韭菜，南瓜，杏鮑菇等等！好多好多款🌟.❣️火鍋有三組湯底選擇，最鍾意壽喜燒，好夠濃👍🏻.📝總結大埔分店嘅食物種類同環境都比觀塘好！觀塘絕對唔差，不過食過大埔嗰間就會覺得有啲對比！但係冇食過大埔就會覺得觀塘已經好好！🌟.🤍食完俾分時間🤍🍔食物： 8/10🏝環境： 7.5/10👩🏻‍🍳服務： 7.5/10📸打卡： 8/10🔥推介： 8/10.📍 校長燒肉日韓料理 觀塘開源道68號觀塘廣場15樓B號舖#香港 #香港美食 #美食分享 #香港吃貨 #hkfoodie #hkfood #foodie #hk #food

校長燒肉相信大家都唔陌生，佢出名價錢平、多嘢食，非常之抵！假日同家人嚟食，食7:15pm門口已經有好多人排隊，7:15pm就開始入座，出邊有唔同嘅自助區拎食物。呢度所有都係自助形式。有燒烤區，多款燒烤肉類：豬、牛、雞樣樣都有。火鍋區亦都有多款配料：墨魚丸、陳皮魚蛋、蟹子丸、餃子、生根、蔬菜類等等，多到數唔晒。熟食區亦都有好多食物，仲有中式點心。而最受歡迎當然係壽司及刺身區。呢度仲有炸物、甜品種類都好多。甜品櫃都有兩個。另外仲有雪糕、雪條等等。食物質素呢個價錢放題來講都尚算唔錯，刺身新鮮，燒肉種類較多，肉質都正常！炸嘢我覺得炸得幾好食夠熱！呢度仲可以打埋邊爐，一邊燒肉一邊打邊爐，滿足晒兩個慾望。我覺得觀塘分店食物質素比元朗高好多～最後雪糕揀咗伯爵茶味，有驚喜。茶味香濃幾好食！

早排聽同事講有間放題好食之餘又種類繁多，覺得非常之正，所以專登嚟試吓佢觀塘分店，一去到門口已經見到有一比一嘅iron man係到，心諗呢間餐廳嘅老闆一定係iron man嘅fans，之後係行入去坐低途中望一望個環境，已經見到好多唔同種類嘅嘢食，佢分左幾個區，分別有燒肉區、醬油區、中式點心區、日式食品區、飲品區、仲有各式各樣嘅熟食，當然唔少得就梗係佢嘅甜品區，先講一講佢嘅燒肉方面，基本上你講得出想燒嘅嘢佢都有，包括一啲肉類好似雞翼雞扒牛肉牛扒羊架等等，仲有唔同嘅腸類，好似台灣腸啊嗰啲好大嘅豬肉腸呀牛肉腸呢啲都應有盡有，食得太多肉類？佢仲會有唔同嘅蔬菜比你燒添，而當中我最鍾意嘅，就係佢嘅魚柳啦，佢嘅魚柳分左，用香草醃同埋韓式泡菜醃，啲魚柳燒完之後，非常嫩滑同入味，而且一條骨都無，非常適合我呢啲咁懶嘅人，而佢嘅日本刺身亦非常新鮮，以佢個牡丹蝦為例，又大隻又鮮甜，估唔到放題刺身都有呢一種質素，實在係不錯，食完咸食，就梗係要食下甜品來作完美嘅完結啦，佢個甜品種類都好繁多架，幾種唔同嘅雪糕雪條選擇，又有西瓜冰蜜瓜冰同菠蘿冰同埋有唔同味道嘅果凍，仲有一啲自製嘅小甜品，而且每樣份量唔算太多，等你可以試

朋友正日生日咁啱表示一路都想食校長燒肉，所以就賀下佢請佢食返餐好既，觀塘廣場間分店超大，要讚下佢廁所好乾淨👍飲品吧食物吧全部係曬場中間，選擇非常之多，包括點心，刺身，壽司，炸物等等，一應俱全，滿足曬你咁多個願望，火炙三文魚壽司出色，入口魚油味香濃，沙律醬又夠，好好味，刺身大赤蝦同榮螺片等亦非常新鮮，燒肉個人好中意食香草龍脷柳，大力推介真係必食，肉質嫩滑，快熟又惹味，又完全唔驚有骨，雞軟骨size適中，韓式味辣辣地幾開胃，每張枱都有椒鹽粉，所以無醃既食物客人都可以自己決定落幾多，羊架配燒汁都一流，點心我試左個蟹子小籠包，都幾好食喎原來，湯底味道甜甜的，飲品最愛忌廉鮮奶佢地都有提供，放題黎講佢地性價比真係高。